Connect with Us

Kanosi me armë babë e bir/ Arrestohet 27-vjeçari

Kronika

Kanosi me armë babë e bir/ Arrestohet 27-vjeçari

Publikuar

-

Një 27-vjeçar është arestuar nga policia e Korçës, pasi u konfliktuar për motive të dobëta me dy banorë.

Shtetasi me iniciale N.S ka kanosur me pistoletë N.S. 43 vjeç dhe të birin e tij 16-vjeçar D.S. në fshatin Liqenas të Pustecit.

Pas ngjarjes agresori është larguar me makinë, por është ndaluar pastaj nga forcat e rendit. Nga kontrolli i ushtruar në makinë iu gjet një pistoletë sportive, të cilën e mbante pa leje dhe një krehër me fishekë.

Ndaj tij rëndojnë akuzat e “Vetëgjyqësisë”, “Prodhimit dhe mbajtjes pa leje të armëve të gjuetisë dhe sportive”, dhe “Kanosjes”.

Njoftimi i Policisë:

Konfliktohet me dy shtetas dhe i kanos ata me një armë tip pistoletë sportive, të cilën e posedonte pa leje, por arrestohet në flagrancë nga Policia

Gjatë kontrollit në mjetin e tij iu gjet e sekuestrua, pistoleta sportive dhe një krëhër me fishekë.

Specialistët e Seksionit për Hetimin e Krimeve në Komisariatin e Policisë Korçë, bënë kapjen dhe arrestimin në flagrancë të shtetasit:

M.B, 27 vjeç, banues në Bilisht.

Ditën e djeshme në fshatin Liqenas, Pustec, shtetasi i mësipërm është konfliktuar për motive të dobëta me shtetasit N.S, 43 vjeç dhe shtetasin D.S, 15 vjeç, banues në Liqenas, (atë e bir), ku gjatë konfliktit shtetasi M.B, dyshohet se i ka kanosur të dy këta shtetas me një armë sportive tip pistoletë dhe më pas është larguar me shpejtësi me automjetin e tij.

Shërbimet e Policisë pas marrjes së njoftimit në lidhje me këtë ngjarje, u vunë në ndjekje të tij dhe e lokalizuan 27-vjeçarin me mjetin e tij në qytetin e Korçës, ku nga kontrolli fizik dhe kontrollit të ushtruar në mjet, iu gjetën dhe sekuestruan në cilësinë e provës materiale, një armë sportive tip pistoletë, me një krëhër me fishekë, të cilat ky shtetas i posedonte pa lejen përkatëse.

Materialet i kaluan Prokurorisë pranë Gjykatës së Shkallës së Parë Korçë për veprat penale “Kanosja”, “Vetëgjyqësia”, “Prodhimi dhe mbajtja pa leje e armëve të gjuetisë dhe sportive”./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kronika

Valdrin Pjetri i përgjigjet prokurorisë/ Jep shenjat e gishtërinjve

Publikuar

-

Nga

Valdrin Pjetri, i cili u tërhoq nga marrja e detyrës së kryebashkiakut të Shkodrës pas akuzave të PD-së se rezulton i dënuar në Itali për trafik droge, i është përgjigjur sot kërkesës së prokurorisë për të dhënë shenjat e gishtërinjve.

Mësohet se Pjetri ka dhënë shenjat e gishtërinjve në Institutin e Policisë Shkencor në Shkodër, i cili është në varësi të Ministrisë së Brendshme.

Shenjat e gishtërinjve do të krahasohen me ato që priten të mbërrijnë nga autoritetet italiane, ku do të zbardhet e vërteta ligjore lidhur me akuzat e bëra nga PD-ja./ CNA.al

LEXO TE PLOTE

Kronika

Autobusi merr para motorin/ Ndërron jetë një person

Publikuar

-

Nga

Një aksident i rëndë me pasojë vdekjen e një personi ka ndodhur paraditen e sotme në Farkë të Vogël.

Mësohet se autobusi urban ka përplasur një motor dhe si pasojë ka humbur jetën një 55-vjeçar, me inicialet SH. S.

Policia dhe grupi hetimor ndodhen në vendin e ngjarjes dhe po punojnë për sqarimin e rrethanave.

“Rreth orës 11:00 në rugën që të çon në Farkë të Vogël, motoçikleta me drejtues shtetasin SH. S., 55 vjeç është përplasur me autobusin me drejtues H. P., 51 vjeç. Si pasojë e përplasjes dhe plagëve të marra, ka ndërruar jetë për në spital drejtuesi i motoçikletës, shtetasi SH.S.

Drejtuesi i autobusit, shtetasi H. P. L, është shoqëruar në Komisariat për veprime të mëtejshme hetimore. Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit.”-thuhet në njoftimin e policisë./ CNA.al

LEXO TE PLOTE

Kronika

Grabitja në Rinas/ Thellohen hetimet, gjenden paratë

Publikuar

-

Nga

Grabitja në Rinas

Pas rreth pesë muajsh, duket se janë gjetur paratë grabitura në Rinas.

Mësohet se hetuesit kanë mundur të sigurojnë provën e fortë që lidh të arrestuarit me grabitjen.

Disa prej të arrestuarve u janë gjetur para të cilat korrespondojnë me ato të grabiturat në pistë, shkruan Report Tv.  Prerjet janë 50 euroshe dhe kanë numër serie të njëjta me ato që bankat do dërgonin jashtë vendit.

Prokuroria ka kërkuar ADN e të arrestuarve, për t’i krahasuar ato me gjurmët e gjetura në furgonin e pa djegur me mbishkrimin “Hetimi Tatimor”.

Por, të arrestuarit kanë refuzuar dhe do të jetë gjykata e Krimeve të Rënda e cila do të vendosë nëse do të lejojë që t’u bëhen analizat e ADN-ve 7 të arrestuarve.

Grabitja spekatolare në Rinas ka ndodhur me 9 Prill të këtij viti, ku njëri nga autorët, Admir Murati mbeti i vrarë, ndërsa katër të tjerë përfunduan, disa ditë më pas në pranga.

Autorët e grabitjes kishin bërë modifikimin e furgonit ‘Hetimi Tatimor’ i cili u përdor për realizmin e grabitjes ku u morën 5.7 milionë euro, para të cilat bankat e nivelit të dytë po i transportonin jashtë vendit.

Grabitja cënoi sigurinë në aeroportin e Rinasit, përgjegjës për të cilën është kompania e koncensionarit Kinez TIA./CNA.al

LEXO TE PLOTE