Sociale
Njeriu më i pasur në Shqipëri, rrëfen mbi rrugëtimin e tij
Samir Mane është një nga sipërmarrësit më të suksesshëm në Shqipëri. Pasditen e sotme Samir Mane ka qenë i ftuar në emisionin “Pushime On Top”, në Top Channel, i cili drejtohet nga moderatorja Ori Neibaj.
Mane ka rrëfyer detaje të vecanta rreth jetës së tij private por edhe karrierës, dëshirave dhe historisë frymëzueses se si arriti të kthehej një biznesmenin më të suksesshëm në Shqipëri.
Biznesmeni ka treguar se rrugëtimi drejt suksesit të tij ka qenë i gjatë por ai tashmë synon dhe bizneset internacionale.
“Në fillimet e mia ka pasur plot raste të tilla, por më pas çdo gjë ka marrë rrjedhën e vet graduale dhe s’do ndryshoja asgjë nga 25 vite më parë deri tani.
Sa është paraja e rëndësishme në jetën e tij?
“Paraja te unë ka ardhur rastësisht nderkohë që punoja dhe është rritur në menyrë graduale. Paraja është e rëndesishme, por kur arrin në një fazë si puna ime, më e rëndesishme është vlera që ti krijon me paranë për njerëzit.”
Gjatë bisedës, Mane u ndal edhe tek familja, e sidomos fëmijët. Ai tregoi që edhe pse fatmirësisht kanë një ekonomi të mirë, fëmijët kanë limitet e tyre.
“Ata patjetër kanë limitet e veta. Unë kam lexuar për këtë punë dhe mendoj që kanë limitet e mjaftueshme për shpenzime. Sot kam më shumë kohë të rri me ta sepse strukturat e mia punojnë dhe vetëm të menaxhuara nga 5500 njerëz të punesuar.”
A e ke menduar Mane daljen në pension?
“Nuk besoj se do dal në pension pasi jeta ime është e lidhur me biznesin. Unë do vazhdoj të merrem me këtë punë pasi adrenalina është e madhe.”
Gjithashtu sipërmarrësi tregoi dhe ëndrrën e tij më të madhe të cilën sot e ka realizuar.
“Ka gjithmonë ëndrra dhe sot është pozicioni im dhe ndikimi im në rajon dhe ndërkombëtarisht. Ky është qëllimi im final për tu plotësuar”.
Sociale
Mungesa e Opozitës, Qëndresa Qytetare ngre alarmin/ Thyeni indifierencën dhe merrni pjesë në qeverisjen e qytetit tuaj
Qëndresa Qytetare organizoi sot Forumin e Hapur “Qeverisja Vendore – Nevoja për Qytetari Aktive” në funksion të situatës emergjente të krijuar nga mungesa e opozitës në Këshillat Bashkiake me të rinj nga sfera të ndryshme përfaqësues të organizatave, medias, aktivizmit qytetar, studentë dhe përfaqësues të rinj të Këshillave Bashkiakë.
Duke hedhur bazat e krijimit të një koalicioni të shoqerisë civile me fokus 61 bashkitë e vendit, përfaqësuesi i QQ, Migen Qiraxhi theksoi se “2 Miliardë EURO në 4 vite apo rreth 500 milione euro në vit do të shpenzohen nga 61 bashkite e vendit, pavaresisht lojrave politike apo se tifoze te kujt force politike ne jemi.
Për shkak të mungesës së opozitës në 61 bashkitë e vendit dhe drejtimit të tyre nga një forcë politike e vetme, ne kërkojmë ti biem këmbanave të alarmit se në të gjitha këto bashki do të shfaqen të gjitha fenomenet negative si korrupsioni, Mungesa e transparencës dhe vendimmarrja e njëanshme në shpenzimin e 500 milion eurove cdo vit, përfundoi ai.
Qëndresa Qytetare i bëri thirrje qytetarëve shqiptarë se nuk kanë luksin të jenë indiferentë, por duhet të ushtrojnë sistematikisht presion dhe të marrin pjesë në qeverisjen e qytetit të tyre.
Qendresa Qytetare ne funksion të kësaj emergjence kombëtare do të nisë menjëherë në disa bashki kryesore monitorimin e Vedimeve të Këshillave Bashkiak, cilësinë dhe efektivitetin e shërbimeve që ofrojnë bashkitë dhe transparencën e vendimmarrjes.
Sociale
Shtypi i ditës, 17 shtator 2019
Këto janë disa prej titujve kryesorë të shtypit të shkruar për ditën e sotme, datë 17 shtator 2019:
“Gazeta Shqiptare” hapet me titullin “Rama: S’ka zgjehdje para kohe. Bushati kritik? As i pari, as i fundit”, ndërsa një tjetër titull vijon “Veliaj: Pse u vendos memoriali turk tek liqeni”.
“Panorama” ka si titull kryesor “Legalizimet, familjet që marrin tapitë në 9 qytete”, ndërsa një tjetër titull vijon “U mbylli edhe skandalet dashurore, Sadija tregon pucin te Lidhja: Ja kush e sulmoi Dritëroin në 1991”.
“Koha Jonë” hapet me titullin “Argumentet e Presidentit në Komisionin e Venecias”, ndërsa një tjetër titull vijon “Presidenti Meta: Të lëmë anatagonizmin politik dhe të bashkohemi për interesin kombëtar”.
“Tema” ka si titull kryesor “Edi Rama i vendosur për shkarkimin e Metës”, ndërsa një tjetër titull vijon “Andi Bushati: Hap frigoriferin dhe shiko Ramën, strategjia e normalizimit të vesit”./ CNA.al
Sociale
Surprizat e motit/ Ja sa do arrijnë sot temperaturat
Gadishulli i Ballkanit po ndikohet nga periferia e presionit të lartë atmosferik të pozicionuar në Europën qëndrore e cila po influencon në territorin Shqipërisë mot të stabilizuar.
Për ditën e sotme moti do të mbetet me kthjellime dhe kalime të pakta të vranësirave në relievet malore, por nuk priten reshje në asnjë prej qarqeve.
Sipas IGJEUM, temperaturat minimale dhe maksimale të ajrit pritet të arrijnë:
në bregdet: 19 / 26 °C
në vendet e ulëta: 18 / 30 °C
në vendet malore: 12 / 28 °C.
Era pritet të fryjë e lehtë deri mesatare./ CNA.al
Lajme të Rekomanduara:
Studentja që njeh vetëm notën 10/ Ekselentja e diplomuar për mjekësi me ofertë nga Gjermania
Kjo është Aurela Kullolli. Nga sot asaj nuk do t’i duhet të studioj më librat e shkollës, pasi 24 vjeçarja përfundoi me rezultate të shkëlqyera...
Familja Poka bëhet me shtëpi të re/ Samir Mane dhe Tirana Bank i japin fund vuajtjeve të tyre
Në fund të majit, emisioni “Stop” në TV Klan transmetoi rastin e familjes Poka nga Kukësi me 4 fëmijë jetimë, të cilët jetonin në kushte...
