Connect with Us

Horoskopi javor 29 Korrik deri më 4 Gusht/ Zbuloni cilat do të jenë prioritetet tuaja për këtë javë

Life Style

Horoskopi javor 29 Korrik deri më 4 Gusht/ Zbuloni cilat do të jenë prioritetet tuaja për këtë javë

Publikuar

-

Kjo javë në vija të përgjithshme do të jetë e mirë dhe gjatë saj do të ndihemi të gëzuar. Është momenti të lemë pas vështirësitë e korrikut dhe të qershorit dhe të mirëpresim gushtin, i cili është një muaj mjaft krijues, dinamik, erotik dhe i këndshëm. Takime të papritura me persona që do të luajnë një rol në jetën tonë, të qenurit shumë social, dashuria, argëtimi si dhe çështje të karakterit financiar, janë tendencat kryesore në pjesën e parë të muajit. Nga data 2 gusht ristabilizohet komunikimi dhe do të kemi një imazh më objektiv të jetës së përditshme. Në planin socio-politik nuk përjashtohet të shohim ngjarje deri në 3 gusht pasi aktivizohet eklipsi i fundit.

DASHI

Kjo javë dot ketë shumë rezultate për ju dhe ju jep mundësinë të qetësoheni nga problemet që kishit deri tani. Favorizim do të keni në jetën tuaj sentimentale, prandaj përpiquni të rregulloni marrëdhëniet mes bisedës dhe aktiviteteve të përbashkëta ju të interesuarit e shenjës. Dashuria, argëtimi si dhe krijimtaria për ju artistët e shenjës do të bëjnë javën më të bukur. Çështjet sentimentale dhe ato financiare janë temat kryesore të javës.

DEMI

Është një javë me pak vështirësi për ju pasi gjatë saj do të ndiheni pak nervoz, të indinjuar dhe me tendenca për të humbur lehtë durimin. Do të jeni të ngarkuar me kontakte dhe biseda rreth çështjeve ekonomike dhe jetës suaj personale, të cilat mirë është t’i lini pas datës 2 gusht, ku mendimi dhe komunikimi janë më rezultativ. Vëmendja juaj do të përqëndrohet në ambientin familjar dhe në shtëpinë tuaj, duke u marrë me ndryshime dhe me dekorimin brenda saj, por dhe me pritjen e miqve dhe të njerëzve të dashur. Java sjell fillime të reja me ndryshime, të cilat duhet t’i pranoni pa hezitim, me qëllim që të ecni përpara.

BINJAKËT

Është momenti të zgjidhni çështjet financiare që ju preokupojnë dhe të gjeni burime të reja për rritjen e të ardhurave apo të menaxhoni më mirë ato ekzistuese. Gjatë pjesës së parë të muajit do të jeni shumë social, plot kontakte, biseda dhe udhëtime. Është një periudhë pozitive dhe e këndshme në vija të përgjithshme, gjatë së cilës do të preokupoheni dhe me çështje që kanë të bëjnë me marrëdhëniet dhe bashkëpunimet. Shmangni prapaskenat në fushën profesionale dhe ruani pozitat tuaja.

GAFORRJA

Mjaft të rëndësishme do të jenë çështjet që kanë të bëjnë me marrëdhëniet dhe bashkëpunimet gjatë kësaj jave, të cilat do të marrin rrugëzgjidhje në bazë të vendimeve që do të keni marrë ju pas testimeve që kaluan ato në periudhën e mëparshme. Gjatë pjesës së parë të muajit preokupohuni me ato që ju doni të fitoni, si në fushën financiare ashtu dhe në atë sentimentale, duke investuar me kritere dhe jo më shumë seç duhet. Financat do të kenë rritje, ndërkohë që mund të hyni dhe në mosmarrëveshje apo të keni vonesa lidhur me to. Ruani sekretet që ju kanë besuar të tjerët.

LUANI

Në datën 1 gusht ,me Hënën e re në shenjën tuaj, fillon një periudhë shumë entuziaste dhe pozitive për ju dhe të dashurit apo fëmijët tuaj. Erdhi momenti që ëndrrat apo projektet tuaja të marrin formën e dëshiruar. Do të krijoni kontakte mjaft të këndshme dhe interesante, por të jeni të kujdesshëm në mënyrën se si komunikoni mendimet tuaja. Jo vetëm kjo javë, por gjithë muaji është erotik për ju, por për momentin takime të papritura dhe dashuri të zjarrtë premton për ju të lindurit në dhjetëditëshin e parë të shenjës. Disa prej jush do të bëni një fillim të ri përmes ndryshimeve në fushën profesionale. Nga data 2 e muajit mendimet do të jenë më të qarta dhe do të ndihmojnë në zhvillimin tuaj profesional dhe në sferën financiare.

LEXO EDHE:  Horoskopi javor, nga 29 prill deri në 5 maj 2019

VIRGJËRESHA

Është momenti të çlodheni dhe të ikni me pushime në vende larg zhurmës dhe në intimitet me të dashurit apo njerëzit tuaj. Bëni plane dhe projekte të reja dhe vendosini në zbatim muajin që vjen. Mos bëni plane nga fundi i javës se do të vështirësoheni në realizimin e tyre. Kjo javë premton takime miq të zemrës dhe kërkohet prej jush të mos u jepni gjërave dhe situatave më shumë rëndësi apo dimensione më të mëdha se sa duhet. Vendosni në qendër të vëmendjes jetën tuaj personale duke parë veten me sy realist.

PESHORJA

Përqëndrohuni në jetën personale dhe në promovimin e karrierës apo të punës suaj duke pasur ndihmë miqtë, që këtë radhë janë pranë jush gati për t’ju ndihmuar. Çështje ekonomike mund t’ju krijojnë vështirësi gjatë javës, ndërkohë që nuk përjashtohet mundësia të bëni sqarime dhe spastrime në rrethin miqësor apo me të dashurit tuaj. Gjithsesi, kryesorja është të vendosni synime dhe të bëni projekte për realizimin e tyre, të cilat do të arrihen përmes jetës sociale. Shprehni lirshëm dëshirat.

AKREPI

Hëna e re në datën një të muajit ju jep gjithë mundësitë dhe perspektivat për zhvillim dhe rinovim të jetës tuaj në përgjithësi, por dhe të karrierës në veçanti. Fati është me ju dhe mjaft të favorizuar do të ndiheni ju që keni biznes apo punën tuaj. Sfera financiare do të jetë në rritje dhe njëkohësisht do të keni informacionet e duhura që do t’ju ndihmojnë në realizimin e planeve tuaja. Bisedat dhe marrëveshjet serioze mirë është t’i lini për javën tjetër.

SHIGJETARI

Hëna e re në datën 1 gusht është mjaft premtuese dhe favorizuese për ju. Gjatë pjesës së parë të muajit do të jeni shumë optimistë duke bërë plane për përparimin dhe zhvillimin tuaj profesional. Të jeni të kujdesshëm në lëvizjet që do të bëni dhe akoma më të kujdesshëm ndaj informacioneve që do të keni. Një udhëtim i bukur dhe ndoshta i largët mund të bëjë pushimet tuaja të paharruara.

BRICJAPI

Gjatë pjesës së parë të muajit do të ripërtëriheni nga ana psikologjike dhe shpirtërore. Është momenti të çlodheni dhe të bëni pushime me të dashurit në intimitet duke shijuar momente të veçanta erotike. Hëna e re jep mundësinë tek ju, që keni biznesin tuaj, të bëni një marrëveshje të madhe ekonomike lidhur me një investim që mendoni të bëni, ndërkohë që nuk do të mungojnë dhe detyrimet apo shpenzimet. Marrëveshje dhe kontrata mirë është të bëni nga data 2 e muajit.

UJORI

Në pjesën e parë të muajit rëndësi të veçantë do të marrin marrëdhëniet tuaja personale dhe profesionale, ndërkohë që jeni shumë të preokupuar me përparimin dhe zhvillimin tuaj profesional, prandaj pikërisht aty do të vendosni më shumë theksin. Në jetën sentimentale një dashuri të re, ndoshta përmes një takimi të papritur, premton kjo javë. Në ambientin familjar jo vetëm që do të mungoj qetësia, por ndoshta mund të dalin dhe probleme të vogla. Fundi i javës është pozitiv për ju pavarësisht nga probleme të vogla që mund të paraqiten.

PESHQIT

Pjesa e parë e muajit vendos theksin në jetën tuaj të përditshme duke e bërë atë më të gjallë, më të bukur por dhe me detyrime të shtuara. Puna është mjaft pretenduese dhe disa prej jush do të keni ndryshime, ndërsa disa të tjerë do të filloni një punë të re, pavarësisht se jemi në periudhën e pushimeve. Për disa nga ju që keni treguar zellin dhe talentin tuaj në punë erdhi momenti të shpërbleheni. Një dashuri e re mund të lind në ambientin e punës ose me një takim të papritur në rutinën tuaj të përditshme. Kujdes gjatë lëvizjeve dhe gjatë drejtimit të makinës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

Studimi/ Kur jemi të lumtur, duam të rrimë më shumë me njerëz të panjohur, se sa me miqtë tanë

Publikuar

-

Nga

Kur jemi të lumtur, nuk kërkojmë të kemi pranë njerëzit tanë më të dashur, por të panjohurit.

Po, preferojmë familjen dhe miqtë, kur gjendja shpirtërore është më e rënë nga mesatarja.

Ndërsa emocioni i përkohshëm i gëzimit, mund të na shtyjë në krahët e atyre që janë më pak

të njohur për ne. Këte e thotë një grup studiuesish, gjetjet e të cilëve u botuan në revistën “Psychological Science”. Ata sugjerojnë që kur jemi në orë të mira, njerëzit me të cilat duam të rrimë më shumë, nuk janë aspak miqtë tanë.

Autorët e studimit, shqyrtuan gjendjen shpirtërore dhe ndërveprimet sociale të mbi 30.000 njerëzve (shumica prej tyre francezë), përgjatë një muaji. Të dhënat u mblodhën përmes aplikacionit “58 Seconds”, që u dërgonte mesazhe pjesëmarrësve në studim në periudha të ndryshme të ditës, duke i kërkuar të përshkruanin se si po ndjeheshin në ato momente, çfarë po bënin dhe me kë ishin.

Këto të dhëna, i lejuan studiuesit të ekzaminojnë sesi lidhej lumturia e pjesëmarrësve në studim, me njerëzit me të cilët do të kalonin kohën nga ai moment e tutje. Dhe se si këto ndërveprime sociale, do t’i bënin të ndiheshin më vonë. Rezultatet sugjerojnë, që bazuar tek ndjenjat që ndiejmë në një moment të caktuar, ne e kthejmë vëmendjen tonë tek një lloj personi specifik. Dhe nga ana tjetër këta njerëz, kanë një efekt mbi gjendjen tonë shpirtërore:ose e ngrenë ose e ulin më tej atë, gjë që na nxit të kërkojmë njerëz të tjerë, që të ndajmë së bashku një gjendje të re shpirtërore.

Nga të dhënat, rezulton se pjesëmarrësit më të lumtur në studim, kishin kaluar në përgjithësi më shumë kohë me të tjerët, sesa më të afërmit e tyre. Dhe kur ishin të lumtur, kishin më shumë të ngjarë të dilnin jashtë dhe të kalonin kohën me të panjohurit ose pak të njohurit, dhe në këtë mënyrë ata e zvogëlonin lumturinë e tyre.

Ndërkohë, nëse pjesëmarrësit ndihen të trishtuar, ata kishin më shumë të ngjarë të bashkëvepronin më vonë me miqtë dhe familjen. Dhe kjo i bënte më të lumtur. Sipas studimit, nëse dikush ndihet i trishtuar mesditës e të shtunës, ai ka dy herë më shumë mundësi të takojë ndonjë mik atë pasdite, sesa një person që në të njëjtën kohë ndihet veçanërisht i lumtur. Përkundrazi do të ndihej veçanërisht i lumtur, shanset e tij për të bashkëvepruar me një të panjohur do të rriteshin me 20 për qind. Sigurisht, këto rezultate nuk përputhen domosdoshmërisht me përvojën e gjithsecilit prej nesh.

LEXO EDHE:  Horoskopi javor, nga 21 janar deri në 27 janar 2019

LEXO EDHE:  Horoskopi javor, nga 29 prill deri në 5 maj 2019

Studimi tregon vetëm lidhjet, dhe jo shkakun e tyre. Dhe autorët e studimit, e kuptojnë se gjithçka mund të shpjegohet me faktin, se kur e dimë se duhet të bashkëveprojmë me të huajt, ne të përpiqemi me vetëdije të vetë-motivohemi, dhe të shfaqemi në dukje se jemi në humor të mirë.

Por nëse ky model konfirmohet nga studimet edhe në të ardhmen, ai mund të na tregojë diçka të rëndësishme, mbi mënyrën se si gjendja jonë shpirtërore ndikon në marrëdhëniet tona.

Në thelb, gëzimi dhe trishtimi nxisin socializimin tonë me të tjerët, por me sa duket me synime të ndryshme. Ekzistojnë disa teori shkencore, mbi atë se si gjendja jonë shpirtërore ndikon tek ajo që bëjmë.

Për shembull, ekziston hipoteza e oportunizmit hedonistik, e cila sugjeron që ne gjithmonë përpiqemi të ndihemi më mirë, pavarësisht nga gjendja shpirtërore në të cilën gjendemi. Pra kur ndihemi keq, synimi është thjesht të ndihemi sërish mirë. Por kur ndihemi të lumtur, ka më shumë të ngjarë të sakrifikojmë një pjesë të rehatisë që na ofron një marrëdhënie e vjetër, për të arritur qëllime afatgjata si bërja e miqve të rinj.

Ne mund ta përdorim lumturinë tonë, për të na dhënë energjinë e duhur për të njohur njerëz të rinj. Dhe nga ana tjetër këta të huaj, mund të bëhen të njëjtët miq, tek të cilët ne do të mbështetemi, kur të ndihemi sërish keq. Rezultate të tilla, dëshmojnë se lidhjet midis lumturisë dhe sjelljes sociale, janë shumë më komplekse, sesa supozohet shpesh në literaturën e emocioneve pozitive.

Dhe mbi të gjitha, siç e shpjegon Maksim Take, një nga autorët e studimit dhe studiues në Universitetin e Oksfordit dhe Shkollën Mjekësore të Harvardit “e gjitha kjo sugjeron se lumturia është më shumë një burim energjie, sesa një synim përfundimtar i jetës sonë”./ “Focus.it”-CNA.al

LEXO TE PLOTE

Life Style

Pse jemi përgjysmë të ngjashëm me bananen, dhe fakte të tjera të mahnitshme mbi trupin e njeriut

Publikuar

-

Trupi i njeriut, është shumë më i çuditshëm por edhe mbresëlënës nga sa mund ta mendoni. Për të ekzistojnë kaq shumë fakte të mahnitshme, sa që shumë prej nesh thjesht nuk i dinë. Ja cilat janë 10 nga faktet më të habitshme mbi organizmin tonë, sipas “ The List Love“:

 1.ADN-ja

E dinit, që nuk ka shumë ndryshim midis jush dhe një bananeje. Dhe kjo nuk është një shaka! Përkundrazi është vërtetuar që njerëzit ndajnë 50 për qind të ADN-së së tyre, me këtë frut të shijshëm dhe shumë të konsumuar.

2.Gjatësia 

Keni pasur ndonjëherë ndjesinë,  kur shiheni ndonjëherë në pasqyrë në mëngjes, që gjëja e parë që ju bie në sy është se sikur jeni paksa më i gjatë? Në fakt më shumë sesa ndjesi, bëhet fjalë për një të vërtetë. Për shkak të mungesës së ndikimit të forcave gravitacionale kur jemi shtrirë duke fjetur, njerëzit janë afërsisht 1 cm më të gjatë në mëngjes sesa në mbrëmje.

3.Thonjtë e duarve dhe këmbëve

E keni menduar ndonjëherë se sa kohë i duhet thoit të gishtave të dorës dhe të këmbës, që të rriten nga baza në majë? Nëpër duar keni shumë kohë:ky proces zgjat plot 6 muaj.

4.Sinestezia

A keni parë ndonjëherë ngjyrën jeshile, dhe të jeni ndier sikur po përtypni në tufë me bar? Nëse po, mund të keni përjetuar një gjendje të quajtur sinestezi, ose mbivendosja e shqisave. Pra disa njerëz mund të shijojnë fjalë, dhe të “dëgjojnë” ngjyra.

5.Koefiçenti i inteligjencës

A jeni një tip që ëndërroni shumë gjatë natës? Nëse po, jeni me shumë fat! Një studim, ka arritur në përfundimin se sa më i madh është koefiçenti juaj i inteligjencës, aq më shumë do të ëndërroni gjatë gjumit.

6.Acidi i stomakut

Nuk po ju sfidojmë që ta provoni këtë në shtëpi, pasi mund të jetë tepër e rrezikshme. Por është e provuar që acidi që ndodhet në stomakun e njeriut, është aq i fortë sa të tretë edhe briskun, që është prodhuar nga çeliku. 

7.Fshikëza

A ju ka ndodhur që të urinoni ndonjëherë për një kohë vërtet të gjatë? Kjo ndodh për shkak se fshikëza juaj ka qenë ndoshta shumë e mbushur. Në fakt, një fshikëz e mbushur plot, besohet të jetë afërsisht e njëjta madhësi sa një top bejsbolli.

8.Nuhatja 

Hunda e njeriut mund të dallojë 50.000 aroma të ndryshme. Kjo është arsyeja pse ne shpesh mund të kujtojmë aroma nga e kaluara jonë, gjë që na kthen për disa momente pas në kohë.

9.Gudulisja 

Të gjithë e duam një kruarje apo një gudulisje të mirë pas shpinës, apo jo? A e keni provuar ndonjëherë edhe vetë, dhe keni dështuar? Dhe kjo e ka një shpjegim: është e pamundur që një njeri të gudulisë veten.

10.Qelizat

Njerëzit në thelb janë mutacione. Rreth 90 përqind e qelizave në trupin tonë, nuk janë me origjinë “njerëzore”, përkundrazi ne jemi kryesisht baktere dhe kërpudha. 

Përshtatur nga CNA.al

LEXO TE PLOTE

Kuriozitete

Historia e vërtetë e Spartakut, gladiatorit që drejtoi revoltën më të madhe të skllevërve në histori

Publikuar

-

Spartaku drejtoi jo vetëm një revoltë të madhe të skllevërve, ku morën pjesë dhjetëra mijëra njerëz në shekullin I Para Krishtit, por ai e mposhti vazhdimisht Romën në beteja. Por ende sot motivimet e tij, janë subjekt i debateve midis historianëve. A ishte ai një hero rebel – siç e cilëson legjenda urbane- një grabitës i shkujdesur, apo që të dyja bashkë?

Gjithçka që dime mbi Spartakun, na vjen nga burime të dorës së dytë apo edhe të dorës së tretë, nga historianë të lashtë që kanë lindur disa dekada pas vdekjes së tij në vitin 71 Para Krishtit. Dhe që nga kohërat e lashta, ai është mitizuar gati nga të gjithë. Po kush ishte në fakt Spartaku?

Para se udhëheqësi rebel të drejtonte njerëzit e tij anëmbanë Italisë, dhe të shkatërronte pa mëshirë legjionet romake, ai ishte thjeshte një djalë si gjithë të tjerët. 

Sipas historianëve antikë, Spartaku lindi në Thrakë, rajon që shtrihet sot në një pjesë të Bullgarisë, Greqisë dhe Turqisë. Pas Luftës së Tretë të Maqedonisë në shekullin II Para Krishtit, shumë thrakë u dërguan më dhunë në Itali, ku u shitën si skllevër. Mes tyre ishte edhe Spartaku.

Sipas historianit grek Apiani nga Aleksandria, që jetoi në shekullin II Pas Krishtit, Spartaku ishte në fillim një ushtar romak, por u burgosur dhe u shit tek një fisnik që zotëronte një arenë gladiatorsh në Kapua, një qytezë afër qytetit të Napolit. Në vitin 75 Pas Krishtit, gati 150 vjet pas vdekjes së Spartakut, historiani romak Plutarku shkroi se Spartaku rezistoi shumë kohë përpara rebelimit të tij si skllav. 

Ai rrëfen se kur u dërgua për herë të parë në Romë për t’u shitur, një gjarpër iu mbështoll rreth kokës kur Spartaku ishte në gjumë. Gruaja e tij, që vinte nga i njëjti fis, dhe ishte një profete, që njihte si zot Dionisin, tha se kjo shenjë do të thoshte që ai do të kishte një fuqi të madhe dhe të tmerrshme, që do ta çonte drejt një fundi tragjik.

Në Capua, Spartaku u detyrua të ndeshej si gladiator nën tutelën e Lentulus Batiatus. Në një moment ai vendosi të revoltohet. Sipas Plutarkut, rebelimi i skllevërve nisi me 78 njerëz që ishin të armatosur vetëm me disa thika kuzhine. Në vitin 73 Para Krishtit, ky grup gladiatorësh të fuqishëm, vendosi të rrezikojë gjithçka për të rifituar lirinë.

Pasi neutralizuan rojet, ata u arratisën. Fillimisht u ndeshën me një karvan udhëtarësh, të cilëve u grabitën armët që kishin me vete dhe arin. Më pas rebelët u nisën drejt shpateve të malit Vezuvit, duke plaçkitur fshatrat përreth, duke ndarë mallin me të tjerët, dhe duke mbledhur gjithnjë e shumë burra gjatë rrugës.

Në fillim Roma, nuk mendonte se një bandë skllevërish, të paraqesin ndonjë kërcënim serioz për të. Ata dërguan Gaius Glaberin që të merrej me këtë çështje. Duke e nënvlerësuar situatën, nuk i dhanë atij as një legjion të plotë ushtarësh. Glaber dhe 3.000 ushtarët e tij bllokuan rrugën e vetme prej nga ku Spartaku dhe njerëzit e tij, mund të largoheshin. 

Por rebelët përdorën degët e hardhive dhe të pemëve, ndërtuan shkallë dhe zbritën faqen shkëmbore, duke sulmuar romakët pas shpine. Pasi shpartalluan me shpejtësi ushtrinë e Glaberit, ata mposhtën shumë shpejt edhe legjionin e Publius Variniusit, me ushtrinë e tij prej 2.000 vetësh.

Këto fitore, bënë që rreth skllevërve, të mblidhen shumë njerëz. Shumë shpejt ushtria e Spartakut arriti në më shumë se 70.000 njerëz. Por Spartaku nuk ishte mendjekthjellët. I vetëdijshëm se nuk kishte asnjë shans të mposhtte të gjithë ushtrinë perandorake të Romës, ai hoqi dorë nga luftimet dhe synoi të rrikthehej në shtëpi. 

Ai dhe njerëzit e tij synuan të udhëtonin drejt veriut, të kapërcenin malet Apenine, të kalonin Alpet, dhe të ktheheshin në tokat e tyre të lindjes në Thrakë dhe Gali. Që të mbronte njerëzit, ai e ndau ushtrinë e tij në dy grupe. Gjysma e ushtrisë, e përbërë nga fiset gale dhe ato gjermanike, ndoqi ish-gladiatorin Kriksus, krahun e djathtë të Spartakut. 

Pjesa tjetër, kryesisht thrakas, ndoqën Spartakun. Megjithëse plani i tij ishte që të rikthehej sa më parë shtëpi, shumë nga burrat e tij kishin plane të ndryshme. Sipas Plutarkut, të mashtruar nga suksesi i tyre, ata vazhduan të shkatërrojnë Italinë. Ndaj senati romak, dërgoi gjeneralin Markus Krasusin që të shtypte rebelimin, duke i vënë në dispozicion 10 legjione.

Kur Spartaku dhe njerëzit e tij u mundën, 6.000 njerezit e tij u kryqëzuan gjatë rrugës që lidh Kapuan dhe Romën, si një leksion për të gjithë rebelët e mundshëm. Ai vetë mbijetoi dhe vazhdoi të udhëtonte drejt veriut. Më pas ndërroi mendje dhe u rikthye në jug drejt Siçilisë. Ai shpresonte të pushtonte ishullin, ku skllevërit ishin revoltuar 3 herë në 70 vitet e fundit. 

Ai planifikoi të shkonte në Siçili me një flotë me anije piratësh, por piratët e mashtruan. Ata morën paratë dhe u larguan para se rebelët të hipnin në anije. 

Spartaku u detyrua të stacionohej përkohësisht në gadishullin e Rhegiumit, në jug të Italisë, për të planifikuar veprimin e tij të radhës. Pas disa ditësh aty u ndesh me Krasusin, ku sllevërit pësuan një humbje të rëndë. Kjo humbje mbolli përçarje në radhët e rebelëve. Spartaku mendohej se gjeti vdekjen në betejën e fundit të rebelëve, edhe pse trupi i tij nuk u gjet kurrë.  

Disa historianë e shohin Spartakun si një rebel egoist, që i çoi njerëzit e tij drejt asgjesimit për shkak të egos së tij të tepruar, duke e shkatërruar ndërkohë Italinë e kohës. Të tjerët nuk bien dakord me këtë pikëpamje, dhe e shohin atë si një figurë frymëzuese që drejtoi mijëra njerëz të thjeshtë kundër Perandorisë Romake. Tek e fundit, Spartakus drejtoi revoltën më të madhe të skllevërve në Romën antike, revolta që kujtohet edhe sot e kësaj dite.

Përshtatur nga CNA.al

LEXO TE PLOTE
Lajme të Rekomanduara: