Connect with Us

“Bllok” korrupsionit dhe luksit/ Zbulohet gjyqtarja më e varfër e Apelit

Lajm i Rekomanduar

“Bllok” korrupsionit dhe luksit/ Zbulohet gjyqtarja më e varfër e Apelit

Publikuar

-

Vitin e kaluar, përmes shortit u përzgjodhën për t’ju nënshtruar Vetingut  11 gjyqtarë pranë Gjykatave Administrative të Apelit.

Të përzgjedhurit, por që nuk kanë dalë ende në Vetting,  janë Alkelina Gazidede, Altina Nasufi, Amarildo Laçi, Arjan Qafa, Bari Shyti, Bernina Kondi, Blerona Hasa, Enkelejda Softa , Lindita Sinanaj dhe Rilinda Selimi.

CNA.al, ka raportuar procesin e Vettingut që në fillimin e tij dhe do të vijojë të ndjekë procedurat për të gjithë gjyqtarët dhe prokurorët.

Altina Nasufi
                                Altina Nasufi

Paralelisht CNA.al , referuar investigimeve në terren, denoncimeve të mbërritura në redaksi dhe të dhënave të grumbulluara nga institucionet, do të hedhë dritë mbi të kaluarën dhe pasurinë e subjekteve të rivlerësimit.

Gjyqtarja Altina Nasufi, e cila ushtron detyrën në Gjykatën Administrative të Apelit, rezulton të ketë një pasuri modeste.

Nga viti 2003 deri në vitin 2005, deklaron si pasuri vetëm paga apo dhe një bono thesari në emër të bashkëshortit.

Në vitin 2006 gjyqtarja ka deklaruar se ka blerë një apartament banimi,2+1 me sipërfaqe 90 m2 në vlerën e 67 000 euro, të cilin thotë se e ka blerë me hua.

Është emëruar në Gjykatën e Apelit më vitin 2013, me të ardhura vetëm nga paga e saj dhe e bashkëshortit.

Me zhvendosjen nga Dibra në Tiranë, ajo është aktivizuar edhe në shkollën e magjistraturës me artikuj të shkruar apo edhe si pedagoge e jashtme. Ndërsa bashkëshorti Drejtor dhe mjek familjeje në Qendrën shëndetësore numër 5, Tiranë.

Në tërësi pasuria e saj e patunshme një shtëpi në Tiranë e blerë në vitin 2006 me hua dhe një shtëpi që bashkëshorti e saj e ka në bashkëpronësi me familjarë të tjerë në Bulqizë.

Është një rast i rrallë që në sistemin gjyqësor  të kemi gjyqtar me një pasuri të tillë. Në sistemin prokurorial, mban rekord prokurori Behar Dibra, ndërsa në sistemin gjyqësor është gjyqtarja Altina Nasufi, e cila siç duket nuk është tunduar nga korrupsioni dhe luksi si kolegët e saj.

Më poshtë po sjellim pasurinë e deklaruar prej saj.

Viti 2003

Të ardhura nga paga si gjyqtare,  0.590 milion lekë.

Pensioni i nënës, 0.74 milion lekë.

Viti 2004

Paga si gjyqtare, 920 075 lekë.

Pensioni i nënës, 96 000 lekë.

Viti 2005

Boni thesari pranë Bankës së Shqipërisë në emër të bashkëshortit 3 000 000 lekë.

Paga si gjyqtare në Dibër, dhe shpërblimet në shumën 1 010 606 lekë.

Paga e bashkëshortit me shpërblime, në shumën 310 000 lekë.

Viti 2006

Apartament  banimi, 2+1 me sip 90 m2 në vlerën 67 000 euro.

Bono thesari pranë Bankës së Shqipërisë në emër të bashkëshortit, në shumën 2 000 000 lekë.

Të ardhurat nga paga si gjyqtare, 220 916 lekë.

Të ardhura nga paga e bashkëshortit, 375 200 lekë.

Viti 2007

Shlyerje të këstit të parë të apartamentin,në shumnë 15 000 euro.

Të ardhura nga paga si gjyqtare në Dibër, në shumën 647 833 lekë.

Të ardhura nga paga e bashkëshortit në një qendër shëndetësore në Mamurras, në shumën 395 418 lekë.

Hua për shlyerjen e kësteve të apartamentit në shumën 27 000 euro.

Shlyerja e plotë e kësteve të apartamenteve me 15 000 euro.

Viti 2008

Të ardhura nga paga si gjyqtare në Dibër, në shumën 1 156 032 lekë.

Ka paguar 5 000 000 euro nga huaja prej 27 000 eurosh.

Të ardhura nga paga e bashkëshortit në një qendër shëndetësore në Mamurras, në shumën 410 000 lekë.

Viti 2009

Të ardhura nga paga si gjyqtare në Dibër, në shumën 984 681 lekë.

Të ardhura nga paga e bashkëshortit në një qendër shëndetësore në Milot, 488 320 lekë.

Viti 2010

Të ardhura nga paga si gjyqtare në Dibër, në shumën, 776 648 lekë.

Të ardhura nga paga e bashkëshortit në një qendër shëndetësore në Milot, 506 320 lekë.

Viti 2011

Të ardhura vjetore nga sigurimet shoqërore,dhe nga leja e zakonshme vjetore, në shumën 438 081 lekë.

Të ardhura nga paga e bashkëshortit   645 157 lekë.

Viti 2012

Të ardhura nga paga si gjyqtare në Dibër, në shumën 704 907 lekë.

Të ardhura vjetore nga bashkëshorti në një qendër shëndetësore në Milot, në shumën 645 157 lekë.

Viti 2013

Të ardhura nga paga si gjyqtare në Dibër, në shumën 964 793 lekë.

Të ardhura nga paga si gjyqtare në Gjykatën Adminsitrative të Apelit, Tiranë, 181 872 lekë.

Të ardhura vjetore nga bashkëshorti në një qendër shëndetësore në Milot, në shumën 616 000 lekë.

Të ardhura nga puna si mjek pediatër, në Tiranë, 49.176 lekë.

Viti 2014

Të ardhura nga paga si gjyqtare në Gjykatën Adminsitrative të Apelit, Tiranë, 1 230 617 lekë.

Të ardhura vjetore nga paga si Drejtor dhe mjek familjeje në Qendrën shëndetësor numër 5 Tiranë, 828 344 lekë.

Viti 2015

Llogari bankare në emër të fëmijës, në shumën 12 630 lekë.

Të ardhura nga paga si gjyqtare në Gjykatën Adminsitrative të Apelit, Tiranë, 1 214 955 lekë.

Të ardhura vjetore nga paga si Drejtor dhe mjek familjeje në Qendrën shëndetësore numër 5 Tiranë, 797 108 lekë.

Viti 2016

Llogari bankare e hapur në vitin 2015 me burim krijimi, shpërblimin e dhënë nga shteti për lindjen e fëmijës dhe kursimet familjare në shumën 109.419.57 lekë.

Llogari bankare, 57 734 53 lekë.

Kursime, 369.973.89 lekë.

Të ardhura nga paga si gjyqtare në Gjykatën Adminsitrative të Apelit, Tiranë, 1 218 864 lekë.

Të ardhura vjetore nga paga si Drejtor dhe mjek familjeje në Qendrën shëndetësor numër 5 Tiranë, 732 596 lekë.

Të ardhura nga shkolla e magjistraturës si autore tekstesh, në shumën 33 660 lekë.

Bashkëshorti, bashkëpronar, i një apartamenti në Bulqizë, me sip. 58 m2 me vlerë 22 000 euro.

Viti 2017

Llogari bankare e hapur në vitin 2015 me burim krijimi, shpërblimin e dhënë nga shteti për lindjen e fëmijës dhe kursimet familjare në shumën 116 426, 09 lekë.

Llogari bankare e fëmijës, si nëxënës i shkëlqyer në shumën, 124.679.86 lekë.

Kursime në llogarinë e pagës, në shumën 717.035.13 lekë.

Llogari bankare, me burim nga trajnimet jashtë vendit, në shumën, 383 68 euro.

Të ardhura nga paga si gjyqtare në Gjykatën Adminsitrative të Apelit, Tiranë, 1 222 646 lekë.

Të ardhura vjetore nga paga si Drejtor dhe mjek familjeje në Qendrën shëndetësor numër 5 Tiranë, 839 910 lekë.

Të ardhura nga shkolla e magjistraturës, në shumën 255 035 lekë.

Dieta të përfituara nga trajnimet jashtë vendit, 700 euro dhe 383.68 lekë.

Viti 2018

Llogari bankare në emër të fëmijës, 158 123 53 lekë.

Llogari bankare në emër të fëmijës, 238 431,40 lekë.

Kursime, nga puna si gjyqtare dhe shkolla e Magjistraturës, në shumën 1 295 203 38 lekë.

Llogari bankare, në emër të gjyqtares, në shumën 1.177 74 euro.

Të ardhura nga paga si gjyqtare në Gjykatën Adminsitrative të Apelit, Tiranë, 1 223 085 lekë.

Të ardhura nga shkolla e magjistraturës, në shumën 209 257 lekë.

Të ardhura nga trajnimi në shumën 794 euro.

Të ardhura vjetore nga paga si Drejtor dhe mjek familjeje në Qendrën shëndetësor numër 5 Tiranë, 856 468 lekë./CNA.al

1 Koment

1 Koment

  1. Shtet rrumpalle

    26 Korrik, 2019 at 5:05 pm

    Duket haptazi qe paskeni nje detyrim moral ndaj ketij rasti.
    Gjyqtare e prokurore te tjere me te nderuar, me me shume vite pune jane shkarkuar edhe per shume me pak pasuri.
    Gjyqtare ne peshkopi me shtepi ne Tirane.
    Bravo i paska ecur

Komentoni

Your email address will not be published. Required fields are marked *

Lajm i Rekomanduar

RD shpall armike Jozefina Topallin dhe mbron Kaç Islamin

Publikuar

-

Nga

Jozefina topalli partia demokratike

Disa ditë më parë, ish-kryeparlamentarja dhe ish-nënkryetarja e PD-së, Jozefina Topalli mbajti një qëndrim publik, ku i drejtonte kritika kreut të Partisë Demokratike Lulzim Basha.

Por, sikurse ndodh gjithmonë, Lulin e tmerrojnë ata që e kritikojnë dhe menjëherë urdhëroi “ushtarët” e tij, t’i kundërvihen Jozefina Topallit, një ndër figurat elitë të Partisë Demokratike.

Gjithçka, pas një qëndrimi të Jozefina Topallit në lidhje me Valdrin Pjetrin, i cili u tërhoq nga marrja e detyrës së kryebashkiakut, pas akuzave se ishte i dënuar në Itali për trafik droge.

Në qëndrimin e saj, Topalli tha se Basha ka qenë në dijeni të dosjes së Valdrin Pjetrit, por nuk e kishte publikuar më parë, por mbante atë, ashtu sikundër kishte bërë edhe me dosjen 184 në Dibër, të cilën njëherë e aministoi pas marrëveshjes me Ramën në vitin 2017  dhe më pas e hodhi në treg, pasi dogji mandatet e deputetëve dhe u fut në një rrugë pa krye, i shumë kritikuar nga ndërkombëtarët, por pa zgjidhje dhe pa alternativë, njësoj veproj dhe këtë herë.

Por, pas këtij qëndrimi Jozefina Topalli është sulmuar nga partia ku kontribuoi për më shumë se 20 vite dhe drejtoi opozitën e parë, atë opozitë të përgjakshme, të një lufte për mbijetesë, të asaj partie të cilën sot e ka marrë Lulzim Basha, bashkë me familjarët e tij dhe e përdor për interesa personale dhe pazare.

Lulzim Basha përdori zërin zyrtar të Partisë Demokratike, Rilindjen Demokratike për të sulmuar Jozefina Topallin.

Në shkrimin e RD, theksohej se personi që promovoi Valdrin Pjetrin në pushtetin e PD ka qenë Jozefina Topalli për shkak të lidhjeve me të atij e tij.

Gjë e cila në fakt nuk ishte aspak e vërtetë. E vërteta është se ai që solli Valdrin Pjetrin në PD, ishte anëtari i kryesisë së sotme të kësaj force politike Alfred Rushaj. ( lexo këtu).

Por, përtej kësaj ka edhe një tjetër detaj. Rilindja Demokratike sulmon Jozefina Topallin, dhe duket se mbron Kastriot Islamin.

Dy ditë më parë, zëri zyrtar i Partisë Demokratike, RD-ja publikon një shkrim të gjatë të ish-deputetit të PS-së, Kastriot Islamit, i cili pasi u përjashtua nga socialistët shkoi tek PD.

Ndër të tjera, në shkrimin në fjalë thuhet se “Qëllimi i këtij shkrimi është të ndriçojë shqiptarët, por veçanërisht ndërkombëtarët, lidhur me mashtrimin e radhës së Ramës për ‘distancim’ nga të korruptuarit, kriminelët, trafikantët, të cilët personalisht i kishte përzgjedhur, promovuar dhe mbrojtur fuqimisht para strukturave dhe forumeve të PSSH duke i shpërfillur të gjitha dhe më tej i kishte paraqitur në publik si të talentuar e të përkryer, duke u tallur e bërë gallatë me qytetarët apo akuzuar kundërshtarët.”.

Por, kush është Kastriot Islami që sot mbrohet dhe promovohet nga RD-ja?

Kastriot Islami është një ndër ish-funksionarët e lartë të Partisë Socialiste. Ai ka mbajtur poste të larta në PS që prej vitit 1991, që nga anëtar kryesie, deputet, kryetar komisioni, kryetar Kuvendi e deri te ministër.

Prej vitit 1996-2013: ishte anëtar i PS-së;

Në vitet 1996-1999: anëtar i Kryesisë së PS-së;

Në 1996-2005: anëtar i KPD të PS-së;

Nga 1996-1997: Kryetar i Departamentit të Medias dhe Informacionit në PS;

Në 1991-1992: Kryetar i Kuvendit të Shqipërisë;

1992-1998: Kryetar/anëtar i Komisionit për Hartimin e Projektushtetutës;

1998-2001: anëtar i Komisionit të Ligjeve dhe Çështjeve Kushtetuese;

2001-2002: Sekretar i Komisionit Parlamentar të Politikës së Jashtme;

1991: Ministër i Arsimit;

1997-1998: Ministër i Shtetit; 1998: Zëvendëskryeministër;

2002-2004: Ministër i Financave;

2004-2005: Ministër i Punëve të Jashtme;

1999: Koordinator për Krizën e Kosovës./ CNA.al

Luli, pse të tremb Jozefina?

LEXO TE PLOTE

Lajm i Rekomanduar

Shkaktoi tërmet në Kuvend/ Ish-kreu i PD-së numëron gabimet e Bashës

Publikuar

-

Nga

Ish-kreu i degës së PD në Kukës, Ibsen Elezi, i cili kohë më parë shkaktoi “tërmet” me fjalimin që mbajti në Kuvendin e PD, në një postim në rrjetet sociale shkruan se kreu i PD-së, Lulzim Basha duhet minimumi të kërkojë votëbesimin nga anëtarësia.

Elezi numëron 10 gabimet që sipas tij ka bërë Lulzim Basha dhe për të cilat duhet të mbajë përgjegjësi.

Gjithashtu Elezi ka shigjetuar edhe ish-kryeministrin Sali Berisha dhe ish-presidentin Bujar Nishani, ndërsa thekson se “Mosreagimi deri më tani i drejtuesit te Keshillit Kombetar Z.Nishani, i ish-kryetarit te PD z.Berisha apo cdo anetari kryesie te PDSH per nje analize urgjente, ne te gjithe strukturat e saj, eshte i pafalshem dhe i ngarkon ata ne bashkefajsi per shkaterrimin e PD.”

Postimi i plotë:

Cfare “Gabimesh” duhet te beje me teper “Lideri” per te kerkuar te pakten votebesimin nga antaresia.
Jane shume por po ju rendis10 kryesoret, per mendjet e shendosha do mjaftonte nje.

1- Sapo erdhi ne krye te PD vendosi rregullin ‘e renies ne rezultat” ku cdo kryetar seksioni e me lart, qe ka renie te rezultatit te mos rikandidoje, rregull te cilin e theu sa ke desht, perfshi edhe veten. (u fshi)
2- Bojkotoi pa filluar reformen territoriale ne 2015 dhe e la Ramen te bej si deshi e cfare deshi. (u harrua)
3- Humbem zgjedhjet lokale te 2015, justifikimi ndaj kritikave ishte se “zgjedhjet lokale nuk jane tregues”
4- I mbajti demokratet 3 muaj ne cader dhe e mbylli me marrveshjen e fshehur te 17 majit. (justifikimi: na detyruan nderkombetaret)
5- Zgjodhi 140 deputet liste (si proces familjare) pa u konsultuar dhe respektuar asnje institucin brenda PD (u mjaftua me: mbaj pergjegjesi per gabimin)
6- Humbi zgjedhjet me rezultatin me te dobet ne historine e PD dhe i certifikoj ato. (justifikimi : ma hodhe nje here e ke fajin ti…)
7- Zhvilloi zgjedhjet me fasad per kryetar te PD ne korrik-2017, i realizoj per 2- jave, maipuloj perqindjen ne pjesmarrje nga 20 ne 60 %.
8- Zhvilloi zgjedhjet me te turpshme per drejtuesit e degeve (duke i emeruar brenda nje nate) dhe strukturave drejtuese, duke mos zbatuar statutin dhe duke mos bere asnje verifikim figure, si rrjedhoje u mbush me drejtues ish-sigurimasa dhe Sorosjan( G.Bardhi, E.Paloka, E.Spaho, Gjata, Kaso etj)
9- Dorzoi mandatet dhe beri 10 protesta, kur puna duhet te mbyllej me 1 proteste te panderprere. (u harruan)
10- Nuk bllokoj zgjedhjet dhe humbi 61 bashki ku te pakten duhet te ruanim ato qe kishim (justifikimi : na detyruan nderkombetaret)
*Kuksianet kane nje sa per te gjitha, i mashtori dhe tradhetoi per traun, per ca pune qe ka ashtu me Ramen dhe 1300m2 te Kunatit te Hajat Hotel.
Nuk po shtoj akuzat e Doktorrit, se nje grup njerzish te futur nga Soros (ne bashkepunim) kane si qellim shkaterrimin e PD dhe me pas hesht.
Kjo situate deshtimeh te aksioneve politike, mosrespektimit te rregullave baze statutuore dhe humbjesh te thella, minimalisht te cojne ne votebesimin e antareve te partise demokratike.
Kjo rruge do e coj situaten dejt konflikteve dhe percarjes me te thelle.

PS: Mosreagimi deri me tash i drejtuesit te keshillit kombetar Z.Nishani, i ish-kryetarit te PD z.Berisha apo cdo anetari kryesie te PDSH per nje analize urgjente, ne te gjithe strukturat e saj, eshte i pafalshem dhe i ngarkon ata ne bashkefajsi per shkaterrimin e PD./ CNA.al

LEXO TE PLOTE

Lajm i Rekomanduar

Konstituimi i Këshillit Bashkiak të Shkodrës/ Balla u kërkon falje qytetarëve

Publikuar

-

Nga

Kreu i Grupit Parlamentar të PS, Taulant Balla, ka reaguar, pas konstituimit të Këshillit Bashkiak të Shkodrës.

Ndër të tjera, Ballau ka kërkuar ndjesë qytetarëve të Shkodrës për situatën e krijuar pas dorëheqjen së Valdrin Pjetrit.

“Si në çdo rast, kur mes palëve politike përfshihen institucionet ligjzbatuese dhe kur bëhet fjalë për raportin e individit me ligjin, Partia Socaliste nuk investohet në asnjë debat. Ligji eshte i barabarte per te gjithe dhe ai vetëm duhet zbatuar nga kushdo.

Në lidhje me kompetencën e Këshillit Bashkiak në raport me Kryetarin e Bashkiksë, në mbledhjen e parë të Këshillit Bashkiak u konstatua fakti i mosparaqitjes se fituesit si Kryetar Bashkie Shkodër në zgjedhjet e datës 30 qershor 2019, Z. Valdrin Pjetri për të bërë betimin në përputhje me ligjin”, ka shkruar Balla në rrjetet sociale.

Postimi i plotë:

Sot shkodranët kanë “kuvendin” e tyre të ri lokal, të përbërë nga 51 këshilltarë bashkiakë të zgjedhur në Zgjedhjet Vendore të 30 Qershorit. Duke i uruar Këshillit të ri bashkiak urime në punën e tij shumë të rëndësishme, Partia Socialiste i shpreh ndjesë komunitetit te nderuar të Bashkisë së Shkodrës per situaten e krijuar pas doreheqjes se detyrueshme te Kryetarit te zgjedhur te Bashkise, por si ne cdo rast ne qendruam përtej çdo interesi partiak, politik apo individual, vetëm në anën e ligjit dhe të interesit publik.

Si në çdo rast, kur mes palëve politike përfshihen institucionet ligjzbatuese dhe kur bëhet fjalë për raportin e individit me ligjin, Partia Socaliste nuk investohet në asnjë debat. Ligji eshte i barabarte per te gjithe dhe ai vetëm duhet zbatuar nga kushdo.

Në lidhje me kompetencën e Këshillit Bashkiak në raport me Kryetarin e Bashkiksë, në mbledhjen e parë të Këshillit Bashkiak u konstatua fakti i mosparaqitjes se fituesit si Kryetar Bashkie Shkodër në zgjedhjet e datës 30 qershor 2019, Z. Valdrin Pjetri për të bërë betimin në përputhje me ligjin.

Sa më sipër, institucionet e ngarkuara nga Kushtetuta dhe ligji duhet të marrin përgjegjësitë që ju takojnë në situatën e krijuar./CNA.al

LEXO TE PLOTE