Ambasada e SHBA-së në Tiranë, përmes një mesazhi të shkurtër në rrjetet sociale shkruan se mbështet punën e SPAK-ut dhe dënon sulmet që po iu bëhen anëtarëve të rinj të Prokurorisë së Posaçme.

Reagimi i Ambasadës vjen disa ditë pas akuzave dhe kundërakuzave për Ylli Ndroqin, pronarin e Ora News, të cilit iu sekuestruan 26 pasuri, pasi SPAK provoi aktivitetin e tij kriminal në trafikun e drogës.

“Ambasada e SHBA-së mbështet me forcë punën e pavarur dhe profesionale të Policisë së Shtetit dhe SPAK-ut. Profesionistët e sistemit të drejtësisë – oficerët e policisë, prokurorët dhe gjykatësit – duhet të lejohen të bëjnë punën e tyre pa kërcënime dhe kanosje, pavarësisht kush është i pandehur. Ka ardhur koha që të lejohen të kryejnë detyrat e tyre dhe të mbështeten përpjekjet e tyre për të luftuar krimin e organizuar. Kjo është e vetmja mënyrë që shqiptarët të kenë sistemin profesional dhe të paanshëm të drejtësisë që meritojnë, dhe të ecin përpara drejt integrimit në BE”, shkruan Ambasada. 

Nga Përparim Spahiu

Pavarësisht rishikimit që i është bërë buxhetit të shtetit për herë të tretë nga qeveria, prarashikimi i rënies së të ardhurave me 4% krahasuar me një vit më parë ngelet më shumë një dëshirë e qeverisë sesa një realitet ekonomik.

Realizimi i të ardhurave për buxhetin e shtetit nuk mund të bazohet mbi dëshirat apo orekset e Ministres së Financave. Sado të përpiqen të manipulojnë treguesit kryesor të ekonomisë, faktet flasin qartë.

Deficiti në buxhetin e shtetit për vitin 2020 ka shkuar duke u thelluar në 1.1 miliard euro, pasi tkurrja e të ardhurave pritet të jenë me -17%, ndërkohë që shpenzimet priten të rriten me 18% më shumë se një vit më parë.

Qeveria jo vetëm që nuk bën asnjë përpjekje për të frenuar rënien drastike të të ardhurave në buxhetin e shtetit, nuk merr as mundimin për të diskutuar, rishikuar apo negociuar ndryshime të mundëshme të kontratave të PPP-ve.

Pra shpenzimet rriten me 18% për kontrata, në shumicën e rasteve të panevojme, për momentet që po kalojmë. Si do ta zgjidhi defiçitin e krijuar qeveria, kur të ardhurat ulen e shpenzimet rriten?

Sigurisht duke rritur borxhin, barrën financiare të çdo shpitari. Borxhi për frymë që shqiptarët duhet të paguajnë pas 7 viteve ka arritur në 4492 euro/frymë.

Paaftësia dhe klientelizmi i kësaj qeverie e kanë çuar ekonominë e vendit në përmasat e krizës ekonomike të vitit ’97. Zgjidhja në këto kushte do të ishte mbështetja serioze e bizneseve, investimeve të reja të munguara prej kohësh, kjo për të ndaluar rritjen e papunësisë, rënien e konsumit dhe falimentimin e tyre. Çlirimi ekonomisë nga tentakulat e qeverisë për të kontrolluar dhe orientuar tregun si dhe heqja dorë nga shantazhet, kërcënimet dhe gjobvënjet ndaj çdo biznesi.

Drejtori i medias CNA.al, Elvi Fundo ka treguar sot se si zbuloi shkeljet e drejtorit të Top Channel, Ben Blushi dhe falsifikimin e firmës së vajzës së këtij të fundit, Natali Blushit.

Pas publikimit të dokumenteve ku vërtetohej se Blushi kishte falsifikuar firmën e vajzës së tij Natali Blushi dhe shkrimeve për Ylli Ndroqin, serveri i CNA.al u sulmua për rreth 30 minuta rreth orës 13:45 të ditës së sotme.

Fundo tregon për “SyriTv” se fillimisht u  bllokua shkrimi në Facebook dhe më pas ndodhi sulmi në server.

“Ne sot publikuam materialet pasi siguruam të dhënat zyrtare nga sistemi TIPS. Në momentin e parë të publikimit ndodhi që u bllokua në faqen e Facebook. I vetmi shkrim që u bllokua ishte ai. U raportua shumë shpejt. Ne tentuam që të bënin edhe promote por ishte e pamundur.

Kudo që bëhej share bllokohej dhe më pas, pas rreth 30 minutash ka ndodhur një sulm në server. Kompania që bën mirëmbajtjen ka konstatuar që faqja ka qenë down për gati 30 minuta dhe ka qenë pikërisht gjatë këtyre dy ditëve kur ne kemi qenë shumë konsekuent  në lidhje me pasuritë e bven Blushit por edhe me shtetasin Ylli Ndroqi pas sekuestrimit të pasurive”, u shpreh drejtori i CNA.al.

Fundo theksoi se kjo nuk është hera e parë që na sulmohet faqja, pasi kjo ka ndodhur edhe para 3 muajsh.

Kujtojmë se faqja e CNA.al është sulmuar sot pas denoncimeve dhe shkrimeve për Ben Blushin dhe për pronarin e Ora News Ylli Ndroqi, të cilit iu sekuestrua pasuria pas akuzave të ngritura nga SPAK./ CNA.al