Connect with Us

Situata në burgje/ Gjonaj i “përvishet” Manjanit dhe Vasilit?

Politikë

Situata në burgje/ Gjonaj i “përvishet” Manjanit dhe Vasilit?

Publikuar

-

Ministrja e Drejtësisë, Etilda Gjonaj ka prezantuar sot Masterplanin për Burgjet.

Gjatë fjalës së saj, Gjonaj deklaroi se qeveria ka bërë shumë duke përmendur sistemin ’41-bis’ dhe rekrutimin cilësor, por theksoi se ka ende punonjës që korruptohen dhe që nuk janë të denjë për të shërbyer në sistemin e burgjeve.

“Padyshim sot që flasim, evidentohen përsëri problematika me punonjës policie të cilët korruptohen dhe nuk janë të denjë për të shërbyer në sistem por është një proces i cili do të ndryshojë në të gjitha aspektet e tij, kjo edhe për konsolidimin e vetë sistemit që të mos lejojë korruptimin e punonjësve por njëkohësisht dhe në garantimin e trajtimit financiar të përshtatshëm për detyrën e tyre”.-tha Gjonaj.

Por, më tej Gjonaj ka shigjetuar edhe paraardhësit e saj në krye të ministrisë së Drejtësisë, Ylli Manjanit dhe Petrit Vasili. Ylli Manjani ka qënë ministër Drejtësie në qeverinë Rama 1, prej nëntorit të vitit 2015 deri në shkurt të 2017-ës, kur këtë detyrë e mori Petrit Vasili.

Gjonaj ka shigjetur dy ish-ministrat që vinin nga radhët e LSI-së, ndërsa theksoi se “Më kujtohen fare mirë ditët e para në detyrë, ku krahas ankesave të tjera që më vinin në rrjetet sociale ku zgjedh të komunikoj shpesh me qytetarët, spikaste problemi madhor i ecejakeve që i bëheshin punonjësve te Burgjeve nëpërmjet transferimeve nga një institucion në një institucion tjetër të largët.”.

Më tej, ajo theksoi se në një sistem ku sistemi i karrierës dhe i garancive që duhet të ketë një punonjës me uniformë kanë munguar tërësisht, janë marrë masa me zgjidhje të përkohshme ligjore siç është rasti për ndalimin e transferimit të punonjësve të policisë së burgjeve jo më larg se 45 km.

“E them në mënyrë të përkohshme janë marrë këto masa, pasi jo vetëm janë parashikuar si masa të qëndrueshme në këtë plan veprimi por nga ana tjetër do të jenë të parashikuara në legjislacionin specifik me qëllim që të gjitha këto mos të vijnë si vullnet i Ministrit të Drejtësisë apo strukturave drejtuese të institucioneve penitenciare.”-tha ndër të tjera Gjonaj.

Gjithashtu Gjonaj, kishte një lajm të mirë për të gjithë policët e burgjeve, pasi deklaroi se do të ketë një rritje pagash me qëllim barazimin e statusit  me policinë e shtetit. “Duke qenë koshiente që nuk është ende e mjaftueshme rritja e pagave që ju bë punonjësve të policisë së burgjeve me 7% në 1 prill 2019, kemi planifikuar si pjesë edhe e këtij Plan veprimi, eskalimin e rritjes së pagave me qëllim barazimin e statusit  të policisë së burgjeve me policinë e shtetit në trajtimin financiar. Por duhet mbajmë në konsideratë që është rritja e parë e pagës pas shumë viteve harresë të punonjësve të sistemit të burgjeve” tha Gjonaj.

Po ashtu ajo deklaroi se “Çështjet e korrupsionit në sistemin e burgjeve kane qënë një problematikë e theksuar që ka passhoqëruar në mënyrë të vazhdueshme sistemin. Por sado njerëz me integritet të shërbejnë në sistem, nëse vetë sistemi nuk do të përmirësohet duke garantuar transparencë, llogaridhënien, sigurinë do të jetë e pamundur të fitosh betejën me korrupsionin.”/ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

FOTO/ Shau nga ropt kameramanët në emision live, ja kush është gazetarja “seksi” e Fierit

Publikuar

-

Nga

Videoja në të cilën moderatorja shqiptare Marsela Topi fyen rëndë kameramanët e emisionit “Fakt” gjatë transmetimit live në televizionin lokal të Fierit, Tv Apollon, duket se ka bërë xhiron e rrjetit ditën e sotme.

Mirëpo, kush është Marsela Topi? Për të gjithë ata që se njohin, mëposhtë po iu përcjellim një galeri fotografish të gazetares.

Kujtojmë se moderatorja ka dalë jashtë “kornizave” të emisionit, pasi u nxeh keq me kameramanët e emisionit pasi këta të fundit po talleshin me të ftuarin në studio Altin Goxhaj, dhe nga të qeshurat po shkaktonin zhurmë në studio.

LEXO EDHE:  Vendimi për Donika Prelën/ Ish-ministri i Ramës kundër Vettingut

Kjo bëri që moderatorja të ndërpresë emisionin dhe t’u drejtohet: “O çuna, po pushoni ja q*fsha ropt pushoni”./CNA.al

VIDEO-Ndodh në transmetim live/ Moderatorja shqiptare shpërthen në të shara: Pushoni o ua q**sha robt

 

 

LEXO TE PLOTE

Politikë

“Një armatë e tërë iu shërbente bllokmenëve…”/ Isuf Kalo nxjerr ‘sekretet’ e “Bllokut” gjatë diktaturës

Publikuar

-

Nga

Publikimi i librit të Isuf Kalos “Blloku” ka ngjallur jo pak polemika. I ftuar në emisionin “Real Story”, mbrëmjen e sotme, ish-mjeku personal i Enver Hoxhës, teksa fliste për librin e tij, i kthyer prapa në kohë u shpreh se “Blloku“ ka qenë një oaz, si parajsë, por që gjithsesi nuk ja vlente të jetoje në të pasi që njerëzit i friksoheshin njëri-tjetrit.

“Në Bllok jetonin bllokmen, persona që kishin tagër të rrinë aty. Një pjesë e liderëve ishin jashtë bllokut. Haxhi Lleshi, Adil Çarçani etj. nuk jetonin në Bllok, por ishin bllokmen, pra kishin të njëjtën mendësi, ishin bllokmen ata, ishin bllokmen familjarët.

Kishte një armatë njerëzish që iu shërbenin bllokmenëve, kishte shoferë, kishte mjekë, shërbëtorë, badigardë etj. Blloku kishte shërbime nga më të ndryshmet.

Kishte bllokmen të vjetër ishin Enver Hoxha, Beqir Balluku etj që kishin status të lartë, të sovjetizuar, por kishte edhe të proletarizuar.

LEXO EDHE:  Sherri mes PS dhe PD në Bruksel/ Ish-ministri zbulon prapaskenat

Unë nuk jam përzier fare në çështje politike e ideologjike. Unë kam jetuar në vite aty dhe nuk jam përfshirë fare në politikë.

Nga ana strukturore ishte si oaz, ishte si parajsë, por nga ana tjetër ishte një territor ku dukesh se rrinte pezull frika.

Kishte droje se mos bëje zhurmë, sepse ishte i madhi aty, nuk mund të bëhej dot zhurmë te shtëpitë e atyre që ishin funksionarë të lartë.

Në Bllok më shumë dëgjoheshin gjinkalla. Kishte familje që kishin ardhur shumë mirë dhe kishin përfunduar kushedi në makinë.

Ishte një territor ku të gjithë frikësoheshin nga njëri-tjetrin, të gjithë mund të spiunonin njëri-tjetrin. Ishte bukur, por nuk ia vlente të jetosh”, është shprehur Kalo./CNA.al

LEXO TE PLOTE

Politikë

Denoncimi në “Fiks Fare”/Lushnje/ Fëmijët me nevoja të veçanta pa mësues ndihmës!

Publikuar

-

Nga

Viti i ri shkollor ka gati 2 muaj që ka filluar , por për fëmijët me nevoja të veçanta, në qytetin e Lushnjes, ende jo.

Kjo pasi në shumë shkolla nuk ka mësues ndihmës për këta fëmijë.

Edlira Pepa nga Lushnja u ankua në Fiks Fare se djali i saj 8 vjeç, përkatësisht në klasën e dytë nuk po shkon në shkollë këtë vit mësimor, pasi nuk ka një mësuese ndihmëse.

Edlira tregon se djalin e ka me nevoja të veçanta të spektrit autik “vitin e shkuar kishte një mësuese ndihmëse, por ketë vit akoma nuk ka ardhur edhe pse shkolla po bën gati 2 muaj që ka filluar. Kemi vajtur në shkollë, në zyrë arsimore, por nuk kemi gjetur zgjidhje” shprehet ajo duke kërkuar ndihmën e Fiksit. Në shkollë ajo tregon se djali integrohet më mirë dhe nuk vetëizolohet siç bën duke qëndruar në shtëpi.

Gazetarët e Fiksit shkuan në shkollën ku duhet të kishte filluar vitin e ri shkollor 8 vjeçari. Drejtori i kësaj shkolle Z. Gurali Hajdari shprehet se njihet me problemin dhe për këtë arye ka bërë kërkesë edhe në ZA Lushnje për shtimin e numrit të mësuesve ndihmës, por që nga kjo e fundit i është thënë se pritet përgjigje nga ministria për shtimin e numrit të mësuesve. Drejtori shprehet se në shkollën që ai drejton nuk është vetëm rasti i 8 vjeçarit që janë në pritje për mësues , por edhe dy nxënës të tjerë.

LEXO EDHE:  Audio-përgjimi i vëllait të Xhafajt/ LSI sulmon Ramën dhe kryeprokuroren

Gazetarët e Fiksit iu drejtuan Zyrës Arsaimore në Luushnje për të marr një përgjigje në lidhje me mungesën e mësuesve shoqërues në shkolla. Drejtori i kësaj zyre Fatos Gjini shprehet se në të gjitha shkollat e Lushnjes janë 111 nxënës me nevoja të veçanta dhe 46 mësues shoqërues. “Nxënësit që ende nuk kanë mësues shoqërues dhe kanë mbetur pa mësim është për faktin se ministria edhe pse është në dijeni dhe jemi në pritje të shtimit të mësuesve” shprehet z. Gjini.

Gjithashtu gazetarët e Fiksit i drejtuan edhe një kërkesë zyrtare Ministrisë së Arsimit, Sportit dhe Rinisë ku kërkuan informacion mbi numrin e saktë të fëmijëve që qëndrojnë në shtëpi për mungesë mësuesish.

Në përgjigjen e saj Ministria e Arsimit, Sportit dhe Rinisë shkruan se disponon të dhëna statistikore për fëmijët brenda sistemit, ku aktualisht për vitin shkollor 2018-2019 janë 4686 nxënës të evidentuar me aftësi ndryshe, ndërsa për vitin 2019-2020 të dhënat janë duke u përpunuar. MAS pohon në përgjigjen e saj se këta fëmijë janë të mbuluar tërësisht, pra u janë dedikuar mjaftueshëm mësues ndihmës në sistem.

Pra sipas ministrisë ende po përpunohen të dhënat në sistem, kur mësimi ka nisur prej gati 2 muajsh dhe këta fëmijë ende nuk janë ulur në bankat e shkollës për këtë vit./TCH

LEXO TE PLOTE