Connect with Us

E rëndë/ Furgoni del nga rruga përplas qytetarët, ndërron jetë një person

Kronika

E rëndë/ Furgoni del nga rruga përplas qytetarët, ndërron jetë një person

Publikuar

-

Arrestohet autori i aksidentit të rëndë të ndodhur mbrëmjen e djeshme në qendër të qytetit të Lushnjes. Mësohet se autori i ngjarjes është shtetasi A.H, 22 vjeç, banues në Lushnje.

Nga të dhënat paraprake bëhet me dije se shkak i aksidentit është bërë drejtimi i mjetit në gjendje të dehur nga ana e 24-vjeçarit. Kujtojmë se aksidenti i rëndë me pasojë një të vdekur dhe tre të plagosur, ka ndodhur dje rreth orës 23:30 në qendër të qytetit.

Burime bëjnë me dije se një furgon me targa AA  001 FT, që po lëvizte me shpejtësi ka dalë nga rruga duke kaluar bordurën duke marrë përpara njerëzit që ishin në lulishte, ndërsa ka thyer edhe disa pemë. Si pasojë ka humbur jetën në spital T. A. 50-vjeçe, ndërsa është plagosur rëndë djali i saj dhe dy persona të tjerë.

Djali i viktimës ndodhet në spital me plagë të rënda, por jashtë rrezikut për jetën.

Njoftimi i policisë:

Specialistët e Sektorit të Qarkullimit Rrugor në Drejtorinë Vendore të Policisë Fier, arrestuan në flagrancë shtetasin:

A.H, 22 vjeç, banues në Lushnje.

Arrestimi i këtij shtetasi u bë pasi në datën 10.08.2019, rreth orës 23:10, në lagjen “Skënder Libohova”, duke drejtuar në gjendje të dehur mjetin tip “Volksëagen” ka dalë nga rruga dhe ka përfunduar në lulishten e qytetit.

Për pasojë ka ndërruar jetë shtetasja T.A, 51 vjeçe, dhe është dëmtuar bashkëshorti i saj, shtetasi F.A, 54 vjeç dhe djali i tyre Q.A, 24 vjeç, të cilët ndodheshin në lulishte.

Shtetasi F.A dhe Q.A ndodhen në Spitalin e Lushnjes nën kujdesin e mjekëve.

Materialet i kaluan Prokurorisë pranë Gjykatës së Shkallës së Parë Lushnje për veprime të mëtejshme proceduriale./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kronika

Sulmi terrorist i celulës iraniane/ Artan Hoxha zbulon kush ishte objektivi

Publikuar

-

Nga

 Objektivat që do të godiste celula terroriste iraniane në Shqipëri, ishin kampi i strehimit të opoztës iraniane, MEK, drejtues të lartë të MEK, por objekte e personalitete të rëndësishme, vrasja e të cilëve mund të krijonte.

Në heshtjen e plotë të instancave të specializuara të antiterrorit, këtë e ka publikuar pak më parë gazetari investigatin i kronikës së zezë, Artan Hoxha, i qenë pjesë e emisionit “Opinion”.

“Para se të ndodhte ngjarja e 22 marsit, në janar 2018 sigurohet një informacion sipas të cilit një target objektiv për tu sulmuar ishte, kreu i kryegjyshatës Baba Mondi. Në janar Baba Mondit i është dhënë eskortë, mjet i blinduar dhe ka qenë në ruajtje nga Policia e Shtetit, pikërisht prej këtij informacioni. Struktura të shërbimeve sekrete të Iranit kishin si një nga objektivat kreun e Kryegjyshatës botëror baba Mondin. Sesi do të shisnin ata, a sikur e vrau MEKU, a bëri bota e krimit të organizuar kjo është tjetër gjë, por ky ka qenë informacioni dhe prandaj policia e shtetit mori në mbrojtje Baba Mondin. Më pas më 22 mars të 2018 ditën e Sulltan Novruzit ata që u paraqitën si gazetarë në fakt ishin dy operativë të shërbimeve sekrete iraniane. Ata kërkuan përmes lidhjeve të tyre në Shqipëri, lidhjeve legale të siguronin leje për të hyrë tek kryegjyshata. Nga Irani për të hyrë në Shqipëri duhet vizë, ka zbuluar Artan Hoxha./CNA.al

LEXO TE PLOTE

Kronika

Detaje mbi operacionin anti-terror/ Ardi Veliu zbulon emrin e anëtarit të celulës që vizitoi 4 herë Shqipërinë

Publikuar

-

Nga

Drejtori i Përgjithshëm i Policisë së Shtetit, Ardi Veliu ka dhënë sot detaje rreth operacionit ku u zbulua një celulë terroriste iraniane, e cila do të godiste në festën e Sulltan Novruzit në 2018.

Në emisionin ‘Real Story’,  Veliu pohoi se prej gati 2 vitesh Policia, konkretisht Drejtoria e Antiterrorit ka punuar për të mbledhur informacione mbi këtë cellule dhe sipas tij personat që janë identifikuar kanë qenë struktuara drejtuese e saj. Pavarësisht se shprehet se një prej drejtuesve të kësaj celule ka vizituar Shqipërinë 4 herë, Veliu deklaroi se nga operacioni nuk ka asnjë person të arrestuar.

“Ka qenë një punë e mirëorganizuar, të gjitha strukturat e shtetit janë përkrahur nga antiterrori.

Ne bëjmë me dije se agjencia jonë, Drejtoria e Antiterrorit ka punuar gati 2 vite në funksion të monitorimit dhe të mbledhjes së provave për aktivitetin e kësaj celule. Kanë qenë anëtarët e organizatës MEK (Në Manzë).

Në rast se do të ishte finalizuar qëllimi i kësaj organizate terroriste padyshim që do të ishin lënduar edhe shtetas shqiptar.

Kjo celulë aktive terroriste është e ndërtuar në disa nivele dhe personat që ne kemi bërë publik me emra apo edhe foto janë kupola drejtuese e këtij aktiviteti. 4 personat e përmendur në komunikatën për shtyp s’janë të arrestuar.

LEXO EDHE:  Aksident, humb jetën këmbësori 8 vjeç

Ndërkohë që, veç këtyre ka edhe një nivel të dytë, janë nivel zbatues i planit të operacionit. këtu ka patur edhe persona shqiptar që iu kanë ardhur në ndihmë.

Vetëm një nga individët të cilët janë  marrë me drejtimin e kësaj ka ardhur në Shqipëri. Ai quhet Alireza Naghashzadeh, që është shtetas me kombësi iraniane dhe qytetar austriak, me emër tjetër Erëin ARAM.

Nuk ka anëtar të arrestuar të kësaj celule në Shqipëri, por ka patur të shoqëruar dhe të intervistuar. Ne jemi munduar të mbledhim prova për të arritur në këtë përfundim që bëmë publik sot”, tha ndër të tjera Veliu.

I pyetur se si është i mundur parandalimi i kësaj structure terroriste pa arrestime, Veliu është shprehur se:  “Akti terrorist, pra veprimi i këtyre strukturave mund të ndodhte nga momenti në moment, por përmes shoqërimeve dhe shkëmbimit të informacioneve ne mundëm të parandalonim këtë ngjarje terroriste gjatë festës së Sulltan Novruzit. Ky rast nuk është më evident, por për të mos u gjendur përballë një rasti tjetër kemi mundur të ndalojmë çdo aktivitet të kësaj celule terroriste.”/ CNA.al

LEXO TE PLOTE

Kronika

Sulmi i celulës terroriste iraniane/ Artan Hoxha zbulon biznesmenët shqiptar (Emrat)

Publikuar

-

Nga

Gazetari investigativ Artan Hoxha i ftuar në studion e lajmeve në Report Tv ka dhënë detaje në lidhje me sulmin nga celula terroriste iraniane të parndaluar në mars të 2018.

Duke folur për trafikantin ndërkombëtar të drogës, Abdulselam Turgut, të  shpallur në kërkim edhe nga gjykatat gjermane që më 21 nëntor 2009,  pas akuzave për trafikimin e 1.6 tonëve heroine drejt gjermanisë, Hoxha shprehet se historia nis që në vitin 1998.

Sipas Artan Hoxhës, në një operacion të policisë turke u godit një grup shqiptarësh që merreshin me biznes, mes të cilëve ishte edhe Hekuran Hoxha, person i arrestuar qershor 2019 si i përfshirë në laboratorin e Hasit, në kuadër të operaconit Volvo 4.

Ndërkohë, po ashtu, gazetari investigativ i kronikës së zezë gjatë intervistës, pasditen e sotme ka përmendur edhe emrin e Xhemail Pasmaçiut, si person i përfshirë në grupin e biznesmenëve shqiptar të lidhur me bosin turk që drejtonte grupet e heroinës në Shqipëri, Abdulselam Turgut.

“Abdulselam Turgut ka qenë nën hetim për trafik droge për qëllim ekstradimi drejt Gjermanisë.

Historia nis që në vitin 1998. Gjatë një operacioni të policisë turke u godit një grup shqiptarësh që merreshin me biznes.

U ra në gjurmët e tyre duke u ndjekur një futbollist me origjinë shqiptare, i ikur herët, që u kap me 30 kg heroinë. U arrit të kapet një episod nga policia turke me 190 kg heroinë që ishte porositur në Turqi dhe do vinte në Shqipëri në rrugë tokësore. Mes personave të kapur ishin Hekuran Hoxha i arrestuar qershor 2019 si i përfshirë në laboratorin e Hasit, në kuadër të operaconit Volvo 4, pjesë e të cilëve është edhe grupi i Avdylajve. Roni i Shijakut ka qenë i arrestuar në Shqipëri e Itali për trafik heroine. Është i përfshirë në fushata elektorale të forcave politike në Shijak. Krimi nuk ka ngjyrë politike, ka marrë pjesë në fushata të ndryshme. Personi tjetër i kapur quhej Behar Sofia. Ky emër del në ngjarjen e gushtit 2009 ku në Durrës u vranë 4 policë gjatë operacionit për të arrestuar Dritan Dajtin. Aty ka qenë Behar ose Fatmir Sofia, disa herë bizneseve të tij i është vënë lëndë eksplozive, që i ka pasur afër stadiumit Dinamo në Tiranë, tashmë nuk i ka më.

LEXO EDHE:  Aksident në autostradën Tiranë-Durrës/ Makina “fluturon” mbi trafikndarëse

Në vitin 2009 Gjykata në Gjermani ka lëshuar urdhër arresti ndërkombëtar për Turgut, që akuzohej për trafik të 1 ton heroinë në drejtim të Gjermanisë. Kishte urdhër kërkimi nga autoritetet belge, austriake, italiane. Njëkohësisht ishte arrestuar më herët edhe në Turqi dhe Azerbajxhan dhe ishte në kërkim.

Zhduket dhe humb cdo gjurmë, flitet që kishte lidhje të forta edhe në Kurdistan, dhe ka përdorur edhe territorin iranian për linjë të trafikut të drogës.”, është shprehur gazetari investigative Artan Hoxha./ CNA.al

LEXO TE PLOTE