Connect with Us

OMN kërkon apelimin e vendimit për kryeprokurorin e Kavajës

Politikë

OMN kërkon apelimin e vendimit për kryeprokurorin e Kavajës

Publikuar

-

Kryeprokurori i Kavajës Artan Madani megjithëse u konfirmua në detyrë nga KPK më 1 korrik, ende nuk e ka kaluar provën e Vettingut.

Kjo pasi monitoruesit ndërkombëtarë nuk kanë qenë të bindur me vendimin e dhenë nga KPK.

Ndërsa sot, mësohet se Operacioni Ndërkombëtar i Monitorimit i ka paraqitur Komisionerëve Publikë rekomandimin për ankimimin në KPA të vendimit të konfirmimit në detyrë të kryeprokurorit të Kavajës, Artan Madani.

Komisionerët Publikë, pasi të njoftohen me shkrim për vendimin nga Komisioni i Pavarur i Kualifikimit, do ta shqyrtojnë atë krahas rekomandimit të Operacionit Ndërkombëtar të Monitorimit.

Sipas ligjit, Komisionerët Publikë, brenda 15 ditëve nga data e njoftimit të vendimit nga Komisioni i Pavarur i Kualifikimit, kanë të drejtë të paraqesin ankim pranë Kolegjit të Posaçëm të Apelimit./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

“Rama më i korruptuari në Ballkan”/ Basha përshkallëzon akuzat

Publikuar

-

Nga

Kreu i PD-së, Lulzim Basha  ka thënë se të gjitha raportet ndërkombëtare tregojnë me gisht Edi Ramën si kryeministrin më të korruptuar të Ballkanit.

“Ai vjedh Shqipërinë me një bandë oligarkësh grabitqarë dhe pastron paratë e drogës dhe krimit.

Për të mbrojtur bandën e tij, Edi Rama përzuri investitorët e huaj dhe i zëvendësoi me klientët e tij. Të gjitha investimet perëndimore po largohen nga Shqipëria”, ka thënë Basha në rrjete sociale, ndërsa ka publikuar edhe një video.

Sipas tij, asnjë investim të huaj nuk ka sjellë Hajduti Psiqik në Shqipëri në 6 vjet.

“Shqipëria dhe Koreja e Veriut janë të vetmet vende në planet, pa asnjë investim të ri të huaj në 6 vitet e fundit.

Pa investime të huaja nuk ka zhvillim ekonomik, nuk ka vende të reja pune, nuk ka mirëqenie. Investimet e huaja janë të domosdoshme për çdo vend. Me Edi Ramën nuk ka investime, nuk ka zhvillim, nuk ka punësim, por vetëm grabitje, vjedhje, varfëri dhe papunësi.

Që të zhvillojmë ekonominë dhe të marrim investime, duhet të largojmë hajdutin psiqik dhe bandën e tij”, ka shkruar më tej Basha./CNA.al

LEXO TE PLOTE

Lajm i Rekomanduar

Ekskluzive-Basha shkërmoq PD/ Tre parti të reja opozitare në Shtator

Publikuar

-

Nga

Ndryshime dhe lëvizje të mëdha priten në skenën politike këtë shtator.

Tre parti të reja me profil të djathtë po bëhen gati që të themelohen në vjeshtë.

CNA. al, mëson se dy prej formacioneve të reja politike, do të marrin jetë nga njerëz që kanë kontribuuar për vite të tëra në Partinë Demokratike.

Dhe pas shkërmoqjes së PD nga Lulzim Basha, ata do ta japin kontributin politik në parti të reja.

Ashtu siç kemi raportuar më herët, në muajt Shtator-Tetor, një grup deputetësh të listës Basha dhe përfaqësues të Partisë Demokratike në Parlament do të themelojnë një parti të re, të djathtë.

Si nismëtar për themelimin e kësaj force të re politike, mësohet se është deputeti Myslim Murrizi, ndërsa pjesë e kësaj force politike do të jenë Halit Valteri, Korab Lita apo edhe Alban Zeneli, i cili hyri në listë së fundmi por që ka qenë edhe deputet në mandatin e kaluar.

Ndërkaq, si shans i një partie të re, po me profil të djathtë, konsiderohet edhe një nismë e udhëhequr nga deputetja Rudina Hajdari. Kjo e fundit është pikasur për maturi, për sa kohë është në politikë dhe mbi të gjitha ka edhe përkrahjen e ndërkombëtarëve.  Një parti e re e udhëhequr nga Rudina Hajdari, do të ishte një shpresë e re për qytetarët.

Ndërkaq edhe avokati Altin Goxhaj, ka paralajmëruar se do të krijojë një parti të re. “Koalicioni Qytetar për Shqipërinë”, pritet të vijë si forcë e re politike.

Goxhaj, njihet si një zë i fortë qytetar në kauzën antisoros dhe me tezat e tij proamerikane. Sipas tij është shumë e lehtë të kesh sukses përballë kastës politike në Shqipëri.

“A mund të kemi sukses me Koalicionin Qytetar Për Shqipërinë? Po, është relativisht sukses i garantuar dhe aq i lehtë sa s’ka. Dhe a e dini pse. Sepse ne jemi një vend shumë i vogël, me një popullsi akoma dhe më të vogël, se sa mban ky vend i begatë dhe i bekuar”, ka shkruar Goxhaj, ndërsa ka njoftuar formimin e një partie të re.

Me hyrjen në skenë të tre partive të reja, do të thotë zhvendosja e kupolës së vjetër politike deri në largimin e tyre përfundimtar./CNA.al

Ekskluzive-Përçahet PD/ Tjetër parti e re në vjeshtë

Rudina Hajdari, shpresa e një force të re politike

Avokat Altin Goxhaj bën gati partinë e re

LEXO TE PLOTE

Lajm i Rekomanduar

“Si thua për pallatet që mbjell Erioni në Tiranë”/ Qytetarët i mbyllin gojën Ramës

Publikuar

-

Nga

Kryeministri Edi Rama ka njoftuar se sapo ka përfunduar procedura dhe nis në shtator puna, për projektin e vijës bregdetare të Sarandës.

“Njësoj siç Lungomarja transformoi Vlorën, ky investim do të ndryshojë faqen e Sarandës turistike”, shkruan Rama në rrjete sociale.

Qytetarët që ndjekin kryeministrin, kanë vërshuar duke i kujtuar edhë qytete të tjera ku duhet investuar.

Kështu ka ndodhur me një qytetar nga Golemi, i cili i ka kërkuar kryeministrit, të investojë në infrastrukturës e bregdetit të zonës ku ai jeton.

“Është lajm i mirë që do të investohet në bregdetin e mrekullueshëm të Sarandës, të mos harrohet edhe bregdeti i Golemit, ku ka vite që nuk kryehet asnjë investim në infrastrukturë”, ka shkruar qytetari.

Kryeministri Rama, i është përgjigjur duke pranuar se bregdeti i Golemit është i rrënuar.

“Asgjë nuk harroj. Të jesh i sigurtë, por si bëjmë dot të tëra menjëherë dhe për Golemin ke aq të drejtë saqë nuk kam çfarë të them fare, 30 vjet hap gripa dhe ngul pallate e shëmitira mbi rërë, vizionarët e Kavajës”, është përgjigjur kryeministri.

Përgjigjja e tij, me përmendjen e vizionarëve dhe ndërtimin e pallateve,  ka shkaktuar një sërë reagimesh tek qytetarët e tjerë.

Rama është kapur mat nga qytetarët, të cilët i kanë kujtuar kohën kur ai ka qenë kryetar bashkie.

“Sa i madh është ky Edi Rama, pallatet që ka ndërtuar vetë kur ishte kryetar bashkie i duken vizionarë, kurse këto të Kavajës, shëmtira. Si nuk e kuptoj dot këtë njeri”, shkruan njëri nga qytetarët, në rrjetin social të Ramës.

Reagimet kanë vijuar edhe më tej, duke nxjerrë në skenë kryebashkiakun e Tiranës, Erion Veliaj.

“Po pallatet që mbjell Erioni në Tiranë çdo ditë, si thua shoku vizionar?”, ia ka shkruar nëj qytetar.

Kryeministri ka heshtur, duke i lënë pa përgjigje qytetarët, edhe pse ai njihet si njeri që del nga situata me batuta, sa për të kaluar radhën./CNA.al

 

LEXO TE PLOTE