Connect with Us

“Sekretet” e Bllokut/ Isuf Kalo “i shpall luftë” Liljana Hoxhës për Nexhmijen

Sociale

“Sekretet” e Bllokut/ Isuf Kalo “i shpall luftë” Liljana Hoxhës për Nexhmijen

Publikuar

-

Libri i Isuf Kalos për “sekretet” e Bllokut duket se ka trazuar politikën shqiptare kohët e fundit. Një pjesëz të këtij libri e ka postuar në rrjetet sociale edhe gazetari Mentor Kikia, ndërsa shprehet se: Isuf Kalo “i shpall luftë” Liljana Hoxhës për Nexhmijen.”

Postimi i plotë i Kikisë:

Isuf Kalo “i shpall luftë” Liljana Hoxhës për Nexhmijen

(Dhe historianët para akuzës për mos shkrimin e historisë)

Kur isha i vogël dhe shkoja në dasma më pëlqente të dëgjoja dollitë e burrave. Ata që janë nën 30 vjeç nuk e dinë që dollia e parë në çdo sebep ngrihej për partinë dhe shokun Enver. Por në 1982, në një dasmë në shtëpinë e një të afërmi tonë, i zoti i shtëpisë në vend të dollisë mbajti një fjalim. Kishte vetëm pak javë që kishte vrarë vehten Mehmet Shehu dhe ai, pasi dënoi tradhëtinë e tij, me gotën e rakisë në dorë, deklaroi se nëse Enver Hoxha nuk do të kishte patur kaq shumë tradhëtarë nëpër këmbë, do ta kishte bërë këtë popull të hante me lugë floriri. Në shtëpinë tonë ne kishim edhe lugë të nikeluara edhe lugë alumini, por nuk ishte problemi i lugëve që nuk ngopeshim së ngrëni…

30 vjet pas rënies së komunizmit, edhe Isif Kalo, duket se ka të njëjtin mendim si kushurimi im. Në librin e tij “Blloku”, ai duket sikur i shpall luftë Liljana Hoxhës, nuses rrebele që na e ka përshkruar vjehrrën e saj si kuçedër me shtatë kokë e shtatë palë shpirtra. Por mjeku i dikatorit, kujdeset ta zhveshë atë nga çdo lloj përgjegjësie dhe, përkudër përceptimeve, të tregojë se ishte një grua babaxhane. Padyshim, edhe Enveri ishte një burrë i mirë, baba, gjysh dhe njëri i mrekullueshëm. Ai thotë se të gjithë e dinë kush e bëri masakrën ndaj ballistëve, kush i vrau intelektualët me rastin e bombës në Ambadën Sovjetike, i dinë kush e bëri kolektivizimin dhe tufëzoi bagëtitë, duke sjellë zinë e bukës. Pra, të gjitha këto, që janë kulme dramatike në bëmat e dikaturës, i kanë bërë të tjerë, pa dijeninë e Enverit. Doktor Kalo, na shfaqet gati gati si babai grotesk i Heroinës së Popullit, Shkurte Pal Vata, me atë thënien proverbiale, se “këtë punë e ka bërë Mehmeti me kokën e tij, pasi unë me Enverin nuk dimë gjë”.

Ani… Libri i doktorit nuk është as historik, as autobiografik, as…as… Janë më shumë emocione të tijat dhe perceptime personale mbi personazhet e familjes numër një të diktaurës ku ai ka shërbyer. Nuk po e ngarkoj me përgjegjësi “historike” doktorin për një libër, që më thënë të drejtën nuk e lexova dot të gjithin. Edhe pse, intelektualët kanë përgjegjësi publike për të thënë ca të vërteta kur kanë qenë brenda një ngjarjeje kaq të madhe në historinë e një populli, siç është diktatura. Por është zgjedhje e tij. Derisa lloqet ende shiten në këtë vend, libri i tij do të shitet.

Problemi është tjetër kund tek ne. Historia e komunizmit deri tani është shkruar në dy forma. Disa personazhe kanë rrefyer tragjedinë e tyre, si Pjetër Arbnori të tijën, Fatos Lubonja të tijën, At Zef Pllumi të tijën etj. Ndërsa forma tjetër ka qenë vetëm histori thashethemesh Blloku, të shkruara nga media. Intervista të tipit: “Rrëfen kuzhinieri i Beqir Ballukut”, “Tregon bahçevani i Mehmet Shehut”, “Rrëfimi i vëllait të shoferit të Hysni Kapos”. Prej më shumë se çerek shekulli, media jonë vazhdon të shesë të tilla histori, ku dikush tregon atë që ia ka thënë dikush tjetër, të cilit ia kishte thënë dikush tjetër. Histori rozë, copëza rrëfimesh nga dosjet hetimore apo gjëra të tjera të tilla, kanë ushqyer e vazhdojnë të ushqejnë ende etjen e shqiptarëve për të mësuar të pathënat e dikaturës.

LEXO EDHE:  Kikia në Opinion: Isuf Kalo e zhvesh Enver Hoxhën nga përgjegjësitë e diktaturës

Por çfarë dinë, dhe mbi të gjitha çfarë mësojnë të rinjtë shqiptarë për dikaturën? Që s’kishte liri politike, nuk kishte media dhe liri fjale dhe disidentët përfundonin në burg. Mësohet shumë më tepër për historinë e Amerikës dhe Revolucionin Francez.

Të rintë e sotëm, psh, nuk e dinë që në mes të Europës, në dekadën e fundit të regjimit, 3 milion njerëz ishin në kushtet zyrtare të urisë(jo se nuk kishin lugë). Nuk e dinë që për të mbajtur shpirtin gjallë, njerëzit hanin hithra e barishte të tjera, apo gjuanin natën me elektrikë nëpër kanale e ferra, duke shfarosur bretkosat, breshkat, iriqët e kërmillat. Nuk e dinë sesi njerëz të uritur ndalnin trenin kur kalote nëpër fusha e turreshin të hanin shalqinj e domate, si në filmat e Spilbergut me çifutë gjatë Luftës së Dytë.

Komunizmi nuk ka qenë vetëm Spaçi, i cili padyshim që ishte kolona vetebrale e dikaturës. Historia e kominizmit nuk ka qenë kurvëritë e Bllokut, apo se si ia shkulnin dhëmbët njëri-tjetrit në tortura, hijenat e kupolës në luftën e brendëshme kokëngrënëse. Këtu është përgjegjësi e historianëve që ta sjellin historinë e asaj periudhe, sa më ftohtë. Sepse, historia nuk është shuarje kureshtjeje, por informim i gjeneratave për çfarë ka ndodhur, edhe për arsyen që ajo që ka qenë e zezë të mos përsëritet. Por ata që duhet ta shkruajnë historinë, sot janë gati të hyjnë në grevë urie që tu dekretohet Skendër Gjinushi si kryetar i Akademisë së Shkencave.

Ndërsa unë dështova në përpjekjen time, kur tentova ti bëj moral tim biri duke e nxitur të mësojë, duke i kujtuar se ka kushte shumë më të mria se unë:

– E di ti që në moshën tënde ne nuk kishim televizior në shtëpi apo jo?

– Që nuk kishit, e mora vesh – më tha – po pse nuk e blinit këtë se marr vesh.

E çfarë përgjigje ti jepja. Ti thoja që edhe po ti kishe paratë nuk ta jepin, se duhej autorizim? Se pastaj duhej shpejgaur çfarë ishte autorizimi….

Enveri nuk do të ketë ditur gjë për këto kushte, as Nexhmija. I ka bërë Mehmeti me kokën e tij. Ai vrau veten. Pastaj Ramizi, si tinëzar që ishte, pas ’90-ës nxiti Liljanën t’ia faturonte fajet Nexhmijes, dhe ai të dilte si reformatori që shpëtoi vendin nga gjakderdhja….

Do ta vazhdojmë të lexojmë të tilla histori akoma, në vend të historisë së vërtetë që gjeneratat duhet të mësojnë mbi komunizmin, të cilin ne nuk e shembëm, por thjeshtë e transformuam në një biçim demokracie.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Keni bërë plane për fundjavën?/ Mësoni si ndyshon moti në vijim

Publikuar

-

Nga

Keni bërë plane për fundjavën?/ Mësoni si ndyshon moti në vijim

Dita e sotme parashikohet të jetë me alternime kthjellimesh dhe vranësira deri të dendura.

Reshjet e shiut do të bëhen prezente në orët e paradites, kryesisht në zonat veriore, veriperëndimore dhe lindore.

Sipas Shërbimit Meteorologjik Ushtarak, temperaturat e ajrit ulen në  vlerat minimale por rriten në ato maksimale duke  luhatur vlerat ditore nga  15°C deri në 38°C.

LEXO EDHE:  Apeli i fortë i mjekut/ Edhe ne pensionistët jemi gati për betejën me koronavirusit

LEXO EDHE:  Provokimi i Mustafa Nanos: Duhet të jemi më racionalë me Enver Hoxhën

Era do fryjë mesatare me shpejtësi deri 45 km/h nga drejtimi Veriperëndimor duke krijuar brigjet detare dallgëzim 4 ballë./CNA.al

LEXO TE PLOTE

Horoskopi

Horoskopi i ditës, 12 korrik 2020

Publikuar

-

Nga

Horoskopi i ditës, 12 korrik 2020

Dashi
Do ta nisni ditën me shumë energji. Rrini në kontakt me miqtë e ngushtë dhe shihni seç po ndodh rreth tyre. Nëse merrni një lajm të keq prej tyre, tregohuni vullnetar për t’i ndihmuar.

Demi
Të mbash emocionet nën kontroll nuk është edhe aq e lehtë. Ka gjasa ta keni të vështirë të zbuloni se çfarë po ju shqetëson realisht. Qëndroni pak kohë vetëm, në mënyrë që të ndiheni të qartësuar.

Binjakët
Do të përjetoni shumë ndryshime së shpejti. Do ta keni të vështirë të jetoni momentin aktualisht. Sa i përket lidhjes suaj në çift, përpiquni të gjeni pak kohë dhe të reflektoni rreth ndodhive të fundit.

Gaforrja
Pika e fortë e qëndrimit për ju sot do të jetë mirëkuptimi i njerëzve. Do të jeni në sinkron me të gjithë, çfarë do t’ju sjellë harmoni dhe shumë argëtim. Hiqni dorë nga kujdesi i tepërt dhe lërini gjërat të marrin rrugën e tyre.

Luani
Një prej miqve tuaj do të ketë një këshillë mjaft të mirë për ju, ndaj merrjani për bazë. Ndërkohë, bëni kujdes nga disa persona të tjerë të cilët përpiqen të realizojnë planet e tyre duke përfituar prej jush. Tregohuni dëgjues i mirë, por mos ndryshoni qëndrim.

Virgjëresha

Pavarësisht se mund të përballeni me zhgënjim gjatë ditës së sotme, mos e humbisni energjinë. Mos u përpiqni të kuptoni çdo mister. Nuk mund të gjeni përgjigjen e çdo pyetje në mënyrë që të keni situatën nën kontroll.

Peshorja
Sot, burimi juaj më i madh i frymëzimit do të jenë njerëzit me të cilët ndesheni. Mendohuni thellë dhe mund të kuptoni se si të përfaqësoni më saktë veten. Një takim i rastësishëm mund t’ju japë një ide se çfarë të bëni për një mik të ngushtë.

LEXO EDHE:  Kikia në Opinion: Isuf Kalo e zhvesh Enver Hoxhën nga përgjegjësitë e diktaturës

LEXO EDHE:  Mjeku Isuf Kalo këshillon të sëmurët me diabet/ Si duhet të veproni gjatë vetizolimit

Akrepi
Nëse nuk jeni të sigurt dhe keni dyshime lidhur me një çështje të caktuar, mos hezitoni të pyesni. Problemet në pritje duhet të zgjidhen së shpejti dhe ju e dini se duhet të filloni diku, fillimisht duke menduar pozitivisht.

Shigjetari
Energjia që ju transmetojnë miqtë tuaj është një nga mbështetjet me te mëdha. Ata janë të gatshëm të jenë kudo për ju nëse do te keni nevojë. Kjo do të thotë që nëse keni pritur të bëni një ndryshim në drejtimin e jetës suaj, kjo është koha e duhur për ta bërë.

Bricjapi
Bëhuni kreativë dhe mendoni lidhur me qasjen tuaj në një situatë të caktuar. Nëse do t’i shkruani një letër dashurie partnerit/partneres suaj, do ta bëni edhe më interesante marrëdhënien romantike. Sa i përket aspektit profesional, nuk parashikohen ndryshime.

Ujori
Bëni kujdes me shpenzimet që do kryeni këto kohë. Nëse keni vendosur të blini diçka të re, bëni pak durim. Fakti që këtë periudhë mund të keni shumë para në dispozicion, nuk do të thotë që duhet t’i shpenzoni të gjitha menjëherë.

Peshqit
Kohët e fundit ka pasur disa episode që kanë ndikuar negativisht në rrethin tuaj shoqëror. Por sot gjithçka do të sqarohet dhe ju do të ndjeni se çdo gjë ka kaluar. Marrëdhënia me paratë do të jetë e vështirë këto ditë.

LEXO TE PLOTE

Sociale

Fortlumturia e tij Kryepeshkopi Anastas Janullatos/ Shndërrimi i Shën Sofisë në xhami, veprim tragjik edhe mëkat

Publikuar

-

Nga

Kryepeshkopi Janullatos/ Shndërrimi i Shën Sofisë në xhami, veprim tragjik edhe mëkat

Kryepeshkopi i Tiranës, Durrësit dhe gjithë Shqipërisë, Anastas Janullatos, ka reaguar lidhur me vendimin e Turqisë për të kthyer në xhami Kishën e Urtësisë së Perëndisë (Shën Sofinë).

Sipas tij, kjo bën pjesë në ato veprime tragjike, të cilat minojnë shpresën më të madhe të epokës sonë, që është bashkekzistenca e feve dhe qytetërimeve.

“Ky vendim na kthen pas, në aspekte të errëta të historisë. Një vend si Turqia, që dëshiron të jetë pararojë, zgjedh rolin e praparojës së vonuar kulturore. Është mëkat edhe gabim kur vaji i fesë përdoret për të ndezur dhe për t’i shërbyer qëllimeve nacionaliste. Qëllimi fisnik i fesë është të qetësojë plagët dhe të paqësojë shpirtrat e njerëzve.”/CNA.al

LEXO TE PLOTE