Connect with Us

Historia e vërtetë e Spartakut, gladiatorit që drejtoi revoltën më të madhe të skllevërve në histori

Kuriozitete

Historia e vërtetë e Spartakut, gladiatorit që drejtoi revoltën më të madhe të skllevërve në histori

Publikuar

-

Spartaku drejtoi jo vetëm një revoltë të madhe të skllevërve, ku morën pjesë dhjetëra mijëra njerëz në shekullin I Para Krishtit, por ai e mposhti vazhdimisht Romën në beteja. Por ende sot motivimet e tij, janë subjekt i debateve midis historianëve. A ishte ai një hero rebel – siç e cilëson legjenda urbane- një grabitës i shkujdesur, apo që të dyja bashkë?

Gjithçka që dime mbi Spartakun, na vjen nga burime të dorës së dytë apo edhe të dorës së tretë, nga historianë të lashtë që kanë lindur disa dekada pas vdekjes së tij në vitin 71 Para Krishtit. Dhe që nga kohërat e lashta, ai është mitizuar gati nga të gjithë. Po kush ishte në fakt Spartaku?

Para se udhëheqësi rebel të drejtonte njerëzit e tij anëmbanë Italisë, dhe të shkatërronte pa mëshirë legjionet romake, ai ishte thjeshte një djalë si gjithë të tjerët. 

Sipas historianëve antikë, Spartaku lindi në Thrakë, rajon që shtrihet sot në një pjesë të Bullgarisë, Greqisë dhe Turqisë. Pas Luftës së Tretë të Maqedonisë në shekullin II Para Krishtit, shumë thrakë u dërguan më dhunë në Itali, ku u shitën si skllevër. Mes tyre ishte edhe Spartaku.

Sipas historianit grek Apiani nga Aleksandria, që jetoi në shekullin II Pas Krishtit, Spartaku ishte në fillim një ushtar romak, por u burgosur dhe u shit tek një fisnik që zotëronte një arenë gladiatorsh në Kapua, një qytezë afër qytetit të Napolit. Në vitin 75 Pas Krishtit, gati 150 vjet pas vdekjes së Spartakut, historiani romak Plutarku shkroi se Spartaku rezistoi shumë kohë përpara rebelimit të tij si skllav. 

Ai rrëfen se kur u dërgua për herë të parë në Romë për t’u shitur, një gjarpër iu mbështoll rreth kokës kur Spartaku ishte në gjumë. Gruaja e tij, që vinte nga i njëjti fis, dhe ishte një profete, që njihte si zot Dionisin, tha se kjo shenjë do të thoshte që ai do të kishte një fuqi të madhe dhe të tmerrshme, që do ta çonte drejt një fundi tragjik.

Në Capua, Spartaku u detyrua të ndeshej si gladiator nën tutelën e Lentulus Batiatus. Në një moment ai vendosi të revoltohet. Sipas Plutarkut, rebelimi i skllevërve nisi me 78 njerëz që ishin të armatosur vetëm me disa thika kuzhine. Në vitin 73 Para Krishtit, ky grup gladiatorësh të fuqishëm, vendosi të rrezikojë gjithçka për të rifituar lirinë.

Pasi neutralizuan rojet, ata u arratisën. Fillimisht u ndeshën me një karvan udhëtarësh, të cilëve u grabitën armët që kishin me vete dhe arin. Më pas rebelët u nisën drejt shpateve të malit Vezuvit, duke plaçkitur fshatrat përreth, duke ndarë mallin me të tjerët, dhe duke mbledhur gjithnjë e shumë burra gjatë rrugës.

Në fillim Roma, nuk mendonte se një bandë skllevërish, të paraqesin ndonjë kërcënim serioz për të. Ata dërguan Gaius Glaberin që të merrej me këtë çështje. Duke e nënvlerësuar situatën, nuk i dhanë atij as një legjion të plotë ushtarësh. Glaber dhe 3.000 ushtarët e tij bllokuan rrugën e vetme prej nga ku Spartaku dhe njerëzit e tij, mund të largoheshin. 

Por rebelët përdorën degët e hardhive dhe të pemëve, ndërtuan shkallë dhe zbritën faqen shkëmbore, duke sulmuar romakët pas shpine. Pasi shpartalluan me shpejtësi ushtrinë e Glaberit, ata mposhtën shumë shpejt edhe legjionin e Publius Variniusit, me ushtrinë e tij prej 2.000 vetësh.

Këto fitore, bënë që rreth skllevërve, të mblidhen shumë njerëz. Shumë shpejt ushtria e Spartakut arriti në më shumë se 70.000 njerëz. Por Spartaku nuk ishte mendjekthjellët. I vetëdijshëm se nuk kishte asnjë shans të mposhtte të gjithë ushtrinë perandorake të Romës, ai hoqi dorë nga luftimet dhe synoi të rrikthehej në shtëpi. 

Ai dhe njerëzit e tij synuan të udhëtonin drejt veriut, të kapërcenin malet Apenine, të kalonin Alpet, dhe të ktheheshin në tokat e tyre të lindjes në Thrakë dhe Gali. Që të mbronte njerëzit, ai e ndau ushtrinë e tij në dy grupe. Gjysma e ushtrisë, e përbërë nga fiset gale dhe ato gjermanike, ndoqi ish-gladiatorin Kriksus, krahun e djathtë të Spartakut. 

Pjesa tjetër, kryesisht thrakas, ndoqën Spartakun. Megjithëse plani i tij ishte që të rikthehej sa më parë shtëpi, shumë nga burrat e tij kishin plane të ndryshme. Sipas Plutarkut, të mashtruar nga suksesi i tyre, ata vazhduan të shkatërrojnë Italinë. Ndaj senati romak, dërgoi gjeneralin Markus Krasusin që të shtypte rebelimin, duke i vënë në dispozicion 10 legjione.

Kur Spartaku dhe njerëzit e tij u mundën, 6.000 njerezit e tij u kryqëzuan gjatë rrugës që lidh Kapuan dhe Romën, si një leksion për të gjithë rebelët e mundshëm. Ai vetë mbijetoi dhe vazhdoi të udhëtonte drejt veriut. Më pas ndërroi mendje dhe u rikthye në jug drejt Siçilisë. Ai shpresonte të pushtonte ishullin, ku skllevërit ishin revoltuar 3 herë në 70 vitet e fundit. 

Ai planifikoi të shkonte në Siçili me një flotë me anije piratësh, por piratët e mashtruan. Ata morën paratë dhe u larguan para se rebelët të hipnin në anije. 

Spartaku u detyrua të stacionohej përkohësisht në gadishullin e Rhegiumit, në jug të Italisë, për të planifikuar veprimin e tij të radhës. Pas disa ditësh aty u ndesh me Krasusin, ku sllevërit pësuan një humbje të rëndë. Kjo humbje mbolli përçarje në radhët e rebelëve. Spartaku mendohej se gjeti vdekjen në betejën e fundit të rebelëve, edhe pse trupi i tij nuk u gjet kurrë.  

Disa historianë e shohin Spartakun si një rebel egoist, që i çoi njerëzit e tij drejt asgjesimit për shkak të egos së tij të tepruar, duke e shkatërruar ndërkohë Italinë e kohës. Të tjerët nuk bien dakord me këtë pikëpamje, dhe e shohin atë si një figurë frymëzuese që drejtoi mijëra njerëz të thjeshtë kundër Perandorisë Romake. Tek e fundit, Spartakus drejtoi revoltën më të madhe të skllevërve në Romën antike, revolta që kujtohet edhe sot e kësaj dite.

Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kuriozitete

Fotot-Investigimi gjatë pandemisë/ Sa të pastër janë hotelet? Gazetarët shokohen nga ajo që gjejnë

Publikuar

-

Nga

Pandemia e koronavirusit na ka mësuar se pastërtia dhe higjena është tepër thelbësore për të shmangur infektimin.

Vendet si hotelet duhet të marrin seriozisht situatën e Covid-19 dhe pastërtinë, duke marrë parasyshse jeta e njerëzve varen nga kjo.
Një emision televiziv në SHBA bëri një investigim në hotel për të parë nëse ndërrohen çarçafët apo jo.

LEXO EDHE:  Protesta e banorëve të Astirit/ Ngjela: Kërkojnë dëmshpërblim për pronat e paligjshme

LEXO EDHE:  10 aksidentet më të kushtueshme në histori

Ata stampuan logot e tyre që mundtë shiheshin vetëm në dritën ultra violet. Por sipas investigimit pastërtia në disa hotele mungonte dhe kur u kthyen çarçafët nuk ishin zëvendësuar apo larë. Për më tepër ju ftojmë të ndiqni galerinë e mëposhtme./CNA.al

LEXO TE PLOTE

Kuriozitete

Foto-E rrallë/ Aeroplani i vjetër shndërrohet në një shtëpizë fantastike për pushime

Publikuar

-

Nga

Foto-E rrallë/ Aeroplani i vjetër shndërrohet në një shtëpizë fantastike për pushime

Një aeroplan që në shikim të parë mund të mos duket vendi ideal për pushime, por me disa ndryshime, mund të bëhet një suitë e mrekullueshme për muaj mjalti.

Sipas mediave të huaja,një aeroplan i viteve 50-ta, nga Electric Canberra, u shndërrua në një shtëpizë komode për dy persona, me pamje të mrekullueshme në fshatin Somerset.

Vila quhet “The Sky Cabin”, dhe është vendi i përsosur për një ëeekend romantik.
Pronari i kabinës, Dan Harring, e bleu pjesën e përparme të aeroplanit në Bristol në vitin 2018.

LEXO EDHE:  Protesta e banorëve të Astirit/ Ngjela: Kërkojnë dëmshpërblim për pronat e paligjshme

LEXO EDHE:  Historia e pabesueshme e Mauros, jeton prej 29 vitesh i vetëm në ishull

Në hyrje të vilës, është një zonë e shtruar me një tavolinë dhe karrige, të cilat janë të pozicionuara në mënyrë të përsosur për të parë perëndimin e diellit./CNA.al

LEXO TE PLOTE

Kuriozitete

Të shtrirë në mes të rrugës gjysmë të zhveshur/ Britanikët shfrenohen 3 muaj pas karantinës

Publikuar

-

Nga

Të shtrirë në mes të rrugës gjysmë të zhveshur/ Britanikët shfrenohen 3 muaj pas karantinës

Pas 3 muajsh karantinë, britanikët i kanë thyer të gjitha rregullat duke përfunduar në rrugët e qytetit gjysmë të zhveshur dhe të dehur.

Britania i është rikthyer normalitetit duke bërë që shumë të rinj të rinisin të frekuentojnë pubet dhe restorantet deri në orët e vona.

Pamjet e publikuara nga mediat e huaja tregojnë se të rinjtë kanë bërë nëj jetë të shfrenuar, ku shumica e vajzave shihen të shtrira në mes të rrugës nga pirja e tepërt e alkoolit.

LEXO EDHE:  10 historitë prekëse që qëndrojnë pas tatuazheve të Vip-ave

LEXO EDHE:  12 liderët ushtarakë më brilantë të historisë

Forcat e policisë kanë kryer arrestime dhe siç do t’i shihni në fotot e mëposhtme, po ndihmojnë disa prej të rinjve të cilët janë në gjendje të keqe për shkak të alkoolit./CNA.al

LEXO TE PLOTE
Lajme të Rekomanduara: