Connect with Us

Pushtohet nga flakët ishulli me turistë në Greqi

Bota

Pushtohet nga flakët ishulli me turistë në Greqi

Publikuar

-

Pushtohet nga flakët ishulli me turistë në Greqi

Ishulli grek, Elafonissos është përfshirë nga flakët gjatë ditës së sotme.

Zjarri ka rënë në një zonë të pyllëzuar, ndërkohë që për shkak të erës së fortë, flakët janë përhapur me shpejtësi.

Sipas mediave fqinje, mësohet se në ishull ka shumë pushues që kanë zgjedhur t’i kalojnë pushimet aty.

Ndërkohë që për të vënë në kotroll flakët janë mobilizuar mbi 20 makina zjarrfikëse si dhe një helikopter për të vëzhguar situatën nga lartë.

Fatmirësisht nuk ka të lënduar, ndërkohë që kampet dhe hotelet në Elafonissos janë evakuar.

Kujtojmë se verën e një viti më parë Greqia u përballë me një nga zjarret më shkatërrues ku gjetën vdekjen 103 njerëz dhe gati 200 të tjerë u dërguan në spital me plagë./CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Serbi, sulmohet me gurë autobusi i linjës Prishtinë-Frankfurt

Publikuar

-

Nga

Autobusi i linjës Prishtinë-Frankfurt i një agjencie kosovare është sulmuar mbrëmë në Krushevac të Serbisë.

Në autobus gjendeshin shqiptarë nga Kosova, të cilët po udhëtojnë në drejtim të disa qyteteve të shtetit gjerman.

Nga sulmi ka pasur vetëm dëme materiale ku është thyer xhami i përparmë i autobusit.

Mjeti ishte duke kaluar në Krushevac kur është gjuajtur me gurë në drejtim të tij, raporton KP.

Edhe pse i përkiste një agjencie kosovare, autobusi është me targa të Shqipërisë.

Mjeti është ndalur në një vend të sigurtë dhe me rastin tashmë po merret policia e Serbisë.

LEXO TE PLOTE

Bota

Prova të reja me raketa të Koresë së Veriut

Publikuar

-

Nga

Koreja e Veriut ka kryer një tjetër provë me raketa balistike, duke shkelur një premtim bërë presidentit amerikan, Donald Trump, se do të përmbahet nga provat e tilla pas përfundimit të ushtrimeve ushtarake amerikane-koreane.

Presidenti Trump, megjithatë, tha se nuk i sheh provat e fundit të Koresë së Veriut si “shkelje të zotimit”. Para se të largohej nga Washingtoni për të marrë pjesë në takimin e G-7-tës në Francë, presidenti amerikan tha se udhëheqësi i Koresë së Veriut Kim Jong Un “ka qenë shumë i drejtpërdrejtë me mua… Atij i pëlqen të provojë raketat, por ne nuk kemi kufizuar kurrë raketat me rreze të shkurtër veprimi”.

Qeveria japoneze raportoi herët të shtunën për provat me raketa. Ushtria e Koresë së Jugut konfirmoi provat disa minuta më vonë, duke thënë se Koreja e Veriut hodhi raketat nga krahina e Hamgyongut jugor në bregdetin e saj lindor.

Sipas një deklarate të Shtatmadhorisë së Koresë së Jugut, raketat që vlerësohet të jenë “me rreze të shkurtër veprimi” fluturuan rreth 380 kilometra, duke arritur një lartësi prej 97 kilometrash dhe një shpejtësi prej 6.5 Machës, (1 mach është i barabartë me 1225 kilometra në orë).

Një zyrtar i lartë amerikan i tha Zërit të Amerikës se Shtetet e Bashkuara i dinë njoftimet “për prova raketore të Koresë së Veriut dhe po e ndjekin situatën. Ne këshillohemi ngushtë me aleatët tanë japonezë dhe jugkorean”, tha ai.

Pas një takimi emergjent, Këshilli i Sigurisë Kombëtare të Koresë së Jugut shfaqi “shqetësimin” për vazhdimin e provave nga Koreja e Veriut, pavarësisht përfundimit të ushtrimeve ushtarake ndërmjet Shteteve të Bashkuara dhe Koresë së Jugut./ VOA

LEXO TE PLOTE

Kosova & Rajoni

U arrestua për korrupsion/ Katica Janeva në gjendje të rëndë

Publikuar

-

Nga

Ish-Prokurorja Speciale e Maqedonisë së Veriut, Katica Janeva është në gjendje të rëndë shëndetësore në Shutkë, pas ndalimit të saj dy ditë më parë.

Sipas portalit “Skopje1.mk”, ajo nuk ka qenë mirë që para se të kapet nga policia.

Po sipas kësaj media, ajo po merr ilaçe për qetësim dhe kundër depresionit. Ndërsa problem tjetër është edhe tensioni i gjakut. Ajo vazhdimisht është nën mbikqyrjen dhe kontrollet e mjekut. Janeva dyshohet në rastin “Reket”, për keqpërdorim të detyrës zyrtare.

LEXO TE PLOTE