Connect with Us

“Gënjeshtrat propagandistike të Ramës”/ Tabaku “shigjeton” Kryeministrin

Politikë

“Gënjeshtrat propagandistike të Ramës”/ Tabaku “shigjeton” Kryeministrin

Publikuar

-

Ish-deputetja e PD-së, Jorida Tabaku, me anë të një postimi në rrjetet sociale shkruan se kryemisnitri Edi Rama bën propaganda nëpërmjet gënjeshtrës.

Sipas Tabakut, Rama ka 6 vjet në qeverisje dhe ka çdo mundësi për të hetuar gjithçka por preferon të zgjedh propagandën. Ish-deputetja i kujton Ramës abuzimet me tenderat e rrugëve Milot-Balldren me vlerë 296 mln euro dhe PPP-në e rrugës Porti Jahteve-Orikum me vlerë 70 mln euro.

Postimi i plotë i Tabakut

Episodet humoristike të qeverisë Rama nuk lidhen vetëm me mënyrën se paraqitjes së kryeministrit në takimet zyrtare apo konferencat. Ato shpesh zbresin edhe në zyrat e kryeministrisë ku anëtarë të qeverisë për të mbuluar koncesionet abuzive dhe kriminale (si fjala vjen PPP Milot_Balldren, Orikum-Porti jahteve apo Thumanë-Kashar) ngrenë gishtin akuzues ndaj atyre që i akuzojnë.

Një situatë e tillë qesharake vjen pasi qeveria Rama ka 6 vjet në qeverisje, ka marrë në dorë Prokurorinë e Pergjithshme përmes shpikjes PPP Marku, Prokurorinë e Krimeve të Renda dhe çdo institucion tjetër hetues në vend. Me gjithë këtë pushtet në dorë, me të gjitha mundësitë për të hetuar këdo nga qeveritë e shkuara, qeveria Rama zgjedh prapë gënjeshtrën propagandistike.

Ironia është se në vend që të hetohen ata që e ndanë Shqipërinë me traun 5 eurosh për interesa meskinë, ftohen të linçohen me akuza të dala boje ata që e bashkuan Shqiptarine. Heshtet për qeverinë dhe ministrat që kanë dhënë 2,2 mld lekë PPP për rrugë e shërbime që ende nuk kanë përfunduar dhe që i është fryrë kosto mbi dhjetë herë, ndërkohë që nuk janë dëgjuar të flasin kundër kontratave abuzive koncesionare të rrugës Milot-Balldren me vlerë 296 mln euro dhe PPP-në e rrugës Porti Jahteve-Orikum me vlerë 70 mln euro.

Ndërsa BE ka përllogaritur koston e 1 km rrugë në Autostradën Adriatiko-Joniane që të ketë vlerën 1.2 mln euro, qeveria shqiptare për rrugë shumë herë me kushte gjeoteknike më të lehta ka vlerësuar në kontratat kriminale koston e 1 km rrugë me një vlerë 16 mln euro.

Propaganda në këto kushte, tregon dëshpërimin që ka zënë mazhorancën dhe qeverinë.

Sa më i afërt fundi, aq më i egër reagimi!/CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

Ndihma për të prekurit nga tërmeti/ Fabian Topollaj nxjerr zbuluar Veliajn

Publikuar

-

Nga

Këshilltari i djathtë në Bashkinë e Tiranës, Fabjan Topollaj, ka publikuar mashtrimin e radhës së kryebashkiakut, Erion Veliaj.

Topollaj ka publikuar postimin e djeshëm të Veliajt përmes të cilit, kryebashkiaku tregonte se bashkia e Tiranës është vënë në ndihmë të banorëve të prekur nga tërmeti.

Por, Veliaj del zbuluar pasi fotoja që ai ka publikuar dje, është publikuar edhe disa muaj më parë nga vetë kryebashkiaku.

“Dmth duhet të jesh i sëmurë si Veliaj të arrish të manipulosh dhe fotot vetëm sa për të thënë që Bashkia është në krye të detyrës me rastin e tërmetit.
Foto e parë është ribotuar sot nga Veliaj, ndërsa origjinalja disa muaj më parë kur Bashkia Tiranë ka dërguar ndihma për tërmetin në zonën e Korccës”, shkruan Topollaj në postimin e tij./CNA.al

LEXO TE PLOTE

Politikë

Berisha me qytetarët pas tërmeteve/ Opozita jo parlamentare me pushime në Hollandë

Publikuar

-

Nga

I vetmi që ka reaguar nga opozita parlamentare lidhur me dëmtet e shkaktuara nga tërmeti është ish kryeministri Sali Berisha.

Së fundmi, Berisha ka publikuar rastin e njërit prej shumë pallateve në Durrës që është çarë, mes për mes, si pasojë e lëkundjeve të fuqishme të tërmetit.

Në faqen e  tij në Facebook, Berisha ka publikuar vazhdimisht shumë raste të dëmeve që ka shkaktuar tërmeti.

Që prej ditës së djeshme Berisha nuk është ndalur së publikuari rastet e qytetarëve që janë prekur nga tërmeti. Ndërkohë opozita jo parlamentare nuk ndihet, për t’iu gjendur pranë banorëve në nevojë.

Mesa duket opozita jashtë parlamentit ndodhet me pushime në Hollandë, duke harruar kështu situatën alarmante që kanë krijuar tërmetet në Shqipëri. Kryedemokrati, Lulzim Basha nuk është “ndiher” më, që pas mesazhit të tij solidarizues, pesë orë pas tërmetit. Vazhdon të vadisë tulipanët në Hollandë./CNA.al

LEXO TE PLOTE

Politikë

Tërmetet e fuqishme në Shqipëri/ Reagon Mogherini

Publikuar

-

Nga

Shefja e politikës së jashtme të Bashkimit Europian, Federica Mogherini, i ka shprehur solidaritet kryeministit, Edi Rama, për situatën e tërmeteve.

Mogherini uron që të gjithë të lënduarit nga lëkundet sizmike të mund të shërohen sa më shpejt.

“Uroj që të plagosurit nga tërmeti të shërohen sa më shpejt. Solidarizohem me kryeministrin Rama për këtë situatë. Bashkimi Europian është i gatshëm të ndihmojë Shqipërinë për të rimarrë veten”, thotë ndër të tjera në mesazhin e saj Mogherini.

Komunikatë e Zyrës së BE-së:

Përfaqësuesja e Lartë për Punët e Jashtme dhe Politikat e Sigurisë në BE Federica Mogherini i ka shprehur solidaritet kryeministrit shqiptar Edi Rama për një seri tërmetesh shkatërruese që kanë goditur Shqipërinë duke plagosur dhjetëra njerëz dhe duke shkaktuar dëm të jashtëzakonshëm në ndërtesa dhe infrastrukturë.

Përfaqësuesja e lartë iu uron të gjithë të lënduarve shërim sa më të shpejtë. Ajo gjithashtu nënvizoi gatishmërinë e Bashkimit Evropian për të ofruar ndihmë, përfshirë edhe përmes Mekanizmit të Mbrojtjes Civile. Ndërsa kryeministri Rama anuloi udhëtimin e tij për në Nju Jork për javën ministrore të Asamblesë së Përgjithshme të KB. Ai do të zëvendësohet nga ministri në detyrë i Punëve të Jashtme të Shqipërisë Gent Cakaj në darkën që përfaqësuesja e Lartë do të zhvillojë sot me krerët e Ballkanit Perëndimor./CNA.al

LEXO TE PLOTE