Connect with Us

Skandali “zhvatja”/ Valixhe me euro për të blerë drejtësinë

Denoncim

Skandali “zhvatja”/ Valixhe me euro për të blerë drejtësinë

Publikuar

-

Skandali i njohur si “Zhvatja” ka marrë një kthesë tjetër, pasi gazeta italiane “La Verita” publikoi të enjten një audio dhe video regjistrim ku shikohen dhe dëgjohen personazhe të dyshuara në këtë rast duke biseduar për lirimin nga procesi gjyqësor të një biznesmeni maqedonas dhe duke numëruar shuma të mëdha parashë dhe duke i nxjerrë ato nga shtëpia e këtij të fundit.

Në këtë skandal është përfolur dhe mundësia e përfshirjes së prokurores së Posaçme në largim Katica Janeva,

Nuk dihet se si ka arritur video-regjistrimi tek shtypi italian. Videoja që mban datën 20 shkurt të këtij viti shfaq të dyshuarin Bojan Jovanovski, i njohur në publik si Boki 13 dhe bashkëpunëtorin e tij Zoran Milevski me biznesmenin Orce Kamçev. Dy të parët tashmë janë në paraburgim, ndërsa biznesmeni akuzohet në një tjetër rast nga Prokuroria e posaçme e Maqedonisë së Veriut.

Në një pamje duken sasi të mëdha Eurosh të renditura në valixhe dhe të tjera duke u numëruar. Dëgjohet zëri që mendohet të jetë i Boki 13 duke i thënë biznesmenit se “do të lihej i lirë dhe se Katica (Janeva) nuk do të ankohej tek gjykata e Apelit në lidhje me vendimin e gjykatës së shkallës së parë”.

Më pas Boki 13 dhe Milevski dalin nga shtëpia të përcjellë deri tek dera prej biznesmenit Kamçev. Ata mbajnë valixhe të mëdha në të cilat mendohet se ishin mijëra eurot që u panë më parë në video.

Gazetari Loris Gaiser, i cili e kishte publikuar atë është shprehur në rrjetet sociale se “ky ishte vetëm fillimi dhe njoftime shokuese do të pasojnë”.

Shtypi në Shkup ndërkaq e lidh gazetarin e La Verita-s, Gaiser me këshilltarë të ish-Kryeministrit Nikolla Gruevski dhe të ish-Presidentit Gjorgje Ivanov.

Rasti “zhvatja”, në vazhdën edhe të rasteve të tjera, po i krijon një imazh të keq gjyqësorit në përgjithësi në Maqedoninë e Veriut. Prokuroria publike duket se po e zvarrit çështjen, ndërsa nuk bëhet e qartë se cili është roli i zonjës Janeva në këtë skandal.

Edhe prokurorja e çështjes, Vilma Ruskoska edhe vetë prokurorja e posaçme Janeva ndodhen në pushime. Ndërkaq, pushteti i dyshuar nga opozita se ka gisht në skandal, nuk komenton lidhur me zhvillimet rreth rastit.

Zonja Janeva ka dhënë dorëheqje nga detyra para pak javësh me arësyetimin se dëshironte t’i linte hapësirë dialogut midis pushtetit dhe opozitës për reforma në gjyqësor, përkatësisht për ligjin e pokurorisë publike. Po të njejtën ditë kur ajo paralajmëroi dorëheqjen, pronari i televizionit 1TV, Bojan Jovanovski u ndalua nën akuzat për zhvatje e larje parashë, ndërsa theksohej bashkëpunimi në këtë rast me një prokuror. Më pas doli emri i Katica Janevës, e cila u mor në pyetje nga Pokuroria pubike në rastin gjyqësor të njohur si “zhvatja” dhe telefoni i saj celular u konfiskua nga organet e hetuesisë.

Jovanovski apo Boki 13 ndodhet në arrest së bashku me të dyshuarin e dytë për zhvatje e larje parashë, Zoran Milevski – Kiçeec. Ata, sipas prokurorisë, i kishin marrë një shumë prej qindra mijë eurosh biznesmenit Orce Kamçev, të akuzuar në një tjetër rast gjyqësor, duke i premtuar se gjykatat do ta linin të lirë. Zoti Kamçev tash është dëshmitar në rastin “zhvatja”.

Sidoqoftë, Kryeprokurori publik Lubomir Jovevski nuk tregoi të enjten nëse e kishte shikuar më parë këtë video. Ai ka thënë para pak ditësh se prokurorja e posaçme Janeva nuk është thirrur në seancë dëgjimore.

Ndërkaq, biznesmenit Orce Kamçev i është dhënë pasaporta edhe duke qenë “nën masa të kujdesit” dhe ai është parë në një ndeshje sportive jashtë vendit. Ai vazhdon të jetë i akuzuar në rastin “Perandoria” së bashku me ish drejtorin e shërbimit sekret, Sasho Mijallkov, e të tjerë.

Prokurorja Lile Stefanova, e cila e procedon këtë rast, është shprehur e shqetësuar pasi kishte parë videon në gazetën italiane. Ajo i ka thënë shtypit në Shkup se “nuk mund të besonte se si personat në video-regjistrim i lejonin vetes të shkëmbejnë miliona euro në emër dhe llogari të Prokurorisë së Posaçme”. Stefanovksa pret hetime serioze për të vërtetuar jo vetëm rolin e zonjës Janeva, por edhe të të gjithë të punësuarve në këtë prokurori, përfshirë edhe vetë atë./voa/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Çfarë fshihet pas vizitës së Ramës në Belsh/ “Nxënësit detyrohen të shkojnë në shkollë ditë të shtune”

Publikuar

-

Nga

Kryeministri Edi Rama zhvilloi sot një vizitë në Belsh te një shkollë 9-vjeçare, por ajo që u vu re është se shkolat ishin të hapura edhe pse sot është e shtunë.

Ish-kryeministri Sali Berisha, duke iu referuar mesazhit të një qytetari dixhital, ka denoncuar urdhrin e kreut të qeverisë, i cili ka detyruar nxënësit të shkojnë në shkolla për të pritur Ramën.

“Edhe pse sot është ditë e shtunë dhe pushim për të gjithë shkollat, në Belsh janë detyruar të gjithë nxënësit e shkollave 9-vjeçare së bashku me mësuesit e tyre për të pritur lartëmadhërinë e tyre Edvin Drogën. Nën kujdesin e veçantë të drejtoreshës Liljana Sina (kunata e kryetarit të bashkisë) dhe nëndrejtoreshës Znj Dhurata Capja”, thuhet në mesazh, ndërsa ka publikuar edhe një video./ CNA.al

LEXO TE PLOTE

Denoncim

Gramoz Murati ortak i vëllait të Fatmir Xhafajt/ Zbulohet dhurata 150 mijë euro për ish-ministrin

Publikuar

-

Nga

Ish-kryeministri Sali Berisha ka publikuar denoncimin e një qytetari, sipas të cilit, Gramoz Murati, i cili u arrestua në kuadër të operacionit “Fati i lojërave”, është ortak i Geron Xhafajt, vëllai i ish-ministrit të Brendshëm, Fatmir Xhafajt.

Denoncuesi thekson Gramoz Murati i ka bërë dhuratë Fatmir Xhafajt një makinë me vlerë 150 mijë euro, ndërsa shton se se trafikun e drogës dhe lojërat e fatit i kanë pasur bashkë.

“Pershendetje doktor. Gramoz Murataj eshte artaku i vëllait të Fatmir Xhafes, Geronit me të cilin kanë qënë bashkë në trafikun ndërkombëtar të drogës dhe në Vlore trafiqet dhe lojrat e fatit i kanë pasur bashkë. Gramozi, Fatmir Xhafes i ka bërë dhuratë një makinë me targa AA 234 MF, model g, 150 mije euro. Si e justifikon Xhafa këtë makinë”-shkruan denoncuesi.

LEXO TE PLOTE

Denoncim

Denoncon “Fiks Fare”/“Shëruesi” nga Tirana kërkon 5 mijë euro për të lënë gruan shtatzënë!

Publikuar

-

Nga

Gazetarja e “Fisk Fare” kontakton me “shëruesin” popullor, siç e prezanton ai veten, nëpërmjet numrit të telefonit që ka shënuar në kartvizitën që u shpërndan njerëzve nëpër kryeqytet.

Pas telefonatës “shëruesi” popullor lë takim me gazetaren në një local, por ai kishte vetëm nje kërkesë, të mos përmendje Jezus e Allah, por vetëm besim te Perëndia.

Gazetarja e Fiksit u takua me mjekun ne kafe, ku i kërkoi ndihme për një problem shëndetësor, sinozitin.

Mjeku pretendon se për 20 minuta e hiqte sinozitin, duke prekur njërin gisht të dorës së pacientes dhe duke e shoqeruar me lutje. Ai tregon se sinoziti është një hije qe pengon qarkullimin e gjakut dhe se me prekjen e tij, sëmundja largohet pa u mjekuar.

Bashkëpunëtorja e Fiksit i tregon se prej 7 vitesh nuk mund të bëjë fëmijë.

Mjeku pranon ta ndihmojë, merr përsipër që t’i zgjidhë problemin, por jo me mjekime popullore dhe as medikamente të tjera.Zgjidhja ishte e thjeshtë: duhet ta paguash “shëruesin” 5 mijë euro dhe pas 9 muajsh do të sillje në jetë një fëmijë, madje të përcakton edhe gjininë e fëmijës, vajzë.

Ai pretendonte se zotëronte 13 diploma dhe se bashkëpunonte me disa “shërues” të tjerë, të cilët bashkoheshin dhe luteshin në mënyrë të pandërprerë.

Fiksi e pyet në fund të seancës “shëruese” se sa kushtonte, dhe ai shprehet se sa mund ta mendonte, 20 ose 10 mijë lekë të vjetra./  Top Channel

LEXO TE PLOTE