Connect with Us

Faktet/ Të gjitha mediat, papagallë të Erion Veliajt

Lajm i Rekomanduar

Faktet/ Të gjitha mediat, papagallë të Erion Veliajt

Publikuar

-

Në Shqipëri ka një kapje totale të medias nga qeveria apo pushteti. Por, më shumë sesa pro qeverisë apo kryeministrit Edi Rama, shumica e mediave dhe portaleve po i shërbejnë me devotshmëri, 24 orë në 24 kryebashiakut të Tiranës, Erion Veliaj.

Edhe ato që hedhin ndonjë “spec djegës” ndaj kryeministrit, ndaj kryebashkiakut të Tiranës nuk guxojnë ta bëjnë diçka të tillë.

Por, le t’i marrim faktet dhe t’i analizojmë një e nga një.

Le ta fillojmë nga televizioni kombëtar Top Channel, i drejtuar nga aksionerja në pakicë Vjollca Hoxha, televizioni më i madh në vend, i cili transmeton kronikat dhe kasetat pafundësisht.

I thur “furça” dhe lavde Erion Veliajt ditë e natë. Ndoshta historitë me kioska, ndoshta historitë me pazare, ndoshta ato që thuhen lart e poshtë për sponsorizime e financime me qindra mijëra euro apo miliona të tilla, kanë bërë që Top Channel të mbyllë gojën përballë kryebashkiakut dhe vetëm të nxjerrë fletët e lavdërimit.

Kështu ndodh edhe me televizionin Klan, të Aleksandër Frangajt. Nuk ka ndonjë ndryshim të madh me Top Channel, por ajo që bie në sy është se shpesh herë emisioni “STOP” i vërsulet Veliajt dhe ka një formë kritike ndaj kryebashkiakut të Tiranës.

Le të shkojmë më tej tek News 24, i Irfan Hysenbelliut apo mediat rreth tij si Panorama apo Balkanweb e kështu me radhë. Asnjë fjalë kundër kryebashkiakut të Tiranës. Edhe pse ka pasur një emsion të fortë kritik si “Të paekspozuarit”, e Ylli Rakipit dhe në atë panel nuk sulmohej kurrë Veliaj. Flitej për oligarkë në përgjithësi, për betonizim e të tjera si këto, por asnjëherë për kullat nuk akuzohej Veliaj, por për gjithçka gishti i drejtohej kryeministrit Rama.

Më tej një televizion tjetër, Ora News, e Ylli Ndroqit (Xhemail Pasmaciut ). Ashtu si dhe i pari, shpesh në “furça” e “lëpirje” pa fund ndaj kryebashkiakut të Tiranës transmeton kasetat dhe nuk ka asnjë kritikë, edhe pse Artur Zheji përpiqet shpesh të ketë një emision të fortë dhe dinamik ndaj kryeministrit, është në fakt asgjë më shumë sesa nje fasadë ndaj kryebashkiakut të Tiranës.

Televizioni Report Tv, i Carlo Bollinos, s’po e përmendim fare se ska nevojë hiç për t’u faktuar, është fakti brenda.

Më tej ka edhe shumë televizione, portlae apo media të tjera, të cilat nuk bëjnë gjë tjetër, por vetëm i mbajnë ison kryebashkiakut të Tiranës. Transmetojnë kasetat, shkruajnë materialet që u çojnë me e-mail, a thua se Bashkia e Tiranës i ka punët aq mirë dhe po e bën kaq të mirë kryeqytetin sikur ndodhemi në një vend europian apo në Shtetet e Bashkuara të Amerikës.

Megjithëse Tirana përditë ka tendera, korrupsion, skandale, ka persona që bien nga skela dhe vriten apo të tjerë që gjenden të vrarë duke punuar dhe duke pastruar plehrat në varrezat e Sharrës, ndërkohë që kryebashkiaku i Tiranës me shumë dosje penale i mbyll ato një e nga një në prokurori. Ashtu siç i mbyllte dje me Petrit Fushën, po i mbyll edhe sot.

Por, le të shkojmë tek portalet. Mos të merremi me ato të qeverisë, por le të shkojmë tek opozita.

Le të shkojmë tek “Syri” i Çim Pekës, i cili luan tenis apo hedh valle me Lali Erin. Një media e cila pretendon se ka frymën opozitare kundër qeverisë, kundër Edi Ramës, kundër Erion Veliajt. Por, në fakt nuk bën gjë tjetër, thjeshtë dhe vetëm vazhdon dhe e “lyen” atë, si televizionet e mësipërme. Ka marrë një “furçë” dhe zbuluron fasadën e Lali Erit. Rrallë herë ndonjë qëndrim thuajse totalisht politik, asnjë denoncim konkret, asgjë në interes të qytetarëve dhe asgjë e drejtpërdrejtë kundër Veliajt. Asnjë skandal, asnjë zbulim. Gjithçka thjeshtë dhe vetëm një fasadë ndaj kryebashkiakut të Tiranës, që mesa duket Çimi dhe media “opozitare” e duan shumë.

Këtu kaluam disa nga ato kryesoret, përfshirë dhe ato opozite, apo dhe vetë opozitën, e cila shpesh hesht kur ka skandale në Bashkinë e Tiranës. Hesht kur ka lejet e betonit, sepse është e lidhur vetë dhe ka vetë pazaret e saj dhe përfiton milionat nga kryebashkiaku i Tiranës.

Kjo është e vërteta që qytetarët e Tiranës dhe të Shqipërisë e shohin dhe e prekin çdo ditë. Ndërkohë që Tirana po betonizohet, ndërkohë që kryebashkiaku Veliaj pretendon se nuk do të kishte asnjë kullë në kryeqytet, betoni vazhdon të hidhet çdo ditë dhe askush nuk flet. As televizionet, as mediat e opozitës. Të gjithë kanë heshtur, të gjithë i ka blerë Erion Veliaj dhe të gjithë i shërbejnë atij.

Jo vetëm ata që u ka punësuar fëmijët nëpër institucionet e ndryshme në varësi të bashkisë, por dhe ata që nuk kanë të punësuar në bashki, kanë marrë leje ndërtimi, kanë përfituar tendera në Bashkinë e Tiranës. Pa përjashtim të gjithë./ CNA.al

“Të vret natën dhe të qan ditën”/ Bamirësi Erion Veliaj, i “përlyer me gjakun” e Ardit Gjoklajt

Si po zhduken shkrimet kritike ndaj Ramës dhe Veliajt/ Zbulohet kompania që sulmon mediat

Pse mediat i mbajnë ison Erion Veliajt?

KLIKO PER TE KOMENTUAR

Komentoni

Your email address will not be published. Required fields are marked *

Lajm i Rekomanduar

Kush e ka radhën pas Tahirit?!

Publikuar

-

Nga

Pas një procesi gjyqësor maratonë, i cili zgjati rreth dy vite, mbrëmjen e djeshme, Gjykata për Krimet e Rënda shpalli vendimin për ish-ministrin e Brendshëm Saimir Tahiri.

Një gjyq maratonë, në finale Gjykata rrezoi tre akuzat kryesore ndaj Saimir Tahirit, si Trafik i narkotikëve kryer në bashkëpunim në formën e grupit të struktuar kriminal; Pjesmarrje në grup të strukturuar kriminal dhe Kryerja e veprës në grup të strukturuar kriminal, për të cilat tha se nuk ka prova të mjaftueshme. Por, Tahiri është dënuar nga gjykata për shpërdorim detyre, akuzë për të cilën vendosi të dënojë me 5 vite burgim. Duke qënë se ish-ministri ka kërkuar gjykim të shkurtuar, dënimi përkthehet në 3.4 vite shërbim prove.

Shumë njerëz e quajnë dënim, disa të tjerë jo, disa e duan pas prangave, disa të tjerë shkonin e solidarizoheshin dhe e quanin të pafajshëm. Por, çështja ende nuk ka përfunduar dhe pritet që të ketë edhe një vendim të Apelit të Krimeve të Rënda, për tu quajtur finale.

Procedura për Tahirin pas pak kohësh merr fund dhe mund të quhet ndoshta edhe e përfunduar pasi vendimi i gjykatës, ashtu sikurse shumë media e raportonin dje, ishte nën presionin e autoriteteve të ambasadës amerikane, të cilët monitoruan këtë çështje, por “Tahiri” mund të quhet çështje e kaluar tashmë. Me dy vjet gjyqe dhe me një vendim që zgjati maratonë.

Lind kush e ka radhën?

Pritshmëritë janë të mëdha. Reforma në Drejtësi, SPAK në ditët e tij të para dhe shqiptarët që shpresojnë se do të ketë disa politikanë të dënuar me fakte dhe me prova konkrete dhe jo më të dënuar me indicie dhe ndoshta jo vendime si ky i dhënë ndaj Tahirit, i cili deri në momentin e fundit pretendon se është i pafajshëm.

Ai është në të drejtën e tij, por edhe shqiptarët janë në në të drejtën e tyre të shikojnë se kush e ka radhën pas Tahirit. Janë e gjithë kasta politike në Shqipëri për të cilën faktet janë reale , janë pronat dhe pasuritë e tyre që flasin vetë, shpërdorimi i detyrës që kanë bërë në 30 vite, abuzimet me pushtetin dhe për këtë njerëzit presin emra konkretë.

Që nga presidenti Ilir Meta, që nga ministrat e tij, që nga kreu i opozitës, Lulzim Basha, që nga kryeministri Edi Rama dhe minsitrat dhe ish-ministrat e tij, e gjithë kasta e korruptuar e Shqipërisë.

Mjafton t’ju shikohen deklarimet e pasurive dhe ashtu siç po ndodh me Reformën në Drejtësi, pas gjyqësorit radhën duhet ta ketë politika./ CNA.al

“Ish-ministri zbërthen mesazhet e koduara?”/ Çfarë do të thotë sot Saimir Tahiri

LEXO TE PLOTE

Lajm i Rekomanduar

“Ish-ministri zbërthen mesazhet e koduara?”/ Çfarë do të thotë sot Saimir Tahiri

Publikuar

-

Nga

Mbrëmjen e djeshme Gjykata për Krimet e Rënda hodhi poshtë tre akuzat kryesore ndaj ish-ministrit të Brendshëm, Samir Tahirit, si Trafik i narkotikëve kryer në bashkëpunim në formën e grupit të struktuar kriminal; Pjesmarrje në grup të strukturuar kriminal dhe Kryerja e veprës në grup të strukturuar kriminal, për të cilat tha se nuk ka prova të mjaftueshme.

Tahiri është dënuar nga gjykata për shpërdorim detyre, akuzë për të cilën vendosi të dënojë me 5 vite burgim.

Duke qenë se ai kishte pranuar më parë gjykimin e shkurtuar, atëherë dënimi sipas vendimit, konvertohet në 3 vite e 4 muaj shërbim prove. Po ashtu zotit Tahiri i ndalohet të ushtrojë funksione publike po për të njejtën periudhë.

Ish-ministri i brendshm në një prononcim për mediat pas vendimit e ka cilësuar si absurd vendimin e Gjykatës, dhe ka paralajmëruar se do ta çojë në Apel.

Por, përtej kësaj Saimir Tahiri ka bërë edhe një tjetër paralajmërim të fortë. Ai ka thënë se “sot do të flasë”.

“As qesh, as qaj dot, por nesër po iu ftoj që të ndajmë bashkë ca mendime. Ku di unë, mu duk një gjë e tipit je i fajshëm po s’ kemi këllqe të ta themi. Prisni deri nesër, më vjen keq nuk iu përgjigjem dot më shumë.”-tha Saimir Tahiri, mbrëmjen e djeshme jashtë dyerve të gjykatës.

Çfarë do të thotë sot, njeriu i cili prej dy vitesh që zgjati seanca maratonë, ka folur vetëm me kode.

Tani duket se situata ka ndryshuar dhe pas dënimit, Tahiri i ka të gjithë përpara. Duke filluar që nga kryeministri Edi Rama, që për Tahirin është ai “shefi i madh”, sa i takon politikës, duke shkuar më tej tek kryebashkiaku i Tiranës, Erion Veliaj  që i doli në rrugën e tij malore, i cili është një nga kundërshtarët e tij kryesorë, ndoshta edhe më shumë sesa vetë Sali Berisha dhe Lulzim Basha. Të dy këta të fundit ishin të pa kënaqur nga dënimi i dhënë.

Për të shkuar më tej edhe tek “dora e zezë”, për të cilën fliste kohë më parë ish-ministri Saimir Tahiri.

Pritet të shohim çfarë do të thotë sot, megjithëse shigjetat pritet të jenë jo vetëm për drejtësinë, por edhe për politikën.

Deri në mbylljen e proçedurës në Apel dhe dhënien e një vendimi përfundimtar, Tahiri nuk do të burgoset përfundimisht dhe pritet që ai të flasë, të lëshojë mesazhet e koduara dhe shigjetat ndaj politikës dhe ndoshta mund të zbërthejë edhe disa nga mesazhet e tij të koduara./ CNA.al

“Ruhuni nga kushërinjtë”/ Tahiri bën paralajmërimin e fortë

LEXO TE PLOTE

Lajm i Rekomanduar

Foto-“Duhet të zhbëni këtë kolazh të pistë që të shpëtoni”/ Kulluri bën thirrjen e fortë

Publikuar

-

Nga

Ish-anëtari i Këshillit Kombëtar të Partisë Demokratike, Edvin Kulluri i ka bërë sot një thirrje të fortë qytetarëve.

Në një postim në rrjetet sociale, Edvin Kulluri ka shigjetuar kreun e PD-së, Lulzim Basha dhe kryeministrin Edi Rama. Ai ka publikuar një kolazh fotosh, nëpërmjet të cilave kërkon tju tregojë shqiptarëve se të dy janë “vegla” të Soros në Shqipëri.

Sipas Kullurit e vetmja zgjidhje për të shpëtuar është që të zhbëhet ky kolazh fotosh dhe konjukturë e pistë, sikurse e cilëson ai.

Po ashtu ai apelon qytetarët që të mos bëhen pjesë e Teatrit, por t’i dalin përballë të keqes.

“Cfare ka qe bertasin njerezia per drejtesine e munguar? Kush po i kerkon llogari kujt? Kujt i ankoheni dhe kush bertet me ze te ngjirur? Kush eshte zgjidhja? Nga kush e prisni zgjidhjen? Kur te zhbeni kete kolazh fotosh dhe konjukture te piset do kuptoni se fajin e kemi vete! Mos u beni pjese e teatrit por dilini perballe!”-shkruan Kulluri në postimin e tij./ CNA.al

LEXO TE PLOTE