Connect with Us

Pazare me Ramën/ Lëkundet Basha

Politikë

Pazare me Ramën/ Lëkundet Basha

Publikuar

-

Në konferencën e sotme, kreu i opozitës Lulzim Basha ka deklaruar se kryeministri Edi Rama kërkon pazar. Sipas tij, standari i kreut të qeverisë është grabitja e zgjedhjeve me dhunën e pushtetit.

Referuar një marrëveshjeje të mundshme me kreun e qeverisë, Basha është shprehur se asgjë nuk është personale dhe se opozita e bashkuar ka marrë një vendim të cilit duhet t’i përmbahen.

“Standarti që Rama po vendos është standarti i grabitjes me dhunë të pushtetit vendor. Çdo hap pas 30 Qershorit është jo i drejtë. Prokuroria duhet të kishte marrë masa dhe të kishte hetuar pas 30 Qershorit. Çdo hap i marrë, i kapjes me dhunë të bashkive të pushtetit vendor.

Ka një vendim politik të PD-së nga vetë forumi i PD-së, i cili qëndron i pa vënë në pikëpyetje, të cilit do t’i përmbahemi. Ky vendim është opozitës së bashkuar. Në koalicion ka njerëz me eksperiencë politike, të cilët kanë mendime ndryshme, por të gjithë qëndrojnë pranë vendimit politik që kemi marrë së bashku. Nuk ka asgjë personale.

Këtu kemi një hajdut të certifikuar në zgjedhje, i cili në vend që tu hapte rrugën zgjedhjeve demokratike ka helmuar qytetarët e tiranës me gaz. Asgjë nuk qëndron në qëndrimet tona politike të marra në Konsensus të plotë. Nuk ka përçarje midis aleatëve të opozitës.

Ne nuk na thyen presionet, nuk na thyeu gazi lotsjellës dhe nuk do të na thyejnë një grusht mercenarësh mediatik të Ramës” , ka deklaruar Basha./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

Zoran Zaev flet pas takimit me liderët/ Zbulon datën e zgjedhjeve të parakohshme

Publikuar

-

Nga

Zgjedhje të parakohshme dhe shkuarjen drejt tyre me një qeveri teknike 100 ditëshe. Kjo është ajo çka është vendosur në takimin e liderëve të partive politike me Presidentin maqedonas, Pendarovski ditën e sotme.

Qeveria teknike do të jetë nën patronazhin e presidentit Stevo Pendarovski, ndërkohë referuar këtij fakti, Zaev është shprehur se data 12 prill 2020 u vendos si datë zgjedhjesh me konsensusin e të gjitha palëve politike.

LEXO EDHE:  Sot heshtja zgjedhore/ Nesër Kosova voton

LEXO EDHE:  Sot heshtja zgjedhore/ Nesër Kosova voton

Takimi i liderve u mbajt një ditë pasi kryeministri Zoran Zaev u shpreh se do të dorëhiqej pas dështimit me negociatat.

Pjesë e takimit të sotëm ishte vetë Zaev, lideri i VMRO-DPMNE Hristijan Mickoski, lideri i BDI Ali Ahmeti, Ziadin Sela, Bilall Kasami, Afrim Gashi dhe Menduh Thaci./ CNA.al

LEXO TE PLOTE

Politikë

“Monstra veç Shqipërisë dogji dhe Maqedoninë e Veriut”/ Berisha nuk i ndahet Ramës

Publikuar

-

Nga

“Monstra që përveç Shqipërisë i mbylli dyert edhe Maqedonisë së Veriut!”, kështu shprehet ish-kryeminstri Sali Berisha përmes një statusi në rrjetet sociale teksa publikon një artikull të Euroneës.

Ndërsa për humbjen e negociatave opozitarët ia kanë faturuar Ramës si një dështim të tij, ish kryeministri Berisha edhe njëherë tjetër duket se pajtohet me idenë se “Jo”-ja për Shqipërinë ishte arsyeja që dogji Maqedoninë, e cila në një farë mënyre i kishte përmbushur detyrat e saj për të hedhur hapin e radhës drejt familjes europiane.

“Monstra qe perveç Shqiperise i mbylli dyert edhe Maqedonise se Veriut!

EuroNeës: Rama ‘dogji’ edhe Maqedoninë

Rrjeti prestigjoz Euroneës, i cili citon burime të dorës së parë nga mbledhja e djeshme e kryetarëve të qeverisë të vendeve anëtare në BE, ku edhe u vendos që të mos hapeshin negociatat për Shqipërinë dhe Maqedoninë e Veriut, ka nxjerrë detajë të rendësishme nga debati që çoi në atë përfundim.

LEXO EDHE:  Mediu: Opozita nuk duhet ta lejojë zhvillimin e zgjedhjeve lokale

LEXO EDHE:  Lulzim Basha kthen PD në parti islamiste

Sipas “Euroneës”, presidenti francez Emmanuel Macron nuk ka pranuar ndarjen e Shqipërisë dhe Maqedonisë së Veriut, për të cilën shumica dërrmuese ishte për t’ia hapur negociatat, përcjell ABC Neës.

“Presidenti francez Emmanuel Macron argumentoi që nisja e bisedimeve të anëtarësimit vetëm me një vend do të ishte një gabim i tmerrshëm për Balkanin”, shkruan Euroneës, duke cituar burimin e saj.

“Dje dëgjova disa fjalë se ne pothuajse arritëm uninamitet për hapjen e bisedimeve me Shqipërinë dhe Maqedoninë e Veriut. Kjo nuk është e vërtetë. Padyshim, aty kishte një shumicë që Maqedonisë së Veriut ti happen negociatat, por shumica e shteteve ishin kundër Shqipërisë”, shton më tej ai.

Pavarësisht kësaj, kryeministri i Maqedonisë së Veriut Zoran Zaev njoftoi sot dorëheqjen e tij, ndërsa lajmëroi zhvillimin e zgjedhjeve të parakohshme në vend. Ndryshe ndodh në Tiranë, ku kryeministri Edi Rama vijon me justifikimin se “fajin e ka Europa”.”, shkruhet në postimin e ish-kryeministrit Berisha./ CNA.al

LEXO TE PLOTE

Politikë

Franca kundër negociatave/ Manjani: Macron tha të vërtetën

Publikuar

-

Nga

Ish ministri i Drejtësisë, Ylli Manjani ka komentuar refuzimin e vendeve të BE-së, për të hapur negociatat me Shqipërinë

Sipas Manjanit, Macron tha të vërtetën, atë të vërtetë që Romana, Mogherini, Hahn, Tusk, Junker e Knut e të tjerë e fshehën.

Duke vijuar më tej, Manjani shkruan se ne kishim nevojë për një lutje publike për Presidentin e Francës para një jave që të bashkohej me Gjermaninë dhe ta mbikqyrnin vëncce këtë vend. Jo të na hapnin negociatat, por të na tregonin rrugën që u shtrua nga Gjermania.

Reagimi i plotë

Se dimë më se nga ta kapim fillin e punëve tona!

Një hallakatje e madhe psikologjike e llogjike na ka ndodhur.

Kur mendoj se më i miri i letrave tona, zoti Kadare gjeti kohë ti shkruante një letër Romana Vllahutinit, ku shprehte gatishmërinë t’i ulej në gjunjë, vërtetë diçka nuk shkon! (Letër e 17 Maj 2017)

E kujt i shkroi?!

Romanës që ngatërroi keqas këtë vend dhe vetëm fshehu pa pikë turpi për të fshehur realitetin e hidhur shqiptar.

LEXO EDHE:  Rama “vajton” koalicionin me LSI/ Me ta na ndau refoma në drejtësi

LEXO EDHE:  Raporti i KE mbi pastrimin e parave/ Vasili-Ramës: Na nxive ekonominë

Macron Presidenti i Francës, ku jeton zoti Kadare tha të vërtetën, por nuk e meriton as gjysmën e letrës së Romanës.!!

Kishim nevojë për një letër, për një lutje publike (jo rënie në gjunjë) për Presidentin e Republikës së Francës para një jave që të bashkohej me Gjermaninë dhe ta mbikqyrnin vënce këtë vend. Jo të na hapnin negociatat, por të na tregonin rrugën që u shtrua nga Gjermania.

Edhe tani, që Macron masakrohet publikisht nga eksponentë e analistë qeveritarë, prap e meriton një letër ndjese, shumë më tepër sesa “ç’meritoi” Romana.

Macron tha të vërtetën, atë të vërtetë që Romana, Mogherini, Hahn, Tusk, Junker e Knut etj etj burokratë në Bruksel e FSHEHËN!!!

E vërteta falenderohet, gënjeshtra nuk pranohet!

Nejse, s’është me të thënë kjo punë.

Qartësisht na ka humbur filli…/CNA.al

LEXO TE PLOTE