Connect with Us

Bashkëshortin në listën e zezë ia mbrojti Llalla/ Zbardhet pasuria e gjyqtares Gentiana Muça

Vetingu

Bashkëshortin në listën e zezë ia mbrojti Llalla/ Zbardhet pasuria e gjyqtares Gentiana Muça

Publikuar

-

Procesi i Vettingut pritet të rinisë në shtator. Shorti me emrat që do të kalojnë në rivlerësim është hedhur më herët.

CNA.al, po vijon me pasuritë e gjyqtarëve e prokurorëve të cilët pritet t’i nënsshtrohen këtij procesi.

Një pjesë e tyre rezultojnë të punësuar familjarisht në sistemin e drejtësisë. Nëse njëri shkarkohet për shkak të pasurisë, i bie që të shkarkohet edhe tjetri.

Në filtër sot kemi kaluar gjyqtaren e Gjykatës së Tiranës, Gentiana Muça e cila edhe bashkëshortin e ka prokuror.

Bëhet fjalë për prokurorin Arin Muça, emri i të cilët ëhstë lakuar në listën e zezë të kryeministrit Edi Rama të publikuar më herët.

Pavarësisht se ishte në këtë listë, ish Prokurori i Përgjithshëm Adriatik Llalla nuk e ndëshkoi Muçën.

Ndërsa emri i gjyqtares Gentiana Muça, nuk është lakuar as nga profesionale as nga pasuria.

Çifti Muça, sipas të dhënave që CNA.al ka marrë pranë ILDKPKI-së,  ka një pasuri modeste.

Të ardhurat i kanë vetëm nga pagat dhe seminaret ku kanë marrë pjesë.

Ndërsa të vetmet patundshmëri, që është banesë e ka  blerë në vitin  2010.

Gjyqtarja deklaron se janë shpenzuar 79 387 euro për lidhjen e një Kontratë Porosie me një shoqëri ndërtimi, me objekt kontrate një banesë me sipërfaqe 108.75 m2 në Tiranë.

Banesa, thotë ajo,  është në bashkëpronësi me vjehrrin z. Skënder Muçaj ku 63% e banesës është e vjehrrit dhe 27 %  e bashkëshortëve Muça.

Sipas saj,  50 000 Euro janë paguar nga vjehrriSkënder Muçaj dhe 25 000 euro janë marrë kredi nga bashkëshorti,  Arian Muçaj.

Në vitin kur e ka blerë, pra në 2010 ajo deklaron se kanë mbetur pa likujduar 4 387 euro firmës së ndërtimit.

Ndërsa në viti 2012, prokurori, bashkëshorti i gjyqtares ka shpenzuar 1 000 Euro për blerje automjeti 50 000 lekë

Më po sjellim të detajuar pasurinë e gjyqtares Gentiana Muça.

Viti 2003

Paga si Gjyqtare në Gjykatën e Rrethit Gjyqësor Lezhë.

Paga e bashkëshortit prej 611 000 lekë bruto dhe 508 000 lekë neto si punonjës në Drejtorinë e Përgjithshme të Policisë së Shtetit.

Viti 2004

Paga e deklarueses prej 789 812 lekë nga pozicioni gjyqtare në Gjykatën e Rrethit Gjyqësor Lezhë.

Paga e bashkëshortit prej 766 428 lekë nga puna në Ministrinë e Rendit Publik.

Viti 2005

Paga vjetore e deklarueses prej 930 600 lekë në pozicionin Gjyqtare pranë Gjykatës së Rrethit Gjyqësor Lezhë.

Paga vjetore e bashkëshortit prej 876 000 lekë nga Ministria e Brendshme Tiranë.

Llogari rrjedhëse në emër të bashkëshortit në vlerën 210 000 lekë pranë Bankës Amerikane.

Llogari rrjedhëse të Gentiana Muçaj në vlerën 421 675 lekë pranë Raiffeisen Bank me overdraft.

500 000 lekë të shpenzuara për blerjen e një autoveture tip Audi Ag.

Viti 2006

Paga vjetore e deklarueses prej 802 715 lekë në pozicionin Gjyqtare pranë Gjykatës së Rrethit Gjyqësor Lezhë.

Paga vjetore e bashkëshortit prej 1 200 000 lekë si oficer i Policisë Gjyqësore pranë Ministrisë së Brendshme Tiranë.

Zonja Muçaj ka përdorur Overdraftin pranë Raiffeisen Bank gjatë vitit 2005. Ka paguar gjatë 2005 vlerën 60 000 lekë për shlyerjen e tij, dhe ka detyrim në 31.12.2005 vlerën 120 000 lekë.

Shtuar me 300 000 lekë Llogaria bankare e bashkëshortit pranë Bankës Amerikane të Shqipërisë Tiranë.

Viti 2007

Paga prej 821 160 lekë e deklarueses nga pozicioni Gjyqtare pranë Gjykatës së Shkallës së Parë në Rrethin Gjyqësor Lezhë.

Paga e bashkëshortit të deklarueses nga pozicioni si specialist në Drejtorinë e Përgjithshme Të Policisë së Shtetit. ( Ministria e Brendshme Oficer i Policisë Gjyqësore pranë Prokurorisë se Krimeve të Rënda).

Llogari në emër të bashkëshortit pranë Raiffeisen Bank në vlerën 814 euro.

Viti 2008

Paga prej 828 936 lekë e deklarueses nga pozicioni Gjyqtare pranë Gjykatës së Shkallës së Parë në Rrethin Gjyqësor Lezhë.

Paga prej 1 008 000 lekë e bashkëshortit të deklarueses nga pozicioni Oficer i Policisë Gjyqësore pranë Drejtorisë së Përgjithshme të Policisë dhe Prokurorisë së Krimeve të Rënda.

Llogari bankare “Fortuna” në vlerën 1 100 dollarë pranë Bankës Amerikane të Shqipërisë.

Bashkëshorti ka përdorur overdraftin nga ku në datë 31.12.2008 ka detyrim të mbetur 84 000 lekë pranë Bankës Raiffeisen.

Viti 2009

Vlera 833 327 lekë e ardhur nga puna si gjyqtare në Gjykatën e Rrethit Gjyqësor Lezhë ( i janë paguar nga punëdhënësi dhe sigurimet shoqërore për shkak të mungesës për arsye shëndetësore dhe lejes së lindjes).

Vlera 1 079 090 lekë nga paga e bashkëshortit si Oficer i Policisë Gjyqësore në Prokurorinë për Krime të Rënda Tiranë.

Bashkëshortët kanë hapur Llogarinë Bankare prej 1 000 dollarë në emër të djalit, pranë bankës San Paolo. Shuma u formua me të ardhura nga kursimet.

Viti 2010

Paga prej 755 134 lekë e deklarueses nga pozicioni Gjyqtare pranë Gjykatës së Shkallës së Parë në Rrethin Gjyqësor Lezhë.

Paga prej 1 120 590 lekë e bashkëshortit të deklarueses si punonjës pranë Drejtorisë së Përgjithshme të Policisë së Shtetit.

600 000 lekë të përfituara nga shitja e makinës.

Bashkëshorti ka marrë në datë 30.01.2010 një kredi pranë BKT në vlerën 3 500 000 lekë për qëllim blerje banese. Kredia ka afat shlyerje 240 muaj, dhe interes bazë “Bono thesari” plus 1.3%. Interesi nuk mund të llogaritet pasi është i ndryshueshëm në janar të çdo viti sipas interesit të bonove të thesarit në dhjetor të vitit paraardhës. Gjatë 2009 ka shlyer 347 662 lekë nga ku 297 161 lekë interes dhe 50 501 lekë principal.. Pra interesi për vitin 2010 ka qenë 10.3%. Mbetur pa paguar nga principali 3 449 499 lekë. Interesi nuk mund të llogaritet pasi është i ndryshueshëm.

Shpenzuar vlera 79 387 Euro për lidhjen e një Kontratë Porosie me një shoqëri ndërtimi, me objekt kontrate një banesë me sipërfaqe 108.75 m2 në Tiranë. Banesa është në bashkëpronësi me vjehrrin zotin Skënder Muçaj ku 63% e banesës është e Vjehrrit dhe 27 % e subjektit deklarues me bashkëshortin. Janë paguar 50 000 Euro nga zoti Skënder Muçaj dhe 25 000 euro ( marrë me kredi) nga Zoti Arian Muçaj. Janë pa likujduar 4 387 euro firmës pasi të bëhet Kontrata e Shitjes.

Viti 2011

Paga prej 916 526 lekë e deklarueses nga pozicioni Gjyqtare pranë Gjykatës së Shkallës së Parë në Rrethin Gjyqësor Lezhë.

Paga prej 998 446 lekë e bashkëshortit të deklarueses si specialist i policisë së shtetit pranë Drejtorisë së Përgjithshme të Policisë së Shtetit, Tiranë.

LEXO EDHE:   Sitet pasuria e gjyqtarëve dhe prokurorëve/ Vetingu “djeg” të korruptuarit

Gjendja e llogarisë së pagës së deklarueses në datë 31.12.2011 është minus 62 263 lekë.

Gjendja e llogarisë së pagës së bashkëshortit në datën 31.12.2011 është 1 517 lekë.

Bashkëshorti ka depozituar në bankën Intesa Sanpaolo vlerën prej 174 428 lekë.

Bashkëshorti ka paguar për vitin 2011 vlerën 366 098 lekë për shlyerje kredie të marrë pranë BKT. Interesi për vitin 2011 ka qenë 8.57%. Ngelur pa shlyer në datën 31.12.2011 totali prej 3 373 580 lekë.

Zoti Arian Muçaj ka mbyllur overdraftin pranë Bankës Raiffeisen për shkak të ndryshimit të bankës ku i derdhej paga nga institucioni. Detyrimi në datë 31.12.2011 është 0 lekë.

Zoti Arian Muçaj ka hapur një kartë krediti në Bankën Tirana Bank në shumën 100 000 lekë.

Viti 2012

Paga prej 951 676 lekë e deklarueses nga pozicioni Gjyqtare pranë Gjykatës së Shkallës së Parë në Rrethin Gjyqësor Lezhë.

Paga prej 1 007 766 lekë e bashkëshortit të deklarueses si specialist i policisë së shtetit pranë Drejtorisë së Përgjithshme të Policisë së Shtetit, Tiranë për periudhën 01.01.2012 deri në 30.11.2012. paga në Credins Bank.

Të ardhura prej 24 000 lekë nga paga e Arian Muçaj si Oficer i Policisë Gjyqësore në Prokurorinë për Krime të Rënda Tiranë nga data 01.12.2012 deri në 31.12.2012. Paga është derdhur pranë Credins Bank.

Gjendja e llogarisë së pagës së deklarueses në datë 31.12.2012 është 10 661.84 lekë.

Gjendja e llogarisë së pagës së bashkëshortit në datën 31.12.2012 është 33 837.04 lekë.

Ka përfituar 150 Euro të depozituara nga Këshilli i Evropës në emër të Arian Muçaj pranë BKT, nga një seminar i zhvilluar prej KiE-es.

Bashkëshorti ka paguar për vitin 2012 vlerën 361 454.28 lekë për shlyerje kredie të marrë pranë BKT. Interesi për vitin 2012 ka qenë 7.99%. Ngelur pa shlyer në datën 31.12.2012 totali prej 3 289 142.01 lekë.

Shpenzuar 1 000 Euro për blerje automjeti 50 000 lekë për TVSH-në dhe taksat për regjistrimin e mjetit. automjet tip Daimler lloji A Class 170, në emër të bashkëshortit.

Viti 2013

Paga prej 1 113 793.80 lekë e deklarueses nga pozicioni Gjyqtare pranë Gjykatës së Shkallës së Parë në Rrethin Gjyqësor Lezhë dhe gjyqtare në Gjykatën Administrative të Shkallës së Parë Tiranë pas datës 04.11.2013.

Paga prej 793 299 lekë e bashkëshortit të deklarueses si Oficer i Policisë Gjyqësore në Prokurorinë për Krime të Rënda Tiranë, Oficer i Policisë Gjyqësore në Prokurorinë e Rrethit Gjyqësor Kavajë dhe në Prokurorinë e Përgjithshme Tiranë.

Gjendja e llogarisë së deklarueses në datë 31.12.2013 është 967.41 lekë.

Bashkëshorti ka paguar për vitin 2013 vlerën 357 195 lekë për shlyerje kredie të marrë pranë BKT. Interesi për vitin 2013 ka qenë 7.99%. Ngelur pa shlyer në datën 31.12.2013 totali prej 3 202 182.93 lekë.

Shtuar në llogarinë e djalit shuma prej 1 000 dollarë në bankën Intesa Sanpaolo me të ardhura të përfituara nga kursimet.

Shtuar në llogarinë e djalit shuma prej 100 000 lekë në bankën Raiffeisen Bank me të ardhura të përfituara nga kursimet.

Viti 2014

Paga prej 928 642 lekë e deklarueses nga pozicioni Gjyqtare në Gjykatën Administrative të Shkallës së Parë Tiranë pas datës.

Paga prej 1 031 729 lekë e bashkëshortit të deklarueses si Oficer i Policisë Gjyqësore në Prokurorinë e Përgjithshme Tiranë.

Gjendja e llogarisë së deklarueses në datë 31.12.2014 është 1 646.78 lekë.

Bashkëshorti ka paguar për vitin 2014 vlerën 397 853.47 lekë për shlyerje kredie të marrë pranë BKT. Interesi për vitin 2014 ka qenë 7.99%. Ngelur pa shlyer në datën 31.12.2013 totali prej 3 075 840.52 lekë.

Bashkëshorti i deklarueses ka hapur një llogari rrjedhëse pranë Intesa Sanpaolo Bank Në vlerën 50 000 lekë.

Viti 2015

Paga prej 1 141 675.32 lekë e deklarueses si Gjyqtare pranë Gjykatës Administrative të Shkallës së Parë Tiranë.

Paga prej 1 003 989 lekë e bashkëshortit të deklarueses si Oficer i Policisë Gjyqësore në Prokurorinë e Përgjithshme Tiranë dhe prokuror në Gjirokastër.

Gjendja e llogarisë së deklarueses në datën 31.12.2015 është 2 472 lekë.

Gjendja e llogarisë së bashkëshortit të deklarueses në datën 31.12.2015 është 19 726 lekë.

Bashkëshorti ka paguar për vitin 2015 vlerën 289 226.16 lekë për shlyerje kredie të marrë pranë BKT. Ngelur pa shlyer në datën 31.12.2015 totali prej 2 937 428.20 lekë

Kursime në vlerën 450 000 lekë të formuara nga pagat e bashkëshortëve ( jo në sistem bankar).

Viti 2016

Paga prej 1 177 078 lekë e deklarueses si Gjyqtare pranë Gjykatës Administrative të Shkallës së Parë Tiranë.

Paga prej 817 266 lekë e bashkëshortit të deklarueses si prokuror në Prokurorinë e Shkallës së Parë Gjirokastër.

Shtuar në emër të bashkëshortit shuma 131 Euro në Llogarinë në Euro pranë BKT nga pjesëmarrja në trajnim nga Këshilli i Evropës.

Shtuar në emër të bashkëshortit shuma 7 373 lekë nga pagesa si ekspert në Shkollën e Magjistraturës.

Gjendja në llogarinë e deklarueses në datën 31.12.2016 është 1 048 lekë.

Gjendja në llogari e bashkëshortit të deklarueses në datën 31.12.2016 është 25 448.01 lekë.

Bashkëshorti ka paguar për vitin 2016 vlerën 268 721 lekë për shlyerje kredie të marrë pranë BKT. Ngelur pa shlyer në datën 31.12.2016 totali prej 2 777 494 lekë.

Viti 2017

Paga prej 1 166 575 lekë e deklarueses si Gjyqtare pranë Gjykatës Administrative të Shkallës së Parë Tiranë.

Paga prej 1 125 957,01 lekë e bashkëshortit të deklarueses si prokuror në Prokurorinë e Shkallës së Parë Gjirokastër.

Llogari në emër të bashkëshortit, në shumën 1 428 euro.

Llogari në emër të bashkëshortit, në shumën 14 917 lekë.

Bashkëshorti ka paguar për vitin 2017 vlerën 281 334 lekë për shlyerje kredie të marrë pranë BKT. Ngelur pa shlyer në datën 31.12.2017 totali prej 2 620 001 lekë.

Viti 2018

Pakësuar kursimet me 200 000 lekë.

Paga prej 1 191 040 lekë e deklarueses si Gjyqtare pranë Gjykatës Administrative të Shkallës së Parë Tiranë.

Paga prej 978 758 lekë e bashkëshortit të deklarueses si prokuror në Prokurorinë e Shkallës së Parë Gjirokastër.

Shtuar llogaria e bashkëshortit me 859 euro.

16.030 lekë, nga pagaa e bashkëshortit në Shkollën e Magjistraturës.

Pension i parakohshëm si ish punonjës policie për bashkëshortin, në shumën 13 378 lekë.

Bashkëshorti ka paguar për vitin 2018 vlerën 276 240 lekë për shlyerje kredie të marrë pranë BKT. Ngelur pa shlyer në datën 31.12.2017 totali prej 2 452 314 lekë./CNA.al

Për të rejat më të fundit behuni pjesë e grupit tonë në facebook : City News Albania
1 Koment

Komentoni

Your email address will not be published. Required fields are marked *

Vetingu

“Mungesë të burimeve financiare”/ Komisioneri Publik kërkon shkarkimin e Besnik Canit

Publikuar

-

Nga

Anëtari i Këshillit të Lartë të Prokurorisë Besnik Cani ka dalë para Kolegjit të Posaçëm të Apelimit pasi Komisioneri publik ka kërkuar shkarkimin nga detyra të Canit.

Në konkluzionet përfundimtare të komisionerit publik, thuhet se ankimimi nga subjekti Besnik Cani nuk provon të kundërtën e pretendimit të komisionerit.

Pas verifikimeve të kryera është kërkuar shkarkim nga detyra i Canit, pasi sipas Komisionerit Publik prokurori rezulton me mungesë të burimeve financiare.

Deklarata e Komisionerit Publik:
Për KP nga shqyrtimi i dosjes u provua se subjekti gjendet në kushte të pamjaftueshme për dy shuma të blerjes se banesës.
– subjekti ka deklarim të pasaktë, mungesë të burimeve të ligjshme.
Në lidhje me pasurinë, truall 600 m2 në Paskuqan, nuk provohet burimi i ligjshëm i saj.
Lidhur me pasuritë autoveturë dhe garazh, subjekti ka deklarim të pasaktë ndër vite dhe mungesë të burimeve të ligjshme për blerjen e këtyre pasurive. Në ato vite ka një bilanc negativ prej gati 500 mijë lekë.
KP: Për periudhën 2010-15 subjekti ka një bilanc negativ 2 mln lekë mes të ardhurave të ligjshme dhe shpenzimeve.
Për aftësitë profesionale, konfirmimi në detyrë është vendosur në vlerësim të gabuar të provave.
Subjekti ndodhet ne kushtet ku me veprimet dhe mosveprimet e tij, marrëdhënies së tij me një kompani tregtare, si dhe përfitimi i statusit të të pastrehut kur kryente detyrën e titullarit të Prokurorisë Fier, KP rithekson se këto kushte bien ndesh me detyrën e magjistratit.
KP: Për kriterin e pasurisë, subjekti rezulton me mungesë të burimeve financiare.
Përfundimisht kërkojmë: Shkarkimin nga detyra të Besnik Canit
Komisioni i Pavarur i Kualifikimit ka kërkuar shkarkim nga detyra të Besnik Canit.

LEXO TE PLOTE

Vetingu

Kaloi në sitën e vettingut/ Konfirmohet në detyrë zv. prokurori i Përgjithshëm

Publikuar

-

Nga

Komisioni i Pavarur i Kualifikimit ka konfirmuar në detyrë prokurorin Thoma Jano.

Gjatë verifikimit të kritereve, u konfirmua se Jano nuk kishte fshehje të pasurisë, deklarime të rreme apo konflikte interesi, ndërsa nuk u gjet asnjë provë apo informacion për të ngritur dyshime mbi kontaktet e tij me krimin e organizuar.

Kujtojmë se fund të vitit të kaluar Jano u emërua si zëvendësprokuror i Përgjithshëm dhe drejtor i Përgjimeve, nga kreu i organit të akuzës, Olsian Çela, me një mandat dyvjeçar./CNA.al

LEXO TE PLOTE

Vetingu

Ngec në “sitën” e vettingut/ KPK shkarkon prokurorin e “ndereve”

Publikuar

-

Nga

Ngec në sitën e vettingut prokurori Adnand Xhelili.

Mësohet se Komisoni i Pavaruir i Kualifikimit e ka shkarkuar, pasi ka konstatuar probleme me dy pasuritë kryesore të familjes së tij, konkretisht një apartament me sipërfaqe 117 m2 në Tiranë dhe një vilë trekatëshe në Borsh të Lukovës.

Adnand Xhelili i Prokurorisë së Tiranës, u lakua pak kohë më parë në emisionin investigativ “Fiks Fare”, ku denoncoi sorollatjet e një qytetareje në zyrat e një notereje, të Hipotekës, gjykatës, prokurorisë dhe përmbarimit.

Ndërsa në anën ekonomike, Xhelili ka deklaruar  gjashtë burime të ardhurash . Ai ka deklaruar të ardhura nga paga e rij si prokuror, si pedagod, pagën e bashkëshortes, pagën e  djalit, të ardhurat nga tokat bujqësore në Borsh, të ardhura nga shtëpia e pushimeve verore për turizëm./ CNA.al

Miliona lekë nga turizmi/ Zbardhet pasuria e prokurorit të “ndereve”

LEXO TE PLOTE
Lajme të Rekomanduara: