Connect with Us

Anti-informaliteti/ Tatimet bllokojnë dy biznese në Vlorë

Anti-informaliteti/ Tatimet bllokojnë dy biznese në Vlorë

Publikuar

-

Ministrja e Financave dhe Ekonomisë Anila Denaj në kuadër të zbatimit të planit operacional në luftën kundër informalitetit inspektoi sot disa subjekte në zonën e Lungomares. Ajo u shpreh se nga inspektimi që është bërë në 19 subjekte dy janë kapur me shkelje dhe janë bllokuar, pasi nuk kanë qenë të regjistruara në Qendrën Kombëtare të Biznesit. Gjithashtu është penalizuar një subjekt për moslëshim kuponi, i cili u gjobit në  masën 50,000 lekë, sipas legjislacionit në fuqi.

Gjatë fjalës së saj, ministrja Denaj tha se do të vijohet puna për evidentimin e subjekteve që nuk përmbushin detyrimet ligjore dhe tatimore, shkruan Shqiptarja.com.

“Kemi inspektuar gjithë zonën e bregdetit deri në Orikum dhe do të vazhdojmë me verifikimet. Shpresoj që të kemi rritur ndërgjegjësimin e bizneseve dhe për këtë flasin edhe shifrat. Sikundër e kemi nënvizuar gjithmonë qëllimi ynë nuk është vetëm kryerja e verifikimeve në terren, por edhe ndërgjegjësimi. Përgjegjësia e biznesit është përgjegjësia e kërkuar për të respektuar ligjin dhe për të qenë në mbrojtje të konsumatorit”, tha ministrja Denaj.

Ministrja e Financave dhe Ekonomisë kërkoi nga strukturat e Hetimit Tatimor që të vijohet me inspektime më të shpeshta, në të gjithë bregdetin jugor,  duke filluar nga Divjaka deri në Ksamil, kryesisht natën në oraret ku aktiviteti ekonomik është më i lartë dhe ka më shumë mundësi që të konstatohen parregullsi ligjore.

“Unë mendoj se kemi akoma shumë punë për të bërë, për të inspektuar të gjithë zonën deri në fund. Shpresojmë që të kemi zero gjetje, zero kupona në shkelje të ligjit dhe mbi të gjitha të kemi regjistrime të plota. Kërkoj që të ketë inspektime edhe natën, pasi ka më tepër klientelë dhe ka propabilitet më të lartë për shkelje të ligjit”, tha ministrja.

Zbatimi i Planit Operacional do të vijojë të shtrihet në të gjithë territorin për të bërë të mundur evidentimin e subjekteve që nuk respektojnë ligjin, rritjen e të ardhurave, si dhe respektimin e konkurrencës së ndershme.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Koronavirusi/ “Maskat kirurgjikale nuk ju mbrojnë”

Publikuar

-

Nga

Në studion e emisionit “Opinion” po diskutohet situata nga koronavirusi, ku mjekët specialist, Pëllumb Pipero dhe Arian Harxhi kanë shpjeguar dhe përdorimin e maskave dhe sa na mbrojnë ato.

Sipas mjekut infeksionist, Pëllumb Pipero, maskat kirurgjikale janë të mira për të mos transmetuar spërklat por nuk na mbrojnë nga koronavirusi.

“Personalisht do këshilloja që masakat janë shumë të mira për të mos transmetuar spërklat, por nuk të mbrojnë”, tha Dr. Pipero duke këshilluar që personat që frekuentojnë spitalet apo ambientet e mbipopulluara është mirë ta përdorin maskën. Kjo për të mbrojtur personat që ndodhen në këto ambiente.

Ndërkohë mjekët kanë shpejguar që një efekt më të mirë mbrojtës në këtë situatë, kanë maskat me filtra karboni, te cilat konsiderohen si profesionale. Por mjekët theksuan, se efekti i këtyre maskave është vetëm 6 orë dhe më pas ato duhen ndryshuar./CNA.al

LEXO TE PLOTE

Sociale

Ndryshon moti/ Rikthehen reshjet e shiut në vend

Publikuar

-

Nga

Duke nisur nga nesër, i gjithë territori i vendit do të përfshihet nga reshje intensive shiu.

Sipas Metoalb mesdita do të sjellë shtim të vransirave, ndërsa në mbrëmje do të nisin edhe reshjet.

Temperaturat e ajrit do të ulen në mëngjes dhe në mesditë duke luhatur vlerat nga 1°C deri në 18°C.

Era do fryjë e forte në det me shpejtësi 55 km/h nga drejtimi Jugor -Jugperëndimor duke krijuar  dallgëzimi 6 ballë./CNA.al

 

LEXO TE PLOTE

Sociale

“Ika me anije dhe dokumenta false”/ Skënder Brataj tregon si u punësua në Itali

Publikuar

-

Nga

Drejtori i Urgjencës Kombëtare Skënder Brataj ka treguar mbrëmjen e sotme se si ka ikur në Itali për specializim pas viteve 1990.

Brataj deklaroi se fillimisht ka shkuar në Itali me anije dhe me dokumenta false dhe ka punuar çdo lloj pune.

“Kam ikur me anije, me dokumente false. Kam ikur si student. I dorëzova tek fakulteti notat. Më 1993 ka ndodhur kjo. Unë kam bërë diplomën nga 1993 dhe 1996. Kam bërë dy diploma, një shqiptare dhe një italiane. Më pas mu tha se nuk punon dot në Itali, sepse nuk je shtetas italian. Kam bërë çdo lloj pune për të jetuar dhe më 1996 erdha e u ktheva”, tha ai në emisonin “Real Story”, ndërsa rrëfeu se një vendim i qeverisë italiane bëri që ai të fillojë punë në shtetin fqinj.

“Qeveria italiane mori vendim që kushdo që ka diploma italiane mund të punojë, unë bëra kërkesë për në urgjencë dhe u futa në urgjencë. Ky nuk është thjesht një fenomen shqiptar. Unë iu them të rinjve që të investojnë në profesion. Ne kemi investuar në profesion. Kam punuar mbi 20 vjet në Itali dhe shteti italian të jep një punë me të ardhura, që sjellin mirëqenie. Ne kemi një këmbë këtej, një andej”, deklaroi mjeku./ CNA.al

LEXO TE PLOTE