Connect with Us

Turkoshakët e tredhur të Tiranës

Lajm i Rekomanduar

Turkoshakët e tredhur të Tiranës

Publikuar

-

Një memorial për viktimat e grushtit të shtetit në Turqi u ngrit pak ditë më parë në fshehtësi të plotë në Tiranë.

Por, një aktivitet ku një tufë turkoshakësh që nderonin në një pllakë betoni, disa viktima që sulltani i ri i Eruo-Azisë Rexhep Taip Erdogan i ka shpallur heronj, tregoi pafytyrësinë dhe ndyrësinë e klasës sonë politike.

Duke masturbuar në një aktivitet të turpshëm, kasta politike e Shqipërisë hesht e gjitha, të gjithë heshtin si turkoshakë të tredhur, si eunukë të haremmit të sulltanit të ri.

Asnjë fjalë për skandalin e një memoriali që s’ka asnjë lidhje me Shqipërinë, por janë disa viktima minimalisht të një përplasje politike apo grushti shteti deri imagjinar.

Turkoshaku ynë Presidenti Ilir Meta, nuk thotë një fjalë për këtë turp, megjithëse, rri në rrjetet sociale gjithë ditën e bën sikur i digjet barku për mëmëdhenë. Ndërsa toka ndotet me mermeret pa leje të disa turqve të vrarë në vendin e tyre për hesapin e tyre.

Nuk flet Kryeministri Edi Rama, i tredhuri nga dora e sulltanit të ri, të Turqisë Erdogan. Asnjë fjalë nuk thotë Edi Rama, i cili pak ditë më parë çonte mesazhe nga dreka e tij në Turqi me baba sulltanin që e trodhi dhe Rama ynë pseudo nacionalist, tani hesht për një akt fryes ndaj shqiptarëve.

Asnjë fjalë nuk thotë as kreu i Republikes se Re Lulzim Basha, i tredhuri i radhës nga Erdogani dhe neotomanët. Ekim Alptekin është lidhja e Lulit me sulltanin, njeriu i hetuar nga FBI që nuk del nga Turqia, por fshihet nga frika e arrestimit nga amerikanët e mbrohet nga Erdogani.

Foli vetëm një person, Lali Eri, ai që nxjer nga goja xhevahiret e dynjasë. Ti lemë të vdekurit me të vdekurit, tha Kryebashkiaku i Tiranes Erion Veliaj, ndërkohë që në kodrat e liqenit ngrihet një memorial përkujtimor për një ngjarje që s’ka asnjë lidhje me Shqipërinë. Sipas logjikës të Lalit, të mbledhim të gjithë të vdekurit e dynjasë në grushte shteti e t’u bëjmë nga një memorie që të kujtohen dhe ata si këta të baba sulltan Erdoganit që i ka tredhur të gjithë turkoshakët e Tiranës nga i pari tek i fundit.

Kasta jonë politike tashmë është zyrtarisht elita e tredhur e turkoshakëve të Tiranës. Elvi FUNDO- CNA.al

1 Koment

1 Koment

  1. Une,Lubonja

    14 Gusht, 2019 at 9:59 am

    I shtrenjti Elvi! Jo vetem klasa politike e Tiranes,kuptohet pervec Saliut,nuk kafshohet dora qe te ushqen, jane shqiptare qe nuk do te gdhenden kurre!

Komentoni

Your email address will not be published. Required fields are marked *

Lajm i Rekomanduar

Vjedhja dhe dështimi i Veliajt me aksionin për pastrimin e Tiranës

Publikuar

-

Nga

Kryebashkiaku Erion Veliaj njoftoi me sukses në rrjetet sociale sot dhe e përshëndeti aksionin e tij, me mbështetjen që i ishte bërë nga njësitë administrative të Bashkisë, punonjësve të ndërmarrjeve të Bashkisë Tiranës si dhe shumë qytetarë që i ishin bashkuar nismës së tij për të pastruar kryeqytetin.

Nga njëra anë duket një nismë evropiane, një pastrim që duket sikur vjen si një frymë qytetare.

Në fakt zor se në Europë apo në kryeqytetet e saj dhe në qytetet evropiane ka të tilla aksione tipike komuniste, ku njerëzit dalin dhe pastrojnë lagjen.

Qytetarët paguajnë taksat dhe janë taksat e tyre të cilat përdoren për pastrimin dhe për të mbajtur një qytet të pastër, kuptohet qw ndikon shumë dhe fakti se si vetë qytetarët sillen ndaj ambjentit.

Në Tiranë ajo që ndodh, përtej një pastrimi apo një aksioni me mentalitet komunist ka edhe një gjë tjetër, dardha e ka bishtin prapa.

Ka një abuzim, një skandal dhe një vjedhje, sepse qytetarët e Tiranës paguajnë taksa dhe janë disa firma që pastrojnë kryeqytetin dhe në vit jepen disa dhjetra milionë euro vetëm e vetëm për pastrimin e kryeqytetit, ndarë në disa zona.

Janë disa kompani që punojnë për pastrimin e kryeqytetit, për mbledhjen dhe largimin e mbetjeve, për pastrimin e Tiranës, për pastrimin e rrugëve apo larjen e tyre, gjithçka e detajuar në kontrata dhe tendera konkretë.

Ndërsa sot duhet që kryetari i Bashkisë, njeriu që i bën këto tendera me këto firma, të cilat në fakt një pjesë e madhe nuk është se e kryejnë detyrën dhe nuk është se e pastrojnë Tiranën dhe detyrohet të dalin njerëzit, të thwrrasw aksione të tilla për të bërë pastrimin pranë shkollave apo në vende të tjera të kryeqytetit.

Pastrimin e kryeqytetit, duhet ta bëjnë firmat që merren me pastrimin e tij, sepse paguhen nga taksat e qytetarëve me miliona e miliona euro.

Ndërsa ajo që është bërë sot, ka dy fytyra. Së pari na tregon se firmat e pastrimit të kryeqytetit kanë dështuar, sepse vetë kryetari i Bashkisë e ka pranuar se në ambjentet rreth shkollave ka pasur problematika dhe duheshin pastruar.

Dhe e dyta justifikimi i parave që Bashkia paguan, pra milionat e eurove hidhen për pastrimin e kryeqytetit, të cilat qenkan pre e një abuzimi.

Këtë swrish e konfirmoi kryetari i Bashkisë me anë të pastrimit dhe konstatimit se duhen pastruar ambjentet rreth shkollave, pasi nuk ishin në gjendjen e duhur për sezonin e ri shkollor.

Sot zyrtarisht me një veprim publik populist, nga këto aksionet që ka qejf lali Eri për të dalë në televizor, kuptuam edhe këto dy detaje.

Pra, milionat e eurove që hidhen kot dhe i marrin disa kompani për të pastruar Tiranën dhe abuzimin që bëjnë këto subjekte të kontraktuara nga Bashkia duke mos kryer detyrën e tyre.

Prandaj Erion Veliaj më shumë se sa të dalë në televizor dhe të tregojë aksionet komuniste do të ishte e mira të shkonte e të kontrollonte bashkë me ekipin e Bashkisë apo me ata të njësive administrative dhe të bënte një raport të plotë mbi gjendjen e pastërtisë në kryeqytet së pari dhe së dyti tw kontrollonte mënyrën se si sillen firmat dhe paratë që u jepen atyre për punën e pakryer.

Pa folur më tej për t’i çuar në ndjekje penale apo për t’i hetuar për moszbatimin e kontratës apo prishjen e tyre, pasi kjo nuk do të ndodhte kurrë, sepse tenderat korruptivë të Bashkisë së Tiranës tashmë i ka pranuar vetë kryebashkiaku me aktin e sotëm dhe jo vetëm kaq.

Ai përveçse ka pranuar situatën problematike, duket nga ana tjetër se po mbulon me veprimet e tij abuzimet e bëra nga firmat e pastrimit të Tiranës./CNA.al

LEXO TE PLOTE

Lajm i Rekomanduar

Foto-“Si dy vëllezër siamezë”/ Detaji që nuk u pa në intervistën e Metës tek Çim Peka

Publikuar

-

Nga

Gazetari Çim Peka dhe presidenti ynë, Ilir Meta janë bërë së fundi miq për kokë. Përtej faktit se eksplorojnë malet e Shqipërisë bashkë, Peka një vit më parë e shoqëroi Liken edhe në Tropojë, aty ku rreth 19 vite më parë shkonte i shoqëruar nga forca të shumta të policisë, të grupeve të gatshme, të Forcave të Armatosura, të FNSH dhe të RENEA.

Çim Peka i cili betohet për kokën e Lulit, i bën fresk Lalit, por duket se mik të ngushtë paska Ilir Metën.

Për më tepër mbrëmjen e djeshme, Meta ishte i ftuari “special” i Çim Pekës në emisionin e tij, ku dhe dukeshin si “biniakë siamezë”.

Po të shikosh me vëmendje videon, vihet re se jo vetëm kollaren që e kishin pothuajse njëlloj, por edhe kostumin dhe këmishat i kishin uniformë.

Mesa duket pas këpucëve mjaft të kushtueshme që i dhuroi Meta kohë më parë Çim Pekës, se fundi e paska shpërblyer edhe me një kostum. Ose të dy kanë dalë për shoping bashkë, ose Meta ka vendosur që t’i dhurojë Çimit një veshje të njëjtë me të tijën./ CNA.al

Foto/ Ilir Meta i blen këpucë 1 milionë leke Çim Pekës

LEXO TE PLOTE

Lajm i Rekomanduar

Zbulohen prapaskenat e djegies së mandateve/ Kryemadhi tradhëton Bashën

Publikuar

-

Nga

Basha në selinë e LSI

Në muajin dhjetor 2018, në kohën që studentët ishin në protesta, në media qarkulluan zëra për një djegie të mandateve nga ana e opozitës. Për më tepër, ishte dhe deputetja demokrate, Rudina Hajdari e cila propozoi që të digjen mandatet e deputetëve dhe opozita t’ju bashkohet studentëve, të cilët me protestat e tyre po i “dridhnin këmbët” qeverisë.

Por, në atë kohë si Lulzim Basha ashtu edhe Monika Kryemadhi ishin kundër këtij vendimi. Lulzim Basha u justifikua se nuk do ta miratonin ndërkombëtarët, ndërsa Monika Kryemadhi në atë kohë deklaronte se nuk i djegin mandatet, se i kishin fituar me gjak.

“Populli janë të mirët, Parlamenti i Edi Ramës me kriminelët duhen larguar. Ne nuk do të ndalemi. Rama burgon njerëz që skano bukë të hanë dhe mbron trafikantët. Këtu nuk është problemi të djegim mandatet, por është momenti të djegin mandatet trafikantët. Ne do t’i drejtohemi qytetarëve”, deklaronte në atë kohë Kryemadhi.

Por, pas një proteste të zhvilluar me 16 shkurt 2019, pra rreth dy muaj pas protestave studentore, me një vendim të papritur, opozita dogji mandatet e deputetëve, dhe për me tëpër pretendonin se këtë ua kishte kërkuar elektorati.

Por, mesa duket gjithçka paska qënë një lojë e opozitës, për të mbajtur ndezur protestat.

Një fakt i tillë ëhstë pranuar mbrëmjen e djeshme edhe nga vetë kryetarja e LSI-së, Monika Kryemadhi e cila e ftuar në Ora News, tha se me djegien e mandateve, Kuvendi ka shkelur Kushtetutën.

“Është shkelur Kushtetuta dhe rregullorja se janë tërhequr jo 60 deputetë por 190 deputetë. Së dyti vakancat bëhen çdo 1 muaj nga një deputet, duhet të kalonin 6 vjet derisa të bëheshin vakancat e plota”, është shprehur Kryemadhi.

Pra, opozita pretendonte se do të duhej që deri në zgjedhjet e vitit 2021 mund të kishte dhe deputetë ende të pa futur në proçedurë për djegien e mandatit. Por, sikurse CAN.al e ka raportuar edhe më herët, duket se ishin ndërkombëtarët që ua dogjën këtë skenar, duke lënë me “gisht në gojë” Bashën e Kryemadhin. Dhe sot opozita ka ngelur pa përfaqësim në parlament dhe as në pushtetin lokal./ CNA.al

LSI kundër ndryshimit të sistemit zgjedhor/ Kryemadhi tenton të justifikohet

Analiza-Meta nxori zbuluar Bashën dhe Kryemadhin/ Ja si ndërkombëtarët u’a dogjën skenarët

LEXO TE PLOTE