Connect with Us

Nga Elton Koka/ Mos e prek Robert Ndrenikën

Kultura

Nga Elton Koka/ Mos e prek Robert Ndrenikën

Publikuar

-

Mos e prek Robert Ndrenikën

Nga Elton Koka

Robert Ndrenika është aktori i gjallë, më i dashur shqiptar. Babai shofer i Mirit me gjel, në filmin “Në shtëpinë tonë” është prej një jete i të gjithë shtëpive tona.

Kemi humbur Sandër Prosin, Kadri Roshin, Agim Qirjaqin, kemi humbur shumë, gjatë viteve, por kemi ende ikona të gjalla të filmit dhe teatrit, që na mësuan shqipen e pastër, emocionin dhe dashurinë që vjen nga zëri e zemra te ti, kur sheh e ndjen ata.

Ata nuk patën asgjë më pak se kolegët e huaj, veç ishin shqiptarë, folën shqip, jetuan si ne, mes nesh dhe ndaj nuk morën dot maksimumin e respektit e mirënjohjes, siç ndodhi me kolegë të tyre, të huaj në botë.

Nuk e bëmë dot me të ikurit. Tani mund t’u bëjmë statuja në park, por ç’vlerë ka për ta.

Mos me Ndrenikën! Është i paprekshëm. Jo pse është në moshë, as pse është sëmurë, por sepse është i shtëpisë sonë. Dhe po e prekët, fyet, lënduat, mbetesh pa shtëpi.

Shtëpia jote, nuk janë tjegullat, as gurët, as pallatet, as kullat, janë emocionet, kujtimet, njerëzit që të mësuan të flasësh, të duash dhe Ndrenika është njeri nga ta.

Është shtëpia ime./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kultura

Histori e fateve njerëzore/ Njihuni me librin e ri të Blendi Fevziut

Publikuar

-

Nga

Moderatori i emisionit “Opinion”, Bledi Fevziu, i  njohur edhe si autor i disa librave të suksesshëm pritet të nxjerrë së shpejti një tjetër vepër për përmbatjen e të cilës ka folur  në emisionin “Rudina” në TV klan.

“E kam mbaruar librin, po pres korrektimin. Nuk ia kam vënë titullin akoma. “Tirona e nonës” ka qarkulluar për arsye se unë e kam përdorur këtë, por nuk jam akoma i bindur nëse do të jetë ky titulli përfundimtar.

Për mua është libri më i mirë dhe më emocional që kam shkruar ndonjëherë. Nuk dua të flas më shumë sepse dua ta shpjegoj më shumë kur libri të jetë.

Është një histori e fateve njerëzore, ku njerëz që duken fare të zakonshëm, befas ngërthejnë brenda tyre histori të jashtëzakonshme që ngjajnë me 1001 netët.

Është shlyerja e një lloj borxhi. Ka shumë njerëz që krijojnë borxhe në jetën e tyre, një është me prindërit, një tjetër është me shokët që të formojnë dhe të ndihmojnë, një tjetër me mësuesit etj.

Ka shumë njerëz që ikin nga kjo botë me borxhet të ngarkuara në kurriz dhe ky ishte një lloj borxhi. Në libër ka një histori me vëllain e stërgjyshes time, që është një histori e rrallë.

Ai kishte “bredhur” në shumë vende të botës dhe si përfundim vdiq në Valencia. Rezervoj të flas shumë, por mund të them që njerëzve që ia kam dhënë ta lexojnë janë shumë entuziastë për librin ”, ka shpjeguar autori Blendi Fevziu./CNA.al

 

 

LEXO TE PLOTE

Kultura

Festivali i Beethovenit 2019 në Bon/ 1800 artistë nga e gjithë bota

Publikuar

-

Nga

Bethoven

Në mbarë botën Hëna i ka frymëzuar artistët për krijimtari të nivelit të lartë – në art, letërsi dhe muzikë. Edhe programi i Festivalit të Beethovenit 2019 në Bon ka përfituar prej këtyre veprave sivjet.

Në Bon, qyteti i Beethovenit, këtë fundjavë hap siparin Festivali 2019 i Beethovenit: Një opera komike pothuajse e panjohur e Joseph Haydn-it, në të cilën bëhet fjalë për një fluturim në Hënë, “Serenata Notturna” e Moxartit, “Nata e shpërfytyruar” dhe  “Pierrot Lunaire” e Arnold Schönberg-erit. Duke prezantuar programin e festivalit, drejtorja e përgjithshme e këtij eventi Nike Wagner nënvizoi moton sivjet – “Ndriçimi i Hënës”, – që do të përshkojë si një fill të gjitha koncertetet e planifikuara.

Ajo që karakterizon gjithashtu moton e festivalit të sivjetëm është edhe një çast përkujtimi në vigjilje të jubileut të madh të 250 vjetorit të lindjes së gjeniut të muzikës Ludwig van Beethoven. Më 2020 Boni do të kremtojë përmes eventeve të shumta kulturore dhe muzikore jubileun e kompozitorit të madh.

Në moton e sivjetme të festivalit përshtaten mjaft mirë edhe vepra të Debussys-së si “Claire de lune” si edhe pjesë të rralla të interpretuara pak deri më sot, ndër to edhe një oratorium i Robert Schumann-it si dhe opera e Beethoven-it “Fidelio” si teatër kukullash.

Sonata e Hënës e Beethovenit e intereretuar shumë herë si pjesë mësimore me nxënës të pianos dhe si kolonë zanore e çasteve ëndërrimtare në shumë filma, në festival do të zerë një vend të rëndësishëm duke u shpalosur në aspektet e shumta të saj prej interpretuesve.

Shtëpia muze ku ka lindur Beethoven më 1770 e ka jetuar deri më 1727 në Bon.

Sonata e Hënës në origjinal mban titullin “Sonata quasi una fantasia” titullin që mban sot e mori prej shkrimtarit muzikor Ludwig Rellstab. Tri herë do të interpretohet kjo sonatë gjatë Festivalit të Beethovenit 2019, në një piano moderne koncertesh e luajtur nga pianisti francez, Pierre-Laurent Aimard, në një piano forte historike nën interpretimin e pianistit holandez Ronald Brautigam dhe në një përpunim për Korno dhe piano nga viti 1986 prej kompozitorit gjerman Giselher Klebe.

Një tjetër aspekt në programin e festivalit është sivjet përfshirja e disa veprave të Clara Schumann-it me rastin e 200 vjeotirt të lindjes së pianistes dhe kompozitores gjithashtu nga qyteti i Bonit.

Të apasionuarit e Beethovenit do të kenë rastin të ndjekin në këtë festival kompozime pak të njohura si dhe veprat madhore të kompozitorit: Pesë nga nëntë sinfonitë e tij si dhe tre koncerte për piano, një koncert për violinë dhe tri sonatat për piano janë të përfshira në program. Ansamblet pjesëmarrëse janë orkestra angleze “Orchestra of the Age of Enlightenment” nën dirigjimin  e Adam Fischer, Camerata Salzburg nën drejtimin e pianistit dhe kompozitorit Fazil Say, orkestra filharmonike e NDR me dirigjent Alan Gilbert si dhe orkestra sinfonike Çajkovski nga Moska e drejtuar nga mjeshtri i vjetër Vladimir I. Fedossejev.

Në kuadër të bashkëpunimit 20 vjeçar mes DW dhe Festivalit të Beethovenit organizohet edhe koncerti i orkestrës së të rinjve nga Afrika e Jugut “Ansambli A Cappella”.

Gjithsej marrin pjesë rreth 1800 artiste dhe artistë. Ndër ta pianistët e njohur Pierre-Laurent Aimard, Louis Lortie dhe Fazil Say, këngëtarët klasikë Christian Gerhaher dhe Sarah Maria Sun si dhe violinistja Carolin Widmann./DW

LEXO TE PLOTE

Kultura

Shenjtërimi i Nënë Terezës/ BSH sjell monedhën përkujtimore të emetuar në 2012

Publikuar

-

Nga

Me rastin e tre-vjetorit të Shenjtërimit të Nënë Terezës, Banka e Shqipërisë ka sjellë një mondedhë përkujtimore, të emëtuar në vitin 2012.

Në njoftimin e publikuar në faqen zyrtare të BSH janë ri cilësuar detajet e kësaj monedhe, të përpiluar posaçërisht për të kujtuar ditën kur Papa Françesku e shpalli atë shenjtore në një ceremoni madhështore në sheshin “Shën Pjetër”, ku merrnin pjesë mijëra besimtarë nga e gjithë bota. Pikërisht 5 shtatori shënon Ditën e Shenjtores shqiptare, Shën Tereza e Kalkutës.

Në qendër të monedhës qëndron një pëllumb i stilizuar në fluturim, si simbol i paqes, ngjyra e të cilit së bashku me atë të shiritave harkorë e harmonikë, që mbyllin formën rrethore të monedhës, është e njëjtë me atë të shamisë, në pamjen pas të monedhës. Në pjesën e poshtme, shkruhet vlera emërore, 200 Lekë.

“Sot, përmes monedhës përkujtimore kushtuar “Nënë Terezës”, përkujtojmë shenjtërimin e Anjezë Gonxhe Bojaxhiu, e njohur nga të gjithë si Nënë Tereza.

Nënë Tereza lindi më 26 gusht 1910, në Shkup, në një familje katolike. Në sajë të përkushtimit dhe dashurisë së pakufishme që ajo diti t’u dhurojë komuniteteve në nevojë, Nënë Tereza mbetet një nga gratë më të admiruara në botë.

“Të duash do të thotë të bësh gjëra të vogla me dashuri të madhe”, mbetet një nga shprehjet më frymëzuese të gruas, e cila në vitin 1979, u nderua me Çmimin Nobel për Paqen.
Më 4 shtator 2016, Papa Françesku e shpalli atë shenjtore në një ceremoni madhështore në sheshin “Shën Pjetër”, ku merrnin pjesë mijëra besimtarë nga e gjithë bota. 5 shtatori shënon Ditën e Shenjtores shqiptare, Shën Tereza e Kalkutës.

Në vitin 2012, Banka e Shqipërisë, emetoi monedhën përkujtimore kushtuar Nënë Terezës.

Në pamjen kryesore, në qendër të monedhës qëndron një pëllumb i stilizuar në fluturim, si simbol i paqes. Ngjyra e pëllumbit dhe ajo e shiritave harkorë e harmonikë, që mbyllin formën rrethore të monedhës, është e njëjtë me atë të shamisë, në pamjen pas të monedhës. Në pjesën e poshtme, shkruhet vlera emërore, 200 Lekë. Në hark sipër, në formë simetrike, dy degë ulliri, si simbol i paqes që Nënë Tereza përcolli midis njerëzve.

Në pamjen e pasme, në qendër të monedhës është vendosur portreti i Nënë Terezës. Mbi portret shkruhet “NËNË TEREZA” dhe vitet e lindjes e të vdekjes. Poshtë portretit shkruhet emri i lindjes “Anjezë Gonxhe Bojaxhiu” dhe në hark poshtë “SHQIPËRI – ALBANIA 2012”.”-thuhet në njoftimin e BSH-së.

LEXO TE PLOTE
Lajme të Rekomanduara: