Connect with Us

Të mungojnë gjërat e domosdoshme për të ikur me pushime? Kalo nga JUMBO!

Aktualitet

Të mungojnë gjërat e domosdoshme për të ikur me pushime? Kalo nga JUMBO!

Publikuar

-

E keni bërë gati valixhen dhe do niseni për në plazh? Nuk ju duhet shumë kohë.
Mjafton një ndalesë në JUMBO për një verë plot argëtim dhe freski.

Listën e keni gati:

Çadra e plazhit – Përveç kujdesit personal, nëse nuk keni një tendë ose një vend për të mbrojtur veten nga dielli, idealja është që të merrni një çadër plazhi. Çadra më e mirë e plazhit duhet të jetë e lehtë dhe kompakte në mënyrë që ju të mund ta transportoni lehtësisht.

Termus – Ushqimi në plazh është thelbësor për dy arsye: shpenzoni më pak dhe dini çfarë hani. Ju mund të merrni sanduiçe, sallatëra, fruta, pije, kos dhe shumë ushqime të tjera. Termusët në JUMBO ju ofrojnë më shumë hapësirë, ndarje të veçanta për ushqime të ndryshme, më shumë siguri dhe sigurisht freski.

Lojërat – Plazhi na fton të luajmë! Jemi të relaksuar kur jemi pranë detit dhe pikërisht ky relaks na bën që dhe të kemi një dëshirë për t’u argëtuar. Është e nevojshme që gjatë qëndrimit në plazh të kemi dhe sende të ndryshme që na ndihmojnë për t’u argëtuar si, letra, domino, top etj.

Karrige plazhi – Nëse nuk keni një “peshqir rëre”, ju duhet të rrëmbeni një karrige plazhi,  pasi ju ndihmon të jeni më rehat dhe të keni një pamje më mbresëlënëse teksa dielli perëndon. Ndaj, nëse keni vend në hapësirën tuaj të bagazheve, një karrige plazhi nuk duhet kurrsesi të mungojë. Në JUMBO gjeni modele të lehta dhe të rehatshme, të cilat ju lejojnë të ndryshoni pozicionin e shpinës tuaj për t’u ulur ose pushuar.

Peshqir – Çdokush ka nevojë për një peshqir të mirë që të thahet pas notit, apo të shtrihet në rërë. Ejani dhe zgjidhni mes peshqirëve të rinj, mjaft të butë dhe plot ngjyra.

Flamingo – Të mëdhaja, të mjaftueshme për t’ju përshtatur juve ose familjarëve tuaj, komardaret flamingot janë në modë këtë verë në JUMBO. Ato janë kaq shumë argëtuese, saqë do ndjeheni menjëherë të relaksuar.

LEXO EDHE:  Foto/ Të rinjtë nuk e fshehin më dashurinë

Çanta – Sigurisht që disa gjëra mjaft të rëndësishme, apo aksesorë të domosdoshëm nuk mund të lihen nën çadër, pasi mund të ekspozohen mjaft lehtë në diell. Ato meritojnë vendin e tyre dhe çantat e sigurta nga JUMBO e ofrojnë këtë. I gjeni në lloje të ndryshme.

Kapelet – Më të preferuara janë ato të kashtës. Në qoftë se nuk dispononi një kapele kashte mundohuni që, kur ta blini, ajo të jetë plot ngjyra. Patjetër që ajo do t’iu sigurojë një mbrotje të shkëlqyer nga rrezet e diellit.

Shapkat – Shapkat janë një nga zgjedhjet e para për këdo që udhëton në vende me klimë të nxehtë ose që shkon në plazh, ndaj ka shumë lloje dhe stile të ndryshme për të zgjedhur në JUMBO!
E meqënëse vizita juaj në JUMBO do jetë e afërt, mund të zbuloni në dyqan modele pafund lodrash plazhi për fëmijët, aksesorë zhytjeje, rroba banjoje, artikuj sportivë dhe mijëra produkte që i gjeni vetëm në JUMBO.

Jumbo është pjesë e Grupit BALFIN, grupi më i madh dhe inovator i investimeve në Shqipëri dhe një ndër më të mëdhenjtë në rajon, i njohur për investimet në qendrat tregtare TEG, QTU, SEG, zhvillimet e zonave rezidenciale dhe tregtare, në turizëm me projekte si Green Coast Resort dhe Vala Mar Residences, në industrinë minerare me AlbChrome dhe Newco Ferronikeli, në atë bankare me Tirana Bank, si dhe në aktivitetet e shitjeve me pakicë me rrjetin e dyqaneve Neptun, SPAR, etj.

Për më shumë informacion vizitoni facebook “Jumbo Albania” dhe instagram jumbo_albania si dhe vizitoni  dyqanet e saj në Tiranë (TEG dhe QTU), Fier (Qendra Tregtare VIVA), Shkodër dhe Durrës (Qendra Tregtare “Blue Star”)./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Gisele Bundchen modelja që s’vdes kurrë

LEXO EDHE:  E rëndë/ Një 14 vjeçar, humb jetën në plazh

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Tragjedi në Vlorë/Mbyten katër të rinj

LEXO EDHE:  Harrojini kamardaret flamingo/ Ja me çfarë do të pluskojnë vajzat cool këtë verë

 

LEXO TE PLOTE
Lajme të Rekomanduara: