Connect with Us

Krizë qeveritare në Itali/ Salvini dhe Di Maio përgënjeshtrojnë lajmin

Krizë qeveritare në Itali/ Salvini dhe Di Maio përgënjeshtrojnë lajmin

Publikuar

-

Të dy zëvendëskryeministrat populist italianë, Di Maio dhe Salvini hedhin poshtë pretendimet se koalicioni i tyre është duke u rrëzuar.

Të dy zëvendëskryeministrat populist italianë hedhin poshtë pretendimet se koalicioni i tyre është duke u rrëzuar. Luigi di Maio, bëri megjithatë thirrje për të biseduar, për të folur për mosmarrëveshjet e që ekzistojnë.

Zëvendëskryeministri italian Luigi di Maio, hodhi poshtë të premten (19.07) fjalët se qeveria është në rrezik që të përmbyset pas muajve të tensionueshme brenda koalicionit në pushtet. “Unë nuk pranoj të ketë ndonjë krizë; kjo është vetëm dinamika e një qeverie me dy parti të ndryshme,” tha Di Maio për televizionin Rai. Ai shtoi se “ekziston nevoja për të bërë sqarime”.

Një ditë më parë, zëvendëskryeministri tjetër, Matteo Salvini, nxiti fjalët për shpërbërjen e qeverisë pasi kërkoi të takohej me presidentin Sergio Mattarella, i cili merret me pranimin e dorëheqjeve dhe emërimin e kryministrit.

Koalicioni midis populistit Di Maio të lëvizjes Pesë Yjet me prirje të majta dhe Legës nacionaliste të djathtë të Salvinit, ka qenë i lëkundshëm që kur morri pushtetin në qershor 2018. Që nga ajo kohë, Di Maio i cili është ministër Finance dhe Salvini, që është ministër i Brendshëm kanë qenë shumë më tepër prezentë në skenën politike se kryeministri Giuseppe Conte, një fillestar në politikë, i cili u vu në post pas një kompromisi të arritur midis partive.

Mbas zgjedhjeve të BE në muajin maj, Liga e Salvinit ka marrë më shumë mbështetje se Lëvizja Pesë Yjet dhe Salvini vetë pozicionohet në publik sikur të jetë udhëheqësi de facto i vendit.

Liga dhe Levizja Pesë Yjet kanë diferenca në disa nga çështjet më politike si për krizën në Venezuelë. taksat, imigracionin dhe linjën hekurudhore të shpejtësisë së lartë të planifikuar të ndërtohet midis Torinos dhe qytetit francez të Lionit.

Këto diferenca arritën kulmin javën e kaluar, kur Di Maio mbështeti politikanen gjermane Ursula von der Leyen të zgjidhej presidente e Komisionit të BE, kurse Savini i bëri thirrje partisë së tij që të refuzonte kandidimin e saj.

‘Qeveria nuk do rrëzohet nesër’

Italia ka pasur 61 qeveri të ndryshme që nga fundi i Luftës së Dytë Botërore, dhe kjo e bën mundësinë e rrëzimit të qeverisë të shihet nga publiku si rrezik real. Në përpjekje për të zbutur shqetësimet, Di Maio i tha Rait ditën e premte se detyra e qeverisë është “të sjellë zgjidhje për qytetarët dhe jo të krijojë probleme”.

Në fund ai tha se është duke kërkuar të takohet me Salvinin, “për të sqaruar si do shkohet më tej,” dhe jo “që t’i japë ndonjë ultimatum.”

Salvini po ashtu i pati qetësuar zërat për krizën ditën e enjte në mbrëmje, kur shkruajti në twitter “qeveria nuk do shpërbëhet nesër”./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

SHBA, miliarda për pilulën kundër COVID-it dhe viruseve të tjera

Publikuar

-

Nga

SHBA, miliarda për pilulën kundër COVID-it dhe viruseve të tjera

Shtetet e Bashkuara po investojnë 3.2 miliardë dollarë për zhvillimin e pilulave antivirale për COVID-19-ën dhe viruset e tjera që mund të shkaktojnë pandemi të reja.

Eksperti i lartë amerikan i sëmundjeve infektive, Dr. Anthony Fauci, e bëri njoftimin të enjten në një konferencë shtypi në Shtëpinë e Bardhë si pjesë e një iniciative të re të quajtur Programi Antiviral për Pandemitë.

Programi do të mbështesë punën kërkimore për zhvillimin e barnave të reja për të trajtuar simptomat e shkaktuara nga koronavirusi dhe viruse të tjera potencialisht të rrezikshme.

Tabletat për COVID-19-ën janë tashmë në fazën e zhvillimit dhe mund të fillojnë të jenë në dispozicion nga fundi i vitit 2021 nëse provat klinike janë të suksesshme.

Financimi do të përshpejtojë provat dhe do të forcojë mbështetjen për kërkimin, zhvillimin dhe prodhimin e sektorit privat.

Shtetet e Bashkuara më parë aprovuan ilaçin antiviral remdesivir si një kurë për COVID-19-ën. SHBA gjithashtu kanë autorizuar për përdorim urgjent tre kombinime të antitrupave që ndihmojnë në luftimin e virusit. Por ilaçet mund të merren vetëm nga pacientë të shtruar në spital apo në klinikë mjekësore, një problem logjistik që ka rezultuar në një kërkesë të dobët.

Kompanitë farmaceutike AstraZeneca, Pfizer dhe Roche kanë filluar testimin e ilaçeve antivirale në formë pilule./ VOA

LEXO TE PLOTE

Sport

Rregullorja e Euro 2020/ Ja çfarë ndodh nëse ka barazim pikësh në fazën e grupeve

Publikuar

-

Nga

Nëse dy apo më shumë skuadra në të njëjtin grup renditen me pikë të barabarta pas ndeshjes së tretë, këto janë kriteret që e përcaktojnë renditjen e tyre përfundimtare:

a. numri i pikëve të fituara në ndeshjet direkte mes skuadrave në fjalë.

b. golavarazhi më i mirë nga ndeshjet direkte mes skuadrave në fjalë.

c. numri më i madh i golave të shënuar në ndeshjet direkte mes skuadrave në fjalë.

d. nëse pasi janë aplikuar kriteret nga a) në c) dhe skuadrat janë të renditura në barazim, atëherë kriteret nga a) në c) riaplikohen edhe një herë për ndeshjet mes skuadrave të mbetura të grupit për të përcaktuar renditjen e tyre përfundimtare. Nëse as kjo procedurë nuk i jep zgjidhje situatës, atëherë aplikohen kriteret nga e) deri në i) për t’i dhënë zgjidhje renditjes së dy apo më shumë skuadrave ende në barazim.

e. golavarazhi në të gjitha ndeshjet e grupit.

f. numri më i madh i golave të shënuar në të gjitha ndeshjet e grupit.

g. numri më i madh i fitoreve në të gjitha ndeshjet e grupit.

h. pikët më të pakta disiplinore bazuar vetëm te kartonët e verdhë dhe të kuq, të marra në të gjitha ndeshjet e grupit (kartoni i kuq = 3 pikë, kartoni i verdhë = 1 pikë, kartoni i kuq pas dy të verdhave në një ndeshje = 3 pikë).

i. renditja e përgjithshme në kualifikueset e Europianit. Nëse dy skuadra kanë të njëjtin numër pikësh dhe të njëjtin numër golash të shënuar dhe pësuar, e luajnë ndeshjen e tyre të fundit në grup përballë njëra-tjetrës dhe janë sërish në barazim total në fund të ndeshjes, atëherë renditjet e tyre përfundimtare do të përcaktohen nga goditjet e 11-metërshave, me kusht që asnjë skuadër tjetër brenda grupit të mos ketë të njëjtin numër pikësh, pasi të kenë përfunduar të gjitha ndeshjet e grupit.

LEXO TE PLOTE

Kosova & Rajoni

Parlamenti i Malit të Zi, shkarkon ministrin që mohoi gjenocidin në Srebrenicë

Publikuar

-

Nga

Parlamenti i Malit të Zi, shkarkon ministrin që mohoi gjenocidin në Srebrenicë

Parlamenti i Malit të Zi, të enjten mbrëma shkarkoi ministrin e Drejtësisë dhe të Drejtave të Njeriut dhe Pakicave, Vladimir Leposaviç, për shkak të qëndrimit të tij mohues ndaj gjenocidit në Srebrenicë.

Shkarkimi i tij u bë me propozimin e kryeministrit malazez, Zdravko Krivokapiç. Për shkarkimin e tij votuan 43 nga 81 deputetet e parlamentit malazez, ndërsa 27 ishin kundër. Propozimi u mbështet edhe nga Partia Demokratike Socialiste e presidentit Milo Gjukanoviç, që është në opozitë.

Kryeministri Zdravko Krivokapiç, propozoi shkarkimin e ministrit Leposaviç, pasi që në një seancë parlamentare më 26 mars të këtij viti, ai tha se është i gatshëm të pranojë se në Srebrenicë ka ndodhur gjenocid “kur një gjë e tillë të vërtetohet përtej çdo dyshimi”.

Deklarata e tij shkaktoi reagime të ashpra në opinionin vendas e ndërkombëtar. Kritikët thanë se ministri Leposaviç sfidoi edhe legjitimitetin e Gjykatës së Hagës për krime lufte në ish-Jugosllavi, që ka konstatuar se në Srebrenicë ka ndodhur gjenocid.

Kryeministri Krivokapiç tha se Vladimir Leposaviç, si ministër ka qenë i detyruar që t’i përgjigjej pyetjes parlamentare rreth Srebrenicës në frymën e politikës së qeverisë, e jo në frymën e debatit akademik.

“I kam kërkuar dorëheqjen sepse është më mirë që me një akt personal, të tregojmë përgjegjësi”, tha kryeministri Krivokapiç.

Megjithatë, ministri Leposaviç nuk pranoi të ofrojë dorëheqje, pasi u mbështet edhe nga një shumicë e deputetëve proserb pjesë e partive në pushtet. Partia pro-ruse në Mal të Zi, Fronti Demokratik, e mbështeti ministrin duke vlerësuar se “Leposaviç nuk tha asgjë që nuk është pozicioni i çdo serbi në Mal të Zi”.

Pjesëtarët e kësaj partie paralajmëruan se shkarkimi i tij mund të çojë në rënien e qeverisë malazeze ditëve në vijim.

Parlamenti malazez po ashtu miratoi një rezolutë me të cilën ndalohet mohimi i gjenocidit ne Srebrenicë. Në mbështetje të rezolutës votuan 55 deputetë, 19 ishin kundër dhe 7 veta abstenuan.

Në korrik të vitit 1995, forcat e serbëve të Bosnjës pushtuan Srebrenicën, një qytetit që ishte shpallur zonë e sigurt nga Kombet e Bashkuara. Më shumë se 8 mijë burra e djem boshnjakë u ekzekutuan dhe trupat e tyre u hodhën në varreza masive në zonë. Ajo ishte ngjarja më e rëndë në Evropë pas Luftës së Dytë Botërore dhe u shpall si gjenocid nga gjykatat e Kombeve të Bashkuara./ VOA

LEXO TE PLOTE