Connect with Us

Ramush Haradinaj sot udhëton për në Hagë

Aktualitet

Ramush Haradinaj sot udhëton për në Hagë

Publikuar

-

Kryeministri i Kosovës në dorëheqje Ramush Haradinaj, zyrtarisht i njoftoi krerët e institucioneve e partive politike për dorëheqjen e tij, duke kërkuar zgjedhje të parakohshme. Haradinaj niset për në Hagë.

Kryeministri i Kosovës në dorëheqje, Ramush Haradinaj, përmes një letre i njoftoi zyrtarisht krerët e institucioneve qendrore dhe shefat e grupeve parlamentare me vendimin e tij për dorëheqje të parevokueshme nga posti i kryeministrit të Kosovës. Burimet e Kryeministrisë e kanë konfirmuar për Deutsche Wellen se Ramush Haradinaj do të udhëtojë të martën për në Hagë, për t’iu përgjigjur ftesës nga hetuesit e Tribunalit në cilësinë e të dyshuarit për krime lufte në Kosovë. Ndërkohë për në Hagë ka udhëtuar edhe ish-zëdhënësi i UÇK, Jakup Krasniqi, i cili po ashtu është ftuar për intervistim.

Dorëheqja e papritur dhe zgjedhjetKosovo | Regierungsschef Ramush Haradinaj tritt zurück (picture-alliance/dpa/AA/E. Keci)

Ramush Haradinaj të premten dorëheqjen e tij të parevokueshme e bëri publike vetëm përmes medieve, pasi mori ftesë nga Gjykata Speciale për intervistim. Dorëheqja e tij e papritur i zuri në befasi edhe vet partnerët e koalicionit me të cilët qeverisi për dy vjetë. Dorëheqja e Ramush Haradinajt u hapi rrugë zgjedhjeve të parakohshme, që tash po mbështeten nga të gjitha partitë politike të cilat menjëherë kanë filluar përgatitjet për këtë proces. Në letrën zyrtare të dorëheqjes Haradinaj kërkon mbajtjen e zgjedhjeve të parakohshme.

“Në përputhje me Kushtetutën e Republikës së Kosovës dhe ligjet e aplikueshme, kam ftuar që të ndërmerren hapat e nevojshëm për shpalljen e zgjedhjeve të përgjithshme nacionale, në mënyrë që e drejta për të zgjedhur t’i kthehet sovranit. Deri në zgjedhjen e Qeverisë së re, do të vazhdoj kryerjen e detyrave kushtetuese si Kryeminister dhe Qeveri në dorëheqje”, thotë në letrën e tij të dorëheqjes Ramush Haradinajt.

Vendimi në duart e presidentit

Jakup Krasniqi Kosovo (DW)

Për shpalljen e zgjedhjeve të parakohshme vendimin duhet ta merr presidenti i Kosovës, Hashim Thaçi, pas konsultimit me partitë politike parlamentare. Mirëpo, deri tash, presidenti nuk ka njoftuar të ketë filluar konsultimet me partitë politike parlamentare, ndonëse secila nga partitë, përfshirë këtu edhe kryeministrin në dorëheqje, i kërkuan presidentit që brenda afateve ligjore të shpallë zgjedhjet e parakohshme. Por, si duhet të rrjedhë procedura deri në vendimin e presidentit për zgjedhje të parakohshme, pas dorëheqjes së kryeministrit?

LEXO EDHE:  Vritet me 15 plumba nëna e këshilltares së Haradinajt

Procedurat

Analisti politik Blerim Burjani, i tha DW-së se nuk mund të organizohen zgjedhje të parakohshme, përderisa koalicioni parazgjedhor PAN (PDK-AAK-Nisma) që deri tash udhëheqnin me qeverinë, të deklarohet njëzëri që heqin dorë nga mandatet.Hashim Thaci (picture-alliance/AA/D. Aydemir )

“Nuk mund të caktohen zgjedhjet e jashtëzakonshme pa heq dorë nga mandati i lënë në gjysmë koalicioni PAN. Së pari duhet të deklarohet PAN-i a deshiron të propozojë në proceduren 60 ditore mandatar për kryeminsitër të ri a jo. Nëse një subjekt politik si AAK nuk deshiron të jetë pjesë e koalicionit, PDK dhe NISMA duhet të hulumtojnë një partner të ri qeverisës. Nëse PDK dhe NISMA si trashigimtare të PAN-it pajtohen të shkojnë në zgjedhje, atëherë duhet presidenti t’i ftojë dhe të deklarohen se duan zgjedhje dhe se heqin dorë nga mandati aktual qeverisës. Në seancën tjetër të radhës presidenti duhet të ftojë serish krerët e partive politike të kuvendit dhe cakton datën e zgjedhjeve të jashtëzakonshme”, thotë Blerim Burjani.

Njohësit e rrethanave politike thonë se parlamenti mund të mblidhet dhe me dy të tretat e votave nga 120 deputet dhe ta shpërbëjë vetvetën. E në këtë rast presidenti fare thjeshtë mund ta shpallë datën e zgjedhjeve. Sidoqoftë, Komisioni Qendror i Zgjedhjeve (KQZ), thotë se është gati për të organizuar zgjedhjet e parakohshme të përgjithshme, ndonëse ky mekanizëm po funksionon vetëm me 9 anëtarë nga 11 sa duhet t’i ketë. Dy anëtarë të koalicionit PAN, akoma nuk janë emëruar nga presidenti. Ekspertët thonë se KQZ e ka kuoruimin e mjaftueshëm për organizimjin e zgjedhjeve të përgjithshme të parakohshme./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Rama ashpërson tonet/ Haradinaj është gënjeshtar

LEXO EDHE:  Haradinaj takon Ramën, i dhuron librin e O’Reillyt për Kosovën

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Haradinaj në zyrën e Metës/ Zbardhet biseda mes tyre

LEXO EDHE:  “Rama është tradhtar dhe Haradinaj patriot/ Këtë s'ka gjyq që e ndryshon”

 

LEXO TE PLOTE
Lajme të Rekomanduara: