Kronika
Zbardhet skema e atentatit mafioz/ Si u vra 40 vjeçari në derë të shtëpisë
Një ditë më parë një atentat mafioz është regjistruar në Durrës,
40-vjeçari, Feriz Bardhi u ekzekutua në derë të shtëpsë me 12 plumba.
Një ditë më pas raportohet se vrasja ka qenë e mirëmenduar dhe referuar grupit hetimor, duke ndjekur dinamikën e ngjarjes dyshohet se autorët janë nga veriu.
Kështu raporton shqiptarja.com.
Autorët studiuar lëvizjet rutinë të viktimës gjatë ditës dhe kanë kryer vrasjen në atë orë, duke qenë se nuk ka shumë lëvizje për shkak të temperaturave të larta.
Në polici 15 persona për të marrë dëshmi, por nuk është arritur në një rezultat konkret dhe mungesa e kamerave të sigurisë në atë zonë e vështirëson më shumë zbardhjen e plotë të ngjarjes.
Në momentin e ekzekutimit viktima ka qenë në oborrin e banesës dhe ka dalë jashtë pasi është thirrur nga një person, ndërsa në banesë ndodhej nëna e tij.
Po një ditë më parë automjet tip “Benz”është gjetur i djegur poshtë urës së Gjolës në Fushë-Krujë.
Ende nuk ka asgjë të konfirmuar, por dyshohet se makina e djegur iu përket autorëve, që kanë kryer vrasjen e 40 vjeçarit.
Kronika
Hidhet nga kati i pestë/ Humb jetën 56 vjeçari në Fier
Një ngjarje e rëndë ka ndodhur paraditen e sotme në Fier.
Dyshohet se një person është vetëhedhur nga kati i pestë i pallatit dhe ka ndërruar jetë shtetasi
“Sot rreth orës 10:30, në lagjen “Kryengritja”, Fier, dyshohet se është vetëhedhur nga kati i pestë i pallatit dhe ka ndërruar jetë shtetasi P. Sh., 56 vjeç, i cili vuante nga probleme të shëndetit mendor. Grupi hetimor po kryen veprimet proceduriale për zbardhjen e plotë të ngjarjes”, njofton policia./CNA.al
Kronika
Foto-Shkrumbohet një makinë në Tiranë
Një makinë është shrkumbuar nga flakët sot në Tiranë
Mësohet se ngjarja ka ndodhur pranë qendrës “Kristal”, ndërsa nuk ka persona të lënduar. Mjeti tip “Benz A Class”, me targa AA 110 GT është përfshirë nga flakët dhe me gjithë ndërhyrjen e zjarrikësve është djegur plotësisht.
Policia ndodhet në vendin e ngjarjes dhe ka nisur hetimet./CNA.al
Kronika
I shpallur në kërkim për dy vepra penale/ Arrestohet 47 vjeçari
Policia e Tiranës ka vënë në pranga një 47 vjeçar i cili ishte shpallur në kërkim për veprën penale “Armëmbajtje pa leje” dhe “Përkrahja e autorit në krim”.
Sekuestrohen 1 armë zjarri dhe municion luftarak.
Në vijim të punës për kapjen e personave të shpallur në kërkim kombëtar dhe vënien e tyre përpara përgjegjësisë penale, nga shërbimet e Komisariatit Nr. 4, në bashkëpunim me shërbimet e Komisariatin e Policisë Nr. 5, u bë kapja dhe ekzekutimi i urdhrit të ndalimit për shtetasin A. K.,. 47 vjeç, të cilit Gjykata e Rrethit Gjyqësor Tiranë i ka caktuar masën e sigurisë “Arrest në burg”, për veprat penale “Armëmbajtja pa leje” dhe “Përkrahja e autorit në krim”.
Ky shtetas, më datë 19.01.2021, ka marrë dhe ka fshehur armën e zjarrit me të cilën shtetasi S. T. (i arrestuar po në atë datë) ka kanosur shtetasin P. Ll.
Gjatë kontrollit fizik, shtetasit A. K. iu gjet dhe u sekuestrua arma e zjarrit e dyshuar e përdorur në ngjarjen e datës 19.01.2021, si dhe disa fishekë.
Materialet i kaluan Prokurorisë së Rrethit Gjyqësor Tiranë, për veprime të mëtejshme./CNA.al
