Connect with Us

Kriminalizimi nga Rilindja dhe heshtja e socialistëve

Lajm i Rekomanduar

Kriminalizimi nga Rilindja dhe heshtja e socialistëve

Publikuar

-

Kryeministri Rama tek selia e PS

Nëse ka një akt të paprecedentë të skenës së politikës shqiptare është futja krimit, bandave dhe personave të përfshirë në afera të pista, në nivelet më të larta të administratës shtetërore.

Gjithçka ndodhi me ardhjen e Rilindjes në pushtet në vitin 2013, kur ajo që Sali Berisha e qujati “aleanca e qelbësirave”, iu vërsul pushtetit. Edi Rama kishte bërë aleancë edhe me “djallin”, kishte mbushur listat e deputetëve me persona të inkriminuar. Duke pasur frikë se do të humbte zgjedhjet dhe se karriera e tij politike do të merrte fund, Edi Rama kishte shkuar dhe kishte bërë aleancë me krimin. Një akt i paprecedentë politik në historinë e vendit.

Gjithësesi përtej akuzave se palët janë njësoj apo se palët kanë bandat e tyre, ka një fakt, Rilindja kriminalizoi Partinë Socialiste. Dhe rreth 30 persona, në nivelet më të larta zyrtare, përfshirë këtu deputetë dhe kryebashkiakë, me dhjetëra e dhjetëra të tjerë me detyra drejtorë në nivelet më të rënhdësishme lokale, përfshirë këtu edhe Klement Balilin, i akuzuar si eskobari i Ballkanit. Edhe pse i emëruar nga aletatët e Ramës, gjithësesi ishte pjesë e niveleve të larta drejtuese, gjatë aleancës PS-LSI.

Rilindja kriminalizoi Partinë Socialiste, ku për gjithçka, për çdo moment, kreu i saj Edi Rama thotë, “nuk e dija”, “nuk kisha dijeni”, “janë gabime të së shkuarës”, e të tjera si këto.

Por, e vërteta duket të jetë krejt ndryshe. Kriminalizimi i PS-së ka ardhur nga Rilindja në 2013, si një aleancë për të rrëzuar nga pushteti Sali Berishën. Dhe së dyti si një shpërblim ndaj tyre për të kontrolluar zona, të cilat kanë qënë bastione të PD-së.

Së fundi ndodhi edhe në Shkodër, ku Valdrin Pjetri, kandidati për kryetar bashkie akuzohet se është dënuar në Itali për trafik droge, dënim për të cilin ai pretendon se nuk është në dijeni. Por, gjithësesi kaq mjaftonte që karriera e tij politike të merrte fund.

Edhe në këtë rast, Edi Rama tha “Unë e dorëzoj”, ashtu siç ka bërë me Elvis Roshin, me Arben Ndokën apo me dhjetëra e dhjetëra zyrtarë socialistë, deputetë e kryebashkiakë, të dënuar më parë për akuza që nga trafikimi i drogës, krijimi i grupeve kriminale, prostitucioni, përdhunimet e kështu me radhë.

Në këto gjashtë vite, Rilindja ka vaznduar të kriminalizojë dhe të shpërblejë ata që e kanë mbështetur, megjithëse i kishin dosjet shumë të trasha kriminale, duke bërë një vesh shurdh e një sy qorr, duke luajtur rolin e të paditurit dhe duke thënë se nuk kishte dijeni kreu i qeverisë, për çfarë kishte në dorë.

Por, ndërkohë lind pyetja, për çfarë ka qënë në dijeni kryeministri ynë?

Si nuk ka qënë në dijeni për influencat dhe peshën e tyre kriminale, kur ai vetë i kishte vendosur në lista?

A nuk i vendosi ai vetë si njerëz të fortë dhe me peshë që kontrollonin zonat e tyre?

Le ta quajmë se nuk ka pasur informacion në 2013-ën, por a mund ta mohojë këtë Edi Rama në 2019, kur prej gjashtë vitesh është kryeministër i vendit, ka nën kontroll të gjitha agjencitë ligjzbatuese, të cilave mund t’ju kërkojë informacion për çdo kryetar bashkie. Për çdo person që emërohet në poste të larta zyrtare, mund ti kontrollojë nga SHISH, nga policia, për të verifikuar pastërtinë e figurës së tyre dhe për t’i emëruar ata më pas në poste të larta shtetërore.

Me shumë gjasa Edi Rama e ka ditur, por ai ka dashur të emërojë besnikët e tij, njerëz që e mbështesnin dhe që do t’i ishin mirënjohës vetëm atij, sepse ai ka vetëm një qëllim, personalizimin e pushtetit. Gjithçka kërkon ta përqëndrojë tek dora e tij. Dhe dora e tij ka nxjerrë vetëm krim, vetëm persona dhe personazhe me shumicë të dënuar dhe të përfshirë në dosje me akte të rënda kriminale.

Por, një çudi tjetër është fakti se në këto gjashtë vite, socialistët kanë heshtur dhe kjo është më e papranueshme nga të gjithë. Sesi një parti mund të pranojë, që një grup i caktuar që merr kontrollin e saj, përfshirë këtu kryeministrin dhe një shpurë që shkonte pas tij, të kriminalizonin partinë e tyre.

Përtej asaj që ajo është ish-Partia e Punës apo që akuzohet si përgjegjëse për 45 vite krime politike në Shqipëri, në 30 vite PS-ja është reformuar së tepërmi, por së fundi nga akuzat si një parti komuniste e kriminalizuar dhe e përzier në vrasje politike në 45 vite diktaturë në Shqipëri, sot po merr ngjyrën e një partie të kriminalizuar, jo nga diktatura, por nga droga, dosjet dhe kandidatët, deputetët dhe drejtorët e Edi Ramës, të cilët janë njerëz të dënuar për prostitucion, drogë dhe trafiqe.

Dhe askush në PS nuk ka folur. Nuk ka folur as Pandeli Majko, as Gramoz Ruçi, as Bashkim Fino, as Arta Dade, as Erion Braçe dhe kushdo tjetër nga socialistët e vjetër, nga ata të vërtetët e Partisë Socialiste.

As Fatos Nano nuk ka folur. Nuk ka folur as Rexhep Mejdani për kriminalizimin e vërtetë të Partisë Socialiste, ku kriminelët dhe personat e dënuar apo përfshirë në precedent të rëndë kriminalë janë emëruar nga niveli më i lartë në administratën shtetërore, deri në atë më të ulët.

Këtë e ka bërë opozita, e cila thjeshtë ka bërë detyrën e saj. Por, ende sot socialistët, megjithëse partia e tyre poi u kriminalizohet, ku çdo ditë plasin skandale me personazhe apo personalitete të rëndësishëm të partisë, të sjellë nga Rilindja, që gjithmonë u zbulohen dosje, dalin me vepra penale. Por, të gjithë heshtin.

Sot pas gjashtë vitesh, ende nuk ka një socialist që t’i ketë dalë përballë Edi Ramës dhe t’i ketë thënë “Boll me të dënuarit, boll me krimin, boll me bandat”. Dhe kjo ka ardhur edhe për një arsye tjetër. Sepse në Partinë Socialiste nuk funksionojnë më strukturat, në PS nuk ka më një piramidë kontrolli. Por, ka vetëm njerëz që Rilindja i merr nga rruga për interesa të saj dhe i emëron në poste të rëndësishme shtetërore.

Kriminalizimi i Partisë Socialiste nga Rilindja është një akt që socialistët duhet ta zgjidhin vetë. Duhet ta zgjidhin duke reaguar ndaj Edi Ramës, duke qëndruar ndaj tij dhe çdo personi tjetër të sektit të Rilindjes që u ka kriminalizuar partinë dhe PS-në sot po e quajnë si partia e mbushin me banditë./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Lajm i Rekomanduar

Henri Çili avokat i korrupsionit dhe krimit në politikë/ Kërkon amnisti

Publikuar

-

Nga

Neimi Çili i Labinotit, apo sikurse i pëlqen ta quajnë, pasi ka ndryshuar emrin Henri Çili, nuk lodhet së përkëdheluri politikën, sa majtas-djathtas por edhe duke shërbyer si urrë për të shpetuar nga akuzat, krimi e korrupsioni. .

Ai që dikur bërtiste për një mandat të tretë për Sali Berishën, por që më pas shpalli Edi Ramën si njeriun e vitit dhe më pas instrument i Bashës, më tej në shërbim të Ramës sërish, së fundi nuk ka çuditur me një deklaratë të tij të përsëritur.

Henri Çili, i cili është mësuar të shkojë nga të fryjë era, mesa duket së fundi nuk po i dalin mirë llogaritë, dhe duke mos arritur ta kuptojë se nga do fryjë era, ka marrë përsipër të bëjë rolin e avokatit të korrupsionit dhe krimit në politikë për të gjithë.

Mbrëmjen e djeshme, Çili ishte i ftuar në emisionin “Provokacija”, të Mustafa Nanos ku tha se tranzicioni në vendin tonë është mbyllur.

Sipas Çilit tranzicioni ka qënë i suksesshëm dhe për këtë duhet falenderuar kasta jonë politike, që prej 30 vitesh rrjep shqiptarët, në çdo cep të vendit.

Për më tepër, Çili kërkoi edhe amnisti për politikanët hajdutë e të korruptuar.

“Ideja është që tranzicioni shqiptar është më i lavdishmi në periudhën e Shqipërisë, 30 vjetët e kësaj pjese të historie shqiptare.

Mua prandaj më vjen keq që kryqëzohet elita politike. Elita politike i ka bërë një shërbim Shqipërisë dhe për mendimin tim meriton të amnistohet dhe jo të ndëshkohet.”-tha ndër të tjera Henri Çili.

Duket se tani është sezoni turistiko-mediatik, ku Çili vërsulet ekraneve me teza për të nxitur debate publike. Qëllimi i tij final me pas është reklama e universitetit të tij për të rregjistruar sa më shumë studentë, pasi çuni nga Labinoti figuron i mbyrur në borxhe dhe kredi miliona euro./ CNA.al

Neimi i Labinotit e dredh sërish/ Fillon sulmet dhe akuzat ndaj Ramës

Lela jep lajmin: Basha pajtohet me Çilin

Akuza të rënda Henri Çilit/ Pedagogët e UET denoncojnë: Katër muaj pa rroga

Ekskluzive –Detajet/ Kur dhe si e ndryshoi emrin Çili i UET

UET-i, Universiteti i mbytur në borxhe mbijeton me “vaksina”

LEXO TE PLOTE

Lajm i Rekomanduar

“O zhapik langaraq”/ “Masakrohet” Petrit Vasili, nuk shpëton as Meta

Publikuar

-

Nga

Lëvizja Socialiste për Integrim, pas tetë vitesh në pushtet, katër vite me Sali Berishën dhe katër të tjera me Edi Ramën, me ministrat dhe drejtorët hajdutë, tashmë ka dy vite që ndodhet në opozitë.

Dhe në mungesë të “tepsisë” së pushtetit, tashmë kanë marrë “shpatën” në dorë e flasin e sulmojnë këdo, a thua se Shqipërisë i erdhi fundi vetëm se në pushtet nuk është më LSI-ja.

Ish-deputetët e LSI-së çdo ditë komentojnë në rrjetet sociale, gjithçka që ndodh në vend, duke mos kursyer as akuzat e forta.

Ish-kreu i grupit parlamentar të Lëvizjes Socialiste për Integrim, Petrit Vasili një ditë më parë ka bërë një postim në rrjetet sociale, ku sulmon hapur Reformën në Drejtësi.

Por, pas këtij postimi edhe qytetarët nuk janë kursyer ndaj ish-deputetit të LSI-së, por edhe ndaj kryetares aktuale të kësaj force politike, Monika Kryemadhi, por edhe ish-kreun e LSI-së, Ilir Metën.

“Ky zhapiku langaraq të pyesë të shoqen e kryetarit de jure të partisë së tij se ç’bënte ajo me ushtarët e saj të punësuar në administratë në kohën që I.M. ishte KM.”-shkruan një qytetar, duke iu referuar kështu kohës kur kryeministër ishte Ilir Meta, ish-kreu i LSI-së, sot president.

Ndërsa një tjetër qytetar shkruan “ O “zhapik” ku ke gojë e flet ti për “drejtësinë” e padrejtë?!”.

Po ashtu një tjetër qytetar, nëpërmjet një fotojë i kujton Vasilit, korrupsionin e Metës dhe floririn e vjedhur.

Më poshtë disa nga komentet e qytetarëve:/ CNA.al

LEXO TE PLOTE

Lajm i Rekomanduar

“Si nuk ke turp, korrupsioni ka arritur kulmin”/ Qytetarët i “nxjerrin bojën” Ramës

Publikuar

-

Nga

Kryeministri Edi Rama vijon ritualin e tij të propagandës, në rrjetet sociale, duke tentuar t’ju hedhë hi syve qytetarëve.

Mëngjesin e sotëm, Rama ka publikuar një tjetër rast, që sipas tij problemi i qytetarit u zgjidh pasi iu drejtua platformës për bashkëqeverisjen.

“Mirëmëngjes dhe me rastin shembullor të Albertit, që i’u drejtua platformës shqiperiaqeduam.al dhe e bëri të dëgjohet zërin e tij, duke zgjidhur jo vetëm çështjen e fëmijëve të fshatit ku jeton, por të tre fshatrave bashkë, ju uroj një fundjavë të bukur”-shkruan Rama në postimin e tij.

Por, qytetarët të cilët çdo ditë përballen me një realitet ndryshe nga propaganda e kryeministrit, kanë shpërthyer në komente.

Një qytetar shkruan se ka tre muaj që shkruan në portalin që propagandon kreu i qeverisë, por nuk ka marrë asnjë përgjigje.

“Kam 3 muaj rresht qe shkruaj në portal dhe e vetmja përgjigje që marr është “do ju kthejmë pergjigje pas 10 ditësh”…ndërkohë 10-ditëshi ka kaluar 6 herë”-shkruan qytetari.

Ndërsa një tjetër qytetar shkruan se korrupsioni, ka arritur kulmin.

“Ku te shkruaj unë se dje mora padrejtesinë tjeter. Korrupsioni ka arritur kulmin.E mira te te jem perball teje, se te kam dash shumë”.

Gjithashtu një tjetër qytetar shkruan “ Mirmengjesi zoti KM. Po si nuk ke turp qe na thua mirmengjesi pas asaj qe bere me Tahirin.”.

Ndërsa në një tjetër postim të Ramës, ku ky i fundit thotë se PS është gati për dialog me PD, në lidhje me Reformën Zgjedhore, një qytetar shkruan “Po për çfarë reformë zgjedhorë flet kur ke gjashtë vitë në pushtet dhe nuk ke ndryshuar një germë në atë kod që dikur ke premtuar se në momentin që PS do të fitoj pushtetin do ta ndryshoj në perputhje me standartet nderkombetarë e sidomos me votimin dhe numerimin elektronik etj etj.”./ CNA.al

LEXO TE PLOTE