Connect with Us

“Nuk humbas kohën time të vyer”/ Eni Koçi lë pa fjalë komentuesen

Aktualitet

“Nuk humbas kohën time të vyer”/ Eni Koçi lë pa fjalë komentuesen

Publikuar

-

Këngëtarja Eni Koçi është cilësuar shpesh si një nga vajzat më të bukura të showbizit shqiptar.

Ditën e djeshme, Eni ka publikuar foto nga dasma e kunatit të saj dhe sigurisht që nuk kanë munguar komentet e shumta nga ndjekësit. Një nga komentet që mori vëmendjen e këngëtares, e cila replikoi me ndjekësen ishte:

“Nuk e kuptoj… juve ‘vipave’ duhet patjetër të ju thuash se jeni te bukur???”- shkruan ndjekësja në profilin e Eni Koçit.

“Kush e ka thënë këtë gjë? Absolutisht që jo, por dhe njerëz që shkruajnë plot urrejtje jam e bindur që as ne “Vip-at” e as ndokush tjetër nuk i konsideron normal nga ana psikologjike. Kur dikush nuk të pëlqen thjesht nuk e ndjek, të pakten unë kështu veproj. Kur nuk më pëlqen dikush thjesht nuk merrem me të. Ta ndjekesh në instagram, ta fyesh dhe të humbësh kohën tënde të vyer me nje person qoftë i famshëm apo jo, do të thot që ky individ nuk ka asnjë punë më të mirë për të bërë në jetën e tij, por thjesht për dështimet në jetën e tij i ka faj e gjithë bota. Dhe une nuk mendoj që njerëzit klasifikohen në njerëz te bukur” dhe “njerëz të shëmtuar”- i përgjigjet Eni Koçi ndjekëses.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Basha dhe Kryemadhi njohin Kuvendin/ Shpallin grupet parlamentare

Publikuar

-

Basha dhe Kryemadhi njohin Kuvendin/ Shpallin grupet parlamentare

Qëndrimi stoik i disa prej deputetëve të opozitës parlamentare për të mos hequr dorë nga kushti për hapjen e listave, duket se ka rikthyer skenarin e vjetër të marrëveshjes së partive të mëdha.

CNA.al mëson se PD dhe LSI, partitë që dogjën mandatet, pritet që sot të njohin parlamentin dhe të krijojnë grupime me deputetët që janë aty, deputetët të cilët i shpallën tradhtarë, 1 vit e gjysmë më parë.

Emrat që do të bashkohen për miratimin e Reformës Zgjedhore për të arritur 84 votat nga të dy grupet janë Fatjona Dhimitri, Artur Roshi, Besnik Troplini Lefter Maliqi, Suzana Topi e Gjetan Gjetani dhe argumenti i tyre i përbashkët përmblidhet me frazën cinike të artikuluar nga Artur Roshi: “Nuk është ajo që duam, por ajo që i duhet vendit”.

LEXO EDHE:  Më rreh zemra, por s’vij dot të votoj!/Porosia e Ramës për qytetarin do iu habisë!

CNA. al e bëri publike me herët nevojën dhe qëllimin e Lulit e Ramës për t’u bashkuar edhe njehëerë sipas interesit të tyre, ndërsa pjesë e kësaj loje është edhe Monika Kryemadhi e cila sot legjitimon kuvendin sërish. Pra, edhe njëherë konfirmohet ajo që CNA.al raportonte një vit më parë se djegia e mandatave ka qënë një lëvizje e tyre, duke u kujdesur të lënë disa emra, të tillë si Lefter Maliqi e Fatjona Dhimitri, të cilët duket qartë që më shumë se deputët të sulmuar nga opozita, janë vegla të Bashës e Kryemadhit. Por, vlen të theksohet se me 77 deputetët e mazhorancës dhe 6 emrat që dolën sot me qëndrimin pro votës së marrëveshjes së 5 qershorit, totali shkon 83! Kërkohet edhe i fundit për të ngritur një karton! /CNA.al

 

LEXO TE PLOTE

Politikë

Spartak Ngjela zbulon emrin e politikanit që do e rrëzonte sërish Lulzim Bashën

Publikuar

-

Spartak Ngjela zbulon emrin e politikanit që do e rrëzonte sërish Lulzim Bashën

Avokati i njohur Spartak Ngjela ka bërë një analizë të gjatë për sa i përket ndryshimit të sistemit dhe listave të hapura.

Ngjela shkruan se me lista të hapura, Sokol Olldashi do e rrëzonte sërish Lulzim Bashën në Partinë Demokratike,  teksa thekson se as Basha as Rama nuk e duan këtë.

Janë tre kërcënime që po i vijnë ndërkohë korrupsionit të lartë shtetëror: nga reforma në drejtësi, nga reforma antikorrupsion dhe nga reforma e sistemit zgjedhor me lista të hapura.

Me lista të hapura, Sokol Olldashi e rrëzon sërish Lulzim Bashën në Partintë Demokratike.

l.

Duhet të theksojmë se likuidimi i klasës së lartë politike si goditje kryesore do të vijë nga funksionimi i SPAK- ut, domethënë nga fillimi i hetimit gjyqësor kundër pushtetarëve të lartë: përkatësisht nga Byroja Kombëtare e Hetimit, nga Prokuroria e Posaçme dhe nga Gjykata e Posaçme.

Këtyre tani po iu shtohet edhe reforma e sistemit zgjedhor me lista të hapura, dhe prandaj çështja e likuidimit të tyre bëhet edhe më e plotë.

Prandaj, nëse opozita parlamentare qëndron për listat e hapura, atëherë SPAK- ut, që tani është kërcënimi i tyre antikorrupsion, i shtohet edhe sistemi zgjedhor me lista të hapura.

Kjo na jep të kuptuar se, ata të korruptuar të lartë që mund të shpëtojnë nga SPAK – u, do të rrëzohen me anë të listave të hapura. Por, a e dinë ekspertët ndërkombëtarë këtë fakt? Sigurisht që ata janë të qartë dhe mendohet se, pikërisht për këtë, do ta përkrahin iniciativën e opozitës parlamentare, të cilën ata vetë e kanë inkurajuar për të mos e prishur Parlamentin me shpërndarje të tij.

ll.

As Rama dhe as Basha nuk dalin dot deputetë nëse vendoset sistemi me lista të hapura. Dhe si rrjedhojë, do të rrëzoheshin edhe si kryetarë të Partisë Socialiste dhe Partisë Demokratike.

Pikërisht me këtë arsye, me vendosjen e sistemit të listave të hapura, rrëzohet përfundimisht tirania partiake e dy kryetarëve të partive të mëdha, të cilët janë në krye të tyre jo me zgjedhje, por me uzurpim korruptiv.

lll.

Të dyja partitë e mëdha të Shqipërisë, PD dhe PS, nuk i kanë kryetarët e tyre rezultat i zgjedhjeve respektive në partitë e tyre, por si rezultat direkt i korrupsionit. Është forca e korrupsionit si blerje individësh ajo që i ka bërë kryetarë partish, që të dy: edhe Bashën, edhe Ramën.

Realisht, pikërisht ky është shkaku që nuk dalin dot deputetë me lista të hapura, sepse, në funksion të këtyre listave, bazat e partive do të zgjedhin individin me karrierë politike dhe jo flukset pa përkrahje që kanë implementuar në strukturat e partive të tyre Rama dhe Basha.

LEXO EDHE:  Publikon pamje të parkut turistik/ Qytetarët i përvishen Ramës

Për ta kuptuar edhe më qartë këtë, na duhet të theksojmë se, të dy këta kryetarë kanë ngjashmëri të plotë me njëri-tjetrin në ngritjen e tyre nëpër postet e tyre si pronarë të partive që përfaqësojnë.

Po, cili është ngjasimi i lansimit politik në karrierën politike të Ramës dhe Bashës?

1.Të dy këta po njëlloj, njëri pas tjetrit, eliminuan kongreset për zgjedhjen e kryetarit të partisë, duke futur skemën “një anëtar një votë”.

Kjo ndodhi, sepse kuptohet që këta nuk e manipulonin dot kongresin zgjedhor të partive të tyre për votën e kryetarit, ngaqë as Rama dhe as Basha nuk kishin lidhje organike me partitë që donin të rrëmbenin. Prandaj, kongreset partiakë, nuk do t’i zgjidhnin.

Kurse votimin “një anëtar një votë”, e manipulonin me bandat e tyre. Ashtu siç e manipuluan.

Të dy e kanë marrë partinë duke qenë më parë, njëri pas tjetrit, kryetarë të Bashkisë së Tiranës.

Të dy nuk kanë profesion që të njohin ose ligjin ose tregun, dhe janë manipulues të ngjashëm në blerjen e partive me leje ndërtimi. Në fakt Basha kishte edhe ndihmën e bandave të Saliut që i dhanë sigurimin e manipulimit të procesit partiak zgjedhor kundër Sokol Olldashit.
Por tani, me lista të hapura, si mendoni ju, Bashës nuk do t’i ringjallet Sokol Olldashi? E pra…

lV.

Por tani, që të dy këta kryetarë: edhe Rama, edhe Basha, janë drejt likuidimit: sepse, edhe nëse i shpëtojnë SPAK-ut, sistemi zgjedhor me lista të hapura i rrëzon që të dy si kryetarë të PD -së dhe PS -së.

Por kjo, në fakt, do të varet nga qëndresa e opozitës parlamentare. Nëse kjo opozitë qëndron, maxhoranca nuk i ka votat në Parlament. Kurse opozita parlamentare e ka interes kryesor për mbijetesën e saj këtë sistem. Pikërisht kjo është arsyeja që ajo nuk do të tërhiqet.

Ndërkohë, për arsyen Olldashi që përmendëm më lart, është kuptuar se më i shqetësuari për listat e hapura është Lulzim Basha. Ai po i luan të gjithë gurët që sistemi elektoral me lista të hapura të mos aplikohet; por shenjat janë që ai do të aplikohet, sepse mosvotimi parlamentar nga opozita krijon krizë të cilën nuk mund ta lejojnë ndërkombëtarët.

E pra: shqiptarët tani janë me shpresë, sepse me SPAK-un dhe listat e hapura do të çlirohen nga tirania korruptive e liderëve retrogradë që kanë shkatërruar mirëqenien e shqiptarëve në mbi njëzet e pesë vjet rresht.

LEXO TE PLOTE

Bota

Gjykata e Lartë në SHBA vendos për taksat e presidentit

Publikuar

-

Gjykata e Lartë në SHBA vendos për taksat e presidentit

Gjykata e Lartë amerikane do të bëjë të njohura sot opinionet përfundimtare të mandatit të saj të tanishëm.

Vëmendja është përqendruar në tre çështje të cilat lidhen me kërkesat e disa komisioneve të Kongresit dhe të një prokurori të Nju Jorkut që presidenti Donald Trump të publikojë taksat dhe dokumente të tjera financiare.

Presidenti Trump, i cili nuk ka ndjekur praktikën e kandidatëve të tjerë presidencialë, duke refuzuar të bëjë publike dokumentet tatimore gjatë fushatës së vitit 2016, është përpjekur të bllokojë publikimin e dokumenteve të tij financiare.

Disa komisione të Dhomës së Përfaqësuesve kanë kërkuar të dhëna për këto dokumente nga dy banka, Capital One dhe Deutsche Bank, si dhe nga firma e kontabilitetit Mazars USA.

Çështja kryesore që po shqyrtojnë gjyqtarët ka të bëjë me ndarjen e pushteteve midis degëve të qeverisë federale dhe kompetencave të kongresit për të hetuar një president.

Avokati i zotit Trump, Patrick Strawbrige, tha gjatë argumentimit të çështjes në muajin maj se kërkesat për dokumentet financiare nuk i shërbenin ndonjë qëllimi me rëndësi dhe se ligjvënësit nuk duhet të kenë autoritet të pakufizuar për të hetuar një president.

Ndërkaq, disa gjykata të nivelit më të ulët Nju Jork dhe Uashington dhanë vendime kundër Presidentit Trump në çështjen e kërkesës për dokumentet financiare.

Gjyqtari Jon O. Newman i Gjykatës së Apelit për Qarkun e Dytë të Nju Jorkut shkruante:

“Interesat e komisionevetë Kongresit për të ushtruar funksionet e tyre kushtetuese dhe legjislative janë një interes publik shumë më i rëndësishëm se çfarëdo interesi tjetër …”.

Jay Sekulow, një tjetër avokat i zotit Trump, argumentoi para Gjykatës së Lartë në muajin maj se presidenti gëzon “imunitet të përkohshëm kushtetues” nga ndjekja penale gjatë kohës që shërben në detyrë dhe se prokurori i qarkut të Nju Jorkut nuk ka asnjë autoritet për të hetuar zotin Trump.

LEXO EDHE:  S’keni turp as mëshirë …!/Qytetarët i turren me kritika, Rama ua kthen me fyerje!

Carey Dunne, këshilltar i përgjithshëm për prokurorin e qarkut të Manhatanit, tha se presidentët, ndërsa gëzojnë imunitet nga ndjekja penale, ata nuk përjashtohen nga kërkesat që të dorëzojnë dokumente. Për më tepër tha zoti Dunne, të dhënat që kërkon zyra e tij i takojnë periudhës përpara mandatit të Presidentit Trump dhe nuk mbrohen nga privilegji ekzekutiv.

“Ekziston një rrezik që presidentët amerikanë dhe palë të treta pa dashje të dalin mbi ligjin”, tha ai.

Gjykata e Larta e ka trajtuar edhe në të kaluarën çështjen nëse një president në detyrë duhet të përmbushë një kërkesë ligjore për dokumente.

Në vitin 1973, gjykata vëndosi njëzëri kundër Presidentit Richard Nixon në çështjen që lidhej me dorëzimin e regjistrimeve audio të Shtëpisë së Badhë tek një prokuror special. Gjykatësit po ashtu morën një vendim të njëzëshëm kundër Presidentit Bill Clinton në vitin 1997, duke lejuar një proces gjyqësor në ngarkim të presidentit për ngacmim seksual.

Gjatë argumenteve me gojë në muajin maj, të nëntë gjyqtarët lanë shumë pak të kuptohet se çfarë ane do të mbajnë për çështjet e ngritura para tyre.

Përveç vendimit në favor të njërës ose tjetrës palë, gjyqtarët mund të vëndosin dërgimin mbrapsht të çështjeve për rishqyrtim nga një gjykatë më e ulët.

Ndërsa vendimet e gjykatës së ulët kundër zotit Trump erdhën mes procesit për shkarkimin e tij nga Dhoma e Përfaqësuesve nën akuzat për pengim të drejtësisë dhe abuzim pushteti, akuza për të cilat Senati e nxori të pafajshëm, vendimi i Gjykatës së Lartë vjen ndërsa vendi është vetëm pak muaj para se të vendosë nëse do të rizgjedhë zotin Trump për një mandat të dytë presidencial, apo rivalin e tij, ish Zëvendës Presidentin Joe Biden./VOA

LEXO TE PLOTE