Connect with Us

Rikthehet frikshëm dëshira e shqiptarëve për emigrim/ Rriten aplikimet për azil

Sociale

Rikthehet frikshëm dëshira e shqiptarëve për emigrim/ Rriten aplikimet për azil

Publikuar

-

Dëshira e shqiptarëve për të ikur është rikthyer sërish e fortë në pjesën e parë të këtij viti, teksa mes krizës së tejzgjatur politike, njerëzit nuk duket se po shohin dritë për të ardhmen e tyre brenda vendit.

Të dhënat e fundit paraprake të publikuara nga AESO, Zyra Europiane e Mbështetjes së Azilit, dhe të përpunuara nga Monitor, bëjnë të ditur se në 6 muajt e parë të vitit kishte 10,439 kërkesa për azil për herë të parë nga shqiptarët në një nga vendet e Bashkimit Europian.

Në raport me të njëjtën periudhë të një viti më parë, kërkesat për azil janë rritur ndjeshëm me 29.3%. Vetëm në qershor kishte gjithsej nga Shqipëria 1,787 aplikime, nga të cilat 1,576 ishin për herë të parë dhe 211 ishin aplikime të përsëritura.

Në raport me vendet e tjera të Ballkanit, shqiptarët mbajnë rekord në dëshirën për të ikur. Nga Serbia kishte 352 aplikime në total, nga Maqedonia e Veriut 192, nga Bosnja 122, nga Kosova 273 dhe nga Mali i Zi kishte vetëm 19 aplikime.

Në vitin 2015 u konstatua një rritje e ndjeshme e kërkesave për azil nga shqiptarët, duke arritur në total në rreth 69 mijë, nga 17 mijë vitin e mëparshëm. Më pas numri i tyre erdhi duke u ulur gradualisht, për të arritur në 19 mijë në vitin 2018 (shih grafikun: Aplikimet për azil në vendet e BE nga shqiptarët).
Por, muajt e parë të 2019-s po flasin për një rigjallërim të fortë të emigracionit, në një sinjal që duhet të shërbejë si alarm për politikëbërësit, që ta marrin seriozisht këtë dukuri dhe të kthejnë shpresën për të ardhmen e vendit. Një studim i fundit i Qendrës për Studime Ekonomike dhe Sociale gjeti se 70% e të rinjve që studiojnë në universitetet shqiptare kanë për qëllim të largohen nga vendi.

Profili i ri i emigracionit pas liberalizimit të vizave ka përfshirë të gjitha grupmoshat e popullsisë, në të gjitha qytetet e vendit, duke e çuar drejt zbrazjes së shpejtë, por së fundmi, stafet e mirëkualifikuara që punojnë në kompani me vlerë të shtuar dhe paga të larta.

Në vitin 2007, rreth 40% e personave me arsim të lartë donin të largoheshin nga vendi. Në vitin 2018, kjo tendencë është rritur me 13 pikë përqindje, pasi 53.7% e personave me arsim të lartë kanë pohuar se po planifikojnë të largohen nga vendi.

LEXO EDHE:  BBC: Vëllai i Kryeministrit Mustafa kërkoi azil në Gjermani

Shqiptarët refuzohen

Shqipëria përmendet në raportin e AESO si një nga vendet që ka ndikuar në rritjen e kërkesës nga shtetet që kanë akses të udhëtojnë pa viza në Shengen në gjysmën e parë të vitit, së bashku me Gjeorgjinë.

Kërkesat për azil janë të larta nga shqiptarët, ndonëse refuzimet për to janë të larta, teksa vendi ynë konsiderohet si i sigurt dhe për më tepër që është në proces integrimi për tu anëtarësuar në Bashkimin Europian.

Në qershor, nga 1700 vendime për herë të parë që u morën për aplikimet e shqiptarëve, 94% ishin negative, një nga normat më të larta të refuzimeve në botë. Për periudhën janar-qershor kishte gjithsej 10,758 refuzime për aplikimet e qytetarëve shqiptarë. Në total jane dhe 11.3 mijë raste që janë ende pezull.

Kërkesat për azil në BE rriten me 10% në gjysmën e parë 2019

Përafërsisht 337.200 aplikime janë kryer në total në BE + 1 në gjashtë muajt e parë të vitit 2019, me rritje 10% krahasuar me të njëjtën periudhë të një viti më parë, sipas raportit të ESAO.
Në qershor, qytetarët e Sirisë, Afganistanit dhe Venezuelës vazhduan të paraqesin më së shumti kërkesa për azil, ndonëse në rënie në krahasim me muajin maj.

Në mënyrë të ngjashme, qytetarët nga Iraku, Kolumbia, Pakistani, Shqipëria, Turqia, Nigeria dhe Irani gjithashtu paraqitën një numër të konsiderueshëm aplikimesh, por në rënie në raport me majin; kjo ishte veçanërisht e vërtetë për nigerianët (- 30%) dhe iranianët (- 25%).

Sidoqoftë, për pjesën më të madhe këto shtete kanë paraqitur më shumë aplikime deri më tani në 2019 në krahasim me gjysmën e parë të 2018; kjo ishte më e dukshme për shqiptarët, turqit, iranianët dhe palestinezët.

Shtetasit e vendeve të përjashtuara nga kërkesat për viza kur hyjnë në zonën Shengen kanë shënuar një numër në rritje aplikimesh.

Aplikimet nga ky grup arritën një rekord të ri në gjashtëmujorin e parë të vitit 2019, duke zënë rreth 27% të të gjitha aplikimeve të paraqitura në BE +; kjo peshë ishte vetëm 18% në të dy gjashtëmujorët e e vitit 2018. Rritja u nxit nga numri i lartë i aplikantëve nga vendet latino-amerikane, por edhe nga Gjeorgjia dhe Shqipëria./Monitor

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

“Nuk ishte aspak e lehtë”/ Moderatori fiton betejën me Covid-19

Publikuar

-

Nga

"Nuk ishte aspak e lehtë"/ Moderatori fiton betejën me Covid-19

Bledi Strakosha, përmes një mesazhi të shkurtër në profilin e tij në rrjetet sociale, thotë se ka fituar betejen me  Covid-19.



“Të dashur miq, më në fund trupi im e fitoi betejën me Covid-19. Tashmë rezultoj negativ në të gjitha kontrollet e bëra. Nuk ishte e lehtë, por gjithsesi shumë më pak e vështirë se lufta që po bëjnë shumë të tjerë që janë shtruar në spitale. Faleminderit nga zemra të gjithë mjekëve qe më ndoqën e asistuan me aq përkushtim. Faleminderit familjes sime Faleminderit shumëëë edhe secilit prej jush (të njohur e të panjohur) që më qëndruat pranë në rrjet e më dhatë kurajo. Ju lutem kujdesuni për veten! Virusi do bëjë të vetën por edhe ne duhet të bëjmë tonën”.

 “Të dashur miq, pavarësisht kujdesit të shtuar, sot rezultova pozitiv me Covid-19.  Ju lutem kujdesuni sa të mundeni për veten dhe të tjerët”, shkruante Strakosha më 28 korrik, pasi tamponi i tij doli pozitiv. /CNA.al

LEXO TE PLOTE

Sociale

Firma private dëmton rrjetin/ Plazhi i Drimadhes mbetet pa energji elektrike

Publikuar

-

Nga

Firma private dëmton rrjetin/ Plazhi i Drimadhes mbetet pa energji elektrike

Një pjesë e plazhit të Drimadhes në Dhërmi ka mbetur pa energji elektrike këtë të shtunë.

OSHEE bën me dije se se defekti ka ardhur për shkak se një subjekt privat ka dëmtuar rrjetin e tensionit të mesëm.

Brigada e emergjencës po punon për riparimin e avarisë dhe rikthimin e energjisë elektrike.



LEXO EDHE:  “Shqipëria shënon rekord të zi botëror”/ Është koha për të reaguar

“Një pjesë e zonës në Drimadhes (Dhërmi) është pa energji elektrike, pasi një subjekt privat dëmtoi rrjetin e tensionit të mesëm.

LEXO EDHE:  Emigrimet Kosovare/ Ndërron jetë në kufi një fëmijë

Aktualisht, në terren ndodhet brigada e emergjencës për riparimin e avarisë”, thuhet në njoftim./CNA.al

LEXO TE PLOTE

Sociale

Shi dhe shtrëngata, njihuni me parashikimin e motit për ditën e sotme

Publikuar

-

Nga

Shi dhe shtrëngata, njihuni me parashikimin e motit për ditën e sotme

Ditën e sotme do të mbetemi në kushte të paqëndrueshme atmosferike.

Në bregdet motit pritet të jetë i kthjellët, por në zonat e ulëta dhe malore do të ketë vranësira të shpeshta, të cilat gjatë pasdites do të sjellin rrebeshe shiu ne veri-verilindje dhe juglindje.

Reshjet do të jenë të herëpashershme në formën e shtrëngatave, ndërsa në relievet kodrinore’malore edhe në formën e stuhive apo rrebesheve afatshkurtër.



Mbrëmja parashikohet që të vijojë me kthjellime dhe vranësira. Më të dukshme vranësirat do të jenë në zonat malore.

LEXO EDHE:  LSI ultimatum Ramës/ Plotëso kërkesat e studentëve

LEXO EDHE:  Shkelen rregullat e lëvizjes “Shengen”/ Franca u mohon azilin 50 shqiptarëve

Temperaturat e ajrit do të jenë të ulëta gjatë mëngjesit, por do të rriten në mesditë duke luhatur vlerat ditore nga 12°C deri në 35°C.

Era do fryjë mesatare me shpejtësi deri 40 km/h nga drejtimi Verior-Veriperëndimor duke krijuar brigjet detare dallgëzim deri 4 ballë./CNA.al

LEXO TE PLOTE