Connect with Us

Horoskopi ditor 22 korrik 2019/ Dashuria dhe financat, zbuloni surprizat e kësaj dite për ju

Aktualitet

Horoskopi ditor 22 korrik 2019/ Dashuria dhe financat, zbuloni surprizat e kësaj dite për ju

Publikuar

-

Dashi

Mos hezitoni aspak t’i tregoni shefit shqetësimet në mjedisin e punës ose të kërkoni një vend të ri pune nëse nuk përshtateni me ambientin. Përpiquni të jeni më fleksibël, sa i përket planeve gjatë ditës dhe tregohuni më kreativ në projektet për karrierën tuaj.

Demi

Të gjitha planet që kishit parashikuar për ditën e sotme do të realizohen lehtësisht. Kontrolloni buxhetin para se të bëni blerje apo të rezervoni pushimet. Kjo pasdite është e duhura për një takim romantik, i cili do t’ju bëjë të ndiheni mjaft mirë. Merrni kohën e duhur nëse dëshironi të provoni gjëra të reja.

Binjakët

Punoni fort dhe përpiquni të jeni sa më të saktë. Dita e sotme do të jetë mjaft e rëndësishme për karrierën tuaj. Megjithatë, mos e teproni me lodhjen duke dalë jashtë limiteve tuaja. Në mbrëmje sigurojini kohë vetes për t’u relaksuar.

Gaforrja

Qetësia do të udhëheqë ditën e sotme. Ka shumë gjasa që të përfundoni çdo detyrë në punë dhe do të programoni lehtësisht të nesërmen. Kaloni më shumë kohë pranë familjes dhe partnerit/partneres suaj. Gjithashtu, është mjaft e nevojshme të përfshiheni në aktivitet fizik.

Luani

Do të dukeni mjaft sharmantë në sytë e të tjerëve sot. Edhe nëse gjatë ditës do të përballeni me vështirësi, mendoni pozitivisht, pasi vetëm në këtë mënyrë mund të ecni përpara. Ekziston mundësia të zhvilloni një bisedë mjaft delikate me familjarët tuaj.

Virgjëresha

Përpiquni të mbani veten nën kontroll këtë të hënë. Dikush mund t’ju provokojë me fjalë ose mund t’ju kritikojë ashpër në sy të të tjerëve. Megjithatë, mos i lejoni ata t’ju ulin kokën. Mos merrni vendime teksa jeni të inatosur, pasi mund të bëni gabime, për të cilat do të pendoheni shumë shpejt.

Peshorja

Mos jepni para borxh sot, pasi rrezikoni shumë që t’i humbisni ato. Përqendrohuni tek çështjet më të rëndësishme, të cilat ju kanë munduar kohët e fundit. Nëse po mendoni të ndryshoni stil, është dita e duhur për ta bërë këtë.

LEXO EDHE:  Horoskopi i Paolo Fox për ditën e fundit të muajit Gusht/ Lexojini me kujdes këshillat e astrologut

Akrepi

Qëndroni vigjilent gjatë gjithë ditës, sidomos ndaj shenjave që mund të merrni nga një miku/mikja juaj e ngushtë. Përndryshe do të humbisni diçka me shumë vlerë që mund të vendosë për karrierën tuaj ose për dashurinë e jetës suaj. Ka gjasa gjithashtu që dikush rreth jush të përpiqet t’ju manipulojë në aspektin profesional.

Shigjetari

Shmangni krahasimet mes vetes dhe të tjerëve. Njerëzit nuk janë njësoj dhe krahasime të tilla janë të dëmshme, sidomos nëse bëhen mes rrethit të ngushtë. Bëni kujdes me arrogancën dhe xhelozinë.

Bricjapi

Sigurohuni të bëni plane, të cilat do t’ju vënë në vend të parë në punë për momentin. Edhe pse një bashkëpunëtor i preferuar mund të përpiqet të marrë lëvdata për punën që ju keni bërë deri tani, kjo nuk do të ndodhë nëse ju përpiqeni fort për ato çfarë keni arritur. Sa i përket anës personale, beqarët e kësaj shenje kanë shumë gjasa të takojnë dikë gjatë ditës.

Ujori

Në punë ka gjasa t’ju ngarkojnë me shumë përgjegjësi, të cilën mund të mos ndiheni të gatshmën për ta përballuar. Do të ishte mire të komunikoni me shefat tuaj dhe të kërkoni më tepër kohë. Bëni kujdes me ushqimet, sigurohuni të jenë brenda datës së skdencës.

Peshqit

Mund të përballeni me zgjedhje, për të cilat nuk do të jeni në gjendje të ndërmerrni një vendim sot. Sigurohuni që të shihni me kujdes avantazhet dhe disavantazhet para se të investoni kohën tuaj në të. Nëse keni mundësi, këshillohuni me ata që kanë më shumë eksperiencë në marrjen e këtyre. Kjo mbrëmje do t’ju sjellë dhe një surprizë shumë të këndshme.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

“A do ti qëndrojë Basha vendimit për 18 Dhjetorin”/ Këlliçi: Ai është i luhatur, po përçan demokratët

Publikuar

-

Nga

Deputeti i PD-së Belind Këlliçi në një intervistë për CNA.al, ka folur për zhvillimet e fundit në PD në lidhje me thirrjen e Kuvendit Kombëtar, për të cilin janë hedhur dy data.

Anëtarësia e PD-së me anë të firmave kërkojnë që Kuvendi Kombëtar të organizohet me 11 Dhjetor, nga ana tjetër kryetari i PD-së, Lulzim Basha, ka nxjerrë një tjetër datë atë të 18  Dhjetorit.

I pyetur se çfarë pritet të ndodhë, ndërkohë që janë hedhur dy data për mbajtjen e Kuvendit, Këlliçi ka thënë se Basha ka qëndrime të luhatura dhe nuk dihet se si do të reagojë.

E vërtetë është se ka kureshtje mediatike për të parë a do t’i qëndrojë këtë herë vendimeve të tij Lulzim Basha apo do të kundërshtojë veten si shpesh ka ndodhur në këto 8 vite të lidershipit të tij. Unë nuk mund të parashikoj qëndrimet e Z. Basha, sepse ato shpesh janë të luhatura”, është shprehur Këlliçi, duke rikujtuar deklaratat e Bashës, kur thoshte se nuk do të hynte në zgjedhje me Ramën dhe pastaj bëri të kundërtën”, ka thënë Këlliçi.

LEXO EDHE:  Horoskopi javor/Meri paralajmëron këtë shenjë për një ndryshim të madh

LEXO EDHE:  Të gatshme të martohen për interes/ Gratë më pak të pasura sipas shenjës së horoskopit



Sipas Këlliçit, organizimet burokratike, me artifica statutore, me keqinterpretime të Statutit të PDSH, siç është “antikuvendi” i datës 18, janë tentativa për ti përçarë dhe më shumë demokratët dhe kjo nuk e nderon kryetarin aktual.

“Ka vetëm një kuvend, ai që thirret konform normave statutore, dhe ai që thirret i pari. Kapriçot e tipit “jo 11 por 18, jo 11, po sa” nuk i kanë hije autoritetit dhe staturës që duhet të ketë një kryetar partie. Kjo është lojë kungulleshkash, të cilën nuk kemi as kohën as moshën ta luajmë. Ne garuam në zgjedhjet e 25 prillit me një kalë beteje: Të bënim Lulzim Bashën kryeministër.

Rezultati i kësaj strategjie është i njohur dhe ne sërish mbetëm në opozitë. Prandaj e shoh legjitime thirrjen e delegatëve për një kuvend të jashtëzakonshëm, sepse i tillë është momenti”, është shprehur më tej Këlliçi për CNA.al.

LEXO TE PLOTE

Politikë

Vijojnë përplasjet PD-LSI/ Vasili: I dashur Oerd, kryetari të ka mashtruar

Publikuar

-

Nga

Mjeku thirrje publike qeverisë/ Vasili: Mjekët të zbatojnë betimin e Hipokratit, mos dëgjojnë Hipokratin

Deputeti i LSI, Petrit Vasili i ka adresuar një status homologut të PD, Oerd Bylykbashi, ku i kërkon të hapë sytë, pasi kreu i partisë së tij, Basha e ka gënjyer.

Vasili shprehet se heqja e koalicioneve në 17 Maj, u bë në mënyrë që të dilte në koalicion me PDIU dhe partitë e tjera, për të krijuar kështu një pol politik që do t’i jepte mundësi Bashës të bëhej kryeministër pas zgjedhjeve.

“Edhe Oerdin e paska genjyer! I dashur Oerd Kryetari te ka mashtruar. 



Ate nate te 17 majit Luli i hoqi Koalicionet me Ramen jo sepse LSI  mund te shkonte me PS,  pasi LSI e kishte garantuar hapur, qe kurre nuk do hynte me PS ne Koalicion megjithe kerkesat e panumerta te Rames, por do dilte ne nje koalicion me PDIU dhe Parti te tjera me vete, per te krijuar nje Pol politik me vete, qe mund ti jepte mundesine Kryetarit tuaj te behej KM pas zgjedhjeve

Por Luli ne sherbim te Rames e beri heqjen e Koalicioneve, vetem e vetem per te pamundesuar kete gje, por edhe per ti vene para faktit Aleatet e tij, qe ata te hynin ne rresht e te mos kishin alternativa te tjera.Pikerisht ata aleate, qe i kishin qendruar besnike. Beseprerje e zakonshme!!

Po si mund te shpetoje ti i dashur Oerd pa u genjyer prej tij, e kunderta do te ishte nje mrekulli!!”, shkruan Vasili në rrjetin social Facebook./CNA.al

LEXO TE PLOTE

Aktualitet

Reshjet e denduara të shiut/ ARRSH apel qytetarëve, ja segmentet rrugore problematike

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Autoriteti Rrugor Shqiptar ka bërë me dije se akset e rrethit Tropojë, dhe në segmentin Elbasan-Rrogozhinë dhe Elbasan-Librazhd, për shkak të reshjeve të denduar të shiut ka patur rënie gurësh apo inertesh.

Grupet e patrullimit kanë pastruar akset rrugore dhe janë në terren të gatshëm për të menaxhuar çdo lloj situate.

Ndërkohë, Autoriteti Rrugor Shqiptar, iu bën apel drejtuesve të automjeteve dhe qytetarëve të bëjnë kujdes në lëvizje dhe të respektojnë sinjalistikën rrugore.

LEXO EDHE:  Miq për kokë/ Këto janë shenjat më besnike të zodiakut

LEXO EDHE:  Miq për kokë/ Këto janë shenjat më besnike të zodiakut



Vazhdojnë reshjet e shiut në vend duke sjellë edhe rënie gurësh ose inertesh në disa zona, si në akset e rrethit Tropojë, në segmentin Elbasan-Rrogozhinë, Elbasan-Librazhd.

Grupet e patrullimi kanë bërë pastrimin e akseve në kohë dhe janë në terren, gati për çdo situatë

Përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë”, thuhet në njoftim./ CNA.al

LEXO TE PLOTE