Connect with Us

Video/ Jahti digjet në mes të detit, panik tek pushuesit

Bota

Video/ Jahti digjet në mes të detit, panik tek pushuesit

Publikuar

-

Një ngjarje e rëndë ka ndodhur mesditën e sotme në Greqi, ku një jaht me flamurin britanik është përfshirë nga flakët në Symi.

Mediat greke kanë publikuar video të jahtit të mbuluar nga flakët, ndërsa raportohet se fatmirësisht nuk ka patur të lënduar.

Autoritetet kanë ndërhyrë në kohë dhe i kanë nxjerrë udhetaret nga mjeti lundrues pa pasoja.

Ndërkohë që shkaqet e rënies së zjarrit nuk janë bërë ende të ditura./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Greqia në panik/ Tërmeti i fuqishëm shkund vendin

Publikuar

-

Nga

Një tërmet i fuqishëm, me magnitudë 4.9 të Shkallës Rihter, është ndjerë në ishullin Zakynthos të Greqisë dhe në zonat përreth.

Sikurse bëjnë me dije mediat e vendit fqinjë, epiqendra e tërmetit ka qenë në detin Jon, pikërisht afër Zakynthos, 50 kilometra larg nga gadishulli i Peloponezit.

Nuk raportohet për dëme në njerëz apo në banesa./CNA.al

LEXO TE PLOTE

Bota

Publikimi i audio-përgjimeve/ Kryeministri ukrainas jep dorëheqjen

Publikuar

-

Nga

Kryeministri i Ukrainës, Oleksiy Honcharuk ka dhënë dorëheqjen ditën e sotme pas publikimit të një audio-regjistrimi gjatë të cilin ai dëgjohet duke bërë komente denigruese ndaj presidentit lidhur me atë se sa e kupton zoti Zelenskiy ekonominë.

Në një postim në facebook, Honcharuk shkruante se ai mori detyrën e kryeministrit për të përmbushur programin e presidentit, duke e quajtur atë “model të sinqeritetit dhe moralit”.

Duke iu referuar përgjimit të publikuar zoti Honcharuk tha se “për të hequr çdo dyshim në lidhje me respektin dhe besimin tonë tek presidenti, paraqita një letër dorëheqje dhe presidenti do ta paraqesë atë në parlament”.

LEXO EDHE:  Goditet grupi i strukturuar kriminal/ Arrestohen 3 shqiptarë

LEXO EDHE:  Tërmet politik në Greqi/ Jep dorëheqjen ministri i Jashtëm

Volodymyr Zelenskiy pritet të rishikojë letrën e dorëheqjes e më pas do të shpallë vendimin thuhej në një deklaratë të zyrës së presidentit, të publikuar nga agjencia e lajmeve ukrainase, UNIAN.

LEXO TE PLOTE

Bota

“Rrezik që vrasjet sekrete të kthehen në normalitet”

Publikuar

-

Nga

Një valë frikësuese vrasjesh sekrete ka mbërritur në Europë, shkruan historiani dhe eksperti i shërbimeve sekrete, Christopher Nehring. Kjo ka të bëjë edhe me shpërbërjen e rendit të vjetër ndërkombëtar.

Më 3 janar 2020 SHBA vranë gjeneralin iranian Ghassem Soleimani përmes një sulmi me dron.

Më 23 gusht 2019 pandehet se shërbimi sekret rus vrau çeçenin në emigracion Zelimkhan Khangoshvili në Berlin.

Më 2 tetor 2018 shërbimi sekret saudit vrau gazetarin Jamal Khashoggi në Stamboll.

Kjo seri vrasjesh, sulmesh dhe rrëmbimesh mund të vazhdohet lehtësisht edhe në Gjermani.

Një valë frikëngjallëse vrasjesh nga shërbime sekrete ka mbërritur tashmë në Europë dhe ka pak gjasa për përmirësim.

“E ardhmja e afërt mund të ketë më shumë vrasje me sfond shërbimet sekrete”, parashikon ish-presidenti i Shërbimit Informativ gjerman BND, Gerhard Schindler, sikurse u shpreh ai në një diskutim zhvilluar  në muzeun gjerman të spiunazhit.

Vrasja e Soleimanit shkaktoi tensionimin e situatës në Lindjen e Afërt

Toni po bëhet gjithnjë e më i ashpër

Një arsye për këtë është shpërbërja e rendit të vjetër ndërkombëtar. Fuqitë e mëdha SHBA, Rusia dhe Kina konkurrojnë me fuqitë rajonale në ekspansion si Irani dhe Arabia Saudite, Toni po bëhet gjithnjë e më i ashpër. “Mekanizmat ekzistuese për të zgjidhur konfliktet paqësisht, po dështojnë gjithnjë e më më shpesh dhe ka rrezik real, që të normalizohen vrasjet në fshehtësi “, tërheq vëmendjen Patrick Sensburg nga partia kristiandemokrate (CDU).

Eshtë e qartë edhe se: Vrasjet me qëllim aplikohen prej kohësh prej shteteve. Rusia, Izraeli apo SHBA në 30 vitet e fundit rregullisht e kanë përdorur këtë mjet. Ndërsa në Europë pas Luftës së Ftohtë për një kohë të gjatë ka qenë qetësi. Duket se tani këto kohë kanë marrë fund.

Vrasjet sekrete dhe sulmet kanë sfonde të ndryshme: Operacionet si ai i SHBA.së kundër gjeneralit iranian Soleimani apo aksionet e shërbimeve sekrete izraelite kundër Hamasit dhe Hisbollahut synojnë të prekin kundërshtarët ushtarakë. Qëllimi është i qartë, të parandalohen sulmet e ardhshme, pa arritur deri tek lufta.

Khashoggi u vra në konsullatën arabe në Stamboll, 8 tetor 2018

Shpesh vdesin edhe të paimplikuar

Një lloj krejt tjetër vrasjesh janë sulmet nga hakmarrja. Ndër to bëjnë pjesë p.sh. vrasja e Khangoshvilit apo e Khashoggit, sulmi ndaj Sergej Skripal si edhe sulmet izraelite për vrasjen e kriminelëve nacionalsocialistë të luftës. Me këto synohet shpagimi për veprime në të shkuarën. Kritikët i bëjnë të heshtin dhe njëkohësisht këto sulme kanë vlerë simbolike si paralajmërim ndaj botës.

Por kush rrezikohet të bjerë viktimë e të tilla sulmeve? Faktikisht kjo prek një grup të vogël personash: Armiq ushtarakë si dhe disidentë politikë, opozitarë apo agjentë që kalojnë në krahun tjetër. Lufta kundër terrorizmit që nga viti 1970 po i shkrin gjithnjë e më shumë këta kufij. Gjithnjë grupe të vogla të organizuara mirë dhe në anonimitet mund të kryejnë sulme dhe po ashtu ato vihen edhe vet në shënjestër të vrasjeve me paramendim. Sulmet e shërbimeve sekrete izraelite kundër udhëheqjes së Hamasit dhe Hisbollahut janë një shembull për këtë.

LEXO EDHE:  Shkatërrohet banda e drogës/ Sekuestrohen mbi 50 kg marijuanë

LEXO EDHE:  Artan Hoxha: Rama dhe Meta, bisedime 300 metra nën det nga frika e përgjimeve

Një problem i veçantë është: “Vrasje me objektiv të caktuar” tingëllon precize, por prej tyre vdesin faktikisht jo vetëm ata që janë në shënjestër”, por edhe të pa implikuar. Një çift anglez gjeti vdekjen rastësisht, sepse ra në kontakt me gazin e nervave, që ishte destinuar për vrasjen e agjentit rus Sergej Skripal. Në Norvegji shërbimi sekret izraelit ngatërroi një islamist me një kalimtar të pafajshëm – duke vrarë kësisoj personin e gabuar. Gjenerali Soleimani nuk ishte i vetmi i vrarë prej sulmit me dron – prej tij humbën jetën edhe persona, që ndodheshin në vendin e ngjarjes. Rreziku i dëmeve kolaterale gjatë vrasjeve nuk mund të përjashtohet asnjëherë.

Në Salisbury, një çift anglez gjeti vdekjen, kur ra në kontakt me gazin e destinuar për vrasjen e agjentit rus Sergej Skripal

Sinjalizues të kohëve të trazuara

Morali nga historia? Në shtetet si Gjermania, ku dënimi me vdekje është i ndaluar, indinjata morale për operacionet e vrasjeve është mjaft e madhe. Edhe OKB i dënon rregullisht operacionet e vrasjeve.

Kështu ndodhi edhe pas vrasjes së Soleimanit apo të Khashoggit. SHBA, Izraeli apo Rusia megjithatë kanë një tjetër perceptim për të drejtën kur është fjala për mbrojtjen nga terrorizmi dhe kërcënimet për vrasje në botën e jashtme. Për më tepër që pikërisht këto vende vazhdimisht ndodhen në konflikte ushtarake në botë, prej nga rrezikohet siguria e tyre.

Një zgjidhje e kësaj kontradikte duket sot më e largët se kurrë më parë. Ende gjendja në Gjermani është relativisht e qetë. Shumica e „vrasjeve të qëllimshme” ndodhin në rajonet e mëdha të krizave në botë si në Lindjen e Mesme, në Afganistan apo në Ukrainë.

Por globalizimi, migracioni, edhe konflikti ruso-perëndimor po spostohen gjithnjë e më pranë Gjermanisë. Vrasja e Khangoshvilis më 2019 apo rrëmbimi i funksionarit vietnamez Trinh Thanh më 2017 në Berlin janë shenja që sinjalizojnë kohë të trazuara.

Christopher Nehring

Historiani Christopher Nehring ka mbrojtur doktoraturën me temën mbi shërbimet sekrete dhe është drejtues shkencor i muzeut gjerman të spiunazhit në Berlin. Më 2019 doli në qarkullim libiri i tij i ri “77 mitet më të mdëha të spiunazhit”./ DW

 

LEXO TE PLOTE