Connect with Us

Nga Arian Galdini/ Për Valdrinin e Shkodrës apo ValKrimin e Shqipërisë

Opinione

Nga Arian Galdini/ Për Valdrinin e Shkodrës apo ValKrimin e Shqipërisë

Publikuar

-

Sapo lexova dje se PD ia nxorri letrat Valdrin Pjetrit, e sidomos fill pas reagimit vetëshfajësues të Edi Ramës, disa mendime shqetësuese ma mbuluan mendjen. Fillimisht mendova, po sa mirë që PD ua ka letrat këtyre njerëzve. Kjo tregon se PD i njeh mirë këta tipat dhe se nëse hiç asgjë nuk di e nuk mundet të bëjë politikisht kjo Parti, së paku agjensinë e investigimit apo spiunazhit partiak e paska më tepër se funksionale.Por rrjedhimisht lind edhe pyetja tjetër krejt natyrale dhe ulëritëse. Pse PD i ka pasur këta tipat si Arben Ndoka dhe ky Valdrin Pjetri drejtues të lartë në Administratën Publike gjatë qeverisjes së saj?
Përse?
Nuk u funksiononte asokohe i vetmja vetmi funksion politik që kanë adoptuar sot pra ai i Investigimit dhe Spiunazhit?
Apo e dinin shumë mirë të vërtetën dhe vendimi për ti integruar këta “delfinë” të krimit të organizuar në Administratën Publike ka qenë si akt bashkëjetese me marrëveshje? Pra vetë PD si parti investiguese dhe denoncuese e ditëve të sotme, së pari bën mirë të sqarojë pozicionin dhe rolin e saj në lidhje me emërimin dhe integrimin e këtyre “delfinëve” të krimit të organizuar në Administratën Publike.
A e ka ditur PD të shkuarën e tyre në momentin e emërimit? Po faktin se këta kanë qenë e mbeten “delfinë” të botës së krimit, a e ka ditur PD? Po sot a e di?
Sulmi me “plumba tek pullë”, eleminon politikisht një e nga një “delfinët” e krimit por e ka efektin e kontrolluar dhe më shumë ka axhendë politike dëmtuese ndaj Edi Ramës.
Platforma e vërtetë antikrim kërkon një masë të lartë sinqeriteti dhe vetëdijësimi duke sqaruar vetë PD paraprakisht pozicionin e saj politik në raport me “delfinët” e botës së krimit dhe paskëtaj duke kërkuash shkuljen e tyre me gjithë rrënjë nga çdo qelizë politike, partiake apo shtetërore në Shqipëri.
Zanafilla e këtyre njerëzve flet për një të shkur të tyre me PD. PD nuk mund të justifikohet me sloganin e dalë boje se “ne” i kishim drejtora por Edi Rama i bëri deputetë dhe Kryetarë Bashkie.
Mjaft më.
Avancimi i krimit në përfshirjen dhe akomodimin e tij në administratë dhe politikë është dialektik dhe i pashmangshëm, në momentin e parë që hidhet hapi i parë i bashkëjetesës së tij me Udhëheqësit dhe Partitë politike.
Derexheja ku jemi katandisur e ka një pikënisje dhe shërimi vjen vetëm nëse shkulja nga rrënjët e këtij fenomeni të “delfinëve” të botës së krimit në partitë, politikën dhe institucionet shqiptare, bëhet që në burim dhe me guximin për tu përballur të gjithë ne me vetet tona, të shkuarat tona, strukturat tona dhe komunitetet tona.
Lufta ndaj krimit dhe “delfinëve” të botës së krimit duhet të jetë një betejë e sinqertë dhe ultimative e të gjithë neve e gjithë shoqërisë shqiptare, përndryshe kemi shumëçka a më tepër për të humbur. Ndoshta prej tyre mund të humbasim edhe gjithçka. Çka mendoj tjetër është se përse Edi Rama vijon me të njëjtën klientelë të “delfinëve” të botës së krimit që dikur mund të jenë përdorur edhe nga PD?
Apo dallimin këta e bëjnë nga niveli i gradimeve dhe integrimit të “delfinëve” të botës së krimit herë me shkollë e burg e herë me burg pa shkollë…???
Me pak fjalë këta kanë të njëjtën klientelë të botës së krimit, por Edi Rama paska fituar sepse u ka premtuar Bosëve të Krimit dhe Mafias se “delfinët” e tyre do ti bëjë deputetë dhe Kryetarë Bashkie. Si Politikan Kontraktor i Krimit, Edi Rama paskërka avantazhin e bashkëjetesës me krimin në nivelet më të larta politike të partisë dhe qeverisjes së tij, ndaj edhe investimi më i lartë financiar dhe politik i tij është Agjipropi dhe Dukja.
Teknologjia e komunikimit kinse moderniste dhe rrafsh plot sajdisje e hojne gjuhësore dhe mbushur me debate e tematika pa thelb, ia ka mveshur shpesh me sukses mantelin estetik Qeverisjes nën Kontraktim me Krimin. Edi Rama në 6 vite qeverisje ia doli të kalojë plot dhimbje, e megjithatë me sukses, numrin e lartë të deputetëve banditë e trafikantë të legjislaturës së parë, kanabisizimin e vendit dhe numrin e lartë të kandidatëve apo edhe të vetë Kryetarëve të disa Bashkive.
Me “estetikën” e tij Edi Rama kaloi edhe skandalet e rënda të Ministrave tashmë ish-Ministra të korruptuar. Të gjithë i ka marë në mbrojtje ndërkohë që “estetika” propagandistike ka shitur si “shitje” twiterat dhe komentet në facebook të një Kryeministri që me ligj e Kushtetutë ka fuqi të mëdha ekzekutive për të vepruar. Qeverisja nën kontraktim me krimin nuk mund të shkëputet prej tij as me twitera e as me komente facebooku.
Këto lojëra me propagandë vetëm dëftojnë zezonën se ku është zhytur ky njeri në raportet e tij me krimin. Edhe vetëbesimi që ka tek fuqia e tij, ka të bëjë me faktin se ai e ka nën kontroll krimin ngase ua ka mbushur mendjen top atyre se ai ka talent të pamatë të jetë fytyra e Xhokerit që e bën krimin të duket si hargalisje politike pa dëme serioze. Psh, të shesësh Vangjush Dakon për reformator dhe transformues qyteti, vetëm një Agjipropist si Edi Rama mund ta bëjë.
E ka këtë talent ky KM dhe duhet tia njohim e mos tia nënvleftësojmë. Ndërkohë një pyetje më grisht sa më shumë e mendoj këtë punë.
Pse Edi Rama kandidoi Valdrinin dhe gjithë Valën e Krimit në Bashkitë ku ai nuk kishte as edhe një kundërshtar politik? A ishte i vendosur Edi Rama që ta bënte 30 qershorin qoftë edhe pa Opozitën, apo jo?Çfarë dëshmon kandidimi i “delfinëve” të botës së krimit si Valdrini dhe gjithë Valdrinët e tjerë?
Mos vallë siç kanë të njëjtën klientelë, Edi Rama dhe kolegët e tij në Opozitën Bojkotuese, kanë edhe të njëjtën skemë e plan veprimi? Mos vallë tjetërkush e ka detyruar Edi Ramën ti shkojë deri në fund zgjedhjeve të 30 qershorit? Mos vallë 30 qershori ka qenë një datë Amerikane dhe Europiane dhe aspak një datë e Edi Ramës?Pyes kësisoj, sepse kandidimi i Valdrinit dhe Valës së Krimit nga Edi Rama, është ndoshta dëshmi e dëshirës së fshehtë dhe paktit të fshehtë të Edi Ramës me kolegët e tij të Opozitës Bojkotuese, për të bërë një marrëveshje të orëve të fundit e për ti shtyrë zgjedhjet?
Pra Edi Rama i kishte marë masat me Valdrinët dhe Valën e Krimit, që nëse Amerikanët dhe Europianët i lejonin Udhëheqësit tanë të bënin ujdi, ky ti kishte të fortët e tij,  “delfinët e tij” të botës së krimit, gati për të hyrë në zgjedhje me gjithë fuqinë pretenduese. Shkuarja në 30 qershor pa ujdi me kolegët e Opozitës Bojkotuese, ia la “delfinët” e botës së krimit Edi Ramës si derrin maç. Tani “mbreti” është lakuriq. Teknologjia e agjipropit estetik nuk e mbron dot më.
Sepse në shqip dhe anglisht, kushdo do ta pyesë vetvetiu: Po mirë more zotëri, po Valdrinin dhe Valën e Krimit, për çfarë i deshe edhe në këto zgjedhje ku konkurent kishe vetëm veten në pasqyrë?
Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Klodian Tomorri/ Bursa, suksesi i radhës i Ministrisë së Qametit

Publikuar

-

Nga

Bursa, suksesi i radhës i Ministrisë së Qametit

Java e kaluar ishte e ngjeshur me ngjarje politike. Zedhenesit e Qametit baltosen pa te drejte projektin e rruges Milot-Fier duke i hyre ne hak qeverise qe stermundohet per te mirem dhe interesin publik.

Degjova me vemendje sqarimin e ministres se Infrastruktures Belinda Balluku nga foltorja e Parlamentit. Nga argumentat qe ajo shtroi kuptova se ne Ministrine e Infrastruktures keto 18 muaj eshte bere me shume pune se sa kane bere te gjitha qeverite e tjera se bashku qe nga koha e Ismail Qemalit. Kuptova gjithashtu se projekti i rruges Milot-Fier eshte nje sukses i paprecedente, ashtu si Unaza e Tiranes, bypassi i Vlores, Thumane-Kashar, Rrogozhine-Qafe e Koshovices, tuneli i Llogarase, hidrocentrali i Skavices dhe ceo vizatim tjeter 3D me targen e Rilindjes. Argumentat ishin aq bindes saqe gati gati edhe vete u ndjeva ne faj qe kisha dyshuar ne punen dhe qellimin e mire te qeverise.

Por pikerisht ne ate moment m’u kujtua dicka tjeter. Diten qe ministrja e Infrastruktures merrej me zedhenesat e Qametit, ministria e saj po i linte peshqesh shqiptareve nje tjeter Qamet; rrenimin perfundimtar te tregut te energjise.

Ne 29 qershor Ministria e Energjise, hapi ofertat e tenderit per perzgjedhjen e aksionereve per Bursen Shqiptare te Energjise. Tenderi ishte nje deshtim total dhe oferta e vetme qe u paraqit ishte ajo e KOST-it, operatorit kosovar te transmetimit. Por pertej deshtimit te Burses, surpriza me e hidhur ishte largimi perfundimtar i gjigandit norvegjez Nord Pol nga Shqiperia. Edhe kjo nje arritje tjeter e paprecedente qe nga koha e qeverise se Ismail Qemalit.

Deshtimi i Burses eshte gozhda e fundit ne arkivolin e sistemit energjetik te vendit. Nje mall qe nuk ka treg, nuk tregetohet. Ose tregetohet me cmime abuzive

LEXO EDHE:  Një përgjigje siç e meriton, për Edi Ramën!

LEXO EDHE:  Nga Arian GALDINI/Më mungon PD!

Mijera biznese qe kane dale apo do te dalin nga furnizimi shteteror me energji, do te jene skllever te kontratave dypaleshe dhe asnjehere nuk do ta kene te sigurte furnizimin me energji ose ne rastin me te mire do ta blejne shtrenjte ate. Investimet e pakta te medha dhe serioze ne vend si hidrocentrali i Banjes dhe Moglica te realizuara nga gjigandi norvergjez Statkraft, do te mbeten peng duke dhene sinjale negative tek investitoret e ardhshem potenciale. E gjitha kjo per shkak te paaftesise se qeverise shqiptare per te krijuar bursen ose mungeses se deshires per te hequr dore mga tenderat e energjise.

Me gjasa deshtimi i burses kerkon shpikjen e sabotatoreve te rinj ose zedhenesva te tjere te qametit. Ne vitin 2015, Shqiperia ishte vendi i pare ne rajon qe nisi krijimin e Burses se Energjise. Por sot eshte zyrtarisht i vetmi vend pa burse ne Ballkan. I njejti Nord Pool qe u largua nga Shqiperia, sapo ka perfunduar me sukses ngritjen e burses ne Malin e Zi. Maqedonia po ashtu eshte ne fazen finale te krijimit te platformes se tregtimit te energjise.

Bursa ishte mundesia me e mire per liberalizimin e tregut te energjise ne vend. Nje treg i liberalizuar sjell likuiditet per sektorin, por edhe cmime me te uleta per konsumatoret. Por bursa deshtoi, ndersa sektori energjetik vazhdon rrenimin e pandalshem financiar. E gjitha kjo vetem qe qeveria me e mire qe nga koha e Ismail Qemalit te mos privohej nga tenderat e energjise.

LEXO TE PLOTE

Opinione

Listat e hapura/ Emrat e Lulzim Bashës për zgjedhjet 2021

Publikuar

-

Nga

Listat e hapura/ Emrat e Lulzim Bashës për zgjedhjet 2021

Nga Ardit Rada

Lëvizja e Edi Ramës për t’i hapur listat, ia ka përcjellë frikën gjer në palcë Lulzim Bashës. Kjo u reflektua kur reagoi me urgjencë pas vendimit të mazhorancës dhe reagimi në thelb nuk kishte asgjë të re. Si ai nipi i ‘Kapedanit’, Basha u hodh nga listat e hapura te ndalimi i koaliconeve. Arsyeja është e thjeshtë dhe në njëfarësoj, e drejtë. Partia Demorkatike dhe aleatët kanë punuar gjithë këto vite jo për të pasuruar partitë e tyre me burime njerëzore, pra me emra siç i thonë ndryshe.

Tashmë dihet që energjitë e opozitës shteruan që kur u investuan kundër ish-ministrit Xhafaj për hiçgjë. Pra që nga premtimet se do kalonin te trupi i Bashës, tek protestat duke gjetur shtigje nga Kuvendi tek MPB, e më pas duke spërkatur me bojë muret e ministrisë. Para dhe pas kësaj, dihet që ka pasur ditë ku energjitë u investuan te rrëzimi i Sait Dollapit teksa vraponte. Shumicën e herëve, si në rastin në fjalë, opozita madje tërhoqi edhe Presidentin që nisi vizitat nëpër spitale.

Sikur të ishte sot, mbaj mend një intervistë të Lulzim Bashës përpara se t’i hynte thirrjeve për djegie makinash, rrahje nëpunësish dhe bojkotim mediash e shpronësim oligarkësh. Para 2017, kreu i PD fjalë për fjalë tha se kjo është hera e fundit që vetë ai vendos se kush do të jetë deputet. Madje lanccoi një platformë online teksa ndodhej në çadër, ku qytetarët mund të propozonin se kë donin për deputet.

Lista ishte surprizueser vit pas viti. Nëse në 2017 shumica e qytetarëve kishin ‘propozuar’ Valentina Dukën, Romeo Gurakuqin, Bradh Spahinë, Klevis Balliun dhe të tjerë që e gëzuan mandatin nja dy vite… Pjesa tjetër paska propozuar Kujtim Gjuzin, Myslim Murrzin, Aurora Marën dhe Fatjona Dhimitrin. Së paku këto i gjetëm në listat e Bashës 2017.

Nëse shihni diçka qesharake në këtë histori, e gjithë buzqëqeshja që ju vjen në fytyrë mundësohet nga Lulzim Basha dhe platforma e tij ‘online’. E pra, ja ku iu dha mundësia për lista jo të hapura, por të shqyera. PD është e lirë që Adriatik Alimadhin e Ballit Kombëtar që e vuri të katërtin në Vlorë në vitin 2017, këtë herë ta zëvendësojë me Bujar Leskajn fjala bie, meqenëse kanë hapur dhe fjalën.

Enkelejd Alibejan mund ta kandidojnë sërish në Fier, si herën e fundit. Në Elbasan, Endri Hasa, mund t’i mbledhi më shumë vota meqenëse ka qëlluar me vezë Edi Ramën dhe ka hapur edhe portal ku promovon shkollimin e tij extra-perëndimor. Nadire Meçorapaj, apo Nada siç i thotë Basha, do ta ndrisë Vlorën. Bashkë me Agron Shehajn mund të dalin deputetë me listë të hapur duke qenë se i njeh e gjithë Vlora që i shërbyen si deputerë verëm 1 vit e ca dhe jo katër sikurse u besuan votën. Tritan Shehun si i spikatur ndër emra, le të vijojë kandidimin në Gjirokastër ku e caktoi Basha.

LEXO EDHE:  Sfidë për një botë me arsye!

LEXO EDHE:  Nga Arian GALDINI/Më mungon PD!

Derisa dogji mandatin, kishte si deputet Gjirokastër, Tepelenë, Përmet… Këtë herë mbase e merr mandatin bashkë me Dash Alikon e Lazaratit dhe e ndajnë punën. Më Shkodër Bardh Spahia mund të kandidojë sërish. Duke qenë së i dogji shkollën “Shenaze Juka” Shkodrës, mund t’u premtojë me listë të hapur se do ia dyfishojë kapacitetin si shenjë pendese. Tiranës t’i japë Çlirim Gjatën, duke qenë se hante qofte te bodrumi i Noelit pasi mbaronte protestën e Teatrit Kombëtar.

Pastaj ç’të ngelet nëpër rrethe të tjera, Basha mund të fusë emra si Petrit Vasili, meqenëse Shqipëria mezi pret  ta shohë sërish në Kuvend…

Pra, pavarësisht kushtrimit të Edi Ramës, presupozoni një moment sikur listat e hapura të jenë realitet zgjedhjet e vitit 2021. Më pas, imagjinoni Partinë Demokratike të Lulzim Bashës, që fut këto emra. Shihnin emrat që ka promovuar duke i çuar në bazë për organizimin e partisë, nga Avenri Peka, te Kreshnik Çollaku dhe Flamur Noka. Ose alternativa tjetër: emrat që ka lënë jashtë qysh prej Çadrës, si Jozefina Topalli, Majlinda Bregu, Arben Imami, Astrit Patozi etj.

Për t’jua thjeshtuar, ti si votues nuk do gjesh më në fletën e votimit PD-në me numrin 44, dhe duke vendosur iksin në këtë numër automatikisht vota shkon për Jemin Gjanën. Por do të gjesh disa emra me numrin e tyre në krah. Do të trokasin në derë nga PD-ja dhe do të thonë: Ti si banor i Tiranës, voto Albana Vokshin, Edi Palokën dhe Monika Kryemadhin se këta janë e ardhmja. Ndërsa ti tjetri, voto Ervin Salianjin, Kejdi Mehmetajn dhe Klevis Balliun. Genc Pollon, Nard Ndokën dhe Vangjel Dulen! E kuptoni që Basha nuk ka frike nga formula, por nga emrat që ka mbajtur apo i kanë dhënë SINCE 2017?

LEXO TE PLOTE

Opinione

Pse dhe kush ka frikë nga listat e hapura të kandidatëve për deputet?!

Publikuar

-

Nga

Pse dhe kush ka frikë nga listat e hapura të kandidatëve për deputet?!

Nga Përparim Kabo 

Po mbushen gati 30 vite nga zgjedhjet e para shumëpartiake dhe në vend që demokracia në Republikën e Shqipërisë të bënte përpara, të fitonte besueshmëri te zgjedhësit dhe të ndërtohej si një demokraci funksionale, ka ndodhur e kundërta, demokracia është bërë si një marrdhënie tregu, ku jepet oferta dhe njihet kërkesa; dhe ku shitësi i votës paguhet për sovranitetin e shitur dhe të blerë.

Ai që voton e ka kuptuar se cilido që të zgjidhet si edhe ka ndodhur në dy dekadat e fundit populli nuk fiton gjë, ndaj së paku një herë në katër vjet le të fitojë diçka minimaliste duke shitur votën. Kjo lloj sjellje që edhe nëse nuk është e përgjithëshme së paku është masive e nxorri demokracinë përfaqësuese në treg. Në këtë lojë futen pastaj të “fortët” e zonës, fise dhe famije, ata që duhet të mbrojnë rendin dhe gjithëçka nuk është asgjë më shumë se një luftë e pamoralshmë e forcave partiake dhe individëve të tyre të fshehur.

Kjo tabllo përkon pikërisht me sistemin e instaluar që nga viti 2008 sepse listat hartohen të mbyllura dhe ai që i vë vulën është kryetari i Partisë politike, duke e shëndruar procesin në rekrutim personal të individëve të zgjedhur deputetë qofshin apo anëtarë të këshillit bashkiak. Çfarë ka fituar demokracia kolektive përfaqësuese që nga viti 2008? Po ja është e thjeshtë. Një parlament që u kriminalizua duke futur atje individë me histori kriminale dhe me precedentë dhe recorde kriminale. Kështu u desh të hartohej ligji i dekriminalizimit, që ishte shprehje unikale në Europë çka tregoi se ku kishte mbritur demokracia parlamentare në Shqipëri.

Nëse sot kërkohet që listat të jenë të hapura, të parët që nuk duan janë “të njollosurit”, ata të cilëve ju mungon “integriteti moral”, ata që “nuk kanë ideale demokratike dhe atdhetare” por që kanë bërë pasuri me korrupsion dhe në lidhje me krimin e organizuar. Listat e mbyllura i duan ata që e kanë mëndjen e mbyllur dhe që nuk kanë as edhe minimumin e formimit kulturor që të hartojnë ligje dhe të miratojnë ndryshime ligjore në shërbim të demokracisë funskionale. Nga 2008 këshillat bashkiake janë “këshilla me kukulla partiake ku më të shumtët janë me detyra jo fortë të ulëta në ekzekutiv dhe për të mbajtur vendin atje, nëpëkëmbin hapur vullnetin e zgjedhësve.

LEXO EDHE:  Shqipëri që flet me vete apo Shqipëri që flet për vete!

LEXO EDHE:  Aleati i Bashës thirrje qytetarëve/ Nesër gjunjëzoni krimqeverinë!

Rasti më i freskët ndodhi kur këshilli bashkiak në Bashkinë e Tiranës miratoi shëmbjen e godinës së Teatrit Kombëtar. Kush pra nuk i do listat e hapura?! Populli, zgjedhësit apo ata që duan të zgjedhin po të njëjtit njerëz,skifterët besnikë të kryetarit? Popullit duhet të rikthehet te vetëdija e Zgjedhësit Sovran ndaj ai duhet që të besojë realisht te kanddidati. Madje ka sisteme zgjedhore që edhe për një të zgjedhur, subjekti politik propozon para zgjdhësve të vet 3 kandidatë dhë ai ka mundësi të përzgjedhi. Kjo ndodh në demokracitë skandinave, po kudo që të referohesh sheh se konferencat partiake parazgjedhore janë takime të hapura ku prezantohen kandidatët e mundshëm, sigurohet njohja paraprake dhe krijohet besueshmëria.

Me listat e mbyllura në realitetin shqiptar u vra marrëveshja e besimit. U krijuan kryetarët partiak Pashallarë. Me listat e hapura do rringjallet marrëveshja e besimit, ndaj prej sistemit me lista të hapura kanë frikë ata që u ka kaluar koha, që janë provuar dhe stërprovuar, ata që u pasuruan dhe që janë sot me kontot bankare brenda por kryesisht jashtë vendit, janë me vila e me saraje, me lluks e me orgji, me familje dhe me harem…

Janë ata që vetëm me demokracinë nuk kanë lidhje, janë ata që zgjedhjet nuk i shohin si e drejta e zgjedhësit për të besuar sovranitetet fal zgjedhjeve të lira dhe të drejta, por i kanë katandisur zgjedhjet si një mekanizëm okult përmes të cilit ndrojnë vendet forcat politike, ato që ende pushtetin e shohin si rregjim dhe shtetin si mekanizëm memec që i shërben pushtetit ekzekutiv. Listat e mbyllura sollën paditurinë në shumë raste, gojëkyçurit dhe si pasojë prapambetjen institucionale. Nëse edhe zgjedhjet e 2021 do të riciklojnë po këto mbetje partiako-politike, atëhere asgjë nuk pritet të ndryshojë në realitetin politik dhe institucional në Shqipëri.

Lista e hapur do të thotë që kandidatit t’i dimë jo vetëm emrin dhe mbimerin, Cv dhe aktivitetin; por edhe pasuritë e tij dhe të familjes, të mësojmë a është ai apo ajo një njeri i ndershëm dhe pakorruptuar. Kush nuk i do listat e hapura? Krimi dhe kriminelët, korrupsioni dhe të korruptuait, nuk i duan ata që e krijuan këtë gjendje si ortakë të tyre, duke u vënë në dispozicion shërbimin politik dhe vendimmarrjen me qëllim që preha e grabitur të ndahet mes ortakësh…Deri kur më?!

LEXO TE PLOTE