Connect with Us

Kryeministri Boris Johnson premton “epokë të re të artë”, pas Brexitit

Aktualitet

Kryeministri Boris Johnson premton “epokë të re të artë”, pas Brexitit

Publikuar

-

Kryeministri britanik është zotuar të avancojë me Brexitin – edhe pa marrëveshje. Johnsoni u shpreh në mbështetje të 31 tetorit për të dalë nga BE, të fillimit të një “epoke të re të artë për Mbretërinë e Bashkuar”.

Kryeministri britanik Boris Johnson i tha të enjten parlamentit se është i angazhuar për t’u larguar nga BE në afatin përfundimtar të 31 tetorit “me qëllim të bashkimit dhe të rienergjizimit të Mbretërisë sonë të madhe të Bashkuar dhe duke e bërë këtë vendin më të mirë në botë”.

“Unë do të zgjidhja që të largohemi nga BE me një marrëveshje. Besoj se është e mundur edhe në këtë fazë të vonë [për të negociuar një marrëveshje],” tha Johnsoni. “Por disa gjëra duhet të jenë të qarta: Marrëveshja e Tërheqjes, e miratuar nga paraardhësja ime, është hedhur refuzuar tri herë nga ky parlament.”

Ai bëri thirrje për të negociuar kushte të reja me BE, por tha se kjo nuk do të përfshinte parimin e kthimit (“backstop”) të Irlandës së Veriut, i parë si parakusht për çdo marrëveshje nga BE dhe veçanërisht Republika e Irlandës.

 Johnsoni tha se përgatitja për një Brexit pa marrëveshje është një “prioritet i lartë” për qeverinë e tij. “Ka të bëjë me pasjen e një strategjie të qartë ekonomike në të gjitha skenarët,” tha ai.

“Sot është dita e parë e një qasjeje të re, e cila do të përfundojë me daljen tonë nga Bashkimi Evropian, më 31 tetor,” tha Johnsoni. “Do ta kujtojmë këtë periudhë, këtë periudhë të jashtëzakonshme, si fillimin e një epoke të re të artë për Mbretërinë tonë të Bashkuar”.

 Por lideri i opozitës Laburisti Jeremy Corbyn ia ktheu, duke thënë se britanikët “nuk i besojnë këtij kryeministri se do të marrë vendime të drejta”.

“Ai ka ngritur me nxitim një kabinet të elementëve më djathtistë”, tha Corbyn-i. “Po të ketë besim kryeministri te plani i tij, ai duhet të kthehet tek njerëzit me atë plan. Laburistët do të kundërshtojnë çdo marrëveshje që nuk mbron vendet e punës, të drejtat e punëtorëve dhe mjedisin”.

Po të kishte një referendum të dytë, Corbyni tha se Partia Laburiste do të mbështeste qëndrimin në BE përballë një Brexiti të ndërmjetësuar nga konservatorët ose një Brexiti pa marrëveshje.

Johnsoni ia ktheu se Corbyn-in – që ka qenë me dekada një nga euroskeptikët më të hapur të laburistëve – e kanë bindur “miqtë e tij të nderuar” dhe tani është një “mbetës”.

Moment vendimtar

Johnsoni u kishte thënë më parë anëtarëve të kabinetit qeveritar se “kemi një detyrë të rëndësishme përpara”, në përgatitjen për t’u larguar nga BE.

“Në një moment vendimtar në historinë e vendit tonë, tani jemi të angazhuar, të gjithë ne, që të largohemi nga Bashkimi Europian më 31 tetor, ose më herët, pa “nëse”, pa “por”,” tha Johnsoni.

Partia Laburiste në opozitë e ka hedhur poshtë një përpjekje nga Liberal Demokratët për një mocion mosbesimi në parlament, duke thënë se kjo vetëm do “të forconte Boris Johnsonin”.

Megjithatë, Johnsoni i tha kabinetit se qeveria e tij e re “nuk do të presë” në përpjekjen e saj për të përgatitur një dalje nga BE në më pak se 100 ditë./DW/

 

Për të rejat më të fundit behuni pjesë e grupit tonë në facebook : City News Albania
1 Koment

Komentoni

Your email address will not be published. Required fields are marked *

Aktualitet

“Pikë e zezë”/ Artan Hoxha sulmon Top Channel: More këta janë specialista, s’ke ç’u thua…

Publikuar

-

Nga

Çuçi ministër i Brendshëm/ Hoxha: Bledi më ka marrë në pyetje si hetues për shkrimet e mia

Gazetari Artan Hoxha ka ironizuar Top Channel, lidhur me programin që ka transmetuar mbrëmjen e sotme.

Hoxha është tallur me emisionin “Përputhen” ku njihen të rinjtë, pasi është publikuar një video ku dy prej konkurentëve zihen me njëri-tjetrin.

Ai thotë se qytetarët janë duke pritur Top Channel që të publikojë përgjime për Ndraghetën, ndërsa televizioni ka publikuar sherrin e “Përputhen”.

More këta janë specialista, s’ke ç’u thua…

Mileti pret ndonjë përgjim për Ndraghetën, ata i shfaqin video-boksin e Përputhen….

Pikë e zezë, thuaj…

Meqënëse këtë javë, produksioni nuk ka sajuar dot ndonjë ndeshje boksi, do japim ritransmetim videon e boksit, të javës së kaluar.

Ububuja…”, shkruan gazetari në rrjetet sociale./ CNA.al

LEXO TE PLOTE

Kronika

Aksident i rëndë në Pogradec/ Makina përplas për vdekje këmbësorin

Publikuar

-

Nga

I dehur në timon, me shpejtësi skëterrë/ Shoferi përplaset me shtyllën elektrike

Një aksident ka ndodhur në aksin nacional Pogradec-Korcë, në afërsi të fshatit Buçimas.

Mësohet se një makinë ka përplasur një këmbësor me iniciale P.Gj., i cili ka gjetur vdekjen e menjëhershme.

Nga informacionet paraprake, dyshohet se shkak i aksidentit ka qenë moti i keq.

Më datë 24.01.2021, rreth orës 21:40, në aksin rrugor Korçë-Pogradec, në afërsi të fshatit Buçimas, Pogradec, një automjet dyshohet se ka aksidentuar këmbësorin shtetasin P. Gj., rreth 48 vjeç, banues në Pogradec, i cili për pasojë ka gjetur vdekjen.

Nga ana e Policisë, po punohet për identifikimin dhe kapjen e drejtuesit të mjetit, i cili është larguar nga vendi i ngjarjes. Grupi hetimor po punon për dokumentimin e ngjarjes dhe zbardhjen e rrethanave të saj“, thuhet në njoftimin e policisë.

Ndërkohë, policia ka shkuar në vendngjarje dhe ka hapur hetimet për të zbardhur shkaqet e aksidentit./ CNA.al

LEXO TE PLOTE

Kronika

Tjetër aksident/ Makina përplas një kalimtare në Vlorë

Publikuar

-

Nga

Tjetër aksident/ Makina përplas një kalimtare në Vlorë

Mësohet se një automjet ka përplasur një kalimtare tek Rruga Transballkanike në Vlorë.

Kalimtarja është dërguar në gjendje të rëndë me urgjencë në spital teksa ndodhet në sallën e operacionit.

Vlorë/Informacion paraprak

Më datë 24.01.2021, rreth orës 21:00, në rrugën Transballkanike, në afërsi të Gjykatës së Apelit, një automjet me drejtues ende të paidentifikuar ka aksidentuar duke u larguar nga vendngjarja shtetasen M. Ll, e cila ndodhet në spital, nën kujdesin e mjekëve në gjëndje të rëndë shëndetsore.

Grupi hetimor dhe sherbimet e Policisë ndodhen në vendngjarje dhe vijon punën për identifikimin dhe kapjen e drejtuesit të mjetit si dhe sqarimin e plotë e rrethanave të aksidentit.

 

 

 

LEXO TE PLOTE