Connect with Us

Një mendim për kotec apelin apo Gjykatën e Lartë të narkoshtetit!

Opinione

Një mendim për kotec apelin apo Gjykatën e Lartë të narkoshtetit!

Publikuar

-

Nga Sali Berisha

Gjykata e Larte e perkohshme dhe ad hoc si kotec apel i Edvin Mafise dhe ndrikull Llagamit – kukull Mafise, eshte nje dhunim puçist flagrant i turpshem i lgjeve, Kushtetues se Shqiperise, Kartes Europiane te te Drejtave te Njeriut, vendimeve dhe sinopseve te Gjykates Europiane te te Drejtave te Njeriut!

Te dashur miq, me urdher te krye kreut te meduzes, Edvin Kristaq Mafise dhe ndrikull Llagami, ne nje akt te mirefillte puçist e antikushtetues, shpalli jashte çdo procedure ligjore e kushtetuese, duke marre pushtetin e presidentit te Republikes, dy gjykates apeli si gjykates te Gjykates te Larte.

Ne te gjitha kushtetutat e vendeve te lira, nje akt me te cilin nje dege e pushtetit apo institucion merr pushtetin e nje dege apo institucioni tjeter ne dhunim te Kushtetutes, konsiderohet grusht shteti brenda shtetit.

Ne rastin konkret, de jure, Ndrikull Llagami, por de facto krye kreu i meduzes Edvin Kristaq Mafia, duke emeruar dy gjykates te Gjykates se Larte kane marre ne nje akt puçist te mirefillte pushtetin e presidentit te Republikes. Kjo sepse Kushtetuta e vendit ne nenin 136/26 piken e pare te tij sanksionon:

“1. Gjyqtarët e Gjykatës së Lartë emërohen nga Presidenti i Republikës, me propozim të Këshillit të Lartë Gjyqësor, për një mandat 9-vjeçar, pa të drejtë riemërimi.”

Pra vetvetiu del se dy apelantet e shpallur gjykates te larte nga Edvin Mafia dhe Ndrikulla e Kukull Mafia, sipas Kushtetutes dhe ligjeve te vendit nuk jane kurre anetare apo gjyqtare te Gjykates se Larte pasi jane shpallur te tille ne kundershtim flagrant me nenin 136/26 te Kushtetutes.

Gjithashtu me kete vendim puçist eshte shenuar nje rekord i zi turpi dhe i eshte dhene nje goditje fatale parimeve themelore mbi te cilat ngrihet sistemi i drejtesise te vendeve te lira. Pikerisht ne respekt te ketyre parimeve, ligjet dhe Kushtetuta e Shqiperise ne asnje nen, ne asnje dispozite tranzitore te saj nuk njohin, nuk parashikojne, nuk autorizojne ngritjen e nje Gjykate te Larte te perkohsheme apo dhe ad hoc. Te tilla mund te ngrene vetem juntat, diktaturat staliniste siç bente Enver Hoxha ne vitet 1946-1947 dhe siç’ ngrene sot ne narkoshtetin e tij Edvin Mafia. Per rrjedhoje, ata dy gjykates te emeruar pa shprehur pelqimin apo refuzimin me dekret presidenti i Republikes, nuk mund te konsiderohen kurre anetare te Gjykates se Larte por thjeshte anetare te nje aneksi apo koteci antikushtetues te Gjykates se Apelit.

Po keshtu kjo Gjykate e Larte e perkohshme dhe ad hoc, e ngritur si precedent tejet i rezikshem dhe i turpshem duke zhgarravitur ne zyre e tij Kushtetuten e vendit me doren e tij te zeze Edvin Kristaq Mafia dhe me peqe lepen e ndrikull Llagamit, nuk mund te konsiderohen dhe pranohen kurre si Gjykate e Larte e ngritur dhe bazuar ne Kushtetuten e vendit.

Me kete akt Shqiperia shkel dhe dhunon detyrimet e saj qe rrjedhin nga firma qe ka hedhur mbi Konventen Europiane te te Dejtave te Njeriut, e cila shpall dhe detyron per vendet anetare te Keshillit te Europes parimet mbi te cilat ndertohet sistemi i drejtesise ne vendet qe firmosin kete Konvente.

LEXO EDHE:  “10 milionë euro për 3 muaj punë/ Ish deputeti zbulon mashtrimin e Edi Ramës

Po keshtu, nje dhunim po kaq flagrant i Kushtetutes dhe i te gjitha ligjeve te vendit eshte gjithashu dhe caktimi de juro nga ndrikull Llagami dhe defacto nga krye kreu i meduzes i çeshtjeve qe do gjykoje ky kotec apo aneks i gjykates se apelit i shpallur si Gjykate e Larte.

Ky akt sipas ligjeve dhe Kushtetutes te Shqiperise mund te ndodhe vetem me gjykatat e tjera paralele por nuk mund te ndodhe kurre me Gjykaten e Larte perveçse ne narkoshtetin e Edvin Mafise ku ligji dhe kushtetuta zevendesohen me vullnetin e mafies se droges.

Ndaj çdo vendim i gjyqtareve te apelit te emeruar ad hoc ne Gjykaten e Larte sipas eshte nul et void. Gjykata e Larte eshte nje institucion kushtetues i pazevendsueshem nga asnje gjykate tjeter ne sistemin e drejtesise.

Por per Shqiperine anetare e Keshillit te Europes, qe ka firmosur Karten Europiane te te Drejtave te Njeriut dhe qe eshte e detyruar t’u garantoje qytetareve Shqiptare nje sistem drejtesie dhe gjykimi ne perputhje me percaktimet e kesaj Karte dhe vendimet e sinopset Gjykates Europiane te te Drejtave te Njeriut (GJEDNJ) dhe jo standartet e nje narkoshteti, çdo vendim i kotecit te Apelit per qytetaret e ketij vendi eshte i paligjshem sepse merret ne shkelje flagrante te te drejtave te tyre te garantuara nga Karta Europiane e te Drejtave te Njeriut, pra eshte nul et void!

Kjo sepse me Kotec Apelin apo Apel Aneksin qytetaret shqiptar zhvendosen nga hapsira europiane e Keshillit te Europes ne hapsiren e narkoshtetit te Edvin Krista Mafise. Per rrjedhoje çdo vendim i Kotec Apelit kunder delinkuenteve dhe krimineleve qe presin ekstradim per shkak te procedures jo ligjore dhe mos respektimit nga Shqiperia i detyrimeve qe rrjedhin nga Karta Europiane e te Drejtave te Njeriut dhe vendimet e sinopset e GJEDNJ ndihmon, inkurajon, mbeshtet krimin.

Se fundi, dua te shtoj se do te deshtojne plotesisht te gjitha ata qe mendojne se per efekt te hapjes se negociatave me BE do mund te mashtrojne dhe shesin kete akt puçist antikushtetues dhe ne shkelje te parimeve te misheruara ne Karten Europiane te te Drejtave te Njeriut si ngritjen dhe funksionimin ne Shqiperi te z Gjykates se Larte. E kunderta eshte e vertete.

Ata te cilet kane kerkuar me shume te drejte ngritjen e institucioneve kushtetuese te drejtesise ne Shqiperi, si njerin prej kushteve me kryesore per hapjen e negociatave, kane deklaruar me shkrim se ata gjithashtu se do te vezhgojne nga afer menyren e ngritjes se tyre. Historia e ketyre viteve ka faktuar se kane deshtuar me sukses te plote te gjithe ata qe kane lustruar realitetin e hidhur te Shqiperise ndaj dhe negociatat nuk u hapen dhe datat per hapjen e tyre u anulluan nga dhjetori i vitit 2016 gjer ne prill te vitit 2019 kater here.

“Facta sund servanda” thoshin latinet, ato nuk mund te zevendesohen me fake neës! sb

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

“Shitën vendin dhe vodhën shqiptarët”/ Paralajmëron Ngjela: Të korruptuarit do eleminiohen përfundimisht

Publikuar

-

Nga

ngjela deputetet e opozites deshmore

Të gjithë politikanët që do të duan të drejtojnë Shqipërinë, duhet ta njohin me themel doktrinën e presidentit amerikan Woodrou Wilson.
Ajo ka qenë doktrina që, në vitin 1919, shpëtoi Shqipërinë dhe shqiptarët nga asgjësimi i plotë, por që kulmin e arriti me doktrinën e presidentit amerikan Bill Klinton. Doktrina Klinton, pasi shkatërroi tiraninë në ngjitje, Berisha, në vitin 1997, erdhi dhe çliroi Kosovën në vitin 1999.

Politika serbeve ka qenë dhe është një politikë gjenocidiale. Ky në fakt është mendimi aktual amerikan dhe gjerman.
Po politika shqiptare? Ajo ka 100 vjet që është e shitur në Beograd dhe në Moskë.
Në vitin 1920, me vrasjen historike të Esat Toptanit, u duk sikur shqiptarët do të shpëtonin nga zgjedha e të shiturve. Por kjo nuk zgjati më shumë se katër vjet.

LEXO EDHE:  Luli gënjeshtrën e ka ves/ Dy tradhëtitë që iu bëri demokratëve

LEXO EDHE:  “10 milionë euro për 3 muaj punë/ Ish deputeti zbulon mashtrimin e Edi Ramës

Dhe shitja e interesit kombëtar vijon edhe sot. Por, shqiptarët tani janë në segmentin e fundit të sundimit të tyre nga të shiturit: të shiturit do të eliminohen përfundimisht nga reforma antikorrupsion.

Edhe shqiptarët, këtë po presin: çlirimin nga të korruptuarit hajdutë që, pikërisht pse kanë qenë dhe janë të tillë, janë shitur kundër Shqipërisë dhe kanë vjedhur shqiptarët.

 

LEXO TE PLOTE

Opinione

Nga Andi Bushati/ Koronavirusi fle në mushkritë e Rilindjes

Publikuar

-

Nga

bushati shkund opoziten

Edhe mënyra se si sillen ndaj të papriturave të natyrës i veçon regjimet autoritariste nga ato demoktatike. Këtë dëshmon rasti i fundit i koronavirusit që rrezikon të kthehet nga një epidemi në pandemi.

Në Kinen ende monopartiake, shteti autoritarist i Xi Jinpingut rrefuzoi për një kohë të gjatë ta njihte publikisht problemin. Zyrtarët partiakë në qytetin e parë që u prek, në Wuhan shtruan një banket me 40 mijë vetë për të dëshmuar se nuk ka vend për panik.

Heroi tashmë i vdekur, mjeku oftamolog, Li Wenliang u thirr nga policia dhe u detyrua të nënshkruante të kundërtën e asaj që besonte, megjithëse ai i kishte pohuar që më 20 dhjetor, kolegëve rrezikshmërinë e virusit vdekjeprures.

Ndërkohë policia e drejtuar nga partia komuniste, që preokupohet më shumë për imazhin e regjimit sesa për mposhtjen e epidemisë, ka ndaluar deri më tani 351 vetë, për “përhapje lajmesh të rreme” dhe ka dëbuar nga vendi tre reporterë të Wall Street Journal. Shumë qytetarë që kanë vendosur të dëshmojnë në internet për defektet e sistemit mjeksor të regjimit komunist, ose nuk gjenden më në rrjet, ose janë zhdukur. Ajo që ndodh është e qartë: rregjimeve u intereson më shumë propaganda sesa realiteti sado i rëndë që të jetë ai.

Qasja ouruelliane që komunistët kinezë patën në javët e para ndaj kronavirusit po krahasohet gjithnjë e më tepër me trajtimin që paraardhësit e tyre rusë i bënë shpërthimit të centralit bërthamor të Çernobilit, natën e 26 prillit 1986. Ata e mbajtën të fshehtë për 48 orë katastrofën deri sa vala e lartë e radioaktivitetit u rregjistrua në Suedi, duke shkaktuar një numër të konsiderueshëm viktimash. Regjimi sovjetik i’u vërsul me një valë akuzash për shpifje mediave perendimore që filluan të informojnë për të vërtetën deri sa u detyrua ta pranojë atë me një kosto shumë më të lartë.

Po të krahasojmë këtë lloj qasjeje me atë që shohim në Europën perendimore, e konkretisht me nënyrën se si Italia po sillet me shpërthimin e epidemisë gjendja ndryshon si nata me ditën.

Qeveria e Romës veproi menjëherë me transparencë, njoftoi në kohë reale për çdo të infektuar dhe person që humbi jetn, dëshmoi vërtetësi për masat e karantinës dhe tregoi se ku gjendeshin spitalet e ngritura enkas për këtë emergjencë.

Mes këtyre dy tablove, midis sjelljes së një rregjimi diktatoral dhe një pushteti demokratik, qëndrimi që po adopton Shqipëria, tani që duket sikur rreziku po na troket, i ngjan më shumë modelit të parë.

LEXO EDHE:  “10 milionë euro për 3 muaj punë/ Ish deputeti zbulon mashtrimin e Edi Ramës

LEXO EDHE:  “Rama dhe Basha kanë frikë nga ambasadorja e SHBA”/ Avokati i njohur: Janë të kapur nga Soros

Kanë mjaftuar vetëm dy ditë për të vërejtur se regjimi i rilindjes po i fryn më shumë borive kundër përhapësve të panikut sesa kujdesit për marrjen e masave, më shumë sekretit sesa transparencës.

Kështu, një mjeku kurajoz, si shefit të kardiokirurgjisë si Edvin Prifti, i cili vuri alarmin për mungesën në QSUT të mjeteve që bënin analizën dhe për sasinë e paisjeve të dhënies së oksigjenit, që kanë të bëjnë me kurimin, pushteti i kundërvuri menjëherë kolegët e tij, që e kundërshtonin pa fakte.

Po të shikoje të dielën një kronikë të Top Channel për masat e marra në aeroportin e Rinasit, do të dëgjoje absurditetin që zyrtarët i kishin pohuar reporterit, se vendi i karantinës mbahej sekret. Po e njëjta gjë thuhet edhe për spitalin që do presë të prekurit.

Vetë kryeministri Rama, në të vetmin status që ka bërë për këtë gjë, më shumë është marrë me kundërshtarët politikë, duke goditur mendjet e shthurura që përhapin panik te qytetarët. Edhe më grotesk bëhet qëndrimi i tij kur e krahason me opozitën që ka një paranojë krejt tjetër: faktin se mos pushteti përdor rrezikun e epidemisë, për të anulluar mitingun e Metës.

Edhe dordolecët qesharakë të prokurorisë politike, në vend të njoftonin se po hetonin ndonjë zyrtar shteti që tregohet laksist në masat e rrepta që duhen marë në porte dhe aeroport, nga frika se prishet imazhi i rilindjes, shpallin hetime, si kinezë, kundër lajmeve të rreme.

Pra, mendësia oruelliane për të mbajtur nën kontroll gjithçka, kulti i sekretit dhe vendimmarjes, për të cilën duhet të kenë monopolin vetëm pak njerëz, injorimi i mendjve të lira të profesionistëve dhe mbështetja tek zanatçinjtë servilë, mivendosja e luftës kundër panikut, ndaj nevojës për transparencë, primati i propagandës para përballjes me realitetin, janë dëshmitë më të prekshme të regjimit ku jetojmë. Njësoj siç u provua edhe pas tragjedisë së 26 nëntorit, modeli shqiptar është shumë larg atij të demokracive perendimore. Dhe nuk ka më nevojë që koronavirusi të kapërcejë Adriatikun për ta parë këtë.

LEXO TE PLOTE

Opinione

Nga Xhovani SHYTI/ Shqipëria zbulon  “antivirusin”  që vdes “Koronavirusin”

Publikuar

-

Nga

Ndërkohë që virusi i “Koronavirusit”, pasi kafshoi Kinën ka zbritur në Italinë fqinjë, duke venë në panik popullsinë dhe alarmuar qeverinë, e cila dje ka miratuar një paketë masash urgjente, për të parandaluar përhapjen e sëmundjes që deri tani ka prekur 132 persona, në Shqipëri as që e ruan njeri fare.

Kryeministri është nisur paraditen e sotme për në Angli. Para hipjes së avionit postoi një mesazh në rrjetin social, facebook, nëpërmjet të cilit garantoi se “Koronavirusi nuk e ka prekur Shqipërinë, por si për gjithë botën është një kërcënim potencial për të cilin janë marrë të gjitha masat në rast se do të na duhet të përballemi …”, dhe ndërsa i ka renë kokës “të njejtëve mëndjeshthurur që shqetësuan keq shqiptarët me lajme false dhe me gojëligësinë e tyre gjatë ditëve e netëve të gjata pas tërmetit, janë në veprim”, garantoi e bëri thirrje:

“Mos bini pre e tyre dhe jini të sigurt se shteti shqiptar po e bën prej kohësh detyrën për të qenë gati në rast shfaqjeje të koronavirusit, të cilin jemi gati ta përballim me organizim e profesionalizëm të lartë”.

Ky ishte kumti i lëshuar prej kryeministrit Edi Rama, që prej muajsh Shqipërinë për të cilin është votëbesuar dy here për ta “rilindur” e ka kthyer në vendtranzit, ndërkohë që të njejtin mesazh garantues e kishte artikuluar para tij shefja e Departamentit të sëmundjeve infektive në ISHP, Silva Bino, në një dalje publike, që në pikë të mëngjesit.

Pa  komunikuar as dhe një fjalë për politikat e projektuara nga Instituti ku shërben e që është institucioni kryesor për parandalimin e përhapjes së “Koronavirus”-it,  Bino foli “teknikisht” duke mos hezituar madje të zbuloj dhe “antivirusin” original “made in Albania” që e vdes “Koronavirusin” pa qenë nevoja e trajtimit me medikamente, apo kalimit nëpër vendizolime e karantina, siç kanë vepruar vëndet e pësuara prej tij.

Sëmundjen që, sipas saj: Nuk luftohet vetëm nga strukturat qeveritare…(prandaj, mesaduket, dhe Kryeministri garantoi vdekjen e virusit nëse guxon të na prekë).

“Mos pështyni përtokë, mos i lëshojmë qurrat anë e mbanë!” këshilloi shefe Binoja  si terapinë më të rendësishme për të vdekur “Koronavirusin” dhe  shmangur risqet tragjike që mund të vijnë nga prekja prej tij.

“Ky është një virus i thjeshtë përhapet po më atë rrugë që përhapet dhe virusi i gripit. Janë sëmundje të ngjashme përveç faktit që ky ka një vdekshmëri më të lartë se virusi i gripit. Kujdesuni për veten në lidhje me pastërtinë, në lidhje me higjenën e frymëmarrjes”, deklaroi po ashtu Bino, që nuk tha asgjë konkrete për masat që janë marrë, në rast konstatimi të prezencës. Por nuk harroi ama të thotë se:

LEXO EDHE:  Berisha: Edi Rama grabiti sipërfaqet e gjelbërta të Tiranës

LEXO EDHE:  Rama thumbon Greqinë/ Nëse do ju vinin 1 mijë shqiptarë, të këndonin për Çamërinë...

“Laboratori i ISHP është pjesë e rrjetit europian të laboratorëve. Jemi të pajisur, jemi të kontrolluar, është një virus i ri, jemi në atë hap që janë të gjitha vendet e tjera të botës. Masat janë përforcuar në kufi, i bëj thirrje gjithë qytetarëve të jenë të kujdesshëm dhe të raportojnë çdo shqetësim të tyre”.

Po në të njejtën udhë me Shefen e ISHP dhe Kryeministrin ishte dhe Ministria e Shëndetësisë që lëshoi po një deklarim plot optimizëm dhe për këtë arsye nuk po ju lodh kokën t’ua citoj frazë për frazë.

Se sa të vërtetë ka në këtë mes le t’ja lemë kohës ta vërtetojë, por krahas optimizmit të përfaqësuesve kompetentë të qeverisë, le të citojmë atë çka publikoi Dr. Sotiraq Lako, në faqen e tij në rrjetet sociale.

“Keto masat e thjeshta higjenike qe duhet te zbatojme per te mos u perhapur virusi (me kurore mbreterore) jane nje hipokrizi e tere…. Ka vetem nje mundesi: Lutjuni Zotit te mos hyje, ose nese ka hyre te dali sa me shpejt. Ne kemi dhe nje shans tjeter: “Nuk bie rrufeja ne …”.

Kuptoni unë ju citova gjithsa është thenë e publikuar ditën e sotme rreth sëmundjes që gjer tani i ka futur drithmën Azisë e Europës, por që do thyej kokën përpara kështjellës buzë Adriatikut më emrin Shqipëri./CNA.al

 

LEXO TE PLOTE