Connect with Us

AKU me “dorë të hekurt”/ Mbyll katër biznese, gjobiten 11 të tjerë

Sociale

AKU me “dorë të hekurt”/ Mbyll katër biznese, gjobiten 11 të tjerë

Publikuar

-

Autoriteti Kombëtar i Ushqimit ka mbyllur 4 biznese  në Tiranë e Fier pasi zhvillonin aktivitetin e tyre në kundërshtim me ligjin.

Sipas njoftimit subjektet rezultuan se nuk dispononin licencë aktiviteti, manual të vetëkontrollit dhe sistemit të gjurmueshmërisë. Ndërsa për shkeljet e konstatuara, subjektet kanë marrë gjobë në shumën 6.81 milionë lekë.

Njoftimi i plotë
‘’Krahas veprimtarisë së saj për informimin dhe ndërgjegjësimin e vazhdueshëm të Operatorëve të Biznesit Ushqimor për përmbushjen e kritereve ligjore të sigurisë ushqimore, Autoriteti Kombëtar i Ushqimit vijon kontrollet rigoroze në mbarë vendin. Nga kontrollet e ushtruara, rezulton se disa Operatorë të Biznesit Ushqimor ushtronin aktivitetin në shkelje të kërkesave ligjore të sigurisë ushqimore, përfshirë mos disponimin e licencës përkatëse, më konkretisht:

Subjekti ‘Ardian Dyrmish’ me aktivitet ‘Restorant’, Spille, rezulton se ushtron aktivitetin e tij i papajisur me licencë për veprimtarinë përkatëse (kategoria II.1.A), si dhe nuk dispononte manualin/planin e vetëkontrollit. Për shkeljet e konstatuara, trupa inspektuese mori masat e mëposhtme:

-Gjobë me vlerën 2,000,000 lekë (mosdisponim licence për ushtrim aktiviteti),

-Gjobë me vlerën 200,000 lekë (mungesë të manualit/planit të vetëkontrollit),

-Ndërprerje e menjëhershme e aktivitetit, deri në licencimin e tij.Subjekti ‘Fish Store/Markata e Peshkut’ me aktivitet ‘Restorant’, Tiranë, rezulton se ushtron aktivitetin i papajisur me licencën përkatëse (kategoria 11.1.A) dhe ndërkohë që ishte i regjistruar në QKB si FastFood, ushtron aktivitetin si “Restorant”. Për shkeljet e konstatuara, trupa inspektuese mori masat e mëposhtme:

LEXO EDHE:  Skandali/ Vërtetohet me fakte, Lulzim Basha e përdor PD-në për gjoba ndaj biznesit dhe interesat e tij korruptive

-Gjobë me vlerën 2,000,000 lekë (mosdisponim licence për ushtrim aktiviteti),

-Gjobë me vlerën 200,000 lekë (veprim në kundërshtim me përgjegjësitë e operatorit të biznesit),

-Ndërprerje e menjëhershme e aktivitetit, deri në licensimin e tij.

Subjekti ‘Ilmi Sinani’ me aktivitet ‘Magazinë Ushqimore’, Lushnjë, ushtronte aktivitetin i papajisur me licencën përkatëse, pa patur dhe zbatuar sistemin e gjurmueshmërisë dhe pa manual vetëkontrolli. Për shkeljet e konstatuara trupa inspektuese mori masat administrative të mëposhtme:

-Gjobë me vlerën 1,000,000 lekë (mosdisponim licence për ushtrim aktiviteti),

-Gjobë me vlerën 100,000 lekë (mungesë të sistemit të gjurmueshmërisë),

-Gjobë me vlerën 100,000 lekë (mungesë të manualit të vetëkontrollit)

Ndërprerje e menjëhershme e aktivitetit, deri në licencimin e tij.

Subjekti ‘Novruz Uka’ me aktivitet ‘Magazinë Ushqimore’, Lushnjë, vijonte të ushtronte aktivitetin duke mos zbatuar detyrat e lëna me parë për përmbushjen e kërkesave ligjore, pa licencë përkatëse për aktivitetin, pa sistemi gjurmueshmërisë dhe pa planin/manualin e vetëkontrollit. Për shkeljet e konstatuara, trupa inspektuese mori masat e mëposhtme:

-Gjobë me vlerën 1,000,000 lekë (mosdisponim licence për ushtrim aktiviteti),

-Gjobë me vlerën 100,000 lekë (mungesë të sistemit të gjurmueshmërisë),

-Gjobë me vlerën 100,000 lekë (mungesë të manualit të vetëkontrollit)

-Gjobë me vlerën 10,000 lekë për mosplotësimin e detyrave të lëna për plotësimin e mangësive ligjore,

Ndërprerje e menjëhershme e aktivitetit, deri në licencmin e tij.’’/CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

SHBA: Rrjeti 5G është kërcënim jetik/ Shqipëria u mbyll derën kompanive kineze

Publikuar

-

Nga

Qeveria ka miratuar memorandum mirëkuptimi me Shtetet e Bashkuara të Amerikës për sigurinë e rrjeteve 4G dhe 5G, pasi sipas SHBA marrja në shqyrtim e këtyre rrjeteve është çështje jetike.

Ambasada amerikane në mënyrë të vazhdueshme ka shprehur shqetësimim që të mos lidhet marrëveshje me kompani teknologjike kineze nga ana e operatorëve shqiptarë, duke shprehur përmes një deklarate se siguria nuk mund të kompromentohet dhe as të shitet.

“Kur flitet për infrastrukturën 5G dhe atë kibernetike në Shtetet e Bashkuara dhe në vende aleate të NATO-s siç është Shqipëria, ne nuk mund të jemi më të qartë: siguria nuk mund të kompromentohet apo të shitet. Është jetike të merret në shqyrtim nëse furnizuesit i nënshtrohen kontrollit. Shqipëria dhe aleatët e NATO-s duhet të largohen nga ofrues dhe rrjete furnizmi jo të besueshme të teknologjisë së informacionit dhe komunikimit në ato të besueshme”, është deklaruar në një mbledhje të mbajtur me temë sigurinë e Shteteve të Bashkuara dhe vendeve aleate të NATO-s.

LEXO EDHE:  “Stop”– Fier/ Inspektorët e AKU-së venë gjobë pa qenë prezente, drejtori ngre supet

LEXO EDHE:  Skandali/ Partia i vendos 'gjoba' punonjësve

Vendimi i Qeverisë shqiptare për mirëkuptim me Shtetet e Bashkuara të Amerikës për sigurinë e rrjeteve 4G dhe 5G, ka hyrë në fuqi menjëherë.

Vendimi i Qeverisë:

V E N D I M PËR MIRATIMIN, NË PARIM, TË MEMORANDUMIT TË MIRËKUPTIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË SHTETEVE TË BASHKUARA TË AMERIKËS, PËR SIGURINË 4G DHE 5G

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave

V E N D O S I:

Miratimin, në parim, të memorandumit të mirëkuptimit, ndërmjet Këshillit të Ministrave të Republikës së Shqipërisë dhe qeverisë së Shteteve të Bashkuara të Amerikës, për sigurinë 4G dhe 5G, sipas tekstit që i bashkëlidhet këtij vendimi./CNA.al

LEXO TE PLOTE

Sociale

Pamje të mahnitshme nga qyteti juglindor/ Korça “kartolina” e fundvitit

Publikuar

-

Nga

Në prag të festave të fundvitit, qyteti i Korçës është veshur me drita shumëngjyrëshe.

Pazari i qytetit, pedonalja dhe Katedralja janë disa nga zonat të cilat janë zbukuruar deri në detaj duke e kthyer këtë qytet një ndër më të preferuarit për turistët.

Dritat shumëngjyrëshe, zjarri, vera, serenatat janë ato të bëjnë të dashurosh Korçën dhe atmosferën që ajo dhuron në fundvit./CNA.al

Shikoni galerinë e mëposhtme

 

LEXO TE PLOTE

Sociale

Solidarizimi i diasporës shqiptare në Gjermani/ Mbledhin 28 mijë euro për të prekurit nga tërmeti

Publikuar

-

Nga

Diaspora shqiptare në Gjermani ka shprehur solidaritet të plotë për banorët e prekur nga tërmeti i 26 nëntorit..

Së fundi, në Shtutgart të Gjermanisë, në Landit Baden-Ëürtemberg, u organizua një aktivitet solidariteti për viktimat e tërmetit të 26 nëntorit nga Qendra e Kulturës Shqiptare në këtë qytet.

Sipas informacioneve, thuhet se nga kontributet e komunitetit shqiptar, anëtarë të kësaj Qendre, janë mbledhur mbi 28 mijë euro si ndihmë për këtë tragjedi./CNA.al

LEXO TE PLOTE