Connect with Us

Meta rrezikon burgun/ Ngjela zbardh prapaskenat

Politikë

Meta rrezikon burgun/ Ngjela zbardh prapaskenat

Publikuar

-

Avokati Spartak Ngjela, ka publikuar në rrjetet sociale një shkrim ku tregon nga perspektiva e tij, se çfaë do ndodh me Shqipërinë.

Postimi i sotëm është pjesa e tretë e një statusi të datës 4 gusht, ndërsa flet për shkarkimin e presidentit Ilir Meta dhe a do të shkojë ai deri në shkarkim.

Sipas Ngjelës, shkarkimi i Metës është mbështetur në shkeljen kushtetuese për zhdekretimin e zgjedhjeve, ndërsa shton se këtë zhdekretim ai e ka bërë  “nën presionin e Reformës në Drejtësi”.

Pjesë nga postimi i Ngjelës
A do të shkojë deri në shkarkim presidenti Ilir Meta dhe a mund të quhet ky akt-proces si preludi i aplikimit të Reformës në Drejtësi?

Në të vërtete kërkesa e 30 deputetëve të Parlamentit shqiptar për shkarkimin e Ilir Metës, kërkesë kjo e cila është pranuar nga Kuvendi i Shqipërisë dhe ka hyrë në procedurë, mund të quhet se është një pikë kyç në ecurinë e gjendjes reformuese të shtetit shqiptar.

Duhet ta shprehim që në fillim se shkarkimi i Metës është mbështetur në shkeljen kushtetuese për zhdekretimin e zgjedhjeve. Këtë zhdekretim ai e ka bërë nën presionin e Reformës në Drejtësi, e cila pritet që ta radhisë edhe atë me të akuzuarit e rëndësishëm të korrupsionit të lartë shtetëror.

Për pasojë, Meta ka qenë kundërshtari më i madh i kësaj reforme, bashkë me Berishën, Bashën dhe taborin e tyre. Dhe, na duhet ta theksojmë se, të tre këta, për faktin qe nuk e kalojnë dot akuzën për korrupsion që do t’iu vijë si korolar i Reformës në Drejtësi, i bënë të gjitha përpjekjet për ta ndaluar atë reformë deri dhe me destabilizim të Shqipërisë. Por tani kanë dështuar.

LEXO EDHE:  Festa e Çlirimit/ Meta e Rama homazhe sëbashku

Kurse, akti i fundit i dështimit të tyre, ishte pikerisht zhdekretimi i zgjidhjeve të 30 qershorit.

Kur Meta zhdekretoi datën 30 qershor të këtij viti si datë për zgjedhjen e pushtetit vendor, në një kohë kur vetë ai e kishte dekretuar në limitin kushtetues të saj, mendoi se do t’i “vinte dërmën” Shqipërisë me revolucionin Berisha.

Por ndodhi e kundërta: Meta fundosi përfundimisht vetveten, dhe tani gjendet nën akuzë penale.

Por, është pikërisht kjo ecuri faktike, e cila e bën tani domosdoshmëri shkarkimin e Ilir Metës si president, dhe ngritjen e akuzës penale kundër tij përpara Gjykatës Kushtetuese.

E gjithë kjo që shprehëm, hapur na çon në konkluzionin se shkarkimi i Ilir Metës, me proces gjyqësor të nivelit të lartë, është preludi i aplikimit të reformës antikorrupsion në Shqipëri./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Dëshmia te SPAK/ Manjani ironizon Lefter Allën: Nuk jam unë ai i videos sepse ai ka syze

Publikuar

-

Nga

Ish-ministri i drejtësisë Ylli Manjani ironizon kryebashkiakun e Bulqizës pasi u shfaq në SPAK pa syze.

Manjani shkruan se Alla ndoshta ka dashur të thotë që “s’jam unë ai i drogës në video, sepse ai ka syze…”.

Shumë interesant! Zotëria paska qenë para SPAK dje pa syze… Ndoshta ka dashur të thotë që “sjam unë ai i drogës në video, sepse ai ka syze…” Nëse Artan Hoxha ka të drejtë, lind pyetja: Ti ketë ardhur shikimi para SPAK, apo syzet i ka për përdorim të kufizuar?!”, shkruan Manjani.

LEXO EDHE:  Spartak Ngjela: 7 arsye pse shqiptarët goditën Bashën në 21 Qershor

LEXO EDHE:  Foto- Meta takon senatorin republikan në zyrën historike të Presidentit Truman

Kujtojmë se ditën e djeshme Alla u thirr nga SPAK për të dëshmuar në lidhje me videon e publikuar ku shfaqet duke konsumuar kokainë në banakun e një lokali./CNA.al

LEXO TE PLOTE

Politikë

Shqiptarët “kopracë”/ Indeksi: Vetëm 23 % e tyre janë bujarë

Publikuar

-

Nga

Vetëm 23 % e shqiptarëve janë bujarë dhe të sjellshëm dhe zyrtarisht, sipas një raporti të fundit, jemi ndër më ‘kurnacët’ në Europë, ndonëse bujaria përmendet në legjenda si një ndër atributet kryesore të natyrës së shqiptarëve.

Në vitin e 10-të të publikimit, Indeksi Botëror i CAF për 2019, analizon 140 shtete të marra në shqyrtim, ku Shqipëria renditet e 105 për sa i përket bujarisë. Sipas raportit, Shqipëria ka humbur shkallë krahasuar me një vit më parë, ku bujarët përbënin 26 % të popullsisë.
Më mirë në rajon renditet Kosova e 62-a , e cila ndiqet nga Bosnje dhe Hercegovina në vendin e 91-ta, Mali i Zi i 119-ti, Serbia e 123-a.

Maqedonia renditet këtë vit e 96, duke tejkaluar edhe vendin tonë dhe duke ngjitur plot 34 shkallë nga një vit më parë që renditej e 130-a.
Indeksi Global i të Dhënit 2019, i publikuar nga Instituti CAF (Charity Aid Foundation) është etiketuar si studimi kryesues për sa i përket bujarisë. Indeksi rendit 140 shtete në tre kategori: të ndihmuarit e të huajve, dhurimi i parave dhe koha e punës vullnetare.

Sipas specifikimeve, 35 % e shqiptarëve nuk hezitojnë që të ndihmojnë një të huaj kur i kërkon ndihmë, duke u renditur të 95-tët në botë. Nga ana tjetër, 21 % e shqiptarëve kanë dhuruar para vitin e shkuar, duke u renditur kështu të 75-tët në botë. Ndërsa sa i përket dhurimit të kohës për vullnetarizëm, një studim ky që nuk përbën pikën tonë më të fortë, vetëm 9 % e shqiptarëve kanë dhuruar kohën e tyre për bamirësi ose ndonjë kauzë të ngjashme, duke u konsideruar kështu të 107-ët në botë për këtë indikatorë.
Kush janë vendet më bujare sipas Indeksit 2019?

LEXO EDHE:  Ndocaj: Llalla takohet me Metën çdo të dielë, Kreut të LSI-së i del emri në çdo vjedhje

LEXO EDHE:  Ndocaj: Llalla takohet me Metën çdo të dielë, Kreut të LSI-së i del emri në çdo vjedhje

SHBA kryeson Indeksin Botëror të CAF-it për herë të parë. Ndiqet nga Myanmar, i cili ka qenë katër vjet me radhë në numrin një në Indeks; e treta Zelanda e Re, më pas Australia dhe Irlanda. Në mënyrë të konsiderueshme më shumë njerëz në të gjithë globin raportuan se ndihmonin një të huaj dhe dhuronin kohë vullnetare, ndërkohë që proporcioni i cili dhuronte para ka rënë për të tretin vit radhazi. Proporcioni i njerëzve në mbarë botën që dhuroi para në vitin 2019, është ende në nivelin më të ulët që nga viti 2014. Dhurimi i parasë është rritur nga vendet e zhvilluara (nga 40% në 42%), por ka rënë në mesin e vendeve në zhvillim (nga 25% në 24%)./Monitor

LEXO TE PLOTE

Politikë

Europarlamentarja franceze: Procesi i pranimit në BE duhet korrigjuar

Publikuar

-

Nga

Europarlamentarja franceze, Nathalie Loiseau thotë se në BE ka më shumë burokraci se politikë. Para zgjerimit BE duhet të rishohë procesin e pranimit, thotë ajo. Sepse “Serbia nuk është ndarë asnjë sekondë nga Rusia”.

Franca është prekur shumë nga grevat dhe protestat që zhvillohen kundër qeverisë në mbarë vendin, megjithatë ish-ministrja franceze për çështjet europiane, Nathalie Loiseau, mbron presidentin Emmanuel Macron duke thënë. se ai është duke reformuar vendin në “mënyrë të vazhdueshme”.

Duke folur në Bruksel për emisionin e Deutsche Welles, Conflict Zone, të Tim Sebastianit, Loiseau nuk i pranoi vlerësimet se vendi i saj është në kaos dhe tha se reformat në Francë janë duke funksionuar.
“Nuk ka më greva të hekurudhave apo transportit publik dhe reforma e pensioneve do të jetë reforma me synimet më të mëdha të arritura për dekada me radhë,” tha Loiseau, e cila është tani anëtare e Parlamentit Europian, në grupin liberal Renew Europe.

“Ne jemi vendi i dytë i BE për tërheqjen e investorëve të huaj, kemi nivelin më të lartë të rritjes ekonomike në BE, kemi shifra papunësie që janë duke u ulur vazhdimisht,” shtoi ajo. Loiseau refuzoi të pranonte çfarë thuhet në raportin e organizatës së pavarur franceze për të drejtat e njeriut, Defenseur des Droits de l’ Homme, ku flitet për nevojën e ndryshimit të asaj që e quan politikë e “sigurisë së përforcuar dhe e represionit” në vend.

Tim Sebastian përmendi se OKB dhe Këshilli i Europës kritikojnë Francën për “përdorim joproporcional të forcës kundër demostruesve në rrugë”. Sipas Loiseau, “ka pasur dhunë joproporcionale në vendin tim dhe ka pasur raste të shkaktuara nga (… ) bllokadat e jelekverdhëve.” Ajo thekson se liritë “janë respektuar dhe mbrojtur.” “Liria për të dale në grevë mbrohet madje nga kushtetuta në vendin tim. Por edhe liria për të mos shkuar në grevë duhet mbrojtur. Po ashtu duhet mbrojtur edhe liria e lëvizjes,” shtoi Nathalie Loiseau, e cila ka qenë ministre për Çështjet Europiane në Francë nga 2017 deri 2019.

Multilateralizëm apo diplomaci solo?

Tim Sebastian i thotë Loiseau, se perceptimi tek njerëzit është se Macroni është duke favorizuar më shumë diplomacinë “i vetëm në rrugë” se sa bashkëpunimet multilaterale, për të cilat thotë se i vlerëson shumë. “Sa i përket Rusisë për shembull, ka pasur raporte që thonë se Macroni nuk e ka informuar më parë qeverinë gjermane, një nga aleatët më të ngushtë, se do të bëjë thirrje për një trajtim të ri të Moskës nga ana e BE. Macron dërgoi shtatorin e kaluar ministrin e Jashtëm dhe atë të Mbrojtjes në Moskë. Kjo shihet si politikë unilateraliste,” thotë Tim Sebastian.
Loiseau kundërshton duke thënë se Franca është krejtësisht “në linjë me qëndrimin europian për Ukrainën, Krimenë, Donbasin dhe pjesën tjetër.” “Ne jemi të përgjegjshëm, ne mbrojmë vlerat europiane, ne flasim me zërin europian dhe mbajmë qëndrim europian,” theksoi ajo, duke shtuar. “Ne jemi në linjë me Josep Borrellin, të ngarkuarin e BE për politikën e Jashtme. Nuk ka aspak ndryshim midis politikës së Josep Borrellit dhe asaj që jemi duke kërkuar ne në nivel bilateral.”
Tim Sebastian kujton se gushtin e kaluar, presidenti Macron kërkoi “një arkitekturë të re europiane, të bazuar tek besimi dhe siguria, sepse kontinenti nuk do të jetë kurrë i sigurt pa çtensionuar dhe sqaruar marrëdhëniet që Europa ka me Rusinë.” Dhe ai pyet, si mund të bazohen marrëdhëniet tek besimi tek Rusia, “kur një gjë e tillë nuk ekziston”.
“Ne jemi vigjilentë,” thotë Loiseau, duke treguar për aktivitetet e hakerave ruse kundër partisë së saj, gjatë fushatës presidenciale. “Ne jemi të vetëdijshëm për rreziqet që vijnë nga nostalgjia që Rusia ka për të kaluarën e saj”, thotë Loiseau. “Ne nuk mund të ndryshojmë gjeografinë. Çfarë të bëjmë? Të lemë Rusinë të kthehet përfundimisht me Kinën? Apo të kemi Rusinë të angazhuar në dialog me Bashkimin Europian,” argumenton Loiseau.
Tim Sebastian pyet çfarë lëshimesh përshihen në këtë lloj qëndrimi? Por Loiseau përgjigjet: “Emmanuel Macron e ka thënë troç: nuk është çështje lëshimesh. Është çështje e dëgjimit të zërit tonë,” shton ajo. Për shembull thotë ish-ministrja, “unë nuk do të doja të shija Gjermaninë që të mbështesë kaq shumë projektin e Nord Strem 2, “sepse kjo rrit varësinë tonë ndaj gazit rus”. „Por a është ky zë që duhet dëgjuar i njëjti vazhdimisht,” pyet Tim Sebastian duke kaluar në çështjen e zgjerimit të BE.

LEXO EDHE:  Ndocaj: Llalla takohet me Metën çdo të dielë, Kreut të LSI-së i del emri në çdo vjedhje

LEXO EDHE:  Pas ambasadorëve, Rama pranon propozimin e Metës/ Sy më sy për Reformën!

Kontradiktë në çështjen e zgjerimit të BE

Tek çështja e zgjerimit Tim Sebastian kalon duke cituar presidentin Macron, i cili i kërkoi Europës në muajin gusht në Paris që të “riinvestojë gjeografikisht në Ballkanin Perëndimor”, duke paralajmëruar se nëse Europa nuk e bën këtë atëherë „fati i rajonit mund të vendoset nga SHBA, Rusia dhe Turqia”. Por dy muaj më vonë, thotë Tim Sebastian, Macroni i bllokoi këto vende, duke vonuar futjen e tyre në BE. „Kjo është kontradiktore. Ju nuk mundeni që, nga njëra anë ta mbroni Ballkanin Perëndimor nga fuqitë e tjera që janë duke u interesuar për të nga dhe nga ana tjetër, të mos e lini që të pranohet.”

Loiseau fillon të përgjigjet duke u nisur me Serbinë: „Shihni Serbinë. Serbia dukej të ishte në proces të suksesshëm. Por, a u distancua Serbia nga Rusia? Asnjë sekondë.” Ajo shtron në vazhdim pyetjen: “A mendoni se bisedimet e pranimit në BE janë receta e duhur për t’i bërë vendet që të distancohen nga Rusia? Shihni Hungarinë. Nuk funksionoi. Ne duhet të korrigjojmë të gjithë procesin e bisedimeve të hyrjes, sepse nuk është duke funksionuar. Të mbyllim sytë dhe të bëjmë sikur kemi politika, kur kemi vetëm burokracira?”, pyet ish-ministrja duke theksuar, se çështja e zgjerimit të BE me Ballkanin Perëndimor është çështje shumë serioze dhe nuk duhet lënë në duart e burokratëve. „Ajo ç’ka i kërkojmë ne vendeve është përgjegjësia që duhet të kenë në vendosjen e ligjit, luftën kundër korrupsionit, luftë kundër krimit të organizuar,” thotë Loiseau.

Tim Sebastian këmbëngul duke përmendur raportin e Këshillit të Europës për marrëdhëniet me jashtë, anëtare e së cilës është edhe Nathalie Loiseau, publikuar në janar 2020. Sipas tij, “Vetoja e Francës kundër fillimit të bisedimeve të pranimit me Shqipërinë dhe Maqedoninë e Veriut, ka ndryshuar shumë përmbajtjen e zgjidhjes së problemeve bilaterale në Ballkanin Perëndimor”.
Loiseau përsërit edhe një herë: “Shihni Serbinë. Ajo është në proces, është duke zhvilluar negociata. Janë duke hapur e mbyllur kapituj. Duke qenë afër me Rusinë, më shumë kurrë më parë. Diçka nuk është duke funksionuar. Disa njerëz kanë vendosur mos ta shohin një gjë të tillë. Ne kemi vendosur t’i vemë pikat mbi “i””.

Ish-ministrja franceze, anëtare e partisë “La République En Marche”, partia “Për një republikë funksionuese”, këmbëngul se pranimi në BE: “..nNuk është çështje slloganesh. Nuk është se duam të jemi të mirë dhe shkojmë të bëjmë biznese me disa vende. Puna është se ne duam që vendet të përgatiten për tu futur në BE. Të mos dështojnë dhe të venë në rrezik projektin BE”.
Në vazhdim, pjesa e mbetur e intervistës, një e treta e saj, merret me çështjet e brendshme të BE, zgjedhjet europiane, Francën dhe rolin e saj në BE, Brexitin dhe partinë ku Loiseau bën pjesë në Francë, si dhe diferencat e partisë së saj me krahët e majtë dhe të djathtë të politikës në Francë dhe Europë./ Deutsche Welle

LEXO TE PLOTE