Connect with Us

Luftë në kampin opozitar/ Lulzim Basha përplaset me aleatët

Politikë

Luftë në kampin opozitar/ Lulzim Basha përplaset me aleatët

Publikuar

-

Ditët e fundit Opozita e ka humbur qetësinë, megjithëse në sipërfaqe duket se gjithçka funksionon normalisht.

Por, në fakt në godinën e SHQUP-it, ku ndodhet edhe selia e Partisë Demokratike kanë filluar përplasje të ashpra midis Lulzim Bashës dhe aleatëve të PD-së.

Gjithçka ka filluar pas vendimit të Bashës, për të mos u regjistruar as në zgjedhjet 13 Tetorit. Duke qenë se afatet po kalonin KQZ, duhej  të fillonte procedurat dhe partitë aleate të Partisë Demokratike i kanë kërkuar Lulzim Bashës që të shkojë dhe të regjistrohet në KQZ, pra të fillojë procedurën për të hyrë në zgjedhjet e 13 Tetorit dhe për të treguar se nuk ka frikë nga zgjedhjet dhe nuk humbet përballë Edi Ramës.

Për me tepër edhe për faktin se Presidenti i Republikës, Ilir Meta ka marrë një rol të fortë opozitar dhe i ka dhënë një shans të dytë Partisë Demokratike.

Por, mesa duket Lulzim Basha nuk e shikon ashtu. Ai mendon se është i gabuar regjistrimi, megjithëse Partia Demokratike është një forcë politike, dhe forcat politike, qëllimet e tyre i kanë të fitojnë nëpërmjet zgjedhjeve.

Basha duket i vendosur në çmendurinë e tij të radhës, duke u përplasur ashpër edhe me aleatët e tij.

Në tavolinë, një debat i ashpër ka ndodhur midis tij dhe Fatmir Mediut, por edhe aleatëve të tjerë të cilët kanë kërkuar që PD të regjistrohet në KQZ për zgjedhjet e 13 Tetorit.

LEXO EDHE:  Habit Patozi: Pas Kongresit nuk do të merrem më me Lulzim Bashën

Por duke parë se Basha nuk ka pranuar dhe ka kundërshtuar qëndrimin e tyre, tre parti si LSI, Partia Republikane dhe Partia Agrare Ambjentaliste, kanë shkuar dje dhe janë regjistruar në KQZ dhe njëherësh duke dalë hapur kundër Lulzim Bashës.

Lufta e brendshme në koalicionin opozitar, duket se po merr një formë tjetër. Tashmë janë aleatët që po përplasen me Bashën, të cilët ai i përdori rreth dy vite më parë, kundër kritikëve dhe kundër senatorëve të PD-së, të cilët i largoi duke u shtrënguar fort pas aleatëve të Partisë Demokratike dhe duke bërtitur për një bashkim të forcave opozitare.

Por, rezultati i 2017 e la Lulzim Bashën me gisht në gojë. Tani, ndoshta pas kësaj lufte ka ardhur koha që edhe aleatët t’i marrë dhe t’i hedh në kosh të plehrave, pasi mesa duket nuk i duhen më, nuk i dëgjon për asgjë dhe nuk merr asnjë vendim në bashkëpunim me ta.

Gjithçka e bën i vetëm, pa u konsultuar dhe pa pyetur aleatët. Në këto rrethana duket se rruga pa krye e Lulzim Bashës po vazhdon dhe po ecën me shpejtësi të madhe./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Turp për ty, historia do të kujtojë si tradhëtar”/ Qytetarët “vënë me shpatulla pas muri” Ramën

Publikuar

-

Nga

Kryeministri Edi Rama e ka nisur ditën sot duke përshëndetur ndjekësit e tij në rrjetet sociale, duke cituar një shprehje të Michelangelos.

“Ska problem kur e vendos qëllimin lart e se arrin dot, tragjike është kur arrin qëllimin e ulët.”-citon Rama Michelangelon.

Por, pas këtij postimi të Ramës, qytetarët kanë shpërthyer në kritika të forta në drejtim të kryeministrit.

Qytetarët kanë “kryqëzuar” Ramën, për qëndrimet e tij në lidhje me masakrën e Reçakut.

“Ndoshta e ke larguar nga mendja së një ditë do mbetesh pa pushtet e me njollën jetësore të tradhetisë ndaj Kosoves ku një javë pasi e mohoi masakren e Reçakut, ministri i Millosheviçit, miku yt Vuçiçi, ti e gostit në shtëpinë tënde edhe me keq 1 muaj pas kësaj gostitje në pervjetorin e Reçakut,  leje me qe nuk merr pjes (ndoshta dhe vet je mohues i saj ) por ngrit aktakuz sipas mediave ndaj Kryeministrit Haradinaj, vëlla i dy Dëshmorëve!”-shkruan një qytetar.

LEXO EDHE:  Kush fitoi nga marrëveshja Rama-Basha?/Ja përgjigjet (Video)

LEXO EDHE:  Mandatet e deputetëve Salami, Tahiri dhe Elvis Rroshit/KQZ vendos nesër

Më tej një tjetër qytetar shkruan se “çdo gjë që ke arritur, i ke arritur duke gënjyer e mashtruar me gjithë dordolecët e Rilindjes njerëz të pa aftë. Ngelem vendi më i varfer në botë .As me rajonin nuk hahemi dot. Rroga të ulta, pensione të ulta, taksa të larta, papunësi e madhe.”.

Gjithashtu, një tjetër qytetar shkruan “ E c‘farë do të thuash me këtë që s‘ka problem që si kini mbajtur premtimet”.

Po ashtu një tjetër qytetar shkruan “Turp për ty, Kryeministër as një fjalë për masakren e Reçakut nuk e ke thënë!”./ CNA.al

LEXO TE PLOTE

Politikë

“Krim kundër njerëzimit”/ Meta tjetër mesazh për masakrën e Reçakut

Publikuar

-

Nga

Presidenti Ilir Meta ka publikuar sot një foto me ish-ambasadorin Ëilliam Ëalker, ndërsa jep edhe një mesazh në lidhje me masakrën e Reçakut.

Një ditë më parë, Meta e cilësoi masakrën e Reçakut si një ngjarje që shokoi mbarë botën, ndërsa sot citon Ëilliam Ëalker, i cili ngjarjen në fjalë e ka cilësuar si krim kundër njerëzimit.

“I lumtur të ritakohesha në Kosovë me Ambasadorin Ëilliam Ëalker. Shqiptarët kudo në botë do t’i jenë përherë mirënjohës për denoncimin historik që i bëri Masakrës së Reçakut vetëm me tre fjalë: Krim kundër njerëzimit.
Integriteti i tij i lartë ndihmoi botën të zbulonte genocidin që ndodhte çdo ditë, dhe vuri diplomacinë në veprim përmes Konferencës së Rambujesë, dhe më pas ndërhyrjes historike të NATO-s, për t’i dhënë fund përgjithmonë spastrimit etnik në zemër të Europës.
E ftova me shumë kënaqësi për të vizituar Shqipërinë, dhe sigurisht Sarandën që ai e do aq shumë.”-shkruan Meta në postimin e tij./ CNA.al

LEXO TE PLOTE

Politikë

Rama dorëzoi padinë në Gjykatë/ Reagon menjëherë Haradinaj

Publikuar

-

Nga

Kryeministri në detyrë i Kosovës, Ramush Haradinaj ka reaguar menjëherë pasi kryeministri Edi Rama e ka paditur në gjykatë për shpifje.

Harandiaj ka paralajmëruar se do të ketë një përgjigje në padi. Ai e ka akuzuar Ramën se gjithë këtë po e bën për t’iu larguar përgjegjësive.

“Sot është raportuar në media se Kryeministri i Shqipërisë Edi Rama ka deponuar padi kundër meje në Gjykatë. Unë, sipas ligjit, do të përgadis përgjigje në padi, në afatet e përcaktuara ligjore!
Padia e Kryeministrit Rama është plotësisht e pabazuar dhe një diversion politik që bëhet nga ana e tij, që të fshihet pas dramave mediale dhe t’i ikë përgjegjësisë. Kombi ynë dhe Kosova ka njerëz që i dalin zot në çdo kohë”, tha Ramush Haradinaj./CNA.al

LEXO TE PLOTE