Connect with Us

Nipi i Rrahman Rrahjes dhunoi barbarisht një grua/ KSHH “dush të ftohtë” Lleshajt

Politikë

Nipi i Rrahman Rrahjes dhunoi barbarisht një grua/ KSHH “dush të ftohtë” Lleshajt

Publikuar

-

Komisioni Shqiptar i Helsinkit (KSHH) ka reaguar ashpër ndaj dhunës barbare të ushtruar ndaj një gruaje në ambientet e QSUT nga nipi i deputetit socialist, Rrahman Rraja.

KSHH kritikon ashpër policinë, duke theksuar se nuk kanë vënë në dispozicion asnjë lloj informacioni mbi ngjarjen, ndërsa shprehet se ata mund ta kishin parandaluar dhunimin e gruas. Ndërkohë që shkruan se policia e ka mbajtur vajzën e dhunuar të prangosur në krevatin e spitalit.

Ndër të tjera, KSHH i bën thirrje Prokurorisë që të bëjë një hetim të plotë të ngjarjes, si dhe Ministrisë së Brendshme dhe Ministrisë së Shëndetësisë që të trajnojnë më shumë punonjës për të menaxhuar dhe parandaluar përshkallëzimin e dhunës.

Deklarata e plotë e KSHH:

Tiranë, më 8 Gusht 2019

NJOFTIM PËR SHTYP

INCIDENTI BRUTAL I DHUNËS NË AMBIENTET E QSUT-SË MUND TË PARANDALOHEJ

INSTITUCIONET E MONITORUARA MUNGESË TRANSPARENCE

Komiteti Shqiptar i Helsinkit (KShH) ndërmori një mision monitorimi, bazuar në pamjet filmike të transmetuara disa ditë më parë në një portal, ku evidentohej ushtrimi i dhunës brutale ndaj një shtetaseje të gjinisë femër nga një shtetas mashkull, në ambientet e Qendrës Spitalore Unviersitare “Nënë Tereza” (të publikuara në këtë link, https://ëëë.kohajone.com/…/skandal-burri-rreh-gruan-ne-qsu…/ ).

Monitorimi i Komitetit Shqiptar të Helsinkit është realizuar në Komisariatet e Policisë nr.3 dhe nr.4 si dhe në shërbimin e urgjencës në QSUT, ku rezulton të jetë mbajtur shtetasja e dhunuar. Nga verifikimet e bëra, rezultoi se, në mëngjesin e dt. 31 Korrik 2019, rreth orës 07:00, shtetasi me iniciale R.Rr ka qenë në ambientet e jashtme të spitalit të urgjencës, ku ishte shtruar një i afërmi i tij. Shtetasja e paidentifikuar ende nga organet e policisë, sipas këtyre të fundit, është afruar dhe ka filluar ta ofendojë me fjalë fyese shtetasin R.Rr, çka ka nxitur ushtrimin e dhunës prej këtij shtetasi në drejtim të saj.

Midis shtetasve nuk ka patur marrëdhënie familjare apo shoqërore. Shtetasja e dhunuar pretendohet se ka qenë nën efektin e alkoolit dhe është shoqëruar në ambientet e urgjencës prej punonjësve të policisë së Komisariatit nr.3, orët e para të mëngjesit të datës (31 Korrik), rreth orës 05:40. Efektivët e këtij Komisariati janë sinjalizuar me anë të telefonit nga familjarët e kësaj shtetaseje, për të bërë të mundur futjen dhe shoqërimin e saj me anë të autoambulancës nga zona e Tajvanit deri në spitalin e urgjencës pranë QSUT-së. Nga takimi me Kryeinfermierin e shërbimit të Urgjencës në QSUT rezulton se shtetasja është diagnostikuar me “suspect intosikacion alkooli”, ka patur sjellje të dhunshme dhe ka përdorur fjalë të papërshtatshme.

Ajo ka refuzuar ndihmën mjekësore dhe më pas është larguar në drejtim të paditur. Punonjësit e policisë pretendojnë se ajo ka referuar të dhëna të rreme për identitetin e saj, por ndërkohë është e pakuptueshme se si 7 ditë pas kësaj ngjarje, sërisht policia referon pamundësinë e identifikimit, ndërkohë për këtë shtetase është kryer një telefonatë në strukturat e policisë nga të afërmit e saj. Gjithashtu, për shkak të largimit të saj, Komisiariati i Policisë nr.4 nuk ka marrë deklarime nga shtetasja e dhunuar por vetëm nga autori i dyshuar, i cili është shoqëruar në ambientet e Komisariatit nr.4, Tiranë.

Gjatë këtij monitorimi, vëzhguesve të KShH-së nuk ju vendos në dispozicion nga autoritetet e policisë, dokumentacioni i plotë, që hedh dritë mbi ngjarjen e ndodhur, me qëllim që të mundësohej një vlerësim më i qartë për ligjshmërinë e veprimeve të kryera nga policia. Vëzhguesit e KShH-së kërkuan të njihen me raportin e shërbimit të mbajtur nga efektivët e Komisariati i Policisë nr.3, të cilët kanë bërë të mundur shoqërimin e shtetases në gjendje të dehur, në ambientet e urgjencës. Raporti nuk ju vu në dispozicion me argumentin se personi që administronte dokumentacionin nuk ndodhej në Komisariat. Vëzhguesit e KShH-së u informuan nga efektivët e Komisariatit të Policisë nr.4 se ndaj shtetasit R.Rr është bërë shoqërimi në orën 07:10 të dt.31 Korrik dhë është liruar rreth 3-4 orë më pas, për tu proceduar në gjendje të lirë.

LEXO EDHE:  Dhuna ndaj mjekëve/ KSSH: Prania e Policisë në spitale është domosdoshmëri

Edhe pse ky person është kapur në gjendje të flagrancës, menjëherë pas kryerjes së veprës penale, nuk rezulton që ai të jetë ndaluar apo arrestuar në flagrancë. Komisariati i Policisë nr.4 Tiranë deklaron se ka referuar pranë Prokurorisë materialet për veprat penale “Plagosje e lehtë me dashje” dhe “Prishja e qetësisë publike”, të cilat përbëjnë kundravajtje penale. Është e paqartë se përse një shtetas që ushtron dhunë brutale në ambientet publike i referohet organit procedues për kundravajtje penale, për më tepër në kushtet kur viktima, në trupin e së cilës ndodhen shenjat dhe pasojat e dhunës është larguar dhe nuk është bërë as ekspertimi mjeko-ligjor i saj. Sipas pamjeve filmike të publikuara në rrjetet sociale (të cilat janë fshirë më pas) rezulton se zonja është mbajtur në ambientet e urgjencës me pranga, para se të konfliktuohet dhe më pas dhunohet nga shtetasi R.Rr. Përfaqësues të këtij Komisariati kanë referuar se përdorimi i prangave është bazuar në ligjin nr.108/2014 “Për Policinë e Shtetit”.

Por ndërkohë, KShH vëren se neni 133, pika 3 e këtij ligji nuk e legjitimon në mënyrë të shprehur përdorimin e prangave në ambientet e spitalit por parashikon se “Punonjësi i policisë përzgjedh nivelin e nevojshëm të forcës ndërmjet mundësive të përshkallëzuara, që, ndër të tjera, përfshijnë bindje me fjalë, shtrëngim fizik, mjete goditëse, mjete me lëndë paralizuese, mjete me goditje elektrike, qen policie dhe armë zjarri. Referuar jurisprudencës së Gjykatës së Strasburgut, përbën shkelje të nenit 3 të Konventës Evropiane të të Drejtave të Njeriut (e drejta për të mos ju nënshtruar torturës), nëse personi ndaj të cilit është kufizuar liria, mbahet me pranga gjatë qëndrimit në spitale, veçanërisht kur është në pozita të dobëta apo gjendje të rëndë shëndetësore (Mousiel vs France dhe Van der Ven dhe Lorse vs Holand).

Vëzhguesit e KShH-së, nuk u njohën me dokumentacionin që vërtetonte orën e daljes së të dëmtuarës nga urgjenca dhe për pasojëështë e paqartë se në ç’kushte dhe rrethana ka dalë kjo shtetase, sa kohë ajo ishte e shoqëruar nga efektivët e policisë. Sipas nenit 122 të ligjit për policinë e shtetit, punonjësi i policisë ka të drejtë të dërgojë personin në gjendje të dehur në institucionet shëndetësore dhe njëkohësisht ka përgjegjësinë për të marrë masat e nevojshme për mbrojtjen e personit, gjendja e të cilit tregon qartë se nuk mund të kontrollojë veprimet dhe sjelljen e tij dhe për këtë arsye mund t’i shkaktojë dëmtime fizike ose të përbëjë rrezik për jetën e tij ose të të tjerëve. Veprimet e punonjësit në këto raste duhet të dokumentohen në procesverbal, dokument i cili nuk na u vendos në dispozicion.

Në vendin e ngjarjes ku shtetasja është dhunuar, rezulton se aty ka qenë prezent një efektive policie e cila nuk ka ndërhyrë për të parandaluar apo neutralizuar konfliktin, por ka lajmëruar kolegët e saj që të vijnë në vendngjarje. Ndaj efektives rezulton se është marrë pezullimi disiplinor nga detyra me 1 ditë.

KShH tërheq vëmendjen se pranë institucioneve dhe ambienteve publike ku patrullojnë apo janë të stacionuar punonjës të policisë, ata duhet të jenë të trajnuar për të menaxhuar dhe ndërhyrë në raste të tilla. Referuar ligjit nr.108/2014, është në misionin e policisë së shtetit të ruajë rendin dhe sigurinë publike. KShH vlerëson se ngjarja e ndodhur në ambientet e QSUT-së, mund të ishte parandaluar dhe menaxhuar më mirë nga punonjësit e policisë së shtetit.

KShH i rekomandon prokurorisë të kryerjë një hetim të plotë, efektiv dhe të gjithëanshëm për të zbardhur këtë ngjarje. Ndërkohë që i bëjmë thirrje Ministrisë së Brendshme dhe Ministrisë së Shëndetësisë dhe Mbrojtjes Sociale që në bashkërendim me njëra – tjetrën të mundësojnë trajnime të vazhdueshme të punonjësve për të menaxhuar konform ligjit dhe standarteve/protokolleve raste të tilla dhe parandalimin e përshkallëzimit të dhunës.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Kryemadhi pret në takim ambasadorin e ri të Kosovës

Publikuar

-

Nga

Kryetarja e LSI, Monika Kryemadhi ka pritur sot në një takim ambasadorin e ri të Kosovës në Shqipëri, Nait Hasani.

Teksa ka shpërndarë dhe një fotot në rrjetet sociale, Kryemadhi shkruan se gjatë takimit është diskutuar nevoja për të forcuar lidhjet mes Shqipërisë dhe Kosovës, me bashkëpunime më të gjera në fushën e ekonomisë, arsimit dhe cultures.

“Sot prita në takim Ambasadorin e ri të Republikës së Kosovës në Tiranë Z. Nait Hasani.

I urova suksese Z. Hasani në misionin e tij në Tiranë dhe i sigurova mbështetje të plotë për konsolidimin e rrugës së integrimit euro-atlantik të Kosovës.

LEXO EDHE:  Dhuna ndaj mjekëve/ KSSH: Prania e Policisë në spitale është domosdoshmëri

LEXO EDHE:  Kërcënimet dhe dhuna ndaj gazetarëve/ Reagon Unioni i Gazetarëve Shqiptarë

Gjatë takimit u diskutua nevoja për të forcuar lidhjet mes Shqipërisë dhe Kosovës, me bashkëpunime më të gjera në fushën e ekonomisë, arsimit dhe kulturës, heqjen e barrierave të dëmshme për tregtinë dhe krijimin e mundësive sa më të mëdha për investime nga biznesi privat në të dy vendet.

Gjithashtu u ndalëm dhe në nevojën e shkëmbimeve dhe përvojave midis shoqatave të studentëve, universiteteve, shkollave të mesme, duke forcuar kështu lidhjet midis të rinjve, të cilët janë ata që do të trashëgojnë dhe lartësojnë vlerat e kombit”, shkruan Kryemadhi në postimin e saj./CNA.al

LEXO TE PLOTE

Politikë

Biografia profesionale e Artur Metanit/ Kordinator i “Soros”-it, Drejtor i Ramës dhe Inspektor i Lartë i Drejtësisë

Publikuar

-

Nga

Me 98 vota në favor dhe 8 kundër, Artur Metani është zgjedhur pak më parë në detyrën e Inspektorit të Lartë të Drejtësisë, gjë të cilën CNA.al e ka paralajmëruar në disa shkrime të mëparëshme, së bashku me makinacionet që e nxorrën atë në krye të listës së kandidatëve garues për këtë post.

Metani është “ushtar” i bindur i Edi Ramës arsye kjo që e ka ndihur ngjitjen e shpejtë të shkallëve të karrierës, nga ish koordinator pranë Fondacionit SOROS, në këshilltar pranë dy ish presidentëve, drejtor për Legjislacionin dhe Antikorrupsionin në Kryeministri e Avokat i Popullit, detyrë që vijon ta mbajë aktualisht.

Metani është një tip karte “Xholi” të cilin Edi Rama e nxjerr nga mënga sa herë i duhet dikush që ta shpjerë “lojën” në favor të tij.

LEXO EDHE:  Dhuna ndaj bluzave të bardha/ KSSH: Po prisni të vritet ndonjë mjek?

LEXO EDHE:  LDE dënon dhunën e ushtruar ndaj gazetarit të Citynews

Kështu Metani u përfol si kandidat favorit për të mbajtur postin e drejtorit të Byrosë Kombëtare të Hetimit, kurse përfundoi i emëruar në krye të avokaturës së Shtetit, pas shkarkimit “rrufe”nga Rama të Alma Hickës.

Nga muaji shkurt i vitit 1999 deri në mars 2002 Artur Metani ka punuar si koordinator ligjor pranë Fondacionit “Soros”.

Në vitet 2002-2012  Metani shërbente si këshilltar për drejtësinë i presidentit Alfred Moisiu dhe si i tillë shërbeu edhe nën presidencën e Bamir Topit.

Artur Metani ka përfunduar studimet për drejtësi në Universitetin e Tiranës, në vitet 1992-1996, më pas ka bërë një master një vjeçar pranë “Central European University” në Budapest dhe një tjetër pranë “University of Utah S.J. Quinney College of Law”. /CNA.al

LEXO TE PLOTE

Politikë

Dëbimi i dy diplomatëve/ Reagon Irani: Shqipëria duhet të kthehet në rrugën e duhur

Publikuar

-

Nga

Irani ka reaguar për herë të parë pas dëbimit të dy diplomatëve nga vendi ynë.

Zëdhënësi i Ministrisë së Jashtme të Iranit, Abbas Mousavi, thotë se Shqipëria ka bërë disa gabime por duhet të kthehet në rrugën e duhur.

“Shqipëria ka bërë disa gabime dhe ne ndiejmë se ngjarjet në rajonin tonë kanë krijuar disa keqkuptime për Shqipërinë; ne rekomandojmë që ata të mos lidhin marrëdhëniet tona të mira me një vend të tretë …

LEXO EDHE:  Djali i deputetit socialist përdhunon një vajzë/ Fshihet krimi

LEXO EDHE:  “Kjo është e poshtër, e ndyrë”/ Ish-ministri i Ramës lëshon gojën

Shqipëria duhet të kthehet në rrugën e duhur dhe ajo në të cilën është tani nuk është e duhura”, shkruan më tej ai./CNA.al

LEXO TE PLOTE