Connect with Us

Krimet në ish-Bllok/ Deputeti demokrat zbardh anën e errët

Krimet në ish-Bllok/ Deputeti demokrat zbardh anën e errët

Publikuar

-

Ish-deputeti i Partisë Demokratike, Tritan Shehu, në një shkrim për kohën e diktaturës ka komentuar rreth ish-Bllokut dhe krimeve që kanë ndodhur aty.

Shehu thekson se nuk duhet të fokusohemi në faktin se “bllokmenët” i hanin kokën njëri-tjetrit se kjo ul peshën e krimeve mbi diktatorin Enver Hoxha.

Ndër të tjera, Shehu shkruan se Blloku dhe diktatori Hoxha janë e njëjta gjë pasi koncepti i Bllokut ishte krijuar prej tij dhe në funksion të tij.

Postimi i plotë i Tritan Shehu

Blloku ishte Paranojaku.
Mos kerkoni ta clironi edhe sado pak ate nga krimet e perbindeshme.
Lexoj komente apo interpretime sikur ne Bllok bllokmenet i “hanin koken” njeri-tjetrit, luftonin me njeri-tjetrin, dikush i krahason me “pulat e uritura” ne lufte midis tyre, dikush me beteja “epike” te egra njeri me tjetrin, etj!!
Une, qe nuk kam qene as per nje minute te vetme ne ate Bllok apo strukturat e tij, mund tu them se autoret keshtu po tentojne te ulin peshen e krimeve monstruoze qe rendojne mbi Diktatorin.
Blloku ekzistonte vetem reth Diktatorit, ai e kishte ndertuar ate mekanizem kriminal, i perkiste vetem atij e ishte vetem ne sherbim te tij e te familjes se tij.
Te tjeret ishin thjesht instrumenta apo figurante, qe edhe vendimin per te jetuar apo jo per ata e merrte vetem Paranojaku, ne baze te maktheve qe ai kalonte.
Asgje tjeter, Blloku nuk ekzistonte jashte tij, ishte prone e tij, te gjithe aty ishin “prone” e atij.
Dhe ata te gjithe, si “gomere te tredhur”, vetem prisnin radhen duke u lutur qe me pare “vendimit” per ta, te soste “kandili” i Paranojakut, por nderkaq i sherbenin me devotshmeri e ”patos” atij, ne shtimin e pirgjeve te kufomave.
Dhe kjo reflektohej me tej mbi nje popull te tere, mbi gjthecka tragjike ndodhi ne vendin tone./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Përfundon mbledhja e kryesisë së PS/ Balla: Do të ketë ristrukturim total të partisë

Publikuar

-

Nga

Përfundon mbledhja e Kryesisë së Partisë Socialiste e cila u mblodh mëngjesin e kësaj të hëne.

Mësohet se gjatë mbledhjes janë diskutuar disa çështje të organizimit të brendshëm.
Kreu i grupit parlamentar të PS, Taulant Balla bën me dije se do të ketë një ristrukturim total të partisë.

“Po bëjmë disa rregullime ne statutin e partisë. Do të ketë përfaqësim të barabarët gjinor në PS. Në kongres do miratojmë axhendën e PS. Shumë shpejt do te kemi drejtues të PS në Shkodër”, tha Balla.

Gjithashtu kryesia e PS ka diskutuar edhe çështje që kanë të bëjnë me reformat në vend, përfshirë reformën zgjedhore.
Mbledhja e sotme vjen 20 ditë nga mbajtja e Kongresit të PS ku do të zgjidhen anëtarët e tij.

LEXO TE PLOTE

Politikë

Ambasadorja e SHBA publikon videon/ Shpalos tre prioritetet kryesore për Shqipërinë

Publikuar

-

Nga

Ambasadorja e SHBA, Yuri Kim ka publikuar një video prezantuese teksa shprehet se ka tre prioritete për Shqipërinë gjatë detyrës si kryediplomate amerikane në vendin tonë.

“Së pari do punoj për të thelluar marrëdhëniet në fushën e mbrojtje.
Së dyti do vijoj të nxis zhvillimin demokratik të Shqipërisë për anëtarësimin në Bashkimin Europian. Aspiratat europiane të Shqipërisë dhe reformat që ato kërkojnë, do të sjellin më shumë begati dhe qendrueshmëri për ju dhe rajonin. Së treti do punoj për të nxitur eksportet dhe investimet eSHBA në Shqipëri në mënyrë që të krijojmë më shumë vende pune dhe mundësi për amerikanët dhe shqiptarët”, shprehet ambasadorja.

“Ashtu si Shtetet e Bashkuara kanë mbështetur Shqipërinë gjatë viteve, Shqipëria ka qenë një mike dhe aleate besnike e Shteteve të Bashkuara.’ Njihuni me Ambasadoren e re të Shteteve të Bashkuara në Shqipëri, Yuri Kim”, thuhet në njoftimin e ambasadës, shoqëruar me video-mesazhin e Kim.

LEXO TE PLOTE

Opinione

“Përgëzime, Alketa! U ndeshe me një lukuni bashkëpatriote që priste të dështoje”

Publikuar

-

Nga

Nga Pëllum Kulla

-Unë ndjeva një kënaqësi të madhe aty dy netë më parë, kur ti kurrorëzove një ambicje të bukur dhe e bëre atë më së miri.
Sinqerisht gëzoj tok me ty, moj vajzë, që dole në atë arenë dhe u ndeshe me frikën dhe përgjegjësinë tënde, u ndeshe me konkurentet e tua, shpërbleve ata që guxuan ndofta pa shumë besim të të hapnin portën e madhe të ëndrrës tënde të florinjtë.

Ti u ndeshe me keqdashës italjanë, por sidomos me një lukuni bashkëpatriote, që priste me frymën pezull të dështoje e deshën megjithë shpirt që ti “të thyeje qafën” në majën alpine, ku pate kullotur ëndrrat e tua.
Nuk kish gjë më të bukur se ajo sfida dhe triumfi yt!
Mos u mërzit për zhurmën, sharjet, vërejtjet e talljet, që bëjmë ne që nuk ta duam suksesin. Ne jemi të pazotët të shquhemi, ne nuk kemi forcë, durim, vullnet këmbëngulje.

Ne, të pazotët, do të jemi shumë të lumtur, që askush të mos i ketë ato. Ne jemi më të qetë kur nuk shohim fitoret e atyre që njohim e që kemi hedhur shtat njëkohshëm. Mos, moj Alketa, mos! Mos, moj vajzë, se me atë që bëre, na e vure hapur në dukje që ne nuk jemi të zotë për ndërmarrje të tilla drithëruese.

Alketa Vejsiu, të përgëzoj për atë shpalosje mbresëlënëse të ndjenjave të tua, në atë gjuhë të bukur të folur shkëlqyeshëm, lirshëm, si një gurgullimë e ëmbël për veshët e italianëve që të vlerësuan. Them se e njoh italishten aq sa ta fuqizoj përgëzimin. Ndonjë gabimth i rrallë, shumë i rrallë, ishte paradoksalisht aleat i yt, për të dëshmuar se ti nuk ishe italiane, por e zotëroje gjuhën e tyre më mirë se miliona italianë! Ishte një dëshmi e bukur se sa shumë ke punuar për të përvetësuar atë shqiptim e atë rrjedhë që të kënaqte veshin.

Unë jam një njeri i moshuar dhe shumë e shumë vite më parë se ty, kam ecur nëpër ata shtigje, nëpër ato ëndrra dhe tek ty shihja veten, por këtë herë të trupëzuar në një bukuroshe rrëzëlluese, që përballte një audiencë me shije të holla. M’u duk se triumfoja tok me ty, unë, që nuk i a ndaja dikur veshin asaj radios së vjetër për “tutto il calcio minuto per minuto”, për Varietá-të e Canzonissimat e panumërta, për të ndjekur Mike Bongiornon, Alighiero Noschesen e Gigi Proiettin. Më shpluhurose kujtimet mbi leximet e mia të De Amicisit, Pirandellos, e më pas të Buzzatit…

Të tëra i gjeje në monologun tënd virtuoz. I tëri i besueshëm homazhi yt. Bëre shumë mirë që rikujtove suksesin e Ermal Metës. Por unë e quaj edhe më të sukseshëm e më të vështirë “alpinizmin” tënd artistik, që ishte më i vetmuar, më i pa mbështetur në atë aventurë brilante të shfaqjes së bukurive të tua.

Është një trishtim i madh, kur ve re që triumfin tënd e sulmuan shumë komente negative. E veçanta e tyre është zhurmërima.
Por janë mijëra herë më të shumtë ata, të heshturit, që kanë gëzuar tok me ty.
Përgëzime, Alketa, e mbarësi paç në këtë rrugë të ndritur ku po ecën me siguri të plotë!

LEXO TE PLOTE