Connect with Us

Dështon strategjia e qeverisë/ Rikthehet kultivimi i marijuanës në Lazarat etj.

Denoncim

Dështon strategjia e qeverisë/ Rikthehet kultivimi i marijuanës në Lazarat etj.

Publikuar

-

Operacionet e Policisë së Gjirokastrës po zbulojnë vatra të reja të mbjella me bimë narkotike në jug të Shqipërisë. Në harkun e një jave policia ka njoftuar për tre raste të reja narkotikësh ndërkohë që kultivimi ka prekur zonat nga brezi kufitar me Greqinë në zonat e thella të Përmetit, Tepelenës, Këlcyrës dhe Memaliajt.

Raportimi vjen nga korespondenti i radios Zeri i Amerikës, Rajmond Kola, sipas të cilit: Për herë të parë, pas pesë vitesh, kultivimi i marijuanës është rikthyer kohët e fundit edhe në fshatin Lazarat të Gjirokastrës ku policia ka proceduar penalisht disa persona.

Ndryshe nga vitet e tjera policia nuk ka dhënë detaje për numrin e bimëve të shkatërruara në shumë zona, por në disa raste ka njoftuar se ka bërë ndalime personash që akuzohen për kultivim të marijuanës, raporton Kola dhe më tej:

Takimet e njëpasnjëshme të policisë më njësitë vendore edhe këtë vit nuk kanë mundur të frenojnë kultivimin e marijuanës në këtë qark që njihet nga më problematikët në gjithë vendin, vitet e fundit. Shumica e marijuanës që kultivohet trafikohet drejt Greqisë fqinje për shkak edhe të afërsisë së zonave kufitare.

Vetëm muajin korrik policia greke e Janinës ka bllokuar në zonat kufitare me Shqipërinë dhjetëra kilogramë marijuanë dhe ka arrestuar 7 persona. Një rast trafiku u godit ditët e fundit edhe në Pikën Kufitare të Qafëbotës në Sarandë, në kufi me Greqinë, në anën shqiptare, ku policia zbuloi një sasi të madhe narkotikesh dhe arrestoi një person.

Trafiku i narkotikëve në rajon ka fuqizuar grupet kriminale të cilat merren me organizimin e kultivimit dhe trafikimin drejt vendeve fqinje. Sipas vlerësimeve të policisë shqiptare trafiku i narkotikëve mbetet edhe krimi ndërkufitar më i përhapur në zonën mes Shqipërisë dhe Greqisë fqinje. Krahas forcave policore kufitare shqiptare në këtë zonë prej gati dy muajsh po vepron edhe misioni FRONTEX me synimin për të frenuar trafikun e drogës dhe refugjatëve dhe bashkëpunuar me autoritetet shqiptare për të goditur rrjetet rajonale dhe ndërkombëtare të trafiqeve.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

“BOOM” denoncon shkeljet në tenderin e Bashkisë Tiranë/ U cënua siguria e bukës së fëmijëve në kopshte dhe çerdhe

Publikuar

-

Nga

Emisioni investigativ “BOOM” në RTV Ora ka denoncuar shkeljet në tenderin e zhvilluar nga Bashkia Tiranë, me objekt blerje ushqimesh për vitin 2020 për fëmijët e kopshteve dhe çerdheve të kryeqytetit.

Në kriteret e vendosura nga vetë autoriteti kontraktor, Qendra Ekonomike e Zhvillimit dhe Edukimit të Fëmijëve, kërkohej që analizat e bukës nga ana e subjekteve që do të merrnin pjesë në këtë tender, të realizoheshin në laborator të akreditur për këtë qëllim.

Në dokumentet standarte të tenderit tek kriteret e veçanta të kualifikimit thuhet:

Laboratori në të cilin janë kryer analizat fiziko – kimike për bukë thekre dhe integrale për fëmijët e koshteve të Tiranës, nuk është i akredituar sipas fushave të miratuara nga Drejtoria e Përgjithshme e Akreditimit për kryerjen e analizave fiziko-kimike të produkteve ushqimore dhe më konkretisht për objektin e prokurimit në fjalë “bukë thekre dhe integrale”.

Pikërisht këtë kriter që lidhej drejtpërdrejtë me sigurinë e bukës që do të hanin për një vit fëmijët në kopshte e çerdhe në Tiranë, komisioni i vlerësimit të ofertave e ka shkelur, duke kualifikuar të parin në renditjen e fituesve, operatorin i cili duhej skualifikuar.

Ky operator kishte dorëzuar në dokumentat e tenderit analizat e kryera në një laborator të paakredituar për këtë qëllim.

Në këtë tender kanë marrë pjesë vetëm 2 operator ekonomik. Pas shpalljes së renditjes së ofertave, operatori i vlerësuar i dyti në këtë garë, ka bërë fillimisht ankesë në lidhje me këtë shkelje pranë drejtorisë së kopshteve dhe çerdheve, por kjo ankesë nuk është marrë parasysh.

Sipas dokumentave zyrtare të publikuara në BOOM, menjëhërë pas kësaj subjekti Kadra shpk ka bërë ankesë pranë Komisionit të Prokurimit Publik në APP, cili në vendimin numër 801/2019 ka argumentuar shkeljen duke urdhëruar skualifikimin e operatorit e të shpallur fitues nga ana e Bashkisë Tiranë .

KPK argumenton:

Në rastin konkret, Komisioni gjykon se operatori ekonomik “Dajti Park 2007” sh.p.k., nuk kishte paraqitur dëshmi të rezultateve të testimeve zyrtare të lëshuara nga institucione të autorizuara dhe të akredituara të kontrollit ose referencës, që vërtetojnë pajtueshmërinë e produkteve me specifikimet teknike, e për pasojë ndodhemi në kushtet e mospërmbushjes të kriterit të vendosur nga autoriteti kontraktor në pikën 2.3.10, të shtojcës 9 (Loti III), “Kapaciteti teknik”, në dokumentat standarte të tenderit të procedurës së prokurimit objekt ankimi.

Por sa e sigurtë do të ishte buka e fëmijëve të kopshteve të Tiranës , e analizuar në një laborator të paakredituar për realizimin e analizave të kërkuara nga vetë autoriteti kontraktor, nëse operatori ekonomik që fillimisht u cënua nga humbja e këtij tenderi nuk do të ishte ankuar???

 

LEXO TE PLOTE

Denoncim

Prostitucion në zemër të Tiranës, 20 mijë lekë raporti pas Muzeut Historik

Publikuar

-

Nga

Prostitucioni i rrugës është një realitet problematik në Shqipëri.Kamer a fshehtë e “Stop” tregon, sesi gra e vajza, mdaje edhe transvestitë, shesin trupin e tyre për 2 mijë lekë të reja.

Raporti ndodh në rrugë ose në hotel, varet nga kërkesat e klientëve dhe buxheti i tyre. Situata me punonjëset e seksit janë filmuar në rrethrrotullimin e Rrogozhinës, por edhe në Tiranë, në qendër të kryeqytetit. Madje prostitutat thonë, se mund të kryejnë raport edhe pas Muzeut Historik, në një zonë kaq shumë të rrahur nga qytetarët.

LEXO TE PLOTE

Denoncim

Denoncon “Stop”/ Shkarkohet nga Vettingu, Kryetarja e Gjykatës, nuk lë zyrën!

Publikuar

-

Nga

Procesi i Vetingut shkarkoi edhe kryetaren e Gjykatës Administrative të Shkallës së parë Durrës, Marjana Velcani.

Por “Stop”sjell me pamje faktin, se zonja Velcani nuk e le zyrën e saj në këtë gjykatë. Madje ajo është përplasur edhe me administratën dhe kryetaren e re. Gazetari i “Stop” iu drejtua kancelares së Gjykatës, për ta pyetur për këtë rast të paprecedent dhe ajo e pranoi këtë ngërc.Madje kancelarja tha, se duke qenë të pafuqishëm për ta larguar kryetaren e shkarkuar, i është cuar një shkresë KLGJ-së.

Për më shumë ndiqni videon e mëposhtëme.

LEXO TE PLOTE