Connect with Us

Basha i frikësuar nga zgjedhjet/ Ngulfatet brenda gënjeshtrave të tij

Politikë

Basha i frikësuar nga zgjedhjet/ Ngulfatet brenda gënjeshtrave të tij

Publikuar

-

Nga dje ka plasur një eufori e Lulzim Bashës, pas disa qëndrimeve të mbajtur për  Zërin e Amerikës nga Mathew Palmer, zëvendës ndihmës sekretari Amerikan i Shtetit. Deklaratar e tij të interpretuara në forma të ndryshme, dukeshin si shpresë, megjithëse në intervistën e tij, z.Palmer e injoronte totalisht opozitën dhe Lulzim Bashën.

Ajo që deklaronte ishte mbështetja ndaj institucioneve dhe në finale jepte qëndrimin e tij, se në lidhje me zgjedhjet e 30 Qershorit, do të ishte Gjykata ajo që do të vendoste. Deklaratat e tij janë të plota, të pastra dhe të qarta, por Lulzim Basha i injoruar totalisht në intervistën e z.Palmer, sikur nuk ekzistonte ka urdhëruar që call centerat e kunatit, militantëve e qytetarët dixhital, të shkruajnë pro z.Palmer, pasi më herët e kishin sharë, fyer dhe degjeneruar me çdo fjalë të mundshme.

Nga ana tjetër shpresa e vetme, ishte se zgjedhjet do të përsëriten dhe kështu hapej edhe gazeta zyrtare e PD, sot.  A thua se pas një interviste, të nesërmen do të kishim zgjedhje të parakohshme, apo do të përsëriteshin zgjedhjet lokale.

Në fakt, zgjedhjet lokale u mbajtën me 30 Qershor, kryetarët e bashkive, tashmë po marrin detyrën. Lulzim Basha e bëri gafën e tij, gafën e pafalshme apo veprimin e porositur politik, pas pazareve të tij të neveritshme me Edi Ramën, duke falur në tavolinë 61 Bashki.

Kryetarët e rinj po marrin detyrën, të gjithë po hyjnë në institucione. Diku ka ndonjë rezistencë qesharake, por Lulzim Basha vazhdon të gënjejë kryebashkiakët që ka pasur në disa Bashki të Shqipërisë, duke iu thënë se zgjedhjet janë nul, ato nuk njihen e të tjera si këto.

Në fakt zgjedhjet u njohën, zgjedhjet u mbajtën me 30 Qershor, në të paktën në 41 Bashki ka pasur kandidatë rivalë. OSBE dhe SHBA, e kanë thënë qartë që në krye të herës, se zgjedhjet duhej të mbaheshin me 30 Qershor dhe se procesi duhej të zhvillohej e institucionet duhej të vepronin.

Por, Basha shpreson se zgjedhjet duhet të ripërsëriten. Në fakt zgjedhjet mund të ripërsëriten vetëm kur të ikë Luli dhe me shumë gjasa mund të ikë bashkë me Edi Ramën dhe Ilir Metën. Kjo do të ishte një gjë më e mirë dhe një fitore më e madhe për shqiptarët.

Zgjedhje mund të ketë por jo me Bashën në krye të PD-së. Ashtu sikundër Basha thotë s’do të kemi zgjedhje me Edi Ramën, do të ishte shumë më mirë për shqiptarët që zgjedhjet t’i kishim jo vetëm pa Edi Ramën, por edhe pa Lulzim Bashën, përfshirë këtu edhe Ilir Metën.

LEXO EDHE:  Prapavija politike e Metës që po tremb Ramën/ Çfarë po gatuan kreu i LSI?!

Por, zgjedhjet lokale nuk mund të bëhen të parakohshme edhe pse Basha shpreson shumë edhe pse antenat e tij i  ka mbajtur ngrehur duke shpreuar tek Gjykata Kushtetuese, e cila duhet të japë një vendim për këto zgjedhje në momentin kur do të krijohet.

Por deri atëherë, kryetarët e rinj të bashkive kanë hyrë në zyrë dhe do të vazhdojnë detyrën, përkundër asaj që pretendon Lulzim Basha, se zgjedhjet janë nul, janë të pavërteta dhe do të ripërsëriten.

Derisa të krijohet Gjykata Kushtetuese dhe derisa të kemi një vendim kryetarët e rinj të bashkive, do të jenë në detyrë.

Zgjedhjet lokale nuk mund të bëhen të parakohshme dhe këtë Lulzim Basha e di shumë mirë, edhe pse shpreson ta çojë vendin në zgjedhje të parakohshme parlamentare, duke tentuar që t’i fitojë ato.

Por, edhe pse e shpall veten si shumicë me 85% të shqiptarëve, vështirë se mund të fitojë, vështirë se e mbështet kush Lulzim Bashën.

Përtej çdo qëndrimi apo krahu politik në të gjitha sondazhet e fundit apo opinionet e dhëna nga gazetarë, analistë por edhe kompani të ndryshme lobuese, duket se Lulzim Basha është në pikiatë, në një rënie të pandalshme politike, duke humbur besimin e pakët që fitoi gjatë kohës së protestave apo bashkimin e militantëve pas tij, mënjeherë pas djegies së mandateve.

Sot të gjithë e kanë kuptuar se problemi i zgjedhjeve është thjesht dhe vetëm një emër, Lulzim Basha, i cili ka frikë nga ato, i cili nuk hyn në zgjedhje dhe nuk i fiton dot zgjedhjet.

Prandaj, gjithçka që thotë dhe çdo qëndrim që mban, është vetëm në një funksion, atë të mbajtjes së karriges së kryetarit të PD -së dhe asgjë më shumë se kaq.

Dhe për të qenë kryetar tentoi të digjte Shqipërinë, dorëzoi 61 Bashkitë në tavolinë, la PD -në pa mandate duke e nxjerrë nga Parlamenti dhe skena politike dhe tani vijon e tregon barsoleta qytet më qytet se si do të vijë në pushtet si kryeministër me Monën dhe aleatët e tij në krah./CNA.al

Për të rejat më të fundit behuni pjesë e grupit tonë në facebook : City News Albania

Politikë

“Bashkëpunim taktik me Topallin”/ Patozi zbulon marrëveshjen me ‘Lëvizjen për Ndryshim’

Publikuar

-

Nga

“Bashkëpunim taktik me Topallin”/ Patozi zbulon marrëveshjen me 'Lëvizjen për Ndryshim'

Koordinatori i Bindjes Demokratike, Astrit Patozi ishte i ftuar mbrëmjen e sotme në Report tv, ku ka folur për situtën parazgjedhore.

Ai tha se partia e tij do të dalë e vetme në zgjedhjet e 25 prillit, por do të ketë një bashkëpunim taktik para elektoral me partinë e Jozefina Topallit.

“Unë dhe topalli nuk jemi kaq të mërzitu, ne jemi në komunikimin, kemi pasur takime dhe jemi përpjekur të arrijmë një rezultat, qëllimi ynë është i përbashkët, synimet e njëjtat por vendosëm që të kandidojmë me lista të veçanta.

Ne kemi një marrëveshje do të kemi një bashkëpunim taktik para elektoral, ku gjatë zgjedhjeve do të përpiqemi të mos i prishim punë njëri-tjetrit por ta mbështesim në qarqe sipas rastit”, tha Patozi./CNA.al

LEXO TE PLOTE

Politikë

“Meta në merak për rezultatin e zgjedhjeve”/ Patozi: Ka shfaqur nervozizëm ekstrem

Publikuar

-

Nga

“Meta në merak për rezultatin e zgjedhjeve”/ Patozi: Ka shfaqur nervozizëm ekstrem

Kreu i Bindjes Demokratike Astrit Patozi ishte i ftuar pasditen e sotme në Report tv, ku mes të tjerave ka komenuar dhe deklaratat e fundit të presidentit Ilir Meta, i cili është shfaqur gjithnjë e më tepër i nervozuar lidhur me zhvillimet elektorale.

Patozi tha se Meta është njeriu që duhet të jetë më pak i interesuar në rezultatin e zgjedhjeve, por në fakt është më i axhituari.

 “Janë shenja të qarta të një nervozizmi ekstrem, unë nuk e kuptoj arsyen, në fakt e kuptoj, njeriu që duhet të jetë më pak i interesuar në rezultatin e zgjedhjeve është më i axhituari. Ai s’është në zgjedhje, gruaja e tij është, edhe Lulzim Basha është më i qetë. Pas Ilir Metës është më i nervozuar Sali Berisha. Këta duhet edhe të mësojnë nga politika, një njeri që shfaqet nervoz i tradhëton merakun që ata kanë lidhur me rezultatin e zgjedhjeve, të bëjnë edhe gjoja fundja. Por ne s’na intereson se ne kemi betejën tonë”, tha Patozi./CNA.al

 

LEXO TE PLOTE

Politikë

Tërmeti i fuqishëm në Greqi/ Xhaçka: Shqipëria e gatshme të ndihmojë

Publikuar

-

Nga

Tërmeti i fuqishëm në Greqi/ Xhaçka: Shqipëria e gatshme të ndihmojë

Një tërmet i fuqishëm ka tronditur sot Greqinë, lëkundjet e të cilit u ndien edhe në vendin tonë.

Tërmeti me magnitudë 5.9 të shkallër Rihter zonën e Larisas në Greqi ka shkaktuar dëme të shumta pranë epiqendrës, por fatmirësisht pa dëme në njerëz.

Lidhur me këtë ka reaguar dhe ministrja e Jashtme Olta Xhaçka përmes një postimi në rrjetet sociale.

Xhaçka shprehet se Shqipëria është në solidaritet të plotë me Greqinë, duke shtuar se Tirana është e gatshme që të ndihmojë, në rast se është nevoja.

LEXO EDHE:  LSI forcë e tretë!/Ilir Meta: Ja me kë do bëjmë koalicion nëse ndodh kjo!

LEXO EDHE:  A duhet të dorëhiqet qeveria Rama?/ Surprizues rezultati i sondazhit

“Solidaritet i plotë me # Greqinë! Zemrat dhe mendjet tona shkojnë te fqinjët tanë grekë në këtë moment të vështirë! 🙏

Shqipëria është gati të ndihmojë, nëse paraqitet nevoja.”/CNA.al

LEXO TE PLOTE