Connect with Us

PD nuk i ndahet Valdrin Pjetrit/ Zbardh fakte të reja

Politikë

PD nuk i ndahet Valdrin Pjetrit/ Zbardh fakte të reja

Publikuar

-

Sekretari i Partisë Demokratike Gazmend Bardhi në një deklaratë për mediat pak minuta më parë ka vendosur të sjell fakte të reja në lidhje me të shkuarën kriminale, sikurse shprehet ai, për të shkuarën kriminale të kryebashkiakut të ri të Shkodrës, Valdrin Pjetri.

Sipas Bardhit, duke qenë se nuk po merren masa, Partia Demokratike vendosi të publikojë dokumentet e arrestimit, dënimit dhe dëbimit të Valdrin Luigj Pjetrit në Firence.

Ssekretari i Përgjithshëm i PD-së, Gazmend Bardhi ka publikuar dokumentet e Kuesturës së Firences ku jepen të dhëna për arrestimin e Pjetrit në 23 janar 2003 në Firence bashkë me Altin Dode.

Deklarata e Plotë:

“Edi Rama hesht për të mbrojtur Valdrin Pjetrin edhe pse e di që Pjetri është një person me të kaluar kriminale.

Me vetedije të plotë, pavarësisht se e dinte  per të shkuarën e tij kriminale Edi Rama e vendos Pjetrin si drejtues të qarkut Shkodër.

Kur e mori këtë vendim,  Edi rama e dinte që valdrin pjetri ishte i dënuar në Itali. Të vertetën për të kaluarën e tij kriminale, Rama ashtu sikurse PD, e kishte marrë vesh  në të njëjtën kohë.

Mirëpo pavarësisht kësaj Rama vendosi të heshte dhe i kërkoi Pjetrit të mbrohej duke nxjerrë dëshminë e penalitetit. Cdo shqiptarë e di se pas kalimit të 10 viteve nga kryerja e shkeljes së ligjit, dëshmia e penalitetit del e pastër.

LEXO EDHE:  Akuzat për Valdrin Pjetrin/ Ja hapi që ka ndërmarrë Prokuroria

Duke qenë se nuk po merren masa, Partia Demokratike ka vendosur të zbardh disa të dhëna të reja për të shkuarën kriminale të kryebashkiakut të ri të Shkodrës.

Kjo është kartela elektronike e të dhënave kriminale e nxjerrë nga sistemi i kuesturës së Firences.

Sipas kësaj rezulton se Valdrin Pjetri është arrestuar 23 janar 2003 së bashku me një tjetër shtetas Altin Dode.

Ai u dënua nga gjykata e Firences me 18 muaj burg dhe gjobë për shpërndarjen e lëndëve narkotike.

Në 7 shkurt 2003 Pjetrit i është revokuar leja e qendrimit dhe në 4 shtator 2003 i është ndaluar hyrja në Itali.

Sipas sistemit të dekriminalizimin nuk mund  të kandidojnë në zgjedhje apo të ushtrojnë mandatin persona të cilët kanë apo kanë patur lidhje me krimin. Valdrin Pjetri ka falsifikuar formularin e dekriminalizimit.

PD i kërkon prokurorisë për procedimin penal të shtetasit Valdrin Pjetri për të paktën  4 raste falsifikimin e formularit te dekriminalizimit.”/ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Protesta e thirrur nga Meta në 2 mars/ Zv.ministri tregon detajet: Nuk është për Kushtetutën

Publikuar

-

Nga

Zv.ministri i Mbrojtjes, Petro Koçi ka folur për protestën e thirrur nga Presidenti Meta, më dy mars.

I ftuar në Abc e Mëngjesit, me Enkel Demin, Koçi tha se Meta po kërkon të mbrojë interesa personale.

“Presidenti është shumë i kompromentuar, nëse do të kishte merak Kushtetutën, ai ka patur raste për të bërë korrigjime. Kushtetuta për të është thjesht arsye për të mbrojtur interesa personale. Askush nuk e ka pasur me dëshirë për të bërë këto ndryshime kushtetuese, por flasin me arysetimin se duhet mbrojtur.”- tha Koçi.

Më tej ai theksoi se Presidenti i Republikës duhet të respektonte Kushtetutën.

LEXO EDHE:  Basha e ka mbrojtur Valdrin Pjetrin/ Jozefina Topalli zbardh faktet

LEXO EDHE:  Nga Andi Bushati/ Rasti i Valdrinit, besojeni, Rama prapë s’e ka ditur

“Kur ka një sjellje partiake, tifozet e asaj partie do e mbështesin. Sa herë që Shqipëria është në prag të një ndërrmarje pozitive gjenden arsye për të bërë nga këto protesta ku pretendohen çlirime. Presidenti i Republikës nuk duhet të sillet si kryetar i LSI”, u shpreh ai.

LEXO TE PLOTE

Politikë

Sulmi turk në Siri, po ndihmon rikthimin e ISIS-it

Publikuar

-

Nga

Nga Dareen Khalifa & Elisabeth Tsurkhov “War On the Rock”

* Zhvillime shqetësuese, po shfaqen së fundmi në verilindje të Sirisë. Pasi humbi bastionet e fundit territoriale, ISIS e ndryshoi strategjinë e tij në një lloj rebelimi gjithnjë e më të fortë, që tani po kërcënon të minojë sigurinë në të gjithë zonën.

Operacionet e Shtetit Islamik, kanë marrë formën e sulmeve të shënjstruara, duke përfshirë sulmet me bomba në rrugë dhe atentatet ndaj luftëtarëve të komuniteteve fisnore. Banorët vendas, e tolerojnë shpesh praninë e operativëve të ISIS-it në mesin e tyre, nga frika e hakmarrjes, na thanë banorët e zonës gjatë vizitave tona të rregullta në zonë.

Forcat Demokratike Siriane, grupimi kryesor i milicive kurde, arabe dhe siriane nën udhëheqjen e njësive të Mbrojtjes së Popullit kurd, që mposhtën Shtetin Islamik dhe kontrollojnë rajonin, nuk kanë qenë në gjendje që ta adresojë këtë problem.

Për më tepër, gatishmëria dhe aftësia e tyre për të kryer sulme efektive kundër terrorizmit, varet tani varet nga një prani e vazhdueshme e trupave amerikane, dhe nga Turqia që nuk po ndal sulmet e përtëritura në zonë. Përfshirja e Ankarasë në verilindje të Sirisë që nga tetori 2019, dhe tërheqja e pjesshme e SHBA-së, shkaktuan shpërngulje masive dhe vuajtje njerëzore përgjatë kufirit, por edhe më tej në jug.

Ndërkohë, trupat turke kanë rritur kërcënimin e rigjallërimit të Shtetit Islamik në zonë. Forcat e udhëhequra nga kurdët, janë tashymë të detyruara të reagojnë ndaj sulmit më të fundit turk në Siri, ndërsa vazhdojnë operacionet kundër celulave të Shtetit Islamik, dhe mbrojnë burgjet dhe kampet ku ndodhen mijëra luftëtarë të ISIS-it dhe familjarët e tyre.

Sipas raportit më të fundi të Inspektorit të Përgjithshëm i Operacionit “Inherent Resolve”, që mbështetet në informacionet e dhëna nga Komanda Qendrore e SHBA-së dhe Agjencia e Inteligjencës së Mbrojtjes, sulmi turk nuk solli një rritje të madhe të aftësive të Shtetit Islamik.

Megjithatë, vizitat tona në verilindje të Sirisë pas ofensivës turke, dhe dhjetëra intervistave që kemi kryer atje me zyrtarë arabë dhe kurdë dhe banorë vendas, zbulojnë se ndërsa aftësitë kryengritëse të Shtetit Islamik mbeten të kufizuara, vendasit raportojnë se anëtarët e grupit terroriat janë tashmë në gjendje të lëvizin më lirshëm, të marrin para në këmbim të mbrojtjes, dhe të veprojnë të pandëshkuar në Deir Ezor në Sirinë lindore.

“ISIS mund të vrasë sot dikë në dritë të diellit, dhe askush nuk do të thotë gjë. Operacionet kundër Shtetit Islamik nga Forcat Demokratike Siriane kanë vazhduar megjithë inkursionin turk, edhe pse në një shkallë shumë më të ulët. Pas inkursioni turk, celulat e Shtetit Islamik shtuan aktivitetet e tyre. Kurdët në veri janë në kurth”- thotë Hasani, një anëtar i organizatës jo-qeveritare lokale në Deir Ezor.

“ISIS është në gjendje të lëvizë më lirshëm”- thekson ai. Zyrtarë të Forcave Demokratike Siriane dhe vendasit, flasin për rolin që luajnë të rinjtë e rritur nën Shtetin Islamik, disa prej të cilëve ishin pjesë e trajnimeve në kampet e Kalifatit, apo që kanë lidhje me luftëtarë të burgosur apo të vdekur të Shtetit Islamik, në kryerjen e sulmeve.

LEXO EDHE:  Nga Andi Bushati/ Rasti i Valdrinit, besojeni, Rama prapë s’e ka ditur

LEXO EDHE:  Akuzat për Valdrin Pjetrin/ Ja hapi që ka ndërmarrë Prokuroria

Celulat janë gjysmë të organizuara, me një komandë të njohur në zonë, nganjëherë të dukshme, por më shpesh me bazë në popullatë. Ndërsa sulmet e pretenduara nga Shteti Islamik ishin në rënie, përpara se Turqia të niste operacionin e saj në verilindje të Sirisë, me një rënie prej 46 për qind të numrit të sulmeve të celulave të fjeturave të ISIS ndërmjet shtatorit dhe gushtit 2019, muaji nëntor pa një rritje prej 63 për qind në krahasim me shtatorin.

Sipas Komandës Qëndrore të SHBA, këto pretendime ishin thjesht një propagandë, dhe nuk pasqyrojnë numrin e sulmeve në terren. Por vendasit, raportojnë një frekuencë më të madhe të sulmeve. Me përjashtim të një sulmi me autobombë, këto sulme janë kryesisht të sofistikuara. Sulme më komplekse të ISIS-it, kanë synuar arabët lokalë që punojnë me Forcat Demokratike Siriane.

Ato kanë për qëllim të dobësojnë forcat e drejtuara nga kurdët, dhe të terrorizojnë popullsinë lokale që të mos bashkëpunojë me ta, duke e dëmtuar aftësinë e tyre për të mbledhur inteligjencën përkatëse të nevojshme për masat efektive kundër terrorizmit.

“I gjithë rajoni varet nga një postim i vetëm në Tuiter i Donald Trumpit”- thotë Ahmed, drejtori i një organizate jo-qeveritare lokale në Deir Ezor. “Rajoni do të mbetet i paqëndrueshëm, për sa kohë që njerëzit besojnë se amerikanët mund të tërhiqen në çdo moment”- thotë ai.

Ahmed shpjegoi se si Shteti Islamik e shfrytëzon këtë pasiguri:”Nesër, nëse luftëtarët e ISIS vijnë tek unë duke më kërkuar t’i mirëpres në shtëpinë time, unë do ta bëj këtë. Nëse nuk e bëj, ata mund të hakmerren ndaj meje kur amerikanët të tërhiqen, dhe kur Forcat Demokratike Siriane të jenë dobësuar shumë”.

Inkursioni turk i detyroi Forcat Demokratike Siriane, të arrijnë një marrëveshje ushtarake me regjimin sirian, për të lejuar hyrjen e ushtrisë siriane në zona të caktuara dhe ndalur ofensivën turke. Kjo marrëveshje, ndikoi negativisht në situatën e sigurisë në Deir Ezor, duke forcuar bindjen se Forcat Demokratike Siriane të udhëhequra nga kurdët, do t’ja dorëzonin këto zona regjimi të Damaskut.

Sipas banorëve të zonës dhe zyrtarëve të Forcave Demokratike Siriane në Deir Ezor, regjimi i Asadit, Rusia dhe Irani, po e shfrytëzojnë këtë perceptim për të ofruar të ashtuquajturat marrëveshje pajtimi për popullatën, shpesh përmes figurave të shquara fisnore. Të gjitha këto forca, përveç Turqisë, perceptohen se po rekrutojnë vendas, për të kryer sulme sabotuese me synim rritjen e destabilitetit./ Përshtatur nga CNA.al

LEXO TE PLOTE

Politikë

“Reparti i patologjisë në Kavajë do kthehet në karantinë/ Kërcënim serioz për banorët”

Publikuar

-

Nga

Sekretari i Përgjithshëm i PD, Gazmend Bardhi thotë se sot në repartin e patologjisë dhe urgjencës në Spitalin e Kavajës kanë nisur përgatitjet, me urdhër të Ministres së Shëndetësisë, për ta kthyer në Karantinë.

Sipas Bardhit, kjo është papërgjegjshmëri!

“Zgjedhja e një spitali të një qendre të banuar për Karantinë është kërcënim serioz për jetën e të gjithë banorëve.
Ky është një provokim i rëndë me Kavajën”, shkruan bardhi.

LEXO EDHE:  Akuzat për Valdrin Pjetrin/ Ja hapi që ka ndërmarrë Prokuroria

LEXO EDHE:  Nga Andi Bushati/ Rasti i Valdrinit, besojeni, Rama prapë s’e ka ditur

Ai i bën thirrje të gjithë bashkëqytetarëve të mos e pranojnë trajtimin nga Edi Rama si banorë të parëndësishëm, jeta e të cilëve nuk ka rëndësi për Kryeministrin.
“Karantinën ta ndërtojë në shtëpinë e tij në Surrel, jo në Kavajë”, përfundon Bardhi./CNA.al

LEXO TE PLOTE