Connect with Us

Policia bën bilancin/ Ndëshkohen 89 subjekte, ndiqen penalisht 30 zyrtarë

Kronika

Policia bën bilancin/ Ndëshkohen 89 subjekte, ndiqen penalisht 30 zyrtarë

Publikuar

-

Drejtori i Drejtorisë  për Hetimin e  Krimeve Ekonomike e Financiare, në Departamentin e Policisë Kriminale, Drejtues Lutfi Minxhozi, në deklaratë për mediat në lidhje me masat e marra nga Policia e Shtetit për evidentimin dhe ndëshkimin e  paligjshmërisë.

Minxhozi bëri të ditur se janë ndëshkuar 89 subjekte si dhe po ndiqen penalisht 30 zyrtarë të administratës për shpërdorim detyre, mes tyre kryetari i njësisë administrative Dërmenas në Fier me akuzën e favorizimit të evazionit fiskal.

Përshëndetje:

Policia e Shtetit ka hartuar një Plan të posaçëm Masash  për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore, në vijim të punës së përditshme.

Strukturat e Policisë së Shtetit në mënyrë të vazhdueshme kanë monitoruar, kontrolluar, inspektuar dhe goditur informalitetin, duke punuar ngushtë me Drejtorinë e Përgjithshme të Tatimeve, Doganave dhe Pushtetin Vendor për të zbuluar, evidentuar dhe proceduar penalisht përfaqësuesit e subjekteve në shkelje të ligjit dhe personat përgjegjës për monitorimin dhe kontrollin ligjor të tyre, të cilët ende vazhdojnë veprimtarinë e kundërligjshme në fushën e turizmit, ndërtimit, hidrokarbureve dhe tregtimin  e mallrave me akcizë.

Në zbatim të këtij plani të posaçëm në shkallë vendi janë ushtruar kontrolle në 801 subjekte të ndryshme, nga të cilët 467 shërbime vend-pushimesh me shezlong, 162 lokale në bregdet, 83 hotele, 24 ndërtime pa leje, 4 raste për territore të pushtuara dhe në pika shpërndarëse të karburantit.

Si rezultat i këtyre kontrolleve janë evidentuar 89 subjekte në shkelje të ligjit dhe të gjithë përfaqësuesit e tyre janë proceduar penalisht për veprat penale: fshehja e të ardhurave, moslëshim i kuptonit tatimor, ushtrim aktiviteti tregtar i paligjshëm, mospagim i taksave dhe i tatimeve, ndërtim i paligjshëm etj., të cilat ndiqen në bashkëpunim me Prokuroritë e Rretheve Gjyqësore përkatëse.

Janë proceduar penalisht 30 zyrtarë të administratës për veprën penale “Shpërdorimi i detyrës”, nga të cilët:

  • 23 nëpunës të bashkive;
  • 3 nëpunës të sistemit fiskal;
  • 4 nëpunës të Drejtorive Rajonale të Punësimit.

Nga nëpunësit e proceduar penalisht, 5 prej tyre janë arrestuar në flagrancë, konkretisht:

  • Kryetari i një Njësie Administrative, Bashkia Fier;
  • 4 punonjës të Tatim-Taksave, në Bashkinë Shkodër.

Në 80 raste, për subjekte të ndryshme janë marrë masa administrative nga Tatimet duke vendosur gjoba.

Në 15 raste, organet tatimore kanë vendosur bllokimin e aktivitetit të bizneseve të paligjshëm.

Masat, sipas Drejtorive Vendore të Policisë:

  • Në DVP Tiranë, janë kontrolluar 46 subjekte, janë vendosur 11 gjoba dhe 9 përfaqësues të subjekteve janë proceduar penalisht;
  • Në DVP Durrës janë kontrolluar 61 subjekte, janë vendosur 13 gjoba, u është bllokuar aktiviteti 4 subjekteve, si dhe janë proceduar penalisht 8 përfaqësues të subjekteve;
  • Në DVP Berat janë kontrolluar 15 subjekte dhe janë proceduar penalisht 2 përfaqësues të subjekteve;
  • Në DVP Fier janë kontrolluar 177 subjekte, janë vendosur 19 gjoba, i është bllokuar aktiviteti 1 subjekti dhe janë proceduar penalisht 3 përfaqësues të subjekteve;
  • Në DVP Vlorë janë kontrolluar 258 subjekte, janë vendosur 17 gjoba, është bllokuar aktiviteti në 4 subjekte, si dhe janë proceduar penalisht 22 përfaqësues të subjekteve;
  • Në DVP Gjirokastër janë kontrolluar 5 subjekte, të cilat janë gjetur në ligjshmëri;
  • Në DVP Korçë janë kontrolluar 30 subjekte dhe janë vendosur 3 gjoba, është bllokuar aktiviteti në 3 subjekte dhe 7 përfaqësues subjektesh janë proceduar penalisht;
  • Në DVP Elbasan janë kontrolluar 25 subjekte, 17 përfaqësues subjektesh janë proceduar penalisht;
  • Në DVP Kukës janë kontrolluar 17 subjekte, 1 përfaqësues subjekti është proceduar penalisht;
  • Në DVP Dibër janë kontrolluar 23 subjekte dhe është vendosur 1 gjobë, është bllokuar aktiviteti në 1 subjekt dhe 3 përfaqësues subjektesh janë proceduar penalisht;
  • Në DVP Shkodër janë kontrolluar 12 subjekte dhe të gjithë përfaqësuesit janë proceduar penalisht;
  • Në DVP Lezhë janë kontrolluar 132 subjekte dhe janë vendosur 16 gjoba, është bllokuar aktiviteti në 2 subjekte, si dhe janë proceduar penalisht 5 përfaqësues të subjekteve.
LEXO EDHE:  “Fshehu rastet me Covid dhe vonoi 3 muaj marrjen e masave”/ Berisha kërkon burgosjen e Ramës

Strukturat e Policisë së Shtetit në bashkëpunim me ato të Tatimeve, Doganave, Inspektoratet Qendror Teknik etj., janë duke vazhduar me intensitet në shkallë vendi kryerjen e detyrave të përcaktuar në “Planin e Posaçëm të  Masave, kundër informalitetit dhe evazionin fiskal në turizëm, ndërtim, hidrokarbure, tregtimin e mallrave të akcizës”, deri në kontrollin e plotë të gjithë territorit të vendit.

Gjatë këtij operacioni masash, përveç parandalimit, evidentimit dhe ndëshkimit të subjekteve, vëmendja kryesore e strukturave të Policisë së Shtetit do të përqendrohet në zbulimin, dokumentimin dhe procedimin  penal të  çdo zyrtari bashkie, Tatimesh, IQT, Dogane, Punësimi etj., të cilët me dashje nuk kanë kryer detyrën për kontrollin e territorit, por kanë lejuar informalitetin, ndërtimet pa leje, ushtrimin e aktiviteteve të tregtisë së paligjshme, ushtrimin e aktivitetit tregtare pa kasë fiskale, shmangie doganore, në interes të tyre ose të personave të tretë, duke i sjellë dëme të konsiderueshme mjedisit, qytetarëve, bizneseve të ligjshme, nëpërmjet lejimit të konkurrencës së pandershme si dhe kanë sjellë dëme të konsiderueshme Buxhetit të Shtetit.

Policia e Shtetit fton qytetarët të denoncojnë çdo rast paligjshmërie në numrin pa pagesë 112, në Komisariatin Dixhital apo në adresat zyrtare në rrjetet sociale të Policisë së Shtetit, si dhe në numrin 0800 90 90 të Shërbimit për Çështjet e Brendshme dhe Ankesat (SHÇBA) në MB, duke garantuar anonimatin dhe një  reagim të shpejtë e të paanshëm!/ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Artan Hoxha zbardh pistën me shtatë të vrarë/ Si nisi konflikti me familjen Çaka

Publikuar

-

Nga

“E qëlluan me breshëri plumbash”/ Bashkëshortja rrëfen detajet e krimit të rëndë në Elbasan

Gazetari Artan Hoxha ka zbardhur një nga pistat e dyshuara për vrasjen e Everest Çakajt, i cili qëllua për vdekje me armë mbrëmjen e djeshme në Elbasan, ndërsa u la e plagosur bashkëshortja e tij.

Hoxha cilëson si pistën më të fortë atë që e ka zanafillën në vitin 2008, ndërsa deklaroi se që nga ky vit deri më tani janë vrarë shtatë persona.

Ai tregon se shkak i konfliktit ka qenë Alfons Çaka, të cilin e kishte punësuar Florenc Alikaj dhe ai i kishte mbetur borxh një shumë parash.

Sipas tij, Alikaj dhe Çaka janë konfliktuar, ndërsa ky i fundit i ka bërë pritë dhe e ka qëlluar në një karburant, por për shkak se i është bllokuar arma, ai ka mbetur viktimë nga të shtënat e shokut të Alikajt, Zenel Muhametit.

“Për mua më e fortë si pistë, është pista që nis në 2008-ën dhe jo në 2007-ën. Pista që nis nga 2008 ka sot 7 të vrarë. Dy janë vëllezërit Afrim dhe Alfons Çaka, dy janë vëllezërit Gëzim dhe Florenc Alikaj, dy janë vëllezërit Muhameti dhe babai i tyre që janë gjetur të vrarë në mëngjes në banesa. Janë 7 të vrarë. Vëllai i Everestit që është Alfons Çaka kishte shkuar në Spanjë me familjen dhe nga kontaktet që kanë shqiptarët, aty ndodhej Florenc Alikaj me familjen e vet. Ka kërkuar punë. Florenc Alikaj ishte përfshirë në trafikun e kokainës dhe i ka dhënë punë, i ka dhënë mall domethënë dhe ai në një moment nuk i ka kthyer lekët.

Meqënëse shuma shkoi kohë, atëherë Florenc Alikaj kërkonte ta takonte, e gjen fshehtas në një lokal në Barcelonë dhe në mes të njerëzve i gjuan me shuplakë në mes të njerëzve. Nga ai moment fillon konlikti. Një javë më mbrapa vjen në Barcelonë Zenel apo Neli Çami, ose Zenel Muhameti që është pjesë e çamëve, ishte mik i ngushtë Florenc Alikajt dhe shkojnë në një restorant ku dihej që Florenci shkonte shpesh. Rrugës ndalojnë në një karburant, vjen një makinë, shkon Alfons Çaka nga krahu i shoferit dhe qëllon nga Florenc Alikaj. Me plumbin e parë i qëllon në dorë, në të shtënën e dytë i bllokohet arma.

Nga krahu i pasagjerit Nel Çami e qëllon dhe vret Alfons Çakon. Mbas ngjarjes, vëllai i Florencit shkon tek familja e Everes Çakos dhe i shpjegon ngjarjen dhe i thotë që djalin tuaj nuk e ka vrarë djali ynë dhe aty mbyllin çdo gjë. Familjarët i shkojnë edhe në varrim. Florenci shkon në Itali dhe kthehet pas 7 muajsh se i ka lindur nusja por kapet nga Policia. Alikaj nuk tregoi prezencën e Nel Çamit sepse mendonte se i shpëtoi jetën. Mbas këtij momenti nuk është parë më. Florenci shkon në burg, nuk pranon të tregojë të vërtetën, pagoi para dhe u dënua nga 16 në 6 vite burg. Nga ky moment hyn në lojë Everesti. Vret vëllain shofer. Më pas Florenci kthehet në Elbasan, ekzekutohet edhe ai. Në pamundësi për t’u hakmarrë ndaj Nelit, vendos për familjarët e tij. Ka hyrë në banesë dhe ka vrarë dy vëllezërit dhe bananë e tij. Informacioni i fundit për Nel Çamin është se gjendjet në Amerikën Latine. Nuk është vërtetuar kurrë se autori apo porositësi Çaka”, nënvizoi Hoxha./ CNA.al

LEXO TE PLOTE

Kronika

Vrasja e Everest Çakës/ Lala: Është paguar një shumë e madhe parash, ekzekutori njohës i mirë i zonës

Publikuar

-

Nga

Vrasja e Everest Çakës/ Lala: Është paguar një shumë e madhe parash, ekzekutori njohës i mirë i zonës

Atentati i ndodhur mbrëmjen e djeshme në Elbasan, ku mbeti i vrarë Everest Çaka dhe u plagos bashkëshortja e tij ka sjellë shqetësim dhe panik tek banorët e zonës.

Gazetarja Klodian Lala ka dhënë detaje të tjera për ngjarjen e mbrëmjen se djeshme në Elbasan ku mbeti i vrarë Everest Çaka dhe u plagos bashkëshortja e tij.

E ftuar në “Opinion”, Lala tha se personi që e ka ekzekuar është një njohës i mirë i zonës dhe këtë e tregon dhe fakti si është larguar nëpër rrugica.

LEXO EDHE:  Kriza Corona në Europën Juglindore/ Karantinë për shtetin ligjor

LEXO EDHE:  Kriza Corona në Europën Juglindore/ Karantinë për shtetin ligjor

Është vetëm një dëshmitar i cili thotë që personi që ka goditur është i mbushur, jo shumë i gjatë dhe ka qëlluar dhe është larguar.

Është e paramenduar, sepse në rrugën e largimit, personi që ka kryer krimin, përvecc se ka lëvizur në punë sekondash, është larguar në rrugica që vetëm një njohës i mirë i zonës mund ti dijë.

Grupi që ka pasur interesa ka paguar një shumë të madhe parash për të ekzekutuar”, shtoi Lala./CNA.al

 

LEXO TE PLOTE

Kronika

“Vrasjet këmbanë alarmi”/ Vishaj: Duhet të ulin me këmbë në tokë shtetin

Publikuar

-

Nga

“Vrasjet këmbanë alarmi”/ Vishaj: Duhet të ulin me këmbë në tokë shtetin

Avokati Saimir Vishaj ka komentuar ngjarjet e fundit kriminale në vend, duke u ndalur tek rasti i mbrëmjes së djeshme në Elbasan.

Ai tha sa vrasja e Everest Çakës është bërë nga profesionistë duke shkuar edhe më tej, duke i cilësuar si Forca Speciale.

“E kanë bërë Forca Speciale. Mënyra si po realizohen këto vrasje duhet që të ulin me këmbë në tokë shtetin.

Ngjarjet me precizion të saktë, këtu situata është alarmante sepse kemi një mënyrë ekzekutimi.

Flas me gjuhën e penalisti…janë këmbana alarmi. Policinë po e lodhin për kapjen e personave pa patentë. Ai drejtor i paaftë që kemi arreston intelektuale…,“-u shpreh avokati në “Open”./CNA.al

LEXO TE PLOTE