Connect with Us

Rrezikohet gara për Inspektorin e Lartë të Drejtësisë

Politikë

Rrezikohet gara për Inspektorin e Lartë të Drejtësisë

Publikuar

-

Këshilli i Emërimeve në Drejtësi vendosi në mbledhjen e radhës të lejojë kandidimin e Eris Hysit si kandidat për Inspektor i Lartë i Drejtësisë dhe të ndalojë kandidimin e Klodian Rados për këtë post.

Vendimi u mor pasi u shqyrtuan dy kandidaturat për vendin vakant të Inspektorit të Lartë të Drejtësisë.

Burime pranë Gjykatës pohuan që zoti Rado nuk plotësonte kriterin e 15 vjetëshit të punës. Me këtë vendim duket se rrezikohet gara për ILD.

Nëse ky vendim për kandidatin Klodian Rado ngelet në fuqi, pas një kundërshtimi të mundshëm në gjykatë, atëherë pozicioni për Inspektor të Lartë të Drejtësisë mund të përsëritet për konkurrim nga KED.

Ligji parashikon që në konkurrimin për Inspektor të Lartë të Drejtësisë duhet të jenë 5 kandidatë. Ata duhet të plotësojnë detyrimisht kriteret e 15 vjet përvojë pune në profesion, integritet të lartë moral e profesional, nuk duhet të kenë mbajtur funksione politike në administratë, ose nëpër parti politike 10 vitet e fundit.

Kandidatët për inspektorë të lartë të drejtësisë duhet po ashtu të mos jenë bashkëpunëtorë, informatorë ose agjentë të shërbimeve të inteligjencës, të mos jenë dënuar nga drejtësia për vepra penale dhe as të jenë pushuar më parë nga puna për shkaqe disiplinore.

Vendimi i djeshëm i KED për ndalimin e kandidaturës së zotit Rado mund të sjellë rishpalljen e vakancës për postin e ILD.

Zgjedhja e ILD duhet të ishte kryer në shkurt – mars 2017, ose 2 vjet e gjysmë më parë, 6 muaj pasi amendamentet kushtetuese të reformës në drejtësi hynë në fuqi.

Por, burime të besueshme e zyrtare nga KED i thanë Zërit të Amerikës se KED pritet të mblidhet të hënën për të vendosur nëse do të vijojë këtë garë me kandidatët e mbetur apo nëse duhet tw rihapë garën nga e para. Kjo e fundit do ta shtynte me disa muaj të gjithw procesin, duke lënë bosh ngritjen e njërit prej institucioneve kyçe të sistemit të drejtësisë.

KED vendosi po ashtu në mbledhjen e djeshme edhe ndalimin e kandidimit për zonjën Zhaklina Peta, kandidate për anëtare e Gjykatës Kushtetuese. Zonja Peta ka kandiduar në dy poste vakante për anëtare e Gjykatës Kushtetuese, që i përkasin presidentit.

Nëse edhe pas ankimimit emri i saj rrëzohet, atëherë i mbetet presidentit të vendosë nëse do ta rishpallë njërën nga vakancat e Gjykatës Kushtetuese e përcaktuar për presidentin.

LEXO EDHE:  Fillon zyrtarisht vettingu në drejtësinë shqiptare

KED rrëzoi disa ditë më parë 3 kandidatë të tjerë në një vakancë të përcaktuar për parlamentin, dhe ajo mbetet për t’u rishalllur gara. Këshilli i Emërimeve në Drejtësi vendosi ndalimin e kandidimeve, ndërmjet të tjerëve, edhe për Fiona Papajorgjin, Valbona Balën dhe Sinan Tafajn. Këta tre emra ishin të vetmit që kandidonin për zëvendësimin e ish anëtarit të Gjykatës Kushtetuese, Fatos Lulo, të rrëzuar nga procesi i rivlerësimit të gjyqtarëve.

Pas kësaj Parlamentit i duhet të shpallë një thirrje të re.

Gjykata Kushtetuese, e cila aktualisht ka vetëm një anëtar, Vitore Tushën, pritet të ketë vetëm 5 anëtarë të rinj.

Por ky proces rrezikohet dhe nga një moment tjetër, që mund ta reduktojë edhe me një tjetër anëtar Gjykatën.

Për shkak të numrit të kufizuar të kandidatëve që janë përzgjedhur, gjithçka duket se do të jetë në dorë të presidentit Iir Meta.

Nëse Kreu i Shtetit për tre vendet vakante të shpallura prej tij, do të përzgjidhte emrat e Arta Vorpsit, Besnik Muçit dhe Elsa Toskës, atëherë automatikisht do të mbetej pa kandidat vakanca e shpallur nga parlamenti për zëvendësuesin e ish anëtarit Vladimir Kristo.

Ky rast mund të tejkalohet nëse do të ketë një koordinim mes dy institucioneve, në mënyrë që të mos pengojnë njëra tjetrën, dhe presidenti do të zgjidhte të paktën një nga dy kandidatët e tjerë të kualifikuar.

Deri më tani 12 kandidatë janë rrëzuar, dhe vetëm 5 janë përzgjedhur. Nga këto Besnik Muçi pret vendimin e Kolegjit të Posaçëm të Apelimit në fillim të shtatorit, ndërsa për Regleta Panajotin, pritet të shihet nëse Komisioneri Publik do të bëjë ose jo ankimim për vendimin e Komisionit të Pavarur të Kualifikimit, i cili e konfirmoi atë në detyrë. /VOA

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

I përmendi “çunat problematikë”/ Gjiknuri debaton me Rakipllarin: Pse flet kot

Publikuar

-

Nga

“Çunat problematikë”, të dalë në përgjimet e gazetës gjermane “Bild”, janë bërë burim i një debati mes gazetarit Robert Rakipllari me socialistin Damian Gjiknuri.

Rakipllari tha se synimi i opozitës është të garantojë zgjedhje të lira dhe nëse nuk do ndryshohet sistemi zgjedhor, Gjiknuri bashkë me “çunat problematikë” do t’i vjedhin sërish votat. Kjo normalisht nuk u pëlqye nga socialisti, i cili në emisonin “Opinion” i kërkoi gazetarit të mos flasë kot.

Robert Rakipllari: Kërkesa kryesore e opozitës, kauza kryesore e saj, ka qenë garantimi i zgjedhjeve të lira dhe të ndershme. Dhe garantimi i zgjedhjeve të lira dhe të ndershme ka qenë me një qeveri kujdestare, me një qeveri teknike. Në qoftë se opozita e arrijnë këtë gjë me ndërmjetësim ndërkombëtar, kjo do ishte një mënyrë që kauza e opozitës për të garantuar zgjedhje të lira e të ndershme të arrihet. Në rast se kjo nuk arrihet, por do bëhen disa arnime të kodit, do shkojë Gjiknuri pastaj prapë me ata shokët e vetë, me çunat problematikë atje dhe do t’i bëjë zgjedhjet prapë siç ishin.

LEXO EDHE:  Reforma në Drejtësi/ Ish-ministri i Ramës vë në dyshim SPAK-un

LEXO EDHE:  Reforma në Drejtësi/ Ish-ministri i Ramës vë në dyshim SPAK-un

Damian Gjiknuri: Po pse flet kot?

Robert Rakipllari: Flas sepse ashtu është.

Damian Gjiknuri: Po lere se nuk bën as prokurorin as hetuesin.

Robert Rakipllari: Unë po flas se kam të drejtën time të flas, s’po gënjej unë, s’po them asnjë gënjeshtër. As po të akuzoj se s’jam as prokuror.

Damian Gjiknuri: Je marrë me zgjedhje ti?

Robert Rakipllari: Jam marrë, e di shumë mirë si bëhen zgjedhjet./ CNA.al

LEXO TE PLOTE

Politikë

PS, PD dhe LSI në një tryezë/ Gazetari tregon kush i bëri bashkë

Publikuar

-

Nga

Ulja e tre partive më të mëdha politike në tryezë trazoi edhe më tepër ujërat në politikën shqiptare, pasi kjo marrëveshje e papritur u lexua si pazar mes liderëve të PS, PD dhe LSI.

Por ai që i uli në  një tavolinë Damian Gjiknurin, Rudina Hajdarin, Oerd Bylykbashin dhe Petrit Vasilin duket se ka qenë ambasadori i  Britanisë së Madhe në Tiranë, Duncan Norman.

Këtë e zbuloi mbrëmjen e sotme në emisionin “Opinion” gazetari Robert Rakipllari , i cili theksoi se gjithashtu ka pasur një ndërmjetësim të fortë amerikan.

“Bazamenti i gjithë kësaj histoire është rezoluta e Bundestagut gjerman. Është negociuar mes të djathtës e të majtës së Bundestagut gjerman. Unë di që në një tryezë që është bërë për Reformën Zgjedhore në Sheraton me përfaqësuesit e komisionit të reformës ku ka shkuar edhe përfaqësuesi i opozitës së bashkuar z.Ivi Kaso, ka pasur një ndërmjetësim të fortë amerikan. Z.Palmer ka pasur bisedë telefonike me z.Basha që opozita të jetë e përfaqësuar në atë tryezë dhe procesi ka vijuar më tej me ndërmjetësim ndërkombëtar. Së fundmi, negociatori kryesor që ka ulur palët në tryezë është ambasadori britanik në Tiranë”, u shpreh Rakipllari./ CNA.al

LEXO TE PLOTE

Politikë

Shitblerja e votave/ Revoltohet Gjiknuri: “Nuk kam as akuzë penale, s’jam as nën hetim”

Publikuar

-

Nga

Bashkëkryetari i Komisionit të Reformës Zgjedhore Damian Gjiknuri është revoltuar mbrëmjen e sotme, lidhur me akzuat se është i përfshirë në shitblerje votash, teksa po diskutonte me ish-deputetin demokrat Oerd Bylykbashi.

Gjiknuri tha me tone të ashpra se nuk e kompleksojnë këto akuza, pasi theksoi se ndaj tij nuk është ngritur asnjë akuzë penale apo hetim nga institucionet e drejtësisë.

“Nëse i referohesh akuzave, ndaj të gjithë aktorëve ka akuza të çdo lloj karakteri, mos merremi me pjesën se kush është i akuzuar se nuk kam asnjë kompleks, as akuzë penale nuk kam, as jam nën hetim. Megjithatë unë e kam thënë përfaqësoj partinë time dhe zotëria (Oerd Bylykbashi) nuk mund të vërë kushte kush do të jetë në tavolinë se nuk më pëlqen ky debat”, theksoi socialisti në emisonin “Opinion”./ CNA.al

LEXO TE PLOTE