Connect with Us

Credins Bank në mbështetje të bizneseve të vogla dhe të mesme shqiptare, me garanci nga BE

Ekonomi

Credins Bank në mbështetje të bizneseve të vogla dhe të mesme shqiptare, me garanci nga BE

Publikuar

-

Me mbështetjen e BE, Credins Bank i jep mundësinë e financimit edhe bizneseve të cilat nuk plotësojnë kushtet e mjaftueshmërisë së kolateralit sipas procedurave kredituese të bankës.

Credins Bank dhe Fondi Europian i Investimeve (EIF) finalizuan me sukses një projekt të rëndësishëm i cili do të shërbejë për të mbeshtetur ndërmarrjet shqiptare të vogla, të mesme dhe agronë kuadër të Programit për garantimin e huave – COSME, të ofruar nga Bashkimi Europian.

Ky financim është bërë i mundur nëpërmjet mbështetjes së garancisë së BE-së për Financimin e Borxhit me mbështetjen financiare të Bashkimit Evropian në kuadrin e Fondit për Garantimin e Huave të krijuar sipas Rregullores (EU) Nr. 1287/2013 të Parlamentit dhe Këshillit Evropian për krijimin e një Programi për Konkurrueshmërinë e Ndërmarrjeve dhe Ndërmarrjeve të Vogla e të Mesme (COSME) (2014-2020).

Sipas marrëveshjes së nënshkruar midis dy Institucioneve, duke filluar nga 1 Shtator 2019, bizneset të cilat nuk kanë patur mundësinë për tu mbështetur financiarisht në bankë për nevojat e tyre të zhvillimit për shkak se nuk plotësonin kërkesat për kolateral, tashmë e kanë këtë mundësi.

Credins Bank, si një bankëshqiptare, ka nëobjektivat e vet strategjike kontributin e vazhdueshëm që duhet të japë për zhvillimin e ekonomisë vendase dhe janë pikërisht biznesete vogla ato që kontribojnë me projekte në punësim dhe zhvillim të përgjithshëm të vendit. Ndaj, kjo marrëveshje u finalizua për t’jua lehtësuar procedurat, dhe për t’ju krijuar akses për të konkretizuar planet e tyre të zhvillimit, për tu rritur dhe përmirësuar financiarisht.

Jemi të lumtur që nga kjo skemë do përfitojnë bizneset anembanë Shqipërisë, kudo ku janë, duke hapur dyert tona për suksese të mëtjeshme në punën e tyre.

Rreth Credins Bank

Credins Bank është një ndër 3 bankat më të mëdha në Shqipëri për asete, depozita dhe financim.Një bankë universale që ofron produkte dhe shërbime bankare që mbulojnë 360 gradë kërkesat e klientëve. E krijuar në 2003 si banka e parë me kapital shqiptar, Credins vazhdon ti qëndrojë besnike misionit të saj për të qenë zgjedhja numër një për shqiptarët dhe hapësirën shqipfolëse, dhe sot me krenari themi qe mbi 300,000 kliente na kane besuar dhe zgjedhur. Aktiviteti i bankës shtrihet përmes një rrjeti të gjerë prej 58 degësh në çdo cep të Shqipërisë. Banka ndërton partnerite për të ofruar zgjidhje financiare të përshtatura për klientët, duke përfshirë këtu produkte inovative në përputhje me trendin dixhital, këshillim financiar por dhe zgjidhje tradicionale bankare për financim dhe investime, të gjitha këto të udhëhequra nga standarte të larta etike. Credins bank merr përsipër menaxhimin sa më efikas të depozitave të klientëve, krijimin e mundësive të kreditimit dhe instrumentat financiarë për të gjithë, si dhe nxit  krijimin e mundësive të reja në fushën e sipërmarrjes duke marrë parasysh edhe ndikimet që vendimet e saj  mund të kenë në shoqëri dhe natyrë. Credins bank përpiqet të jetë në pararojë të cilësisë dhe profesionalizmit, të vlerësojë meritat dhe të shpërblejë performancën e punonjësve të saj. Credins bank beson në vlerat dhe shpirtin krijues të shqiptareve.

LEXO EDHE:  A është NATO shumë e madhe për të pasur sukses?

Reth EIF

Fondi Europian i Investimit (European Investment Fund- EIF) themeluar në 1994 është agjensi e Bashkimit European dhe pjesë e grupit të Bankës Evropianë të Investimit. Misioni kryesor është mbështetja e bizneseve të vogla dhe të mesme duke ju krijuar mundësi në financim. EIF harton dhe zhvillon sipërmarrjen dhe rritjen e kapitalit, garanci dhe instrumente financiare, që kanë si objektiv specifik këtë segment të tregut. EIF mbështet objektivat e BE-së për mbështetje të inovacionit, kërkimit dhe zhvillimit, sipermarrjes, rritjes dhe punësimit.

Rreth COSME

COSME është program i Bashkimit Europian për Konkurrueshmërine e Sipërmarrjeve dhe Ndërmarrjeve të vogla dhe të mesme me buxhet total prej 2.3 miliard Euro që funksionon prej vitit 2014 deri në 2020. Më shumë se 60% e programit shkojnë për lehtësimin e aksesit në financim për bizneset e vogla, në Evropë, nëpërmjet dy instrumentave financiare. Huaja me Garanci COSME e cila mbështet me garanci dhekundërgaranci institucionet financiare për t’i ndihmuar këto që të ofrojnë më shumë kredi dhe qira financiare. Ky instrument përfshin gjithashtu dhe garantim të portofolit të huave të ndërmarrjeve të vogla dhe të mesme. COSME ofron dhe instrumentin “COSME Equity Facility for Grouth” që ka për qëllim suportin e bizneseve në stadet e rritjes dhe zgjerimit nëpërmjet ofrimit tëkapitaleve të sipërmarrjes “Venture Capital”. Objektivi i COSME është të mbështesë rreth 330.000 biznese në BE, vendet anëtare dhe të tjera të lejuara nga programi.

Katër janë synimet kryesore të programit COSME :

  • Lehtësimi i aksesit në financim (Instrumente financimi për SME)
  • Ndërkombëtarizimi i SME-ve
  • Përmirësimi i kushteve të të bërit biznes (për SME-të)
  • Promovimi i sipërmarrjes dhe nxitja e kulturës sipërmarrëse.

Për më shumë informacion mbi këtë marrëveshje ju ftojmë të klikoni në linkun (https://bit.ly/2GT0u7h).

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Shqipëria e 1,5 milionë te varfërve!

Publikuar

-

Nga

Nga Jorida Tabaku 

* Shqiptarët janë përditë edhe më të varfër në bazë edhe të statistikave të prodhurara nga vetë qeveria. INSTAT raporton se inflacioni për muajin dhjetor 2019, pra në pikun e festave, është 1.1%. Praktikisht 50 përqind më pak se vitin e kaluar që do te thotë se shqiptarët nuk kanë konsumuar.

Aq pak të ardhura grumbullojnë shqiptarët sa që edhe në një muaj ku tradicionalisht shpenzojnë, kanë nxjerrë nga xhepi më pak se muaji tetor dhe nëntor. Mesatarisht konsumi për vitin 2019 është 1.4% një vlerë e barabartë me vitin 2000.

Shqiptarët nuk konsumojnë se nuk kanë. Sot shqiptarët janë duke jetuar me pensione dhe Banka e Shqipërisë raporton se 30% e familjeve shqiptare jetojnë me pensione. Ndërsa familjet që kanë të ardhura të tjera nga puna, qiratë apo remitancat vijnë gjithnjë e në rënie.

Janë 1.5 mln shqiptarë që jetojnë në varfëri dhe shpenzojnë remitancat e emigrantëve apo dhe pensionet e prindërve të tyre. Një shifër e tillë që tregon gjysmën e popullsisë në kushtet e mjerimit është dëshmi e realiteti ekonomik dhe shoqëror në vend. Kjo shifër përforcohet kur sipas instat shqiptarët në shumicë dërrmuese punojnë 2 muaj në vit (vetëm 0 deri në 20 përqind në vit).

LEXO EDHE:  A është NATO shumë e madhe për të pasur sukses?

LEXO EDHE:  20 sekrete suksesi nga mendimtarët më të mëdhenj të historisë

Shqipëria po varfërohet dhe zbrazet përditë e më shumë. Qeveria ka rreshtur së menduari për qytetarët e zakonshëm, jeton në një realitet tjetër. As Rama dhe as oligarkët pas tij nuk kanë asnjë alternativë për 1.5 mln shqiptarët e varfër, ato nuk kanë asnjë ofertë për rritjen e konsumit dhe as largimin e shqiptarëve.

Vendi me pagat më të ulëta në rajon, me standartin e jetesës më të ulët në rajon dhe me varfërinë më të lartë ka nevojë për stimuj fiskalë. Oferta e taksës së sheshtë 9%, incentivat në sektorët prioritarë dhe rritja e konsumit përmes rritjes së pagave dhe pensioneve janë domosdoshmëri. Shqipëria ka nevojë për një ndryshim rrënjësor se si qeveria trajton qytetarët dhe ekonominë. Diçka që kjo mazhorancë dhe ky kryeministër nuk kanë dashur ta bëjnë që ditën e parë që erdhën në pushtet./ CNA.al

LEXO TE PLOTE

Ekonomi

Pasojat e tërmetit/ Financimet e ministrive shkurtohen me 23 mln euro, preket arsimi

Publikuar

-

Nga

Kuvendi shkurtoi fondet e Ministrive dhe Sistemit të Drejtësisë dhe disa institucioneve të tjera në shumën e 23 milionë eurove, si pasojë e rishikimit të buxhetit 2020, për llogari të mbulimit të pasojave, që shkaktoi tërmeti.

Sipas tabelave të institucioneve, shkurtimi më i madh i fondeve është bërë për ministrinë e Arsimit dhe atë të Mbrojtjes. Fondet për arsimin u shkurtuan nga parashikimi fillestar më 2020 me 555 milionë lekë ose 4.5 milionë euro. Ndërsa për ministrinë e Mbrojtjes shkurtimi i fondeve ishte 790 milionë lekë ose 6.4 milionë euro.

Tek Ministria e Infrastrukturës u shkurtuan 285 milionë leke ose 2.1 milionë euro, tek ministria e Brendshme u shkurtuan gjithashtu 2.1 milionë euro.

Fondi shqiptar i Zhvillimin pas rishikimit të buxhetit 2020 do të ketë rreth 3 milionë uro më pak fonde.

Për Ministrinë e Shëndetësisë janë shkurtuar 0,6 për qind e fondeve ose 2.8 milionë euro.

Në ministrinë e Arsimit  janë shkurtuar fondet për arsimin e 9-vjecar, atë të mesëm dhe programet për shkencën teksa është lënë i paprekur fondi për arsimin e lartë.

Janë shkurtuar mbi 700 mijë euro fonde të prokurorisë dhe gjyqësorit, por janë lënë të paprekur fondet për institucionet e reja të drejtësisë SPAK dhe KLP-së.

LEXO EDHE:  Foto/John Travolta falenderon aktorin shqiptar për suksesin në film

LEXO EDHE:  3 Libra që çdo udhëheqës duhet të lexoj që të jetë i suksesshëm

Përllogaritjet paraprake tregojnë së dëmet që ka krijuar tërmeti i 26 nëntorit në të gjithë vendin, tashmë i kanë kaluar 700 milionë eurot, teksa shumë banesa në zonat e prekura nuk e kanë kaluar vlerësimin teknik, çka do të thotë se fatura do të rritet frikshëm në ditët në vijim.

Duke ia lënë kohës faturën e saktë, ekspertët dhe institucionet janë duke analizuar se si dhe nga mund të gjenerohen burimet financiare për të përballuar situatën e krijuar, sidomos në drejtim të emergjencës dhe rindërtimit. Ky proces do të shtrihet në disa faza, por në fazën e parë, financimet pritet të arrijnë një shumë prej 200 milionë eurosh, ku shumica pritet të jenë burime të brendshme nga buxheti i shtetit.

Qeveria është vënë në lëvizje në dy drejtime, donacionet që përfshijnë një fushatë me qytetarët dhe bizneset në portalin E-Albania dhe një sensibilizim mes donatorëve publikë dhe privatë në vendet e huaja. Nëpërmjet donatorëve Kryeministri Rama ka njoftuar se pret të grumbullojë në periudhën afatshkurtër 7 miliardë lekë, afërsisht 56 milionë euro, ndërsa 20 miliardë lekë (165 mln euro) janë rialokuar nga buxheti i vitit 2020./ Monitor

LEXO TE PLOTE

Ekonomi

“Pajisjet fiskale s’kanë patur efektivitet në Buxhetin e Shtetit”/ KLSH “i tërheq veshin” MFE-së

Publikuar

-

Nga

KLSH gjatë auditimit të performancës “Efektiviteti i kasave fiskale në rritjen e të ardhurave tatimore” , doli në përfundimin se sistemi i pajisjeve fiskale përgjatë 10 vjeçarit të zbatimit ka pësuar luhatje të vazhdueshme, si në rrafshin e ndryshimeve organizative tatimore, ashtu edhe në marrëdhëniet me biznesin.

Kontrolli i Lartë i Shtetit përmend raportin e Fondit Monetar Ndërkombëtar mbi ekonomitë informale për periudhën 1991-2015, i cili renditi Shqipërinë në vendin e 54 në botë (nga 91 vende të marra në studim), me 28.5% të të ardhurave ndaj Produktit të Brendshëm Bruto (GDP) gjatë kësaj periudhe.

Nga auditimi i këtij institucioni rezulton se, “instalimi dhe përdorimi i pajisjeve fiskale është interpretuar nga organet shtetërore si “shkopi magjik” për rritjen e të ardhurave tatimore dhe uljen e evazionit fiskal, por megjithë koston e konsiderueshme në implementimin e tyre, pajisjet fiskale nuk kanë patur efektivitet në rritjen e të ardhurave tatimore në Buxhetin e Shtetit”.

Sipas KLSH, shuma prej 46.5 milionë euro të shpenzuara për 27 lloje të kasave fiskale në përdorim, nuk ka sjellë ndonjë përmirësim të dukshëm në të ardhurat tatimore nga TVSH e brendshme apo nga Tatimi i Fitimit.

LEXO EDHE:  John Travolta: Ja celësi i suksesit tim

LEXO EDHE:  A është NATO shumë e madhe për të pasur sukses?

Studimi ka rezultuar se në periudhën 2017-2018 është ulur raportimi mesatar për kupon dhe se masat shtrënguese nuk kanë dhënë efektin e pritshëm në uljen e evazionit tatimor nëpërmjet  rritjes së të ardhurave tatimore nga TVSh e brendshme apo tatimi mbi fitimin.

KLSH i “tërheq veshin” Ministrisë së Financave dhe Ekonomisë, për të cilën thotë se nuk ka përcaktuar detyra konkrete mbi menaxhimin dhe monitorimin e mbarëvajtjes së sistemit të kasave fiskale dhe nuk janë vendosur objektiva të qarta, përfitime dhe nuk janë përcaktuar tregues për performancën e sistemit në vijimësi.

Në raport përmendet se, ndikimi i zgjerimit të përdorimit të kasave fiskale ardhurave tatimore, ka qenë i dobët në rritjen e të ardhurave tatimore.

Mungesa e një modeli të suksesshëm për reduktimin e evazionit fiskal, së bashku me zbatimin efektiv të përdorimit të kasave fiskale që është i përhapur dhe i dukshëm, do të vazhdojë të pengojë përmirësimet e ndjeshme në rritjen e të ardhurave”, deklarohet më tej.

KLSH del në përfundimin se duhet adresuar eliminimi i mangësive dhe përmirësimi në të ardhmen i 3 E-ve (ekonomiciteti, efektiviteti dhe eficienca) në implementimin e paisjeve fiskale./ CNA.al

LEXO TE PLOTE