Connect with Us

“Bandë kriminelësh dhe hajdutësh”/ Basha sulmon kryebashkiakët e rinj

Politikë

“Bandë kriminelësh dhe hajdutësh”/ Basha sulmon kryebashkiakët e rinj

Publikuar

-

Kryedemokrati Lulzim Basha, e quan kërcënim për çdo familje shqiptaresh uzurpimin e pushtetit nga kryeministri Edi Rama.

Sipas Bashës, Rama ka vendosur në pushtet një bandë kriminelësh dhe hajdutësh që i duhen për të vjedhur Shqipërinë.

Basha ndalet te kryetari i bashkisë së Shkodrës, Valdrin Pjetri që sipas tij, ka fshehur të dhënat mbi të kaluarën e tij su trafikant droge dhe duhet të ndiqet penalisht. Edi Rama e kandidoi dhe tani urdhëron prokurorinë e korruptuar ta mbrojë nga ligji i dekriminalizimit.

Partia Demokratike e ka akuzuar edhe më herët Pjetrin si të arrestuar më parë në Itali.

Postimi i plotë i Bashës

Edi Rama është kërcënim dhe rrezik për jetën dhe sigurinë e çdo familje shqiptare!
Ai ka uzurpuar të gjitha pushtetet me një bandë kriminelësh e hajdutësh që i duhen për të vjedhur Shqipërinë.

Shikoni pseudobashkiakët e rinj: Valdrin Pjetri ka fshehur të dhënat mbi të kaluarën e tij su trafikant droge dhe duhet të ndiqet penalisht. Edi Rama e kandidoi dhe tani urdhëron prokurorinë e korruptuar ta mbrojë nga ligji i dekriminalizimit.

Pjerin Ndreu, në listën e zezë të partnerëve prej vitit 2003 dhe i larguar nga policia për përfshirje në trafiqe, i kapur në përgjime në dosjen 184 duke urdhëruar shkarkimin e mësuesve që nuk votojne për PS, në vend që të ndiqej penalisht, e kandidon dhe e mbron Edi Rama.

Artur Bushi i Krujës mbaroi një mandat si bashkiak, trafikant në Itali dhe e rikandidoi.

Dionis Imeraj, Valbona Sako, të dy të kapur në përgjimet e Dibrës, të dy mbrohen dhe promovohen nga Edi Rama.

Tërmet Peçi, Klement Ndoni, trafikantë droge, në vend që të shkojnë para drejtësisë, mbrohen dhe rikandidohen.

Agim Kajmaku, i kandiduar në Vorë, i dënuar në Greqi.

Rakip Suli, i kapur në vjedhje flagrante me tendera dhe qira shtetërore, në konflikt të hapur interesi me statusin e deputetit, në vend që të largohej si deputet dhe të ndiqej penalisht, e mbron dhe e promovon Edi Rama.

Krimi dhe Edi Rama janë të pandashëm. Që të largojmë krimin duhet të largojmë Edi Ramën!/CNA.al

KLIKO PER TE KOMENTUAR

Komentoni

Your email address will not be published. Required fields are marked *

Lajm i Rekomanduar

Bledi Mane plas skandalin/ Ja monumenti i radhës që po përgatit Veliaj

Publikuar

-

Nga

Gazetari Bledi Mane akuzon kreun e Bashkisë së Tiranës, Erion Veliaj se po bën gati një tjetër memorial.

Në një postim në rrjetet sociale, Mane shkruan se pas memorialit turk, Bashkia e Tiranës po ngre një tjetër monument për 6 milionë hebrenjtë e vrarë.

“Një muaj më parë Bashkia e Tiranës në mënyrë tinzare ndërtoi një monument për dëshmorët e rinj taze që dhanë jetën në Stamboll për zgjatjen e pushtetit të Erdoganit ndërsa tani, një tjetër monument po hedh shtat mes parkut më të famshëm.”-shkruan ndër të tjera Bledi Mane.

Sipas tij, Bashkia po përgatit një përmendore në formë trinity, e cila u kushtohet 6 milionë hebrenjve të vrarë në Luftën e Dytë Botërore.

“Këtu fillon groteskja, tragjikomedia. Shqipëria nuk spiunoi, nuk dorëzoi dhe nuk pushkatoi asnjë nga ata pak çifutë që u strehuan këtu. Shqipëria nuk ndjehet fajtore por krenare ndaj ngritja e kësaj përmendoreje në 3 gjuhë (shqip, anglisht, hebraisht) tingëllon absurde, hipokrite, servile.”-shkruan ndër të tjera Mane.

Postimi i plotë:

Harrojini dëshmorët turq, Bashkia e Tiranës po ngre një tjetër monument për 6 milionë hebrenjtë e vrarë!

Parku i Liqenit Artificial në verilindje të kryeqytetit po u njan më tepër skenave të filmave të regjisorit britanik Alfred Hiçkok. Ti ecën nëpër shtigjet e pyllit dhe befas të shfaqet një varr, një zog që cicëron, një çift rënkon.

Era përkëdhel tymin e hashashit, qenushi që luan me të zonjën, pleqtë ia fusin një lojë domino, manjakët fshehur te ferra presin dashnorët të heqin brekët…

Te Parku i Liqenit artificial tashmë gjen varre anglezësh, gjermanësh, statuja partizanësh. Varre rilindasish, ballistësh, komunistësh. Nuk i mungon asgjë Liqenit, as erotizmi e as heroizmi.

Madje ky i fundit tashmë po ndërkombëtarizohet. Një muaj më parë Bashkia e Tiranës në mënyrë tinzare ndërtoi një monument për dëshmorët e rinj taze që dhanë jetën në Stamboll për zgjatjen e pushtetit të Erdoganit ndërsa tani, një tjetër monument po hedh shtat mes parkut më të famshëm.

Një përmendore në formë trinity u kushtohet 6 milionë hebrenjve të vrarë në Luftën e Dytë Botërore. Këtu fillon groteskja, tragjikomedia. Shqipëria nuk spiunoi, nuk dorëzoi dhe nuk pushkatoi asnjë nga ata pak çifutë që u strehuan këtu. Shqipëria nuk ndjehet fajtore por krenare ndaj ngritja e kësaj përmendoreje në 3 gjuhë (shqip, anglisht, hebraisht) tingëllon absurde, hipokrite, servile.

Personalisht uroj që në botë mos të ndodhin më tragjedi apo konfilkte ushtarake sepse Parku i Liqenit Artificial të Tiranës është tepër i vogël dhe nuk ka vend për çdo dëshmor që jep jetën për Afrikën, Azinë apo Amerikën Latine. I lutem lali Erit të ndërhyjë menjëherë për përfundimin e luftës në Siri apo në Kashmir të Pakistanit sepse na mjafton betonizimi i kryeqytetit me gradaçela!

LEXO TE PLOTE

Lajm i Rekomanduar

Jemin Gjana si alternativë e Lulzim Bashës, nga fitorja në fitore

Publikuar

-

Nga

Kreu i Republikës së re, Lulzim Basha është kaq qesharak, kaq i pabesueshëm dhe kaq i konsumuar politikisht sa edhe kur do të bëjë diçka, ka frikë ta bëjë vetë.

Vërsul “zagarët” e tij të përhershëm, ata të rrjeteve sociale që shajnë e fyejnë apo disa nga ata qejfmbeturit e qeverisë së Berishës, që ishin në nivele të ulëta zyrtare, por edhe ata ofiqemëdhenjtë, që të dalin dhe ta mbrojnë Lulin me të madhe dhe të thonë se ata që kanë kritikuar Lulzim Bashën janë pjesë e Rilindjes, apo ata që sulmojnë kryetarin e PD-së nuk kanë të drejtë, sepse opozita është në kauzën e saj të drejtë etj.

Jemin Gjana është një nga ish-ministrat katër vjeçar të Berishës, që iku duke qarë dhe duke u qurravitur, sepse ai e hoqi si ministër, nuk e la më në pozicione. I përfolur për shumë e shumë gjëra, Jemin Gjana sot ka dalë në mbrojtje të Lulzim Bashës dhe ka sulmuar ata që e kritikojnë.

Në fakt, Jemin Gjana nuk është asgjë më shumë sesa falsifikatori i shifrave zyrtare dhe vjedhësi i votave të demokratëve, në garën brenda PD-së. Dy herë apo më shumë çertifikues i tyre.

Por, përtej kësaj ai është një ish-ministër i përfolur, për një mijë e një gjëra, por këto nuk kanë rëndësi sot. Ajo që është e pafalshme është se Lulzim Basha, ai që pretendon se është me fytyrë perëndimore dhe sheh tek e ardhmja e PD-së dhe do të ecë përpara duke e hapur atë, alternativë ka Jemin Gjanën, avokat ka Jemin Gjanën, votat ia numëron Jemin Gjana. A thua se ky është një korifejtë e mëdhenj të demokracisë dhe na duhet së tepërmi. Megjithëse kudo që ta dërgosh nuk mbledh dot më shumë se dy vota.

E kanë parë në Pogradec, në Kukës e gjetkë, kudo që ai ka qënë. Pa folur pastaj për historitë e tij të verdha, rozë apo jeshile, brenda dhe jashtë PD-së. Këto nuk kanë rëndësi.

Por, sot Jemin Gjana na thotë se kritikët e Lulit janë në rrugë të gabuar dhe alternativë e Rilindjes. Por, nuk na thotë:

-A i ka kërkuar llogari apo a e ka pyetur ndonjëherë Lulzim Bashën për marrëveshjen e tij me Edi Ramën?

-A e ka pyetur ndonjëherë Lulzim Bashën sesi i fali 61 bashki në tavolinë Edi Ramës?

-A e ka pyetur ndonjëherë Lulzim Bashën sesi i shiti mandatet e deputetëve në vitin 2017?

-A e ka pyetur Lulzim Bashën ndonjëherë, sesi në vitin 2013, punoi që Edi Rama të vinte në pushtet, duke regjistruar katastrofë elektorale të padëgjuar ndonjëherë për PD-në në kryeqytet? Dhe atë e përsëriti në 2017.

-A e ka pyetur ndonjëherë Jemin Gjana për bizneset e kunatit dhe të familjes.

-A e ka pyetur Jemin Gjana, Lulzim Bashën për 16 milion eurot e pallatit në Vlorë?

-A e ka pyetur Jemin Gjana për një milion dollarët e financimeve të fotos me presidentin e SHBA, Donald Trump dhe lobimet e tij?

-A e ka pyetur ndonjëherë Jemin Gjana, Lulzim Bashën pse i përjashtoi themeluesit e PD-së? Pse e përçau Partinë Demokratike?

-A e ka pyetur ndonjëherë Lulzim Bashën, Jemin Gjana pse PD-ja sot është më e dobët se kurrë? Pse PD-ja sot ka më pak mbështetës? Pse në bazë nuk ka struktura? Pse në degë nuk bëhen zgjedhje? Pse në qendër u mor një elitë nga rruga, u mbajt katër vjet dhe u hodh e gjitha në kosh të plehrave?

-A e ka pyetur ndonjëherë Jemin Gjana për këto Lulzim Bashën?

Apo duke i ditur këto, mjafton që ai të nxjerrë inatet dhe mllefet e tij, pse Sali Berisha në mandatin e dytë nuk e bëri ministër, megjithëse për shumë kohë u bë edhe nënkryetar i partisë dhe kryetar i grupit parlamentar, një post që nuk e meritoi dhe nuk e mori kurrë me votim. Por, iu dha sepse iku dikush tjetër.

Gjithësesi, pa i hyrë më thellë analizës direkte me Jemin Gjanën apo atij hartimi të dobët që një nxënës i klasës së katër e shkruan me mirë, mjafton të ketë lexuar apo të ketë parë një film me politikanë, sot kupton një gjë të vetme. Që sot alternativa politike e Lulzim Bashës është Jemin Gjana.

Sa vlen, sa vota mbledh, çfarë vlere ka për PD-në, Lulzimi le ta kandidojë Jemin Gjanën ku të dojë, kur të dojë dhe si të dojë. Atje ia shohim dhe rezultatet. Le ta vërë gishtin në zonën e tij Jemin Gjana, atje ku do ai të kandidojë dhe të shkojë tek bastionet e PD-së, për të parë sesa vota ka dhe sesa i vlen “lëkura” politikisht.

Megjithëse ndoshta në një moshë të thyer dhe gati një “kufomë” politike, Jemin Gjana nuk ka ctë bëjë tjetër, tani kërkon të mbijetojë, duke na treguar sesa vlen Luli dhe sa të mira janë kauzat e tij.

Megjithëse PD e marrë prej tij në vitin 2013, sot nuk ka as deputetë, as kryetar bashkishë, as këshilltarë, as struktura, as parti. Asgjë prej gjëje. Jemin Gjana këto nuk i shikon. Jemin Gjana shikon sesi t’i bëjë qejfin Lulit apo si të nxjerrë inatin e tij për bëmat dhe gjëmat e djeshme, të cilat e ndëshkuan dhe e lanë pa karrige.

Tani, rrugë të mbarë Lulzim Basha me alternativën tënde Jemin Gjana dhe siç e kë zënë të dy bashkë do të shkoni nga “fitorja në fitore”./ CNA.al

Skandali/ Jemin Gjana manipulon rezultatet

Jemin Gjana çertifikon manipulimin e zgjedhjeve/ Basha fsheh listën

Jemin Gjana e pranon publikisht/ Kryesia e PD-së është jo legjitime

LEXO TE PLOTE

Politikë

Organizata Botërore e Shëndetësisë kazan?/ Vasili “kryqëzon” Ramën

Publikuar

-

Nga

klreu i grupit parlamentar i lsi, petrit vasili dhe kryeministri edi rama

Ish-kreu i grupit parlamentar të LSI-së, Petrit Vasili ka reaguar në lidhje me një lajm të publikuar sot nga mediat, sipas të cilit Organizata Botërore e Shëndetësisë i ka kërkuar qeverisë së Edi Ramës të mos japë me koncesion laboratorët e spitaleve.

Në një postim në rrjetet sociale, Vasili shkruan se Rama nuk pyet më as për OBSH, e jo me për institucionet financiare dhe i dha laboratorët me koncesion.

Sipas Vasilit, “As vendet me te prapambetura dhe diktatoriale te globit per problemet e shendetesise nuk kane guxuar kurre ta sfidojne e ta kundershtojne OBSH per shkak te autoritetit absolut profesional qe ajo dhe orientimit mbareboteror te politikave shendetesore qe OBSH ben.

I vetmi ne glob qe e refuzon OBSH- në eshte nje i paditur dhe shkollepaket si Edi Rama.”.

Postimi i plotë:

Organizata Boterore e Shendetesise i ka kerkuar qeverise se Edi Rames qe te mos i jape laboratoret e spitaleve me koncesion.

Edi Rama nuk pyeti as per Organizaten Boterore te Shendetesise e jo me per institucionet financiare dhe i dha laboratoret me koncesion.

As vendet me te prapambetura dhe diktatoriale te globit per problemet e shendetesise nuk kane guxuar kurre ta sfidojne e ta kundershtojne OBSH per shkak te autoritetit absolut profesional qe ajo dhe orientimit mbareboteror te politikave shendetesore qe OBSH ben.

I vetmi ne glob qe e refuzon OBSH- në eshte nje i paditur dhe shkollepaket si Edi Rama.

Pyetjet qe shtrohen per Edi Ramen.

1.A mos eshte edhe Organizata Boterore e Shendetesise kazan?

2.Apo mos eshte qeveria e tij grabitqare e paskrupullt e parave te shqiptareve ndaj nuk pyet as per OBSH?

Pergjigja eshte shume qarte per te gjithe shqiptaret: arsyeja e vetme eshte e dyta pra qeveria e Edi Rames si grabitqare e parave te popullit.

P.S Megjithate edhe per kete turp te padegjuar Edi Rama i ka marre masat se nuk ka firmosur vete po ja ka lene zv.kryeministrit./ CNA.al

Koncesionet PPP për laboratorët në spitale/ OBSH jep alarmin

LEXO TE PLOTE