Connect with Us

Ta bësh botën të pasigurtë/ Vladimir Putini 20 vite në pushtet

Bota

Ta bësh botën të pasigurtë/ Vladimir Putini 20 vite në pushtet

Publikuar

-

Më 9 gusht 1999, Vladimir Putin u zgjodh kryeministër i Rusisë. Njeriu, tek i cili u varën shumë shpresa ndan tani jo vetëm rusët, por edhe botën, mendon Miodrag Soric.

Në fillim ai ishte “anti-Jelcini”: shumë më i ri se presidenti ende në detyrë, plot energji, me paraqitje të sigurtë në publik, refuzues ndaj vodkës. Para 20 vitesh, kreu i atëhershëm i qeverisë dhe më vonë presidenti i Rusisë u dha një vetëbesim të ri rusëve thellësisht të pasigurtë. Reformat e dështuara të viteve 90-të e tronditën besimin e rusëve, në Kaukaz kishte plasur lufta qytetare, Rusia ndodhej ekonomikisht në kulmin e krizës.

Njeriu i ri që hyri në Kremlin ishte me “fat”. Rritja e çmimeve të lëndëve të para solli miliarda në arkat e shtetit. Putini investoi në ekonomi, i ktheu borxhet botës, luftoi varfërinë. Me dorë të hekurt ai i dha fund luftës në Çeçeni, dhe bëri që të dëgjohej sërish zëri i Rusisë në politikën botërore.

Me nuhatje të hollë për ëndrrat e rusëve

Nga përvoja e këtyre viteve Putin përfiton edhe sot. Ai ka një nuhatje të hollë për ëndrrën e rusëve për stabilitet dhe madhështi perandorake. Tanimë Vladimir Putin e inskenon veten si timonieri me përvojë, që e drejton anijen Rusi me dorë të sigurtë në stuhitë e kohës, gjithmonë duke i bërë ballë erës që i vjen kundër nga perëndimi. Ai u premton vendasve atë që duan të dëgjojnë; më shumë para për shkak të rritjes së rrogave, dhe rritje të shpenzimeve sociale.

Që nuk i mban premtimet, rusët e moshuar e dinë, por nuk shohin alternativë tjetër. Kurse rinia ruse sot mendon ndryshe. Ajo jeton në një botë që ndryshon me shpejtësi. Vetëm në Kremlin gjithçka mbetet siç ka qenë. Putini – mishërimi i “vazhdo kështu”. Gjenerata e re nuk identifikohet dot me një Putin, që thotë, se ende nuk ka një smartphone. Stabilitetin aq të vlerësuar nga rusët, kjo gjeneratë e sheh si mbajtje me thonj pas pushtetit. Kush flet si Putini për avantazhet e ndryshimit të klimës, nuk kthehet dot në idhull të rinisë. Shumë nxënës e studentë i përbuzin politikanët e korruptuar, prokurorët e gjykatësit që marrin ryshfet, oligarkët që nuk ngopen kurrë. Gjenerata e re në qytete kërkon transparencë në veprimet e shtetit. Dikur kjo quhej “glasnost”.

Soric Miodrag Kommentarbild AppMiodrag Soric

Por një perestrojkë, riformësim, siç u quajt reforma kyçe e epokës së Gorbatçovit, nuk ka për të pasur. Të ashtuquajturit “Siloviki”, burrat në moshë të aparatit të sigurisë, nuk lejojnë të shtyhen aq kollaj mënjanë. Nga demonstrues paqësorë jo e jo. E kështu sistemi Putin vazhdon punën e tij: Zgjedhjet manipulohen, shtypi censurohet, ata që mendojnë ndryshe përndiqen. Shoqëria ruse po polarizohet gjithnjë e më shumë.

Një president që tani polarizon

Sa më shumë që qëndron në pushtet Vladimir Putin, aq më shumë po ndahen rusët në qëndrimin ndaj tij. Edhe më tej miliona rusë do të vazhdojnë ta adhurojnë Putinin, njeriun që e rriti influencën e Rusisë në Ukrainë, Gjeorgji dhe më tej. Politikanë reaksionarë në botë, edhe në Gjermani shohin madje tek ai një model se si mund të rifitohet sërish “madhështia kombëtare”: me dorë të fortë dhe dhunë. Nga ana tjetër politikanë liberalë demokratë e refuzojnë atë plotësisht dhe presin për një epokë pas Putinit.

Por kjo do të zgjasë. 20 vite në pushtet nuk mjaftojnë për të bërë bilanc. Epoka e Putinit zgjat deri në vitin 2024. Deri më tani ai e ka lënë të hapur, nëse do të vazhdojë të qeverisë edhe më tej. Politikani i sotëm Putin nuk është më ai i para 20 viteve. Në atë kohë ai iu ofrua perëndimit si partner. Tani ai e lufton rendin botëror të përcaktuar nga SHBA. Me këtë ai së bashku me sundues të tjerë autoritarë në Kinë dhe Iran e bën botën më të pasigurtë. Për të gjithë, edhe për rusët./DW

KLIKO PER TE KOMENTUAR

Komentoni

Your email address will not be published. Required fields are marked *

Bota

14-vjeçarja nga Britania është “përdhunuar nga një punonjës shqiptar”, teksa pushonte në Korfuz me familjen

Publikuar

-

Një vajzë 14 vjeçare nga Britania  supozohet të jetë përdhunuar nga një punonjës shqiptar, teksa ishte me pushime së bashku me familjen e saj në Korfuz.

32 vjeçari u arrestua ditën e djeshme, pasi prindërit e të miturës kanë denoncuar rastin në polici, në Dassia, në lindje të ishullit grek, të mërkurën.

Mendohet se burri ka rrëfyer se ka tentuar të dhunojë seksualisht dhe është identifikuar menjëherë nga vajza, raporton The Sun.

Një burim është shprehur se: ” Ai është dorëzuar në polici dhe ka rrëfyer për përdhunimin. Kundër tij është hapur një çështje në polici.”

Vendasit janë shprehur se janë të shokuar nga ky incident dhe drejtoria e sigurisë në Korfuz po heton mbi ngjarjen.

Të tilla ngjarje ku një fëmijë përdhunohet nga një punonjës i hotelit janë të padëgjuara më parë në këtë zonë, raporton Keep Talking Greece.

Detajet për krimin e supozuar nuk janë shqyrtuar ende nga autoritetet në Greqi, por adoleshentja është mbështetur nga familjarë dhe zyrtarë të policisë.

Oficerët e policisë nuk e kanë zbuluar ende në cilin prej hotele po qëndronin 14 vjeçarja me prindërit e saj në ishull.

Një zëdhënës i Zyrës së Jashtme konfirmoi se ata po ndihmojnë familjen britanike dhe janë në kontakt me policinë greke.

Përshtatur nga CNA.al

LEXO TE PLOTE

Bota

Tragjedi në Bangladesh/ Zjarri shkrumbon 2500 shtëpi

Publikuar

-

Një zjarr i madh është përhapur me një shpejtësi të madhe duke shkrumbuar 2500 shtëpi në kryeqytetin e Bangladesh. Qindra banorë të kësaj zone kanë mbetur në rrugë pasi zjarri ka shkatërruar çdo gjë. Fatmirësisht nuk ka raportime për të vdekur apo të humbur, por shumë prej tyre kanë marrë lëndime të ndryshme në trup.

Zjarri nuk u ndal për 6 orë dhe ka djegur të gjithë zonën e Xhilparit. Shkaku ende nuk është bërë i ditur.

Një nga banorët u shpreh se epiqendra e zjarrit ishte në njërën nga njësitë shumë pranë kryeqyetit dhe më pas ka përfshirë të gjithë zonën.

LEXO TE PLOTE

Bota

“Jam gati të marr frerët e qeverisë”/ Një tjetër kandidat për tu bërë kryeministër i përkohshëm i Mbretërisë së Bashkuar

Publikuar

-

Ken Clark është shprehur mbrëmjen e kaluar se është i gatshëm të bëhet kryeministri i përkohëshëm për të ndalur Britaninë të dalë nga BE pa një marrëveshje në 31 Tetor. Kancerlari i Torit deklaroi se qeveria e kombeve të bashkuara se kjo është e nevojshme sepse ai beson se vendi po përballet me një krizë të ngjashme me atë të viteve 1930 dhe dy luftrave botërore.

Deputeti dëshiron të ndalë një Brexit pa marrëveshje dhe po kosiderojnë të largojnë Boris Johnson nga Doëing Street duke mos e votuar, por shumica prej tyre shprehen se ende nuk kanë gjtur një emër për ta zëvendësuar. Lideri i Partisë Labouriste Jeremy Corbyn u vetëofrua të bëhej kryeministër i përkohshëm, por kjo u refezua nga lideri demokrat Jo Swinson, i cili sugjeroi një figurë si Ken Clarke ose Harriet Harnan.

Ken ka deklaruar për Radio BBC se nëse kjo është e vetmja mënyrë për të zgjidhur krizën e krijuar ai është gati të marrë frerët e drejtimit të qeverisë.

LEXO TE PLOTE