Connect with Us

Vendosja e memorialit turk në Tiranë/ Reagon ashpër Artan Fuga

Politikë

Vendosja e memorialit turk në Tiranë/ Reagon ashpër Artan Fuga

Publikuar

-

Akademiku i njohur Artan Fuga, ka reaguar lidhur me çështjen e vendosjes së memorialit të ushtarëve turq të rënë në përpjekjen e grusht shtetit të 15 korrikut të vitit 2016 në Turqi, në Parkun e Liqenit nga Bashkia e Tiranës.

Sipas Fugës, emërtimi i një parku në Stamboll me emrin e dëshmorit Adem Jashari, nuk mund të krahasohet me vendosjen e memorialit.

Ndërsa se thekson se Shqipëria ka marrë pozicion politik për një çështje politike të brendshme të Turqisë me vendosjen e memorialit.

Postimi i plotë

Te mos krahasojmë simbolika pa asnjë lidhje mes tyre!

Unë nuk kam asgjë me Turqinë, madje e respektoj fort sikurse respektoj çdo vend dhe çdo popull, nga më i madhi te më i vogli.

Unë nuk kam asgjë kundër që të respektohet ligji në cdo vend të botës dhe të respektohen njerëz që janë sakrifikuar për idealet e tyre që i kanë quajtur të lirisë!

Unë nuk kam ndonjë koment për të bërë as për pushtetin e z. Taip Erdogan sepse nuk kam bërë ndonjë studim për të. As për marrëdhënien e tij me sektin sufist!

Unë nuk kam dëshirë as të flas për pllakat që vihen te liqeni a kudo qoftë edhe për të rënet në Turqi për të mbrojtur rendin e pushtetin!

Por unë di me saktësi që midis nderimit të dëshmorit Adem Jashari me emrin e një parku në Turqi dhe pllakës përkujtimore për të rënet në rrezistencë ndaj grushtit të shtetit në Turqi, nuk ka asnjë paralele që mund të hiqet.

Cdo paraele midis tyre është një keqkuptim historik në mos një manipulim propagandistik!

LEXO EDHE:  Shpërthimi i tritolit në Tiranë/ Zbardhen të tjera detaje

Le të heqim dorë nga këto!

Adem Jashari është i lidhur me një sakrificë për një çështje kombëtare kurse pllakati për dëshmorët kundër grushtit të shtetit me një çështje politike!

Simbolika e Adem Jasharit nuk përkëdhel asnjë njeri në pushtet ose me pushtet as në Kosovë dhe as në Shqipëri, kurse përkujtimi i dëshmorëve turq në një pllakatë përkujton dhe është në një vijë politike me një pushtet të caktuar aktual në Turqi.

Simbolika e Adem Jasharit është konsensuale dhe plebishitare në mes shqiptarëve, ajo figurë është e nderuar edhe nga aleatët dhe partnerët strategjikë perëndimorë të Shqipërisë, kurse cështja e grushtit të shtetit është objekt debatesh dhe kundërshtish në Turqi, Perëndim dhe Shtetet e Bashkuara, pra shenjon marrje pozicioni politik për një çështje të brendshme të Turqisë këtij vendi mik. Përse jo është në atë kohë edhe një diskordancë mes shumë vendesh perëndimore dhe shtetit të Turqisë!

Shqipëria merr pozicion politik për një çështje politike të brendshme në shtetin mik turk!

Ja pra dallimet që nuk mund të mbulohen me një krahasim gjeopolitik e politik të sipërfaqshëm e kështu më këmbë!

Pllakat t’i vemë po deshi Bashkia, por mendjen mos të na e turbullojë, i kam rixha!

Gjithsesi lavdi Adem Jasharit dhe të gjithë të rënëve për Kosovën, nderim për të rënët dhe viktimat e dhunës në Turqi e kudo, nderim për të gjithë të vdekurit nga cdo anë e barrikadës që janë ndodhur si viktima!/CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Shqiptarët e bashkuar kundër puçistëve”/ Meta tjetër mesazh të fortë, tregon 8 hapat e grushtit të shtetit

Publikuar

-

Nga

Presidenti Ilir Meta vijon t’iu bëjë thirrje qytetarëve shqiptarë për t’iu bashkuar tubimit të paralajmëruar në 2 mars. Në një postim në rrjetet sociale, Meta tregon tetë hapat, që sipas tij tregojnë grushtin e shtetit nga ana e mazhorancës.

“Hapat e grushtit të shtetit

Hapi i parë
Vjedhja e zgjedhjeve të 2017-ës, duke përdorur çunat problematikë, sipas dosjeve 184 të Dibrës dhe 339 të Shijakut, që lëvizin si top ping-pongu nga një zyrë e prokurorisë në tjetrën.
Përdorimi i Policisë së Shtetit në manipulimin e zgjedhjeve, siç rezulton në këto dosje, e frymëzuar edhe nga thirrja publike e Kryeministrit Edi Rama ndaj çdo polici për të bërë fushatë për Partinë Socialiste.

Hapi i dytë
Kapja në mënyrë anti-kushtetuese e Prokurorisë me 69 vota (nga 84 vota të sanksionuar në Kushtetutën e Shqipërisë, të miratuar me unanimitet me 140 vota), dhe bashkë me të edhe hetimin për të siguruar pandëshkueshmërinë totale të tyre, për të mbyllur çdo çështje penale që rëndon mbi ta dhe bashkëpunëtorët e tyre, për ta përdorur si mjet shantazhi ndaj kundërshtarëve politikë.

Hapi i tretë
Provokuan braktisjen e Parlamentit nga opozita dhe vrapuan për të zëvendësuar 182 deputetë dhe kandidatë për deputetë të opozitës, në mënyrë anti-kushtetuese e të paligjshme, vetëm me një akt administrativ. Edhe sot pas një viti, Parlamenti është në gjendje të rëndë anti-kushtetuese (122 deputetë me letra nga 140 që kërkon Kushtetuta).

Hapi i katërt
Përmes Parlamentit monist miratuan Rezolutë kundër dekreteve të Presidentit të Republikës për zgjedhjet e 30 qershorit. Organizata rilindase e partisë në Komisionin Qendror të Zgjedhjeve arriti deri aty sa rrëzoi edhe dekretet e Presidentit duke dhunuar haptas Kushtetutën.
Mosbotimi i dekretit të Presidentit për 13 tetorin në Fletoren Zyrtare në kundërshtim me ligjin.
Organizuan zgjedhje të paligjshme njëpartiake, kapën 100% pushtetin lokal dhe të 61 Bashkitë u bënë moniste, bashkë me Këshillat e tyre.

Hapi i pestë
Miratuan KÇK për të asgjësuar totalisht drejtësinë e për ta futur plotësisht në thundrën e qeverisë dhe të policisë, për të mbyllur çdo mundësi për ndëshkimin e kriminalizimit dhe korrupsionit të Rilindjes, si dhe për të përgjuar në mënyrë mafioze e të paligjshme këdo që i denoncon dhe thotë të vërtetat për ta.

Hapi i gjashtë
Për të kapur përfundimisht median dhe AMA-n, miratuan ligjin e ashtuquajtur “Anti-shpifje”, megjithëse Këshilli i Europës ishte totalisht kundër, aq sa u detyrua që po vetë ta çojë në Komisionin e Venecias.

LEXO EDHE:  Të mos nis fushata para kohe? Po ne jemi në fushatë elektorale gjithë vitin

LEXO EDHE:  Kërcënon me armë zjarri një shtetas/ Arrestohet 29-vjeçari

Hapi i shtatë
Tentativa për kapjen e Gjykatës Kushtetuese nëpërmjet falsifikimeve, mashtrimeve dhe shkeljes së Kushtetutës e ligjit nga Kryetari i Këshillit të Emërimeve në Drejtësi Ardian Dvorani, nga Ministrja e Drejtësisë Etilda Gjonaj dhe nga Kuvendi i Shqipërisë, duke bërë pjesë të grushtit të shtetit të gjithë institucionet e kapura totalisht nga qeveria. Ky hap kishte për qëllim asgjësimin përfundimtar, jo vetëm të pavarësisë së Gjykatës Kushtetuese, por edhe të çdo mundësie për llogaridhënie në Republikën e Shqipërisë, duke vënë në pikëpyetje edhe sovranitetin dhe integritetin e vendit.

Hapi i fundit
Miratimi anti-kushtetues i ligjit të betimit të gjyqtarëve të Gjykatës Kushtetuese (pa pritur Komisionin e Venecias që e kërkuan vetë), për të futur si anëtarë të saj Dvoranët, Artat dhe Etildat e Rilindjes.”-shkruan Meta.

Më tej, ai thekson se u ka mbetur edhe hapi final, që është sipas shkarkimi i presidentit.

“Më pas u ka mbetur edhe hapi final: shkarkimi i Presidentit të Republikës së Shqipërisë, me porosi të UDB-së, për të zgjedhur një President me “Etikë” që të lobojë dhe të firmosë për ndarjen e Kosovës dhe për çdo projekt tjetër anti-kombëtar.
Por shqiptarët kanë 100 vjet që janë ndarë nga Esat Pashë Tradhëtari.”-thekson Meta.

Po ashtu, i drejton një mesazh të fortë qytetarëve, sipas tij për tu bashkuar kundër puçistëve.

“Të dashur qytetarë, Ju ftoj të gjithëve në 2 mars, në ora 17:00, në Bulevardin “Dëshmorët e Kombit” kundër grushtit të shtetit dhe mbrojtjes, jo vetëm të integritetit të Gjykatës Kushtetuese dhe Kushtetutës, por të vetë shtetit tonë, kombit dhe interesit kombëtar.
Shqiptarët e bashkuar kundër puçistëve të zbuluar!”-përfundon postimin e tij Ilir Meta./ CNA.al

LEXO TE PLOTE

Politikë

Paketa Anti-KÇK/ Përmeti akuza qeverisë: Peshën më të madhe e kanë syzet e diellit, jo lufta kundër krimit

Publikuar

-

Nga

Komisioni Parlamentar i Ligjeve ka diskutuar sot paketen e ashtuquajtur “Anti-KÇK”, të qeverisë.

Mbledhja është shoqëruar me debate, mes deputetit të Bindjes Demokratike, Andi Përmeti dhe relatorit në Komision, deputetit socialist, Adnor Shameti.

Deputeti Andi Përmeti ka ironizuar deputetin Shameti, ndërsa tha se “Si fillim kam një vërejtje për relatorin, jam i bindur që me relatimin e sotëm nuk përmbushi pritshmërite dhe kërkesat ligjore të kryeministrit mbi këtë akt normativ sepse gjatë relatimin nuk përdori syze të errëta dielli dhe relatimi i këtij akti pa syze të errta dielli shpërbën të gjithë qëllimin primar të kryeministrit për këtë akt”.

Më tej, Andi Përmeti theksoi se ky akt normativ është pretenduar si urgjent për gjyqtarët dhe prokurorët që nuk kanë kaluar Vettingun dhe lirojnë nga burgu personat e përfshirë në krime të rënda, por deri tani “peshën” më të rëndë e kanë zyzet e diellit dhe jo lufta ndaj krimit.

LEXO EDHE:  Kërcënon me armë zjarri një shtetas/ Arrestohet 29-vjeçari

LEXO EDHE:  Vettingu/ Ekspertët e ONM nisin takimet në Tiranë, kokë më kokë me Lu e Vlahutin

“Së dyti ky akt normativ është pretenduar si urgjent për arsyen se gjyqtare dhe prokurore që akoma nuk kanë kaluar Vettingun lirojnë nga burgu persona të përfshirë në krime të rënda, por ky akt nuk përfshin zyrtarët e lartë të shtetit të cilët ndërhyjnë publikisht zyrtarisht me shkresa për të liruar subjektet e këtij akti normativ. Prandaj besoj se të pakten deri sot peshën më të madhe në këtë akt normativ e kanë syzet e diellit dhe jo lufta ndaj krimit”.

LEXO TE PLOTE

Politikë

Manastirliu jep mesazhin e fortë/ Nuk ka vend për panik, referohuni vetëm informacioneve zyrtare

Publikuar

-

Nga

Mëngjesin e sotëm është mbledhur task-forca për koronavirusin në sallën e emergjencave në aeroportin e Rinasit. Në mbledhje po diskutohen masat për t’u mbrojtur nga koronavirusi dhe për të parandaluar hyrjen e individëve të prekur në territorin shqiptar.

Ministrja e Shëndetësisë, Ogerta Manastirliu tha se me përhapjen e koronavirusit në Italinë fqinje, në Shqipëri janë dy-fishuar masat.

Po ashtu ajo i drejtoi edhe një mesazh të fortë qytetarëve, ndërsa theksoi se nuk ka vend për panik dhe se duhet tiu referohen vetëm informacioneve zyrtare.

“Nuk ka vend për panik, por për të qënë racional, përgjegjësi dhe punë të pandalur. Referohuni vetëm informacioneve zyrtare dhe ekspertëve të fushës. Është shumë i rëndësishëm bashkëpunimi me ju ndaj për çdo shqetësim, pyetje apo informacion jemi të gatshëm për të komunikuar me ju 24 orë. Gjithë strukturat e shtetit janë në gatishmëri. Nuk duhet që paniku të na zërë arsyen dhe të na çojë në drejtime që nuk bazohen në fakte reale. Unë personalisht jam transparente dhe me shumë përgjegjësi për të administruar edhe këtë ngjarje.

LEXO EDHE:  Operacioni antidrogë/ Arrestohet edhe nipi i shefit të komisariatit

LEXO EDHE:  Kërcënon me armë zjarri një shtetas/ Arrestohet 29-vjeçari

Shqipëria nuk ka ende asnjë rast të konfirmuar. 6 raste të cilat janë analizuar nga ISHP kanë rezultura negative. Pas rasteve ne itali kemi dyfishuar masat”-tha Manastirliu.

Po ashtu ajo theksoi se sot është firmosur urdhëri për masat e shtuara higjeno-sanitare në çerdhe, kopeshte, shkolla dhe universitete.

LEXO TE PLOTE