Connect with Us

“Koncesionet dhe PPP-të”/ Rrëshket Ilir Meta

Politikë

“Koncesionet dhe PPP-të”/ Rrëshket Ilir Meta

Publikuar

-

ilir meta

Presidenti Ilir Meta ka kthyer për rishqyrtim në Kuvend ligjin për “Koncesionet dhe PPP-të”.

Por, duket se ka kaluar pa u vënë re fakti, se dekreti i Presidentit për kthimin e ligjit të koncesioneve, shtyn datën e hyrjes në fuqi të ligjit.

Presidenca e Republikës bëri me dije se, “Presidenti i Republikës Sh.T.Z Ilir Meta, në ushtrim të kompetencave të Tij, në mbështetje të neneve 85, pika 1 dhe 93, të Kushtetutës, me Dekretin nr. 11251, datë 05.08.2019, ka vendosur:

Kthimin për rishqyrtim të ligjit nr. 50/2019, “Për disa ndryshime dhe shtesa në ligjin nr. 125/2013, “Për koncesionet dhe partneritetin publik privat”, të ndryshuar”, me qëllim përmirësimin e neneve 17 dhe 18 të këtij ligji, sipas arsyetimit bashkëlidhur këtij dekreti.”

Sipas tekstit të shpërndarë nga Presidenca:

Presidenti i Republikës shqyrtoi ligjin nr. 50/2019, duke bërë një vlerësim dhe analizë të përmbajtjes së aktit të miratuar; praktikës parlamentare të ndjekur për këtë projektligj; përputhshmërisë së ligjit të miratuar në raport me respektimin e parimeve kushtetuese, interesin publik, duke krahasuar qëllimet e kësaj iniciative ligjore me momentin e hyrjes në fuqi të këtyre ndryshimeve ligjore.

Në përfundim të shqyrtimit, thotë njoftimi Presidenti i Republikës na paska arritur në përfundimin se: “Miratimi i ndryshimeve në ligjin e koncesioneve është një nismë pozitive, por tepër e vonuar e Kuvendit të Shqipërisë, dhe me pasoja negative për ekonominë e vendit.

Ligji nr. 50/2019,  i përcjellë për dekretim i duhet kthyer Kuvendit me qëllim rishikimin e neneve 17 dhe 18 të tij, pasi këto dy nene shtyjnë subjektivishthyrjen në fuqi të kufizimeve që vendosen në dhënien e kontratave koncesionare/PPP, që po ky ligji i ri parashikon.

Presidenti i Republikës, kërkon rishikimin tërësor të këtyre dy neneve, sepse ato kompromentojnë qëllimin e të gjithë pjesës tjetër të ligjit, pasi keto dy dispozita krijojnë hapësirën e nevojshme për të prodhuar sërish pasoja dhe qëllime klienteliste.

Projektligji në fjalë pasi u shqyrtua në datat 11, 18, 25 dhe 26 shkurt 2019 në Komisionet respektive Parlamentare, u shqyrtua në seancën plenare të datës18.07.2019, duke u mbajtur pezull në mënyrë të paarsyetuar për një periudhë 4-mujore.”

Më tej vijon:

“I vetmi dokument që evidentohet se është krijuar nga Kuvendi i Shqipërisë, dhe që ka lidhje me këtë ligj përgjatë gjithë kësaj periudhe boshe 26 shkurt 2019 – 18 korrik 2019, është kërkesa e deputetit Arben Ahmetaj e datës 17 korrik 2019, i cili kërkonte seancës plenare ndryshimin pa argumenta të neneve 17 dhe 18 të projektligjit, për të shtyrë afatin e dhënies pa kufizim të koncesioneve në çdo fushë të ekonomisë së vendit, edhe për një afat 3-mujor shtesë deri në 1 tetor 2019”.

Në fund deklarohet kthimi mbrapsh i ligjit që me qëllimin që të rishihet afati i hyrjes në fuqi, domethënë data 1 tetor të afrohet më shumë. Dhe kjo bëhet me dekretin e datës 7 gusht.

Që Presidenti ka probleme të hershme me kalendarin, ky fakt është dëshmuar rëndom kohët e fundit.

Por kësaj radhe çështja bie pak edhe erë bashkëpunim me qëllim shtyrjen e hyrjes në fuqi të ndryshimeve përtej datës 1 Tetor.

Arsyetojmë pak me kalendar në dorë!

Sesioni i ri parlamentar hapet pas datës 2 shtator. Javën e parë të shtatorit domethënë deri në datën 5 mbledhja e kryesisë së kryetarëve do fusi në kalendar dekretin. Dekreti javën e dytë të shtatorit do shqyrtohet në komisione. Vetëm javën e tretë të shtatorit dekreti mund të shqyrtohet në seancë plenare.

Duke pasur parasysh që ligjet hyjnë në fuqi jo më parë se dy javë nga publikimi në Fletoren Zyrtare, atëherë data e re e hyrjes në fuqi të ndryshimeve, s’mund të ndodhë të jetë përpara datës 1 tetor.

Presidenti duhet të nxjerrë dekret ku të deklarojë që ose po i shërben të njëjtave interesa për të cilat akuzon maxhorancën, ose që është idiot që s’e ka idenë që kalendari nuk kthehet dot mbrapsh. Dikush t’i shpjegojë Ilir Metës se si lexohet kalendari./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

Celula terroriste/ Zv. Ministri zbulon detajet: Ja si do kryheshin sulmet

Publikuar

-

Nga

Zëvendës ministri i Brendshëm, Besfort Lamallari, nga studio e “Opinion” ka treguar disa detaje referuar sulmit të celulës terroriste iraniane, i cili ishte planifikuar të kryhej gjatë festimeve të Sulltan Nevruzit pranë Kryegjyshatës Botërore Bektashiane në Tiranë, në mars të 2018, por që arriti të parandalohej në kohë.

Lamallari në emision është shprehur se hetimet për celulën terroriste, sipas tij nisën në mars të 2018-ës nën drejtimin e prokurorit të Krimeve të Rënda, Eugen Beçi dhe njësisë së anti-terrorit në Policinë e Shtetit dhe se personat e ndaluar ishin operativëm që mblidhnin informacion.

Ndër të tjera Lamallari deklaroi se personat e ndaluar atëherë kanë ishin informatorët, ndërkohë që emrat e publikuar sot ishin “truri” i asaj organizate që presupozohej të kryente sulmin me eksploziv ndaj muxhahedinëve.

“Deklarata sot nuk kishte të bënte me asnjë atentat, apo episod. Zbuloi një plan, një celulë. Para një viti ne ndaluam dy shtetas iranian, që duke u hequr si gazetarë por ky ishte mbulimi, ata ishin operativë dhe kishin plan të mblidhnin informacion. Ndërhyrja në atë kohë bëri që plani të shtyhej, sot ne kemi zbuluar për publikun një plan dhe një celulë të ngarkuar për ekzekutimin e këtij plani. Ka dhe të tjerë që janë ekzekutorë. Personat që janë shoqëruar më parë janë të tjerë. Atëherë po flisnim për ushtarët. Sot po flasim për “trurin”. Këta do bënin sulme terroriste të kombinuara me armë zjarri dhe me shpërthim eksploziv kryesisht ndaj liderëve të muxhahedinëve. Ne zbuluam në mars informatorët dhe tani zbuluam mendjen”, tha zëvendës ministri i Brendshëm, Besfort Lamallari.

LEXO EDHE:  Meta humb toruan/ Më “çmendët” si asnjëherë tjetër

Kujtojmë se dhjetorin e vitit të kaluar ambasadori i Iranit në Shqipëri, dhe një tjetër diplomat i ambasadës do të dëboheshin nga Shqipëria, ndërsa referuar këtij fakti Ministria e Jashtme shqiptare do të shprehej se: “dy diplomatët iranianë u shpallën të padëshiruar, pasi dyshohen të jenë përfshirë në aktivitete që cënojnë sigurinë në vend.

Vendimi për shpalljen e diplomatëve iranian si të padëshiruar u mor në konsultim me vendet aleatë, për shkak të aktivitetit të tyre në Shqipëri në kundërshtim me statusin e tyre diplomatik”./ CNA.al

LEXO TE PLOTE

Politikë

“Se kam provuar një herë të hyj në zgjedhje”/ Surprizon Agron Duka

Publikuar

-

Nga

duka

Kryetari i Partisë Agrare Aambientaliste(PAA), Agron Duka, nga tryeza e emisionit “Arena” është shprehur edhe rreth futjes apo jot ë partisë që drejton në zgjedhjet nëse ato shpallen të parakohëshme, por nuk ndërron sistemi zgjedhor aktual.

“Nëse nesër, pasnesër, këta do të bëjnë Reformën Zgjedhore, ku të ketë ndër të tjera depolitizim të komisioneve dhe numëruesve, po sistemin do e lënë po atë, do më pyesësh: A do të hyj në zgjedhje? Do të hyj. Boll më, unë kam tre vjet që e kam bërë këtë parti dhe se kam provuar një herë të hyj në zgjedhje, do të hyj patjetër”, ka deklaruar Agron Duka./CNA.al

LEXO TE PLOTE

Politikë

Celula terroriste në Shqipëri/ Zvendës ministri i Brendshëm zbulon detaje                                  

Publikuar

-

Nga

Hetimet për celulën terroriste iraniane në Shqipëri kanë nisur në muajin mars të 2018 dhe prokuror drejtues i tyre ka qenë, Eugen Beçi, si dhe njësia anti-terror në Policinë e Shtetit, e cila bëri dhe ndalimin e dy iranianëve, 65 vjeç, F. Z., dhe 59 vjeçarit, S.M. Ndalimi i tyre falë informacioneve të mbërritura nga shërbimet partnere. Në momentin e ndalimit ata ishin duke bërë foto, ndërsa u prezantuan si gazetarë që kishin ardhur në Shqipëri me ftesë të Kryegjyshatës Botërore Bektashiane.
Ka qenë zvendësministri i Brendshëm, Besfort lamallari zyrtari që, nga emisioni “Opinion” ka treguar detaje të reja lidhur me lakmin e bujshëm rreth ekzistencës së një cellule iraniane që kishte planifikuar të vepronte me akte terroriste në Tiranë në vitin 2018.
“Deklarata sot nuk kishte të bënte me asnjë atentat, apo episod. Zbuloi një plan, një celulë. Para një viti ne ndaluam dy shtetas iranian, që duke u hequr si gazetarë por ky ishte mbulimi, ata ishin operativë dhe kishin plan të mblidhni informacion. Ndërhyrja në atë kohë bëri që plani të shtyhej, sot ne kemi zbuluar për publikun një plan dhe një celulë të ngarkuar për ekzekutimin e këtij plani. Ka dhe të tjerë që janë ekzekutorë. Personat që janë shoqëruar më parë janë të tjerë. Atëherë po flisnim për ushtarët. Sot po flasim për “trurin”. Këta do bënin sulme terroriste të kombinuara me armë zjarri dhe me shpërthim eksploziv kryesisht ndaj liderëve të muxhahedinëve. Ne zbuluam në mars informatorët dhe tani zbuluam mendjen”, tregoi zvendësministri i Brendshëm, Besfort Lamallari./CNA.al

LEXO TE PLOTE