Connect with Us

Në pritje të Festës së Birrës në Korçë/ Ja cilët këngëtarë do të ndezin skenën sonte

Sociale

Në pritje të Festës së Birrës në Korçë/ Ja cilët këngëtarë do të ndezin skenën sonte

Publikuar

-

Festa e Birrës në Korçë është një nga festat më të mëdha në Shqipëri. Pritet që me qindra turistë të vizitojnë Korçën për të shijuar performancat e këngëtarëve më të famshëm të momentit. Hotelet dhe bujtinat janë të rezervuara të gjitha.

Festë do të zhvillohet në tre zona, ku në cdo zonë do të ketë rryma të ndryshme muzikore.

Pritet që këtë mbrëmje të performojnë këngëtarët si Eli Fara, Eranda Libohova, Juliana Pasha, rosella Gjylbegu, Olta Boka, Stine, Erik Lloshi, Silva Gundbardhi dhe Dafi, Aurel Thellimi, Blerina Braka, Klajdi Musabelliu, Blerina Matraku, Ervis Behari, Gerta Mahmutaj, Jeta Faqolli, Mira Janji, Mishela Rrapo, Arjan Dredhasi, Pier Noshi dhe Stivi, Marko Strazimiri, Anja, Graciela.

LEXO EDHE:  Harasani për Korçën: Kulla e sheshi, jo zgjidhje pozitive

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Biznesmeni Samir Mane i jep fund mjerimit të familjes Kurti në Bulqizë

Publikuar

-

Nga

Në nëntor të vitit 2019 emisioni “Fiks Fare” në bashkëpunim me “Fundjava Ndryshe”, sollën historinë e trishtë të familjes Kurti të cilët jetonin në kushte tejet të mjerueshme.

Shpëtimi, kryefamiljari nuk punonte, pasi fshati është shumë i thellë edhe nuk ka si t’i sigurojë të ardhurat. Kjo familje kishte 11 anëtarë, ndër të cilët 8 fëmijë. Tre djem të moshave 18, 15 dhe 3 vjeç. Dhe pesë vajza, të moshave 12, 10, 9, 3 dhe 2 vjeçe. Së bashku me familjen jeton edhe mamaja e Shpëtimit. Burimi i vetëm i të ardhurave është pensioni i të moshuarës, prej 90 mijë lekësh dhe ndihma ekonomike prej 109 mijë lekësh. Një nga vajzat ishte në kushte shumë të vështira shëndetësore. Pasi sipas prindërve kur ka lindur ka pasur një nishan te këmba, i cili sa ka ardhur dhe i është përkeqësuar. Kjo gjë ia ka vështirësuar ecjen dhe nëse i acarohet shumë i nxjerrë edhe gjak. Ajo e lyente vetëm me një krem, thjesht për ta qetësuar. Por, edhe ai i kishte mbaruar dhe nuk kishin mundësi për ta blerë.

Shtëpia në të cilën jetonin ishte skandaloze. E ndërtuar me anë të ndihmave vetëm me tulla, pa asnjë dritare apo derë. Fëmijët flinin në tokë dhe e vetmja mundësi për tu ngrohur ishte një sobë me dru.

Por jeta e kësaj familje të madhe, që sot është shtuar edhe më një djalë ka ndryshuar rrënjësisht. Pas transmetimit të kronikës në “Fiks Fare”, vetëm dy ditë më vonë, presidenti i “Balfin Group”, Samir Mane, dhe një nga kompanitë e tij “Albchorme”, mori përsipër rindërtimin e kësaj banese. Mobilimin e saj si dhe çdo gjë të nevojshme për fëmijët, sidomos për përmirësimin e shëndetit të tyre.

I pranishëm në dorëzimin e çelësave të shtëpisë së re, në mënyre simbolike vajzës së vogël Rogerta, drejtori Ekzekutiv i kompanisë “Albchrome”, z. Luan Saliaj u shpreh se kompania dha kontribut për rikonstruksionin e shtëpisë dhe mobilimin total të saj me të gjitha pajisjet e nevojshme. Falë kompanisë “SPAR Albania”, familja do të përfitojë pension mujor me ushqime për një periudhe 3 vjeçare. Gjithashtu vajza e sëmure, Rogerta, ka marrë trajtime mjekësore dhe të gjitha shpenzimet janë mbuluar nga Z. Samir Mane.

LEXO EDHE:  Harasani për Korçën: Kulla e sheshi, jo zgjidhje pozitive

LEXO EDHE:  Harasani për Korçën: Kulla e sheshi, jo zgjidhje pozitive

“Nëse pas përfundimit të terapisë, mjekët vlerësojnë që vajza ka nevojë për ndërhyrje kirurgjikale, atëherë edhe në këtë rast të gjithë shpenzimet do të mbulohen nga “Grupi Balfin”, theksoi Saliaj.

I pranishëm ishte edhe Orgest Beti, përfaqësuesi i “Fundjava Ndryshe” i cili falenderoi grupin “Balfin” për gatishmërinë dhe gjithashtu theksoi faktin që i gjithë ky investim të përkthehet në një ndihmesë për përmirësimin e cilësisë jo vetëm të jetesës, por edhe arsimimit të fëmijëve të kësaj familje.

Shpëtimi, bashkëshortja e tij dhe fëmijët falenderuan Z. Saimir Mane, emisionin “Fiks Fare” dhe “Fundjava Ndryshe” për kontributin që dhanë në ndryshimin rrënjësor të jetës së tyre./ Top Channel

LEXO TE PLOTE

Sociale

“Dy fjalë për ty njeriu i të gjithëve”/ Nora Malaj për ndarjen nga jeta të Xhevdet Ferrit

Publikuar

-

Nga

Ish-zv.ministrja e Arsimit, Nora Malaj, ka shprehur ngushëllimet për ndarjen e parakohëshme nga jeta të aktorit të njohur Xhevdet Ferri.

Dy fjalë për ty njeriu i të gjithëve!

Mos – thashë , kur mora vesh se dhe Xhevdeti( Xhoda) , siç miqtë i thërrisnin , kishte marrë rrugëtimin drejt botës së amshuar!
Dy lot më rrodhën faqeve dhe nuk doja ta pranoja që ky rrugëtim i fundëm filloi kaq shpejtë për të !
Iku dhe një tjetër mik, i të gjithëve , nga ky vend , nga kjo botë, por ai nuk iku si emigrant , për ta lënë vendin e tij përkohësisht e për t’u rikthyer, po iku pa kthim, por la prapa shumë vepra artistike e shumë filma , për të qenë përherë i kujtuar ndërmjet nesh.
Për mua personalisht, ishte një mik me vlerë ai dhe e mira Rozeta, bashkeshortja e tij , që sot në ditën e pikëllimit, ndjen se gjysma tjetër e saj, nuk do të jetë më fizikisht, po do të jetë realisht me shpirtin e tij prane, si një engjell mbrojtës, për të qenë prezentë e për të rrezatuar energji pozitive , sa herë ajo dhe fëmijtë do të kenë nevoje për kujtimin e babait, bashkëshortit dhe njeriut të mirë!
Ee ,nuk do të dëshiroja që Janari i 2020 të fillonte kështu, pasi brenda vetes dua të besoj që ky fillimviti i dekadës së re, do të jetë ndryshe??!! Po nuk gjenka e thënë! Kontrata që ka bërë jeta me vdekjen është shume sfidante e nuk pyet, as për moshë, as për emër , po kur ore bie, udhëtimi për në botën tjeter nis!
Kështu ishte dhe për Xhodën tonë, për njeriun e mirë, aktorin e madh dhe deputetin me vlera që i sherbeu vendit, familjes dhe shoqërisë me çdo gjë që kishte!
E sonte ai do të prehet në tokën amë erëmirë dhe shpirti i tij i lirë , do të fluturojë drejt parajsës , duke na thënë se jeta në tokë është e perkohshme , ndaj bëni veç të mira .
Lindim, rritemi, krijojmê familje dhe ikim nga kjo botë.. Të qoftë rruga drejt Parajsës e lehtë dhe shpirti yt u prehtë në paqe. , o njeriu me vlera , Xhevdet Ferri!
Ne të gjithë do na mungosh , do ta ndjemë mallin e ikjes dhe lotët do na të na shkasin faqeve , se një njeri i mirë, një mik i shtrenjtë iku e na la , për të vazhduar ne, misionin për ta bërë njerëzimin më të mirë .
Lamtumirë Xhoda i mire, miku i te gjitheve! Zoti të pranoftë!

LEXO TE PLOTE

Sociale

ISHP këshillon: Mos e trajto gripin me antibiotikë

Publikuar

-

Nga

Nisur nga situata e rëndë e gripit në rajonin tonë, Instituti i Shëndetit Publik ka dhënë këshilla për qytetarët shqiptarë se si duhet të reagojnë ndaj gripit.

Në një njoftim në rrjetet sociale, ISHP ka theksuar sot se gripi nuk duhet trajtuar me antibiotikë.
Pacientët që janë në gjendje të rëndë, të shtruar në spital me grip, mund të trajtohen me ilaçe antivirale specifike për gripin.

“Mos e trajto sëmundjen e gripit me antibiotikë. Sëmundja e gripit shkaktohet nga viruse dhe jo nga bakterie”, kanë shkruar ata./CNA.al

LEXO TE PLOTE