Edhe ish kryeministri Sali Berisha ka reaguar lidhur me vendimin e gjykatës për ish ministrin Saimir Tahiri. Sipas Berishës, ky vendim është i ngjashëm me ato të kartelave, në të cilat droga dhe trafiqet janë meritë dhe jo krim.

“Narko gjykatësit mezi pritën t’i kërkonin ndjesë Saimir Trafikut se ishte i pafajshëm, por të detyruar dhe vetëm sa për sy e faqe të shqiptarëve dhe ndërkombëtarëve po i japin një akuzë koti për abuzim detyre dhe jo kurrë për kanabizimin së bashku me shefin e madh Edvin Mafine të mbarë vendit sepse ti o Sajmir Trafiku ke zbatuar vetëm porosinë e tij”, shkruan mes të tjerash Berisha.

Postimi i plotë:

Mafia e droges veten nuk e denon!

Miq, parodia e procesit Tahiri qe sapo perfundoi, fakton ne menyre perfundimtare se mafia e droges veten nuk e gjykon dhe nuk e denon!

Ky vendim i turpshem eshte i ngjashem me ato te karteleve, ne te cilat droga, trafiqet jane merite dhe jo krim dhe kumbaret kryesor mbrohen e nuk denohen.

Narko prokuroria, siç kane faktuar mediat fakte thelbesore dhe prova perveluese te bashkepunimit te Saimir Trafikut me Habiljat, nuk i vendos dhe si trajton si te tilla ne aktakuzen e saj.

Narko prokuroria kerkon per veprat penale qe e akuzon nga se paku 40 vite burg vetem 12 vite.
Narko gjykatesit mezi priten ti kerkonin ndjese Saimir Trafikut se ishte i pafajshem, por te detyruar dhe vetem sa per sy e faqe te shqiptareve dhe nderkombetareve po i japin nje akuze koti per abuzim detyre dhe jo kurre per kanabizimin se bashku me shefin e madh Edvin Mafine te mbare vendit sepse ti o Sajmir Trafiku ke zbatuar vetem porosine e tij.

Si perfundim miq, ky proces deshmon perfundimisht se per narkoshtetin e vetem dhe te pare ne Europe shteti ligjor nuk ekziston. Vetem qytetaret shqiptar me guxim dhe sakrifica mund te nxjerrin fatin e tyre nga kthetrat e mafies se droges te kryesuar nga Edvin Mafia!/CNA.al

Kreu i opozitës, Lulzim Basha ka reaguar menjehërë pas vendimit të gjykatës për ish ministrin e Brendshëm, Saimir Tahiri. Basha e ka quajtur të turpshëm vendimin e gjykatës dhe sipas tij  Edi Rama bëri gjithçka për ta mbrojtur Tahirin.

“Vendimi i turpshëm për të mos bërë drejtësi për krahun e djathtë të Edi Ramës, që e mbushi Shqipërinë me drogë dhe e shndërroi atë në njollën e zezë të krimit në Europë, provon se drejtësia në Shqipëri është peng i Edi Ramës, dhe Edi Rama është peng i krimit.

Vendimi i sotëm konfirmon se Edi Rama bëri gjithçka për ta mbrojtur Saimir Tahirin, sepse Saimir Tahiri e mban peng Ramën me dosjet e korrupsionit dhe të lidhjeve të tij me krimin, duke nisur me dosjen e kokainës së Xibrakës, ku është i përfshirë vëllai i Edi Ramës.

Përsa kohë Edi Rama është në krye të qeverisë, në Shqipëri nuk ka për të patur drejtësi, krimi dhe të pushtetshmit do të jenë të paprekshëm, Shqipëria do të mbetet peng i krimit dhe shqiptarët më të varfër e më të papunë. Vetëm çlirimi i qeverisjes nga krimi do ti hapë rrugë drejtësisë së vërtetë dhe mirëqenies për të gjithë shqiptarët”, shkruan Basha në reagimin e tij./CNA.al

Pas vendimit të Gjykatës, ish ministri Saimir Tahiri ka paralajmëruar se kjo është vetëm maja e betejës së tij. Tahiri ka ironizuar duke këshilluar gazetarët të ruhen nga kushërinjtë.

“As qesh, as qaj dot, por nesër po iu ftoj që të ndajmë bashkë ca mendime. Ku di unë, mu duk një gjë e tipit je i fajshëm po s’ kemi këllqe të ta themi. Prisni deri nesër, më vjen keq nuk iu përgjigjem dot më shumë. Jam hetuar si trafikanti më i madh i Shqipërisë për 2 vjet. Jam hetuar si pjesë e një grupi kriminal, sot gjykata thotë jo nuk e  ke bërë këtë nuk e ndihmuar në trafik droge por me aq sa kuptova meqë kushërinjtë kanë përdorur emrin tim unë kam shpërdoruar detyrën. Zoti iu ruajt ishalla s’ iu përdor njeri emrin se e hëngrët. Kjo është vetëm maja e betejës sime. Do ishte fisnike të më kishin dënuar si burrat, kështu është qesharake”, u shpreh Tahiri.

Gjykata e Krimeve të Rënda e ka dënuar me 3.4 vite burg ish-ministrin e Brendshëm por këto i konvertohen në 3 vite shërbim prove.

Treshja e gjyqtarëve, e përbërë nga Ardit Mustafaj, Flora Hajredinaj dhe Irena Gjoka, pas 10 orësh konsultim, e shpalli fajtor Tahirin për “Shpërdorim detyre”./CNA.al