Connect with Us

Ekskluzive-Plas në PS/ Deputetët konfliktohen me ministrat

Politikë

Ekskluzive-Plas në PS/ Deputetët konfliktohen me ministrat

Publikuar

-

Partia Socialiste është përfshirë në një konflikt të brendshëm që sa vjen dhe thellohet.

Lufta mes llojit, tregon krizën që ka përfsirë Partinë Socialistë, pavarësisht se në publik, mundohen të manipulojnë situatën.

CNA.al ka mësuar nga burime zyrtare brenda PS, se ka një lloj pakënaqësie të madhe, gjë që është përshkallëzuar me përplasje midis grupit parlamentar dhe ministrave të Partisë Socialiste.

Përplasja ka shkuar deri në atë pikë, saqë një pjesë e madhe deputetëve nuk  përfillen nga ministrat. Megjithëse, grupi parlamentar përpiqet të mbahet dhe të menaxhohet nga Taulant Balla, deputetët kanë ngelur si ushtarë me rrogë në karantinë.

Nga ana tjetër, ministrat kanë një shkëputje të madhe me grupin parlamentar, një shkëputje që shkon deri në injorim.

Sipas burimeve zyrtare të CNA.al, si pasojë një përplasjeje të ashpër që ka nisur, edhe kur shkëmbehen në koridoret e Parlamentit, shumë deputetë dhe ministrat, nuk flasin dhe nuk e përfillin njëri tjetrin.

Situata është e tillë, saqë është kthyer thuajse në një konflikt marrëdhënia mes shumë deputetëve dhe një pjese të kabinetit qeveritar. Përtej kësaj qëndron dhe një pakënaqësi e madhe në strukturat e socialistëve.

Edhe në zgjedhjet e 30 Qershorit, pavarësisht faktit, se janë përllogaritur 770 mijë vota , që sipas PS janë 25 përqind e qytetarëve, çështja është se në këtë shifër numërohet edhe një pjesë e madhe e administratës, të cilët janë detyruar që të shkojnë të votojnë.

Po të llogaritësh këtë pjesëmarrje në votim dhe të heqësh votat e pavlefshme dhe votat e detyruara, del që socialistët nuk është se kanë dalë të gjithë në votime, apo kanë qenë të predispozuar për të votuar  Ramën dhe ministrat e tij.

LEXO EDHE:  Plas arma në Vorë/ Parandalohet përshkallëzimi i konfliktit, në pranga 3 persona

Ç’ka tregon, se pavarësisht çfarë foli Kryeministri në mbledhjen e Asamblesë për deputetë, të cilët  shkuan javët e fundit në fushata, PS, është përfshirë në një luftë të brendshme.

Dua ta them që sot nuk mund të ketë më deputetë që marrin malet për të takuar njerëz, deputetë që marrin njerëzit në krah për t’iu zgjidhur një hall, deputetë që rrinë në kontakt të vazhdueshëm me njerëzit, dhe nga ana tjetër deputetë që edhe në fushatën e 30 qershorit kane shkuar tek njerëzit vetëm javën e fundit. Nuk mund të ketë më anëtarë të Asamblesë Kombëtare të PS-së, që pavarësisht se mund të jenë të rregullt në mbledhje, nuk shfaqen tek njerëzit″,ka thënë Rama në Asamblenë Kombëtare të PS-sës me datë 23 Korrik 2019.

Pra, ka pasur dhe ka vërtet një konflikt të brendshëm brenda PS dhe kjo është e konfirmuar zyrtarisht edhe nga Kryeministri.

Ai vetë ka thënë që shumë deputetë nuk kanë shkuar në zonat ku janë zgjedhur, ç’ka do të thotë se ka një problem të madh, pse deputetët nuk kanë shkuar në fushatë, apo në disa raste kanë bërë sikur kanë bërë fushatë, duke braktisur Ramën dhe ministrat e tij.

Pra, PS, është në krizë të thellë, gjë e konfirmuar edhe nga Kryeministri, por përtej kësaj pritet reagimi dhe lëvizjet e Ramës.

Tashmë pritet të shihen se cilat do jenë lëvizjet e kryeministrit Rama , në lidhje me kabinetin, qeverisjen e vendit dhe reagimin që do të ketë ndaj grupit parlamentar të PS, ku shumë shpejt pritet që të ketë edhe një rebelim./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Çfarë do ndodhë në 2 mars?/ Meta: Nëse mendojnë se nuk jam në rregull, do vdesin…

Publikuar

-

Nga

Ilir Meta ka treguar mbrëmjen e sotme se çfarë do të ndodhë në protestën e 2 marsit, të thirrur nga ai. Meta tha se në 2 mars do t’i drejtohet popullit dhe ndërkombëtarëve duke u bërë të qartë se mbi kushtetutën qëndron vetëm sovrani i tij.

Kreu i Shtetit tha se fjalën do t’ja lërë popullit me flamurin kuq e zi për të vendosur sistemin demokrat, ndërsa theksoi se nuk do organizojë akte dhune.

“Qytetarët janë ftuar në bulevard në orën 17:00, parullat janë të qartë “Jo grushtit të shtetit” dhe “Jo shpopullimit”. Objektivat e mia janë të qarta, të ndërgjegjësoj qytetarët për grushtin e shtetit, t’u bëj të qartë se instalimi i grushtit të shtetit asgjëson liritë dhe demokracinë. Si mund të garantojë gjykata Kushtetuese e zgjedhur në mënyrë mafioze dhe përmes këtyre falsifikimeve, se do të ketë garanci për pronat e tyre? Nuk ka asnjë arsye që të ketë asnjë akte dhune. Nëse segmente të qeverisë dhe bandave të tyre do të provokojnë përgjegjësia do të jetë e tyre. Populli do të bëjë një manifestim historik në mbrojtje të Kushtetutës dhe kush janë puçistët që duan të përdhunojnë përfundimisht edhe reformën në drejtësi për të instaluar “Rama-formën”. Gjykata Kushtetuese është vija e kuqe dhe e kuqe flakë”, u shpreh ai në emisionin “5 pyetje nga Babaramo”.

Teksa u pyet se çfarë do të ndodhë nëse populli e refuzon thirrjen e tij, presidenti deklaroi se qytetarët duhet të tregojnë vullnetin e tyre.

LEXO EDHE:  PD shqyrton 2.000 emrat e propozuar si kandidatë për deputetë

LEXO EDHE:  Vendimet që imponohen nga lart jo të efektshme/ Bushati flet për largimin nga PS

Presidenti do të tregojë vullnetin e tij. Presidenti po del në fushën e betejës për t’i bërë paralajmërimin e fundit grupit puçist. Populli shqiptar, në qoftë se është mirë dhe mendon se Presidenti nuk është rregull, le të vazhdojë të rrijë në shtëpi, të durojë çdo ditë thundrën e një pushteti shtypës. Edhe më të larta do t’i ketë taksat. Edhe më të shumta do të jenë padrejtësitë. Do të vdesin njerëzit, do të vrasin veten për 12 mijë lekë si ai tjetri apo të tjerët që nuk kanë paguar energjinë për aq apo për kaq muaj. Apo tërë njerëz që dënohen për gjëra fare të vogla, por që duhet të dënohen në bazë të ligjit apo ministren me etikë të Drejtësisë se si flet për sukseset e reformës, ndërkohë që është në krye të një bande që falsifikon dhe bën shumë vepra penale për të rrëmbyer me vetëdije të plotë, se ia kërkon partia, Gjykatën Kushtetuese të Shqipërisë. Ia rrëmben këtë kryetarit të shtetit, të cilit Kushtetuta ia ka dhënë në mënyrë të qartë atij dhe vetëm atij”, nënvizoi Meta./ CNA.al

LEXO TE PLOTE

Politikë

A do e shpërndajë Parlamentin?/ Meta: Është institucion i shpartalluar

Publikuar

-

Nga

Presidenti Ilir Meta u pyet mbrëmjen e sotme nëse do ta shpërndajë Parlamentin, por Kreu i Shtetit nuk e dha një përgjigje të saktë.

Sipas Metës, Parlamenti po sillet si i vetë-shpërndarë, ndërsa e cilësoi si një institucion të shpartalluar.

“Nuk është përgjegjësia ime nëse parlamenti sillet si i vetë-shpërndarë, institucion i shpartalluar që merr pjesë në veprime mafioze dhe bën akte mjaft të rënda. Ky nuk është faji im. Për ata të cilët kërkojnë të zhdukin demokracinë në këtë vend me qëllim që t’ia dorëzojnë sovranitetin një organizate ndërkombëtare e cila synon shpopullimin e Shqipërisë përmes kësaj bande nuk do të ketë asnjë tolerancë.

LEXO EDHE:  Vasili kundër ish-shefit të tij/ “Ministrat si pece këmbësh për Ramën”

LEXO EDHE:  Artan Hoxha: Shullazi mund të dalë i pafajshëm, ka presion politik dhe konflikt prokurori-polici

Kjo do të thotë se mbi presidentin, që është i vetmi institucion legjitim, qëndron vetëm Kushtetuta dhe gjykata Kushtetuese me integritet dhe mbi këtë vetëm populli dhe Zoti. Ilir Meta i ka provuar të gjitha funksionet dhe pushtetet, ka bërë çdo gjë, sot është president. Shiko betimin e presidentit të SHBA-së, tre herë për të mbrojtur vendin e vet, “to preserve, to protect dhe to defend” dhe ne të ardhmen duhet ta formulojmë më mirë betimin e presidentit dhe cdo njeriu që vendos dorën në kushtetutë” tha ai në emisionin “5 pyetje nga Babaramo”./ CNA.al

LEXO TE PLOTE

Politikë

Paralajmëron avokati/ Nuk mund të bësh show para SPAK-ut

Publikuar

-

Nga

Avokati i njohur Saimir Vishaj, i ftuar në  “360 gradë”  duke iu referuar kallëzimit të presidentit Meta, tha se ndryshon institucioni nga individi.

Ai u shpreh se nuk mundet që të bëhet show para SPAK-ut, pasi është ngritur për të luftuar jakat e bardha dhe jo për të rrëmbyer kompetencat e Gjykatës Kushtetuese.

Ndryshon institucioni nga individi. Nuk mundet kurrsesi të bësh një shoë para SPAK-ut. SPAK-u mezi e ngritëm për jakat e bardha, për korrupsion, jo për të rrëmbyer kompetencat e gjykatës kushtetuese. Nuk ka lidhje që një kallëzim të zëvendësojë institucionin./ CNA.al

LEXO TE PLOTE