Connect with Us

Çlirimi i bregdetit/ Nën hetime biznesmenë dhe zyrtarë bashkiakë

Sociale

Çlirimi i bregdetit/ Nën hetime biznesmenë dhe zyrtarë bashkiakë

Publikuar

-

Është rikthyer sërish në Velipojë aksioni i Policisë për lirimin e plazheve.

Kështu është liruar rreth 2500 m2 plazh i zaptuar në mënyrë të paligjshme, si dhe sekuestrohen 235 komplete si shezlongë, çadra  dhe karrige.

Ndërsa në plazhin në Kune në  Shëngjin, në  rreth 8000 m2 plazh të zaptuar në mënyrë të paligjshme, janë sekuestruar rreth 500 çadra e shezlongë.

Ndërkaq ka nisur hetimi për 5 përfaqësues ligjor  subjektesh për veprat penale “Fshehja e të ardhurave” dhe “Mospagim taksash” dhe  drejtorë pranë Bashkisë Lezhë për veprën penale “Shpërdorim detyre”.

Njoftimi i Policisë:

Vijon operacioni ” Plazh i lirë”

Lirohen nga Policia e Lezhës në plazhin në Kune, Shëngjin,  rreth 8000 m2 plazh i zaptuar në mënyrë të paligjshme, si dhe sekuestrohen rreth 500 cadra e shezlongë.

Procedohen nga Policia e Lezhës 5 përfaqësues ligjor  subjektesh për veprat penale “Fshehja e të ardhurave” dhe “Mospagim taksash”.

Procedohen penalisht 2 Drejtorë pranë Bashkisë Lezhë për veprën penale “Shpërdorim detyre”.

Lirohen në Velipojë rreth 2500 m2 plazh i zaptuar në mënyrë të paligjshme, si dhe sekuestrohen 235 komplete (shezlongë + çadra + karrige).

Procedohen nga Policia e Shkodrës dy pronarë subjektesh që kishin zaptuar hapësirën publike në plazh.

Në zbatim të detyrave të përcaktuara në planin e posaçëm të masave “Për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore, shërbimet policore të Komisariatit të Policisë Lezhë në bashkëpunim me specialistët e Seksionit për Hetimin e Krimit Ekonomik e Financiar në Drejtorinë Vendore të Policisë Lezhë, kanë ushtruar kontrolle në subjekte që ushtrojnë aktivitet biznesi në zonën e bregdetit në plazh, në Kune, Shëngjin.

LEXO EDHE:  “Policia është në gadishmëri”/ Shihni ç’ndodh me policët e Xhafajt (Video)

Si rezultat, janë konstatuar 5 subjekte që ushtronin aktivitet të kundërligjshëm në shfrytëzimin e hapësirës publike, pa paguar detyrimet financiare, si dhe pa u pajisur me kontratë qiraje për përdorim nga Bashkia Lezhë. Në përfundim të veprimeve hetimore, janë proceduar penalisht shtetasit N.K., Sh.L., E.L., L.K., dhe  M.T., për veprat penale ” Fshehja e të ardhurave” dhe ” Mospagim i taksave”.

Gjithashtu, është proceduar edhe shtetasi A.N., me detyrë Drejtor i Taksave dhe Tarifave Vendore pranë Bashkisë Lezhë, pasi ka lejuar këto subjekte të ushtronin aktivitetet në mënyrë të kundërligjshme, si dhe shtetasi S.T., Drejtori i  Drejtorisë së Planifikimit të Territorit pranë Bashkisë Lezhë, pasi në kundërshtim me ligjin ka lëshuar leje ndërtimi në zonë të mbrojtur.

Aksioni ka vijuar në Velipojë, ku janë liruar 2500 m2, plazh i zënë në mënyrë të kundëligjshme nga dy subjekte.

Gjatë aksionit u sekuestruan  235 komplete (shezlongë + karrige + çadër plazhi), si dhe u proceduan penalisht shtetasit L.M. dhe SH.N., pasi nga kontrolli i ushtruar në subjektet e tyre në zonën e Plazhit në fshatin Pulaj-Plazh, rezultoi se  këta shtetas kishin zënë hapësirë publike rreth 2500 m2, duke vendosur përkatësisht 135 komplete shezlongë shtetasi L.M. dhe 100 komplete shezlognë shtetasja SH.N., të cilat u sekuestruan nga Policia.

Operacioni vijon në gjithë vijën bregdetare të vendit./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Drejtoresha e ISHP: Virusi nuk kërkon “pasaportë”, kemi rritur mbikqyrjen  

Publikuar

-

Nga

Nisur nga situata e Koronavirusit në Itali, Ministria e Shëndetësisë ka dyfishuar masat mbrojtëse.

Ndërkohë, mëngjesin e sotëm është mbledhur Task-Forca në Rinas, ku është diskutuar për masat për t’u mbrojtur nga koronavirusi dhe për të parandaluar hyrjen e individëve të prekur në territorin shqiptar.

Drejtoresha e Institutit të Shëndetit Publik, Albina Fico,u shpreh se është rritur survejanca dhe mbikëqyrja, ndërsa shtoi se kontrollet dhe izolimi i rasteve të dyshuara nuk mund të bëhet në spitale publike.

“Raste të konfirmuara ne nuk kemi. Ne në mënyrë aktive kemi rritur survjancën dhe mbikqyrjen. Në shumë vende nuk e gjen dot pacientin zero. Në fund të ditës ke vetëm një instrument të bësh mbikëqyrjen. Ne po kontrollojmë me shumë kujdes ccdo lloj aspekti. Virusi nuk kërkon për të hyrë në Shqipëri sepse nuk ka kërkuar në asnjë vend tjetër.

LEXO EDHE:  Trafik armësh dhe droge/ Shkatërrohet banda italo-shqiptare, 12 të arrestuar

LEXO EDHE:  Dëmtohet Muzeu i Alfabetit të Gjuhës Shqipe në Manastir

Ka njerëz që duan të vijnë në ISHP për kontrolle. Ky nuk është një testim si bëhet për turbekulozin. Nuk është ccështje para. Është çështje sistemi.  Nëse do kishte 100 vetë që do donin të vinin ne do e zhvendosnim strukturën dikur tjetër. Ne testojmë të gjitha rastet e dyshuara. Ata duhet të telefonojnë në urgjencën kombëtare. Numri i rasteve të dyshuara pranë ISHP është 6 dhe të gjitha kanë rezultuar negative”, deklaroi ajo.

LEXO TE PLOTE

Sociale

Ministria i hoqi licencën/ “Udha e shkronjave” nuk ndalet: Po bëjmë mësim online dhe po na shijon shumë

Publikuar

-

Nga

Shkolla jo publike “Udha e shkronjave” ka reaguar sërish lidhur me vendimin e Ministrisë së Arsimit për heqjen e licencës.

Në njoftimin e shkollës thuhet se sot mësimi po vazhdon online dhe të gjithë janë shumë të kënaqur.
Gjithashtu theksohet se dje janë pyetur 100% e prindërve të nxënësve të shkollës, dhe më pas është marrë vendimi.

“Sot, mësim online. Sot, mësimi në shkollën “Udha e shkronjave” është duke u zhvilluar online dhe po na “shijon” shumë 🙂 sepse jemi të kënaqur që kemi marrë një masë për mbrojtjen e shëndetit të tyre, duke shkëputur kontaktet fizike dhe duke ulur në maksimum ekspozimin ndaj sëmundjeve infektive, ndër to edhe coronavirusi i dyshuar (e theksojmë i dyshuar).
Dje, janë pyetur 100% e prindërve të shkollës “Udha e shkronjave” deri në orën 17:00. Më pas, është marrë vendimi”, thuhet në reagimin e shkollës./CNA.al

Frika nga koronavirusi/ Mbyllet për 2 javë shkolla e parë në Tiranë

Mbyllja e shkollës nga frika e koronavirusit/ Ministria e Arsimit i heq licencën: Udhëheqësit të ndiqen nga organet e drejtësisë

“Inspektorët dhunuan drejtorin e shkollës private në Tiranë”/ “Udha e shkronjave” sqaron heqjen e licencës nga Ministria

LEXO TE PLOTE

Sociale

A ka Shqipëria maska për të gjithë?/ Manastirliu qetëson qytetarët

Publikuar

-

Nga

Ministrja e Shëndetëisë Ogerta Manastirliu ka qetësuar qytetarët shqiptarë lidhur me gjendjen e maskave në vend për të përballuar koronavirusin.

Sipas Manastirliut, spitalet janë të furnizuara dhe tregu ka mjaftueshëm stok për të përballuar kërkesën.

“Përgjigja do të përmbush pritshmëritë tuaja. Ashtu si ekspertët rekomandojmë maskat nuk parandalojmë virusin. Vendosen tek ata persona që kanë probleme më shëndetin ose i shërbejnë dikujt që është i sëmurë. Kemi bërë një verifikim të importeve të maskave. Ekzistojnë dhe kompanitë që janë distributor. Spitalet disponojnë të gjitha masat mbrojtëse duke nisur nga maskat. Ndërsa farmacitë janë private dhe porosisin sipas kërkesës, tregu ka stokun e mjaftueshëm që të përballojë kërkesën. Spitalet kanë marrë të gjitha masat për furnizimin e tyre. Kështu që pa asnjë lloj shqetësimi”, tha Manastirliu./CNA.al

LEXO TE PLOTE